Kuvendi i Kosovës 2011

[Dar_di]

Kuvendi miratoi Rezolutën në mbrojtje të sovranitetit

Kuvendi i Kosovës të enjten në seancën e jashtëzakonshme lidhur me gjendjen në veri miratoi Rezolutën me 89 vota për, 9 kundër, përmes së cilës i jepet plotësisht mbështetje Qeverisë së Kosovës për vënien e rendit dhe ligjit në tërë territorin e Kosovës, ndërkohë që i bëhet thirrje bashkësisë ndërkombëtare që ta ndihmojë Kosovën në këtë proces.

Rezoluta e miratuar në Kuvendin e Kosovës e mbështetë të drejtën kushtetuese të
institucioneve për ushtrimin e kontrollit të plotë në territorin e Kosovës dhe kërkon që të respektohen masat e reciprocitetit me Serbinë të gjitha pikat doganore.

Kuvendi përmes kësaj Rezolute fton bashkësinë ndërkombëtare për të përkrahur institucionet e vendit në vendosjen e rendit dhe ligjit në tërë territorin e Kosovës, ndërsa u bënë thirrje të gjithë qytetarëve pa asnjë dallim që ta ruajnë qetësinë, rendin kushtetues dhe sundimin e ligjit.

Po ashtu, deputetët e Kuvendit të Kosovës kërkuan nga Qeveria e Kosovës që të vazhdojnë angazhimin për vendosjen e autoritetit kushtetues në pikën 1 dhe 31, si dhe ndërmarrjen e veprimeve tjera për shtrirjen dhe ushtrimin e sovranitetit në tërë territorin e vendit.

Ndryshe, rezoluta ishte e përkrahur nga të gjitha Grupet parlamentare pavarësisht se disa pika të propozuara nga Vetëvendosje nuk janë përfshirë në Rezolutë. Njëra ndër rekomandimet e Vetëvendosjes ishte që presidentja e vendit të shpallë gjendjen e jashtëzakonshme.

Pas seancës së jashtëzakonshme, Kuvendi i Kosovës do të vazhdoi edhe seancën e rregullt.

Telegrafi

[TetovaMas]

Shqipearet e Kosoves dhe gjithe shqipetaret ne Ballkane duhet ta kene te qarte se duhet te pregaditen per cdo lufte dhe cdo rrezik qe munde te ju vije shqipetareve ne pergjithesi.

Shteti shqipetare ne bashkepunim me gjithe shqipetaret ne ballkane dhe evrope duhet te investojne ne armatik berthamore ,per ndryshe gjithemone shqipetaret do te jene ne rrezik .I vetmi popull jemi ne evrope qe kerkojme stabilitet pa mbrotje . Stabiliteti afatgjate per ballkanin dhe evrpen do te jete atehere kurre shqipetaret do te jene te barabarte ushtarakishte me te tjeret.

Politikanet shqipetare jane shendruare ne "CJAPA BALLKANI "" dhe vetem interesohen per jeten e tyre luksoze ,duke mos llogaritur se hasmit e shqiparise ne ballkane dhe evrope .punojne nate e dite, e na kolonizojne ose te na zhdukin nga faqja e dheut .

Kjo strategji qe shqipetaret te jene me te sigurte ne vendet e tyre ,arrihet vetem ne bashkepunim me ameriken dhe Turqine .

[Dar_di]

Gjini më aktivi, Syla deputeti më pasiv



Instituti Demokratik i Kosovës (KDI), ka bërë prezantimin e fletënotimit për periudhën shkurt-qershor 2011, duke u bazuar në monitorimin e drejtpërdrejtë të punës së Kuvendit në seancat plenare, komisionet e Kuvendit si dhe materialet e publikuara nga Kuvendi i Kosovës.

Në këtë fletënotim janë nxjerr vlerësimet për punën individuale të secilit deputet duke u bazuar në disa shtylla, dhe po ashtu janë vlerësuar edhe grupet parlamentare për angazhimin e tyre.

Sipas këtij notimi deputetët më aktivë janë: 1. Ardian Gjini, 2. Visar Ymeri, 3. Zenun Pajaziti, 4. Armend Zemaj dhe 5. Sabri Hamiti.

Ndërsa deputetët të cilët janë vlerësuar me performacë të dobët janë: 1. Azem Syla, 2. Ukë Rugova, 3. Etem Arifi, 4. Boban Todorovic dhe 5. Sasha Djokic.

Ndërkohë, sa i përket Grupeve Parlamentare, GP i PDK-së prin me 25.7 %, LDK 25.1 %, VV 20.8 %, AAK 15.1 %, KKR 7.5%, SLS 2.9 %, 6+ 2.8 %, deputetët pa grup parlamentar 0.1 %. /Zëri/

Notimet për pesë deputetët më aktivë

1. Ardin Gjini 4.27 %

2. Visar Ymeri 3.81 %

3. Zenun Pajaziti 2.88 %

4. Armend Zemaj 2.82 %

5. Sabri Hamiti 2.79 %

Notimet për pesë deputetët më pasivë

1. Azem Syla -0.11%

2. Ukë Rugova 0.00%

3. Etem Arifi -0.03%

4. Boban Todorovic -0.03%

5. Sasha Djokic 0.00%

ZËRI