Ta njohësh All-llahun

[ramazan_it]

Ky është Allahu - Krijuesi yt !



Shumë e çuditshme është çështja!

• Ta njohësh Krijuesin tënd, e të mos ushqesh Dashuri ndaj Tij.
• Ta dëgjosh Thirrjen e Tij, e të mos ju pergjigjesh.
• Ta dish Vlerën dhe Rëndësin të bërit Tregti me Të, e të vraposh në Tregti me tjetër kënd!

• Ta njohësh se sa i dhimbshëm është Dënimi i Tij, dhe përsëri e kundrshton,
• Ta njohësh idhtësin e të bërit Mëkat ndaj Tij dhe nuk e shijon Ëmbëlsiren e Nënshtrimit ndaj Tij.

• Ta ndjesh Shtrngimin dhe Ngushtimin e Zemrës tënde kur nuk i degjon Fjalet e Tij, e më pas nuk ke Lakmi që ta shijosh Zgjerimin e Gjoksit dhe Qëtesin duke e Madhëruar Atë.

• Ta shijosh idhtësin e Lidhjes shpirtërore me dikënd tjetër, e mandej nuk ik nga kjo idhtësi duke iu dorëzuar vetëm Atij.



E më e çuditshmja e tërë kësaj është:

• Të dish se ti ke nevojë për Atë dhe prap vrapon mbas asaj që të largon nga Ai.

Ktheju All-llahut të Madhëruar dhe le të jetë Ai syri me të cilin sheh, Veshi me të cilin dëgjon, të jetë në Zemrën tënde dhe në Gjuhën tënde. Dhe mos lejo asnjëher që të largohesh nga Ai. Atë të cilin Allahu e udhëzon, ai sheh, dëgjon dhe merr me Duar të veta me ndihmën e Krijuesit të vetë. Ndërsa ai që është në Humbje vepron sipas Mendjes dhe Epshit të tij i cili e drejton në Lajthitje.

All-llahu është Mëshirues, i cili fal Mëkatarët, udhëzon të Humburit, ushqen të Uriturin, furnizon të Varfërin, e mëson të Paditurin, e strehon Udhëtarin në Rrugën e Tij....!


E kur dënon, Dënimi i Tij është i dhimbshëm dhe arrin atëher kur Robi i Tij tregon Kryelartësi ndaj Tij. Ai nuk dënon përpara se t’i bëj thirrje Robit të Vet për Pendim dhe t’i kthehet Atij.

Me të vërtet Allahu nuk ka nevojë për ne, por ne kemi nevojë për Mëshiren e Tij.




BËHU SI TË DUASH





IMAM IBN KAJJIMI ALL-LLAHU E MËSHIROFTË THOTË:




1. All-llahu është Bujar dhe e do Bujarin prej robërve të Vet.

2. Ai është i Gjithëdijshëm dhe i do të Diturit.

3. Ai është i Plotfuqishëm dhe i do Guximtarët.

4. Ai është i Bukur dhe e do të Bukurën.

5. Ai është i Mëshirshëm dhe i do të Mëshirshmit dhe i mëshiron nga robërit e Vet të mëshirshmit.

6. Ai është Mbulues i të metave dhe i do ata që ua mbulojnë të metat të tjerëve.

7. Ai i fal mëkatet dhe i do ata që ua falin të tjerëve.

8. Ai është i Butë dhe e do të butin prej robërve të Vet dhe e urren fjalën e vrazhdë, të ngurtë, moralin e keq e zërin e ngritur. Ai është i Butë dhe e do butësinë.

9. Ai është i Mirë dhe e do Mirësinë dhe të Mirët. Ai është i Drejt dhe e do Drejtësinë.

10. Ai është Pranues i arsyeve dhe i do ata që i pranojnë arsyet nga tjerët.

11. All-llahu e shpërblen robin e Vet sipas këtyre cilësive, në bazë të asaj se sa është i pajisur robi me to.

12. Pra, kush nuk merr masa ndaj të tjerëve, All-llahu nuk merr ndaj tij.

13. Kush ua fal të tjerëve, All-llahu ia fal atij.

14. Kush ia pranon dikujt ndjesën, All-llahu ia pranon atij.

15. Kush sillet butësisht me të tjerët, All-llahu sillet butësisht me të.

16. Kush i mëshiron të tjerët, All-llahu e mëshiron atë.

17. Kush u bën mirë të tjerëve, All-llahu i bën mirë atij.

18. Kush u jep të tjerëve ( prej pasurisë së tij ), All-llahu i jep atij.

19. Kush u sjell dobi të tjerëve, All-llahu i sjell dobi atij.

20. Kush ua mbulon të metat të tjerëve, All-llahu ia mbulon atij.

21. Kush nuk ua vë veshin të tjerëve ( dhe ua fal ), All-llahu ia fal atij.

22. Kush i ndjek të metat e të tjerëve, All-llahu i ndjek të metat e tij.

23. Kush i largon të tjerët nga rruga e All-llahut, All-llahu e largon atë nga rruga e tij.

24. Kush ia ndalon të mirat të tjerëve, All-llahu ia ndalon atij.

25. Kush përgatit kurth për dikë, All-llahu e fut atë në kurth.

26. Kush i tradhton të tjerët, tek All-llahu ai do të tradhtohet.

27. Kush i trajton të tjerët me një cilësi, All-llahu do ta trajtojë atë me të njëjtën cilësi në këtë botë dhe në botën tjetër.


*** Pra, All-llahu është për robin e Vet ashtu siç është robi për të tjerët.
Ashtu siç e trajton ti dikënd, ashtu do të trajtohesh prej All-llahut.

Bëhu si të duash... se All-llahu është për Ty ashtu siç je ti për All-llahun dhe për Robërit e Tij" ***

Nga: Ibn Kajjim El-Xhevzije ( All-llahu e dashtë dhe e mëshiroftë ) !

O All-llah, ne jemi të dobët, kurse Ti je i Fuqishëm, Ti të lutemi që të na përforcosh në rrugën Tënde të drejtë dhe na e shto dijen të hajrit.

Esselamun alejkum.