Mirësevini në kuzhinën time

[Fiori]

Nga te gjitha punet shtepiake, gatimi eshte e vetmja gje qe me pelqen. E bej me deshire dhe madje si aktivitet me c'lodh me shume se sa me lodh.

Po hap nje teme te re me disa nga recetat e ndryshme qe kam mesuar nga miqte e mi gjate viteve. Mund te kisha postuar dhe tek tema te tjera tek ky forum, por me sa kam vene re zakonisht keto tema mbledhin shume vizitore e diskutime dhe s'do kisha mundesine ti ndiqja pergjigjet per shkak te kohes se kufizuar

Receten ne vazhdim ma ka dhene nje shoqja ime amerikane e cila eshte 'chefe personale'. Ajo sugjeron perdorimin e orzo, te cilin une e zevendesova me risotto (thjesht preference personale).


Pule me Salce Limoni te pjekur dhe Caper
Perberesit:

• 3 limona te prere ne thela te holla (ajo perdor dy po une i ha shume limonet ndaj sa me shume aq me mire).
• 4 gjokse pule pa lekure dhe pa kocka (s'po e gjeja ne shqip kete)
• 3 luge gjelle me capers, pa uje (ai acidi qe kane ne kavanoz dhe limonet e bejne pak si shume te tharte, perseri une e kam qejf ashtu po jo gjithe njerzit e pelqejne)
• 1 gote me leng pule
• majdanoz i prere holle
• pak miell
• vaj ulliri
• kripe & piper
• kerpudha
• asparagus
• risotto

Fillimisht vendosen kerpudhat; asparagus dhe limonet e prere holle ne nje tave. Sperkaten me pak vaj ulliri, piper e kripe dhe vendosen ne furre per 20 min (ose derisa lekura e limoneve te filloje te skuqet). Eshte menyre e thjeshte per ti pergatitur keto perberesa dhe me sa kam pare dhe ata qe nuk para i kane qejf asparagus apo kerpudhat, i pelqejne shume kur jane gatuar ne kete menyre.

Ne nje tigan, hidhni pak vaj ulliri dhe vendosni gjokset e pules, te lyera lehte me miell, piper dhe kripe. Pasi keto te jene skuqur nga te dyja anet nga pak, shtoni lengun e pules, limonet e pjekur, capers, kerpudhat dhe majdanozin dhe lerini te marrin vale ne zjarr te ngadalte. Une gjithashtu i shtoj pak vere te bardhe, i jep arome dhe shije te mire pules.

Ne nje tigan tjeter hidhni vaj ulliri sa te lyhet siperfaqja e tiganit dhe 'kaurdisni' risotton. Mbulojeni me leng pule dhe lerini te zieje ne zjarr te ngadalte derisa ta pije gjithe lengun. Trazojeni here pas here qe te mos behet si pilaf i thate. Risotto ka shume menyra si mund te gatuhet, por kjo eshte me e thjeshta duke qene se ne kete rast eshte vetem nje perberes i pjates. Sakonisht permasat i shikoj me sy per risotton.


Receta eshte shume e lehte per tu pergatitur dhe secili mund te heqe apo shtoje perberes sipas shijes personale.


Bon Appetit

[Rina_87]

wow shume e shijshme po duket. Une po e marr kete pjaten pasi komentova e para! :P

[Fiori]

Lasagna Fiori
(them Fiori sepse eshte pershtatur nga origjinali po me ndryshimet e mia)

Receta ne vazhdim del shume e mire, por nq se jeni duke mbajtur diete apo zakonisht i shikoni kalorite, kolesterolin etj...atehere kjo nuk eshte per ju

• Per makaronat e lazanjes, zakonisht perdor gjysem pako te barilla (10 makarona).
• Kater gota gjumesht
• Gjysem gote miell
• 5 luge gjelle gjalpe
• 1kg 1/2 djathe ricotta
• Kackavall te grire
• 3 gota djathe mozzarella te grire (kete rradhe e preva ne thela te holla, thjesht per variacion).
• 1kg mish te grire
• 1 pako spinaq
• Domate ose 1 1/2 gote salce domatesh
• 3 veze
• Kripe, piper dhe vaj ulliri

Makaronat zien per 10 minuta dhe nq se nuk i kini pergatitur gjithe perberesit e tjere te lazanjes, nxirrini nga uji qe te mos pijne me shume uje.

Midis makaronave do te kete kater shtresa te ndryshme qe pergatiten me vete:
1. Skuqet gjalipi, shtohet pak nga pak mielli si dhe qumshti per salcen e bardhe. Pasi e kini trazuar kete mase per gati 10 min (qe te trashet pak), shuani zjarrin dhe hidhni salcen e domateve (kete ose mund ta pergatisni vete, ose mund te perdorni nje kavanoz me salce domate barilla. Mos harroni ta provoni per kripe dhe erreza.
2. Spinaqi pastrohet dhe 'kaurdiset' me vaj ulliri, kripe e piper.
3. Mishi i grire kaurdiset me vete, perseri duke i shtuar pak kripe e piper (kini parasysh qe cdo perberesi po i shtoni kripe, ndaj provo e beso )
4. Djathin ricotta perziheni me vezet ne nje ene me vete.

Fillimisht hidhni ne tepsi 1/3 e mases se salces se kuqe. Me pas shtroni nje shtrese makaronash. Mbi to hidhni perzjerrjen e djathit riccota e mbi te shtoni spinaqin. Shtroni perseri nje shtrese makaronash. Mbi te hidhni mishin e grire, kackavall te shkrire si dhe 1/3 e salces se kuqe. Ne fund shtroni shtresen e trete te makaronave dhe mbulojeni kete me pjesen e fundit te salces se kuqe, kackavall dhe djathin mozzarella.

Ena ku shtroni lazanjen duhet te jete pak e thelle, sepse kur piqet djathi shkrin dhe ka tendencine te rrjedhe e te lyeje gjithe soben.


Bon Appetit


p.s. rina, patjeter! Te befte mire...

[Fiori]

Byrek ne 30 min
(10 min pergatitja + 20 min pjekja)

Per te gjithe ata qe thone se byreku me pete te gatcme nuk shijon njesoj si byreku me pete te bera vete do thoja 1. kane shume kohe te lire e s'dine c'te bejne, 2. s'e kane provuar ndonjehere byrekun me pete te gatcme, 3. flasin percart nga mosha e thyer

Byrek ose lakror gatuaj rralle, gjithsesi asnjehere nuk kam hapur petet e mia... Heren e pare kur e provova kete lloj byreku, njerzve qe ja u dhashe ju thashe i kisha hapur vete petet dhe nuk ngeli njeri pa me 'levduar e lavderuar' mendo fytyrat e disave kur ju thashe qe petet nuk i kisha bere vete. Pra nq se nuk nisesh me paragjykim kur ha dicka dhe e shijon, atehere s'ka rendesi shume sa shkurt i ke rene per ta bere...

Byreku ne vazhdim eshte menyra me e thjeshte, nq se e ben me spinaq e kos, ose presh, apo domate e qepe etj, kuptohet do shtohet pak koha se duhet dhe pergatitja e ketyre perberesve.

Mua zakonisht me pelqen byreku me me shume gjelle se brume, por secili pas shijes se vet, ndaj kini parasysh kur pergatisni mbushjen nq se doni ti shtoni masat apo ti zvogeloni ato. Ne pergjithsi per njebyrek te thjeshte do ju duhen:

• 3 veze
• 5 feta djathi te bardhe te thermuara (ose djathe ricotta)
• 10 luge gjelle gjalpe te shkrire
• 1 pako me pete te gatcme
• 1kg kos
• 1/2 gote qumesht

Ne nje ene te thelle perzieni kosin, vezet, djathe te bardhe te thermuar dhe gjysem gote qumesht.

Ne ane shkrini gjalpin dhe lyeni fundin e tepsise qe te mos ngjitet (mund te perdorni dhe leng qe vjen ne kuti per keto pune, por gjalpi shijon me shume). Filloni shtroni petet. Do shtroni 2/3 e peteve poshte, ne mes mbushja dhe 1/3 e peteve siper.

Nq se petet jane disi te trasha, pasi te shtroni nje pete sperkateni me gjalpe. Ndersa nese petet jane te holla, mund te shtroni dy tre dhe me pas sperkatini.

Mund te lini nga pak pete anash qe te krijoni thembrat, nq se ju pelqejne. Piqeni per 20 min ne temp 375F


Bon Appetit

[shigjeta]

Guzhine me gjera te shijshme.
Ne pritje te recetave te tjera...dhe fotove gjithashtu

[Fiori]

Imam Bajelldi
(hoxhes i ra te fiket)

Ka shume menyra per te gatuar kete lloj recete. Besoj te gjithe fillimisht jemi mbeshtetur tek ajo cfare kemi mesuar nga mamate tona dhe me pas kemi shtuar apo kemi hequr dicka gjate viteve sipas shijes personale. Ne fund e gjithe shija e kesaj pjate varet tek pergatitja e qepes dhe patellxhaPneve.

Per menyren si e kam gatuar une me poshte do ju duhen:

• 6 patellxhana te vegjel
• 7 kokra mesatare qepe
• karrota/piperka/domate sipas deshires
• kokra piperi te zi
• piper i kuq dy luge gjelle
• nje luge kafeje piper cajun (pak djeges)
• mish i grire sipas deshires
• 5-6 fije dafine
• hudhra sipas deshires
• 5-6 luge gjelle vaj ulliri
• 1 filxhan kafeje vere e kuqe

Fillimisht pergatiten patellxhanet. Disa lloje patellxhanesh jane te hidhur ndaj pasi i lani mund t'ju duhet ti zieni per 10 min, zbrazni ujin e pare e me pas mund ti vini te ziejne per 15-20 min me pak kripe.

Qepet qerrohen dhe prihen ne kuba te vegjel. Une kam marre makine per prerjen e qepeve por zakonisht pertoj me shume te ve makinen ne pune e ta pastraoj se sa ti pres vete. Kur prisni qepe mbani prane nje ene me uje ose nje qiri te ndezur, zakonisht syte djegin me pak kur ndiqen keto menyra. Per prerje te lehte, ndaheni qepen ne dy pjese, vendoseni gjysmen te mbeshtetur nga ana e prere dhe prisni thela te holla. Mundoheni duke prere thelat ta mbani formen e qepes sic eshte, rrotullojeni nga ana tjetren dhe prisni perseri fela te holla (si rrjedhim jeni duke krijuar kubat e vegjel). Perdorni te njejten menyre per gjysmat e tjera.

Ne nje tigan qe nuk ngjit hidhni vajin e ullirit, qepet, karrotat, piperkat, hudhrat, domatet, piperin e kuq, piperin e kuq djeges dhe filloni ti kaurdisni ne zjarr mesatar.

Pasi patellxhanet te kene ziere, nxirrini nga uji qe te ftohen dhe vendosini mbi tepsine ku do te gatuani taven. Tani ketu vjen dhe personalizimi i kesaj recete per mua, sepse une kam qejf patellxhanet te ziere mire dhe pasi piqen behen shume te shijshme. Pasi te ftohen, beni nje prerje ne mes te patellxhaneve dhe nxirrni farat. Kjo pjese duke qene se ka ziere mire, mund te prihet holle dhe ti hidhet mases se qepeve qe jane duke u gatuar ne tigan.

Sa me shume te gatuhet qepa perseri aq me e shijshme behet. Ne gatim e siper mund te shtoni dhe veren. Pasi e gjithe masa eshte gatuar sipas pelqimit tuaj, hiqeni nga zjarri dhe mbushni patellxhanet qe kini vendosur ne tave. Pjesen tjetren shtroheni ne pjesen bosh te tepsise.

Persiper mund ti hidhni pak vaj ulliri dhe piper te zi sipas deshires. Vendosni fijet e dafines, hidhni nje gote me uje dhe vendoseni te piqet ne 375F per 30min.

Haet e ngrohte me buke te thekur dhe pak vere te kuqe.



Bon Appetit

p.s. shigjeta, faleminderit! E dija une qe kish nje arsye perse e vura receten me pule te paren (thjesht e kapa me vonese).

[PINK]

Kuzhina jote vika era yum yum. Po m'pelqeka.

[s0ni]

Yum taman ja gjete.
Fiori, po guzhine te shpejte te bie rasti te gatuash me shpesh? Te marrim ndonje recete ne qe e kemi kohen e kufizuar.
Byrekun pothuajse te gjithe e bejme dhe me sy mbyll po deshem, normale qe me peta te blera .

[Nete]

Shume kuzhine e mire,pershendetje...

[TikTak]

o fiore as gjyshja jeme nuk gatu i kshu gjonash. un kujtojsha se ti je goc e re

pervec pules i kto te tjerat jon per me semur robt. keshill miqsore