Politikanet a mbajne pergjegjesi per akuzat qe leshojne?

[Jackie]

Si i tha Kryeprokurores? LAVIRE BULEVARDESH

E imagjinon ta thote kte Sarkozi ,David Cameron ose Obama cfare ndodh?

[chino]

Ne date 21, pa u konfirmuar akoma emrat e personave, e jo me pastaj shkaku i vdekjes, te dyja partite dolen direkt duke akuzuar njera-tjetren per vrasjet. PD tha se jane vrare nga njerez te PS qe ishin brenda turmes, ndersa PS tha se jane vrare nga njerezit e PD me snajper nga kryeministria apo kuvendi.

Tani njera nga keta duhet te jete gabim patjeter. Po si ka mundesi qe hidhen akuza kaq te pastra dhe per ceshtje shume serioze, pa pasur asnje lloj prove. Kemi njerez dhe institucione te posacme per te bere hetime e per te zgjidhur probleme te tilla. Si mund te leshohen akuza ta pabazuara per vrasje nga kokat e partive, dhe nuk mbajne asnje pergjegjesi?

Edhe gazetat e tyre u mbushen direkt me akuza. Gazetat e majtat benin vrases dhe fajtore PD-ne, kurse te djathtat benin te kunderten. Kurse gazetat e huaja nuk caktonin faje, por thjesht jepnin fakte qe diheshin deri ne ate moment. Nuk thonin se ku eshte goditur personi, me cfare kalibri, nga cfare largesie apo lartesie, sepse nuk dihej asgje akoma.

Por gazetat shqiptare i bene direkt analizat sipas qefit, duke caktuar dhe me koordinata se ku ka qene vrasesi. Dhe shqiptaret pastaj, qe sigurisht lexojne vetem gazetat e partive perkatese, polarizohen e urrehen akoma me shume, duke ushqyer nga politikane dhe gazeta dhe vetem nxisin urrejtje me lloj lloj akuzash. E asnjeri prej tyre nuk mban pergjegjesi, thjesht hidhet nje llaf, pavaresisht se po luhet me jete njerezish.

Shume mire e ke shprehur. Me vie turp nganjehere per politiken shqiptare dhe gjerat qe degjon nga politikanet. E pyes veten sa te qeshura ia plasin vendet tjera, kur t'i degjojne keto. Cdo gje, cdo deklarate eshte e nderlidhur direkt me palen kundershtare. Po u ndertua nje ure gjigante, ura do te jete ne prapavi, do flitet me shume kunder pales qe nuk e ndertoi (opozitareve). Po u be nje gje e keqe, nuk do te jete shqetesimi per te keqen ne prioritet, por subjekt kryesor i ceshtjes do behet pala kundershtare (ajo akuzohet).

A nuk tregon kjo nje trutharesi klasike? Ne mungese te ideve qe cojne vendin me tej, mblidhen dhe ose shajne njeri tjetrin ose akuzojne per gjera qe as nuk jane hulumtuar akoma.

Qe opozita ben kete, kuptohet disi. Edhe ne vende tjera njihen keso veprime te opozites. Qeni i vogel cdo here leh i pari drejt te madhit. Por qe edhe qeveria e ben kete? O sa gjerat duhet bere ne kete vend. Politika duhet te kete kurriz te vetin. Jo ta bazoje tere arsyen e votedhenies se saj ne krahasime me opoziten apo palen kudnershtare.

Shembull: Nese une them se jam me i mire se personi X, cfare vlere ka kjo deklarate imja sikur personi X te jete nje kriminel? Qenkam me i mire se nje kriminel. Po a mjafton kjo te vehem ne koke te kombit? Eshte kjo ajo qe me ben mua te merituar per nje gje te tille? Jo!! Per kete arsye nuk ben te "mati" veten permanent me palen kundershtare. Duhet te di te tregoje cfare me ben mua te mire, pavaresisht cfare eshte pala kundershtare. Duhet te mund te them se jam i mire, per shkak se kam keta dhe keta eksperte e njerez te merituar ne ekip. Kemi keto plane, keto merita, keto te mira. Do i realizojme brenda ketij dhe ketij afati.

Ma merr mendja, kur njeriu nuk ka vlera te (larta) te veta, tenton te definoje te mirat e tija duke u fokusuar ne te keqiat e tjereve.

[benseven11]

GAZETA SHQIPTARE, 24/01/2011

Maks Velo: Qeveria të japë dorëheqjen, të mbajë përgjegjësi

Fatmira Nikolli

"Qeveria duhet të tërhiqet e më tej duhet të ketë zgjedhje të parakohshme. Kjo është në të mirë të vendit tonë dhe në të mirë të shqiptarëve". Kështu është shprehur Maks Velo pas protestës së datës 21 janar, ku mbetën të vdekur tre protestues dhe të tjerë në gjendje të rëndë. Pasi u shpreh se nuk ka marrë pjesë në të, por e ka ndjekur demonstratën vetëm nga televizionet që transmetonin live çdo zhvillim të sajin, Velo tha dje për Gazetën se "me zhvillimet që ka pasur kjo ngjarje, qeveria duhet të japë dorëheqjen në mënyrë absolute. Ajo duhet të mbajë përgjegjësi".

Këto deklarata ai i bën disi mendueshëm, duke dashur të mos përfshihet në këtë situatë të nderë. E megjithatë duket se pamjet e dhunës që ka parë nëpër media e kanë prekur, e kanë prerë. E kë jo? Teksa flet për ekspozitën e tij të fundit "Spanja", që ka çelur në galerinë e artit "Didart" në rrugën e Kavajës, ai thotë 'po' mendueshëm dhe duke hezituar se "qeveria duhet të tërhiqet e më tej duhet të ketë zgjedhje të parakohshme. Kjo është në të mirë të vendit tonë dhe në të mirë të të gjithë popullit shqiptar". Duke folur për ekspozitën, herë-herë ndalet në momente të veçanta të jetës së tij. Një prej tyre është zhgënjimi që pësoi mbas vitit 1990. Shumë priste prej asaj kohe, e pak mori. "Shpresoja se mbas viteve 1990 do të ndryshonin shumë gjëra. Shpresoja se do të më jepnin atë vend që meritoja. Unë e pashë që kjo gjë nuk ndodhi e pas kësaj, kisha dy rrugë: o do merresha me pushtetin, o do të merresha me punën. Zgjodha këtë të dytën. Dhe i lashë 'paratë' dhe pushtetin", - thotë ai. Ai donte një studio e një shtëpi, por as këto nuk i mori, e për më tepër edhe një shtëpi që pati, ia morën. "Mua, Berisha nuk më dha studio, ndryshe nga të gjithë artistët e tjerë që morën, bashkë me ish-agjentë të sigurimit të shtetit. Veç kësaj, Shoqata e të burgosurve politikë nuk më dha shtëpi mua dhe për më tepër më morën edhe shtëpinë e prindërve e gjyshërve të mi në Dardhë. Ma morën mua dhe ia dhanë Pandi Meçkes, që ka qenë ish-sekretari i Partisë së Punës e tani është i PD-së. Doni tjetër? Në Galerinë Kombëtare të Arteve, mua nuk më lënë të ekspozoj. Këto janë pa fund!" - thotë ai duke rreshtuar kështu një e nga një zhgënjimet e tij në këto vite "demokracie".

Politika e ka zhgënjyer shumë dhe në atë frymë shprehet se "gjëja e parë që duhet të marrim është që të mos jemi hajdutë. Po të jesh një popull hajdut nuk mund të bësh asgjë sepse ripërtërihet e keqja dhe refuzimi i punës e këtu është problemi". Sipas tij, "një njeri hajdut nuk do të punojë dhe kjo është e keqja më e madhe, jo tek ajo që hajduti merr. Çfarë t'iu mësojmë të rinjve? Bëhuni hajdutë?! Ne duhet t'u japim të rinjve shembull morali, shembull pune, jo t'i mësojmë të vjedhin. Nëse Shqipërinë e shohim si një vend që duhet grabitur, ne kemi marrë fund si komb". Maks Velo ka shumë mesazhe për të dhënë dhe i jep në këtë intervistë që nis për ekspozitën e herë-herë përzihet me aktualitetin e politikës shqiptare...

Ju keni qëndruar një muaj në Spanjë dhe prej kësaj vizite na sillni një ekspozitë. Çfarë ndjesish ju dha Spanja?

Më pasuroi shumë. Jam njeri që eksploroj gjithmonë. Njeriu duhet të vizitojë botën dhe të marrë prej saj më të mirën. Këtë bëra unë në Spanjë. Doja ta prekja këtë vend dhe udhëtova me autobusë dhe me trena dhe pashë pemë, plantacione, male, kodra e lugina. Kam parë se si punonin, me sa kujdes. Mendoj se mund të marrim shumë nga Spanja.

Çfarë duhet të marrim ne nga Spanja?

Gjëja e parë që duhet të marrim është që të mos jemi hajdutë. Po të jesh një popull hajdut nuk mund të bësh asgjë, sepse ripërtërihet e keqja dhe refuzimi i punës, e këtu është problemi. Një njeri hajdut nuk do të punojë dhe kjo është e keqja më e madhe, jo tek ajo që hajduti merr. Çfarë t'iu mësojmë të rinjve? Bëhuni hajdutë?! Ne duhet t'u japim të rinjve shembull morali, shembull pune, jo t'i mësojmë të vjedhin. Nëse Shqipërinë e shohim si një vend që duhet grabitur, ne kemi marrë fund si komb.

Ky është komenti juaj për situatën politike?

Po, ky është. Unë e kam thënë gjithmonë se, nëse ne prishim qytetet, Sarandën, Ksamilin, e i bëjmë të gjitha ndërtimet në autostrada, a thua se janë rrugë fshati, atëherë ne po shkatërrojmë. Shkodra u përmbyt dhe do të përmbytet prapë. Po pse? Sepse do të duhet t'i kthesh ndërtimet që janë bërë atje ku kanë qenë. Kemi 500 mijë ndërtime pa leje. Ne jemi një popull i djallëzuar.

Pas demonstratave të së premtes, gjërat janë përkeqësuar... Si e shihni ju situatën politike, si mund të zgjidhet?

Duhen bërë zgjedhje të tjera. Kjo nuk mund të funksionojë kështu më. Por do të këshilloja edhe ata që vijnë, të jenë me duar të pastra, kjo është gjëja më e rëndësishme. Qeveria duhet të tërhiqet e më tej duhet të ketë zgjedhje të parakohshme. Kjo është në të mirë të vendit tonë dhe në të mirë të shqiptarëve. Me zhvillimet që ka pasur kjo ngjarje, qeveria duhet të japë dorëheqjen në mënyrë absolute. Ajo duhet të mbajë përgjegjësi.

Sa e vështirë është për një artist të krijojë në këto kushte?

Është shumë e vështirë. Shpresoja se mbas viteve 1990 do të ndryshonin shumë gjëra. Shpresoja se do të më jepnin atë vend që meritoja. Unë e pashë që kjo gjë nuk ndodhi e pas kësaj, kisha dy rrugë: o do merresha me pushtetin, o do të merresha me punën. Zgjodha këtë të dytën. Dhe i lashë "paratë" dhe pushtetin.

Kur thoni që nuk morët atë që meritonit, çfarë prisnit pas '90-ës?

Për shembull, mua Berisha nuk më dha studio, ndryshe nga të gjithë artistët e tjerë që morën, bashkë me ish-agjentë të sigurimit të shtetit. Veç kësaj, Shoqata e të burgosurve politikë nuk më dha shtëpi mua dhe për më tepër më morën edhe shtëpinë e prindërve e gjyshërve të mi në Dardhë. Ma morën mua dhe ia dhanë Pandi Meçkes, që ka qenë ish-sekretari i Partisë së Punës e tani është i PD-së. Doni tjetër? Në Galerinë Kombëtare të Arteve mua nuk më lënë të ekspozoj. Këto janë pa fund!

Ju keni çelur ekspozitën "Spanja" në "Didart". Si u realizuan veprat?

Kam qëndruar një muaj në Spanjë, ku i kam realizuar këto vepra dhe isha me ftesë të fondacionit Valparaiso. Në vitin 2005, në studion time erdhi presidentja e fondacionit Valparaiso, Beatriz Beket. Ky fondacion ka ngritur një qendër në Spanjë. Atje çdo muaj shkojnë tetë artistë dhe unë isha në muajin shtator me një fotograf anglez, me artistë nga Meksika, Rusia dhe Irlanda, me dy shkrimtare nga Barcelona dhe një kompozitore nga Lisbona. Aty secili prej nesh kishte hapësirën e vet dhe qetësinë e tij, por nuk kishi radio e televizor dhe e shijova vetminë. Në një muaj kam krijuar rreth 120 punime dhe në ekspozitën në Didart kam sjellë 30 prej tyre. Kam ikur në datën 1 shtator nga Tirana dhe jam kthyer në datën 30 shtator të vitit të kaluar. Gjatë kohës që isha atje shkova me tren nga Madridi në Almeira, që është kryeqendra e Andaluzisë dhe më pas shkova në fshatin Mojahar. Në Madrid ndalova të shihja muzeumet "Prado" dhe "Mbretëresha Sofia". Veprat janë një plotësim të njëra-tjetrës nga vizatimet më realiste po shumë ekspresive të qyteteve me një impresion direkt, ka pastaj punime me pastel, në vaj dhe në grafikë. Në këtë të fundit është cikli i punëve abstrakte që kam punuar në Spanjë.

Duket se jeni fokusuar tek arkitektura e qytetit, katedralet dhe vilat...

Artistin e tërheqin këto lloje të arkitekturës. Katedralet i dominonin qytetet e Spanjës, ashtu si rrugicat, shtëpitë, e pazaret. Më ka tërhequr mënyra se si ata e kanë ndërtuar jetën, qytetin. Arkitektura moderne nuk para vizatohet, ajo fotografohet, sepse është e vjetra ajo që e tërheq artistin. Unë e zgjidha atë enigmën e përhershme që kam pasur: përse të gjithë artistët e mëdhenj të shekullit XX kanë dalë nga ky vend? Pse nuk i ka nxjerrë një vend tjetër? Arsyeja është pikërisht në pasurinë e imazhit të Spanjës. Pikaso, Dali Miro e Gaudi janë nga Spanja ndaj vepra e tyre ka gjallëri dhe energji. Janë artistë me një vizion të madh e me një imazh shumë të pasur, e kjo vjen nga ngjyrat që ata kanë pasur përreth, vjen nga mënyra e jetesës, nga lufta me demat që është kontakti më i fortë e më kulminant me natyrën. Unë pashë një ndeshje me dema dhe m'u dhimbsën demat, edhe për arsyen se të gjitha ishin kundër tyre. Ngacmimet janë misterioze. Për punën që bëj sot jam ngacmuar në fëmijëri, në burg dhe në Spanjë. Një artist i vërtetë akumulon.

Shihet nga ekspozita që edhe ju keni përdorur shumë ngjyra në vepra. U ndikuat nga ambienti dhe natyra?

Natyra qe e bukur shumë dhe e mbrojtur. Ata e kishin kujdesin shumë të madh edhe për një palmë që ishte djegur dhe kjo më bëri përshtypje se ne i presim të gjitha dhe nuk e vrasim mendjen. Ne kemi shkatërruar male e lumenj. Ne kemi qenë e jemi një vend primitiv dhe primitivi nuk di të vlerësojë. Ndërsa ata, që janë njerëz të kultivuar, dinë të vlerësojnë e të ruajnë. Ata dinë të ruajnë të kaluarën dhe kanë një lloj respekti ndaj brezave të mëparshëm, e i ruajnë vlerat që t'i transmetojnë. Ka një ndërthurje mes të vjetrës dhe modernes.

Në ekspozitë ju kishit sjellë edhe tri nudo. Çfarë ju ngacmoi për t'i realizuar?

Realisht, unë kam një dëshirë të vazhdueshme të bëj nudo, por nuk e kam të mundur sepse nuk kam një studio. Dhe pa pasur studio nuk e ke se si t'i bësh, sepse të duhet kohë dhe hapësirë. Kur kam pas rastin i kam bërë ama. Në Francë kam bërë disa vizatime nudo. Kam bërë njëherë në një emision direkt dhe këtë herë në Spanjë. Atje, fillimisht u ngacmova nga bukuroshet që pashë në arenën e ndeshjes me dema. Aty donin të tregonin se demi personifikonte meshkujt, ndërsa ne, jemi femrat duke i treguar kështu meshkujt negativë. Më tej, kur shkoja në plazh kishte shumë femra nudo që merrnin rreze dielli. Kjo më ngacmoi më së shumti. Kontakti i tyre direkt me ajrin e me detin, me zhavorrin dhe me rërën më bëri përshtypje. Bëra disa vizatime, duke korrigjuar dhe më pas e pikturova. Më tej është një pikturë tjetër, ku një femër nudo është në një oborr. Oborri është i shtëpisë ku qëndruam ne artistët në Spanjë. Fillimisht hodha në telajo interierin e banesës e më tej e shtova edhe nudon. Doja të jepja ajrin e pastër të Mesdheut me këtë pikturë, sepse në fakt vijnë edhe rryma ajrore nga oqeani. Nudo është simbol i bukurisë dhe gjallesës.

O maks ,nuk i zgjidhin problemet zgjedhjet e parakohshme.Jane bere zgjedhje te parakohshme edhe me perpara dhe perseri qeveria dhe partia ne pushtet eshte sulmuar,ne media nga opozita.
Problemet i zgjidh prokuroria,gjykatat.Duhen te raportohen fakte inkriminuse nga persona ne pushtet,flas fakte jo llogje, opinione spekullime kafesh.
Prokuroria ne baze te fakteve dhe ligjeve,ben hetimet, ben letrat dhe arreston ate pushtetar shteteror/partiak qe ka thyer ligjet dhe kjo behet mesim edhe per te tjeret qe ta ushtrojne aktivitetin me pasterti pergjegjsi dhe ne perputhje me ligjet.
Akuzat pa baze ne shtyp,shpifjet,ofendimet dhe shprehjet e urrejtjes ,njollosje e figurave politike shteterore qellimisht duke genjyer per ti ulur reputacionin dhe punen e bere duhet te denohet ashper.
Per pasoje cdo qytetar ne Shqiperi me pushtet/pa pushtet do jete me i pergjegjshem,me i vetedijshem per ligjet dhe nuk do beje sulme arbitrare shpife dhe genjeje......
Sulmet ne media dhe demostratat e organizuara kane vetem nje qellim:
Ti sherbejne etjes per te marre pushtet nga individe ne partine e opozites dhe nuk ka lidhje fare as me ekonomine as me mireqenien dhe as me suportimin e interesave dhe aspiratave te popullit..