Imam Hamid Al Gazali

[Gostivari_usa]

Me sa di une Al Gazali vleresohet si nje nder dijetaret me te medhej islam. Ka shkruajtur me duket me shum se 400 vepra ose dicka e tille.

Lexoja per te ne internet, dhe sipas shkrimeve te ca shkenctareve te sotem, keta pohonin se Islami ka marrur te poshte per shkak te verpres se tij dhe thuajse se ai ( Al Gazali ka thene se matematika eshte pune e shejtanit!!!

Sa eshte kjo e vertete, a di dikush me shum rreth kesaj ceshtjeje, qendrimit te Al Gazaliit lidhur me shkencen e matematikes>

Me Respekt
GV_USA

[Gostivari_usa]

Asnje pergjegje?!!

[ramazan_it]

Asnje pergjegje?!!

Gostivar_usa, në rastëse nuk gaboj, janë dy persona që njihen me emrin Gazali!

Imam Gazaliu dijetra i njohur, ka jetuar shumë kohë më parë, ndërsa Gazaliu në fjalë, mendoj se është tjetër person. Për këtë Hamid Al Gazali, me atë që kam lexuar, se ka qenë në Menhexhin e Resulullahit, mbasi ai ka qenë sufi dhe sikur e dimë se sufitë janë ndër sektet e devijuar. Për më tepër, shpresoj se mundem me të pru argumente më të sakta, inshAll-llah.

Prap them, që të mos gaboj se ka dy Gazali!

Me respekt nga Ramazani.

[Gostivari_usa]

Gostivar_usa, në rastëse nuk gaboj, janë dy persona që njihen me emrin Gazali!

Imam Gazaliu dijetra i njohur, ka jetuar shumë kohë më parë, ndërsa Gazaliu në fjalë, mendoj se është tjetër person. Për këtë Hamid Al Gazali, me atë që kam lexuar, se ka qenë në Menhexhin e Resulullahit, mbasi ai ka qenë sufi dhe sikur e dimë se sufitë janë ndër sektet e devijuar. Për më tepër, shpresoj se mundem me të pru argumente më të sakta, inshAll-llah.

Prap them, që të mos gaboj se ka dy Gazali!

Me respekt nga Ramazani.

Nuk e di se sa persona ne historine islame kane te pasur emer te njejte, por ne kete video mund te shikojsh se per cilen imam e ka fjalen ky shkencetari amerikan.




Ky ne kete video flet , per ndikimin negativ te personave te fese ne shkence.


Me respekt
GV_USA

[ramazan_it]

Gostivari usa, pra për personin në fjalë thuhet se ai vetë e ka pranuar sufizmin dhe prej të gjithëve " dijetarëve të hakut " ai thiret si i devijuar, sikur ta thashë në postimi e mëparshëm, se sufizmi është nji sekt prej të devijuarve.

Ja ku e ke edhe biografinë e tij:

Ebu Hamid El-Gazzali


Gazzali lindi në vitin 1058 (Hixhri 450) në Tus të krahinës së Horasanit, në vendin që sot në Iran quhet Meshhed. Në skolastikën mesjetare njihej si Abuhamet dhe Algazel.

Sa do që të mendohet se me origjinë është pers, ka informacione të pakta lidhur prejardhjen e familjes së tij. Ai kishte disa motra dhe një vëlla më të vogël që quhej Ahmed Gazzali, i cili më vonë do të ishte një sufi mjaft i njohur.
Gazzali edukohet mirë, falë vullnetit të babait të vet për t’i formuar sa më mirë fëmijët. Krahas diturive teologjike ai mori mësime edhe mbi gramatikën, aritmetikën, logjikën, si dhe shkenca tjera të ndryshme. Mësimet e para i mori në qytetin Tus, nga Ahmed Ibn Muhammed er-Radegani, më pas në qytetin Xhurxhan, ku merr mësime nga Ebu Nasr el-Ismailije, ndërsa deri në moshën 28 vjeç ai studioi në Nishabur, te kelamisti i njohur i asaj kohe, Imam-ul Haremejn el-Xhuvejni.

Në vitin 1091, Nidhamul Mulku, një kryeqeveritar i Selçukëve, e emëron Gazzalin drejtor të Medresesë Nidhamije, në Bagdat. Më pas, me vrarjen e Nidhamu’l-Mulkut, Gazzali tërhiqet nga Medreseja për të bërë haxh, dhe në vitin 1106 kthehet sërish në Medresenë Nidhamije, këtë radhë në filialin e Nishaburit, ku jep mësime. Në vitin 1111 (Hixhri 505) ai rikthehet në vendin e tij të lindjes, në Tus, ku edhe ndërroi jetë brenda një kohe shumë të shkurtër.

Gazzali është një nga mendimtarët myslimanë, i cili i ka dhënë shumë vepra botës Islame. Tiflisi, mësuesi i Neveviut, tregon se sipas një përllogaritjeje të tij, i bie që Gazzali të ketë shkruar afro dyzet faqe në ditë. Muorice Bouyges mendon se Gazzali ka shkruar 404 vepra, ndërsa Bedeviu numëron 450 vepra të Gazzalit.

Veprat më të njohura të Gazzali janë:
Ihja’ ‘ulumuddin(Gjallërimi i shkencave Islame), Kimja-ji Sa’ade (Eliksiri i lumturisë), El-Munkidhu mine’d-Dalale (Qortues për rrugën e shtrembët), Mishkatu’l-envar (Feneri i ndriçuesve), Makasidu’l-felasife (Qëllimet e filozofëve), Tehafutu’l-felasife (Paradokset e filozofëve), etj.

Gazzali dhe Shkenca e Kelamit
Në librin e tij El-Munkidhu mine’d-Dalale, Gazzali shpreh rezerva ndaj metodës së Kelamit dhe kelamistëve. Ai i shikon kelamistët si të pamjaftueshëm për të mbrojtur parimet Islame. Ndërsa metodën e diskutimit (xhedel) e vlerëson si qorrsokak për të arritur tek e vërteta. Gazzali ka përshtypjen se kelamistët, në momentin kur kanë dashur të kritikojnë mendimet e grupve të devijuara, nuk kanë mundur të shpëtojnë nga ndikimi i mendimeve të kundërshtarëve. Një tjetër gabim i tyre, sipas Gazzalit, është se kelamistët dolën jashtë qëllimit të shkencës së Kelamit.
Pavarësisht disa detajeve, Gazzali mbetet në rrugën e Esh’arive. Me reformimin që ai i bëri shkencës së Kelamit, ai mundësoi fillimin e një tjetër periudhe të Kelamit: periudha e Kelamit të ri.

Gazzali dhe Filozofia
Kaotizmi mendimor dhe metoda skeptike e Gazzalit përbëjnë rëndësi të veçantë për Historinë e Filozofisë Islame. Kjo veçori përbën dallimin kryesor mes tij dhe mes kelamistëve e filozofëve të tjerë. Mënyra e tij skeptike ndahet në dy etapa: Etapa e lehtë e dyshimit dhe etapa e avancuar. Në etapën e parë bën pjesë kritika ndaj besimit imitues, ndaj atij besimi që krijohet nga imponimi familjar e më gjerë. Më pas, Gazzali zgjedh një dozë të rëndë dyshimi, gjë e cila përbën edhe etapën e dytë, atë të skepticizmit të tij. Kundërshtimi i të gjitha formave mendimore tradicionale, me qëllim arritjen tek e vërteta. Sipas tij, vetëm kjo teknikë mund ta çonte atë tek dituria e sigurtë (ilmu’l- jakin). Me një përqasje plotësisht filozofike, Gazzali kundërshton çdo dituri që fitohet nëpërmjet arsyes dhe shqisave, pasi nuk i vlerëson si të sigurta dhe bindëse dituritë që përftohen nëpërmjet tyre. Fjala vjen, syri jep informacion të gabuar kur e paraqet aq të vogël yllin në qiell, hijen si të palëvizshme, etj. Gjithashtu, dukja si e vërtetë e gjithçkaje që njeriu sheh në ëndërr, ia shton Gazzalit edhe më tepër pasigurinë ndaj arsyes, e bën edhe më konfuz.

Pas një sipërmarrje vetjake, duke lexuar për afro dy vite me radhë vepra filozofike, kryesisht të Farabi-ut, Ibn Sina-së dhe Ihvani Safa-së, Gazzali shkruan fillimisht librin Mekasidu’l-Felasife dhe më pas Tehatu’l-Felasife. Me mendimet se gjithësia është e pafundme, Allahu di tërësitë dhe jo hollësitë dhe se ringjallja pas vdekjes do të jetë vetëm shpirtërore e jo trupore, sipas Gazzalit, filozofët kanë ranë në mohim (kufr). Sidoqoftë, Gazzali ka dhënë një kontribut të vyer në filozofi me karakterin e tij kritizer.

Gazzali dhe Mistika Islame (Tasavvufi)
Gjithë ajo errësirë që krijohet brenda Gazzalit gjatë kërkimit të dijes së vërtetë, sipas tij u ndriçua në momentin kur Allahu i dha dritë (nur) zemrës së tij. Sipas Gazzalit, e vërteta e padyshimtë, e cila nuk ka nevojë për argumente, madje as për fjalë, arrihet përmes keshf-it, që do të thotë, përmes asaj drite që ta dhuron Allahu.
Gazzali njihet si mendimtari-sufi i cili bashkoi ezoterizmin me ekzoterizmin, sheriatin me hakikatin. Me përpjekjet e tij restauruese, ai ka fituar simpatinë si të ezoteristëve, ashtu edhe të ekzoteristëve.


Pra, nga biografia e tij shiihet se ai e ka pranuar sufizmin dhe për këtë nuk duhen të mire për bazë as mendimet e tij dhe as librat e tij nuk duhen lexuar.

All-llahu e din më së miri.

Me respekt, Ramazani.

[Mexhid Yvejsi]

Imam Muahmmed El-Gazali
(1058-1111)
Stolia e besimit, argumenti i Islamit.


Shkruan: Mexhid YVEJSI


Kush ishte Imam Muhamed el-Gazaliu?

Imam Gazaliu ishte një dijetar i madh, ishte teolog, jurist, psikolog, sociolog, kosmolog, filozof, poet, mistik ose sufi, me bindje islame, me prejardhje persiane.

Emri i tij i plotë është: Ebu Hamid Muhammed bin Muhammed El-Gazali, i lindur në vitin 1058, në qytetin Tus, në krahinën e njohur Horosan të Persisë (sot, Republika Islamike e Iranit).


Prejardhja, shkollimi, veprimi dhe dyshimi

Rrjedh nga një familje e varfër, por që ishte shumë e pasur shpirtërisht! Mësimet e para i mori nga një dervish, që ishte një sufi i varfër, por i dashur dhe i ndershëm. Më vonë i vazhdoi në qytetin Xhërxhan, te dijetari i madh, Ebu Nasrel Ismaili.

Në moshën njëzetvjeçare shkoi në Nishabur, që ishte një qendër e njohur e kulturës islame, ku u regjistrua në Medresen me famë te myderris Xhuvajeni, Imam El-Haremejn, i cili ishte një nga dijetarët më të shquar të kohës.

Gjatë studimeve, prej vitit 1078-1086, Gazaliu ishte studenti më i dalluar prej të gjithëve dhe zgjuarsia e tij e madhe e kishte bërë të njohur kudo.

Në vitin 1091, mbas diplomimit, u ftua nga kryeministri Nidhamul Mulk, i cili kishte simpati të madhe për dijetarët dhe i ofroi postin e profesorit në Medresenë "Nidhamije" të Bagdadit, që ishte një nga qendrat më të njohura arsimore-kulturore të botës.

Pas katër viteve, në kohën kur Gazaliu arriti kulmin e famës, njëkohësisht, kishte arritur edhe kulmin e dyshimit! Ai dyshonte jo vetëm në teologji, por edhe në njohuritë e tjera, sidomos në filozofi.

Në vitin 1095, papritmas, la detyrën e lakmueshme të myderrizit (profesorit), e lë qetësinë që e gëzonte në familje, u nda edhe nga familja...! E braktisi edhe Bagdadin e bukur...!

Vizitoi El-Kudsin (Jerusalemin), Damaskun, Aleksandrinë dhe shumë qytete me rëndësi. Kreu edhe vizita në dy qytetet e shenjta: Mekke dhe Medine, në kohën e duhur, ku e mori edhe titullin haxhi.


Dhjetë vite lutje, meditim, pastrim.

Pas dhjetë vjetëve, të cilat i kaloi i veçuar, por me lutje të vazhdueshme dhe meditim, Gazaliu e gjeti atë që po e kërkonte, e gjeti qetësinë shpirtërore në sufizëm!

Dyshimi i tij, më në fund, u zhduk! Duke e përshkruar këtë periudhë të jetës së tij të veçantë, Gazaliu në veprën autobiografike "El-Munkedhu mined-dalal" (Shpëtimtari nga lajthitja), tregon së shpëtimi nga errësira dhe dalja në dritën e besimit, nuk i erdhën nga provat dhe argumentet,

"Por nga Drita që Zoti e solli në zemrën time, Dritë që ndriçon hyrjen në të gjitha dituritë. Të mendojmë se kuptueshmëria e sigurt vjen vetëm duke u bazuar në argumente formale, kjo është kufizim i mëshirës së pafund të Zotit."

Dritën e besimit, që i erdhi nga Zoti, me përvojën e veçantë të sufizmit, Gazaliu filloi ta hedhë në letër dhe kështu na ka lënë libra me vlerë, të cilat janë përkthyer në gjuhët e Lindjes dhe të Perëndimit. Këto libra janë në qarkullim edhe sot dhe lexohen me vëmendje e komentohen prej dijetarëve më të shquar.

A. Badeviu, një dijetar i shquar egjyptian, ka përgatitur një listë me titujt e librave të shkruara nga Imam Gazaliut dhe libra të shkruara për Imam Gazaliun, që janë gjithsejtë 457 tituj të librave.

Këtu, për Imam Gazaliun, mjafton të përmendim se vetëm Enciklopedia Britanike ia shënon rreth shtatëdhjetë vepra. Kryevepra e tij është libri monumental: "Ihja ul-ulumuddin" (Përtëritja e shkencave fetare). Një botim në gjuhën arabe, i vitit 1939, përmban 3095 faqe.

Për këtë libër madhështor të Imam Gazaliut disa dijetarë kanë thënë: "Po të zhduken të gjitha librat e shkruar mbi Fenë Islame, do t'ishte një humbje e vogël, me kusht që libri i Gazaliut "Përtëritja e shkencave fetare të ruhej".

Si një personalitet i madh dhe me autoritet të pacenueshëm, Imam Gazaliu nderohet në përmasa botërore, sepse ndikimi i tij, në veçanti në filozofi, ka qenë me shumë rëndësi tek filozofët jo vetëm muslimanë, por edhe tek filozofët hebrenj dhe krishterë-evropianë.

Sa për informim, këtu po i japim vetëm dy mendime: Prof. Mustafa Maragiu, ish-rektor i Universitetit të famshëm "Al-Az'har" të Kajros, Egjypt, për Imam Gazaliun ka thënë: "Po të përmenden Ibni Sina'i dhe Farabiu, menjëherë na shkon mendja te dy dijetarë të mëdhenj në filozofi; po të kujtohet emri i Ibn el-Arabiut, do të mendojmë për burrin e madh sufi, mendimet e të cilit kanë rëndësi e peshë të madhe në tesavvuf (mistika islame); po të përmendën emrat e Imam Buhariut dhe Imam Muslimit, menjëherë do të mendojmë për dy tradicionalistët më të mëdhenj islamë, që shënuan me sinqeritet të madh fjalët dhe veprat e Pejgamberit (a.s.), duke ruajtur një thesar të vlefshëm. Por, po të përmendet emri i Gazaliut, këtu kemi shumë aspekte; nuk na shkon mendja te një burrë, por te shumë burra dhe secili prej tyre me vlerë e rëndësi të veçantë në fushën e vet. Na kujtohet Gazaliu teolog, jurist, gjykatës, prijës i Ehli Sunnetit, mbrojtësi i ideve të tyre; Gazaliu sociolog i specializuar për gjendjen e shoqërisë njerëzore, Gazaliu filozof që e luftoi filozofinë, Gazaliu edukator, sufi. Ose, po të duash thuaj: "Kur të kujtohet Gazaliu, të shkon mendja tek burri që ishte enciklopedia e diturive të shekullit të tij."

Kurse në Perëndim prof. Mc Donald-i, në librin e tij "Development of the Muslim Theology" (Zhvillimi i teologjisë myslimane), e quan Gazaliun: "Më i madhi dhe sigurisht figura më simpatike në historinë islame; i vetmi mësues i kohërave të vona që vihet nga myslimanët në një radhë me katër imamët e mëdhenj. Në fenë islame nuk ka njeri pas tij, që të zë vendin e tij dhe as që është kuptuar plotësisht prej myslimanëve. Në ringjalljen e islamit që po ngjet tani, do të vijë koha e tij dhe një jetë e re do të vijë për Gazaliun, nga ristudimet e veprave të tij."

Imam Gazaliu jetoi pak në këtë botë të përkohshme, vetëm 54 vite, të cilat i kaloi në mësime, predikime, shkrime, lutje të vazhdueshme, pastrim shpirtëror, deri në ditën e fundit të jetës, që ishte e hënë me 19 dhjetor 1111.

Ahmedi, vëllai i Gazaliut, për vdekjen e tij, thotë: "Të hënën në mbrëmje, vëllau im mori abdes dhe u fal. Mbasi u fal më tha: "Më sillni qefinin!" Pasi e mori, e puthi, ngriti sytë lart e tha: "Unë dëgjoj dhe i bindem urdhrit, të shkoj te Zoti". U shtri në shtrat dhe ia dorëzoi shpirtin Krijuesit..."

Kështu ndërroi jetë Imam Gazaliu, në qetësi, paqë e dashuri.

A thua, si do të ndahemi unë, ti, ai...?

Imam Gazaliu u kthye tek Zoti, të Cilin e njohu, e dashuroi dhe Ai e ndriçoi e udhëzoi!

Unë lutem, uroj që i madhi Zot të na udhëzojë, të na ndriçojë edhe neve, shqiptarëve, që jemi aq krenarë, por edhe aq të mjerë, aq të ndarë, aq të përçarë.!

Amin! Ashtu u bëftë!

Mexhid YVEJSI, Gjakovë

[ocean]

Me sa di une Al Gazali vleresohet si nje nder dijetaret me te medhej islam. Ka shkruajtur me duket me shum se 400 vepra ose dicka e tille.

Lexoja per te ne internet, dhe sipas shkrimeve te ca shkenctareve te sotem, keta pohonin se Islami ka marrur te poshte per shkak te verpres se tij dhe thuajse se ai ( Al Gazali ka thene se matematika eshte pune e shejtanit!!!

Sa eshte kjo e vertete, a di dikush me shum rreth kesaj ceshtjeje, qendrimit te Al Gazaliit lidhur me shkencen e matematikes>

Me Respekt
GV_USA

Përshëndetje Gostivari usa

Unë mendoj se është i informuar gabimisht. Nuk tha se ku e kishte marrë informacionin. Kam shkëputur një pjesë nga libri i autobiografisë së tij Al-Munqib min al-Dalal . Cka Gazali ra. thotë në lidhje me shkencat e matematikës bie krejt në kundërshtim me atë që ka thënë ky profesor amerikan i fizikës.

Shkencat matematikore merren me aritmetikë, gjeometri, dhe astronomi. Por asgjë në to nuk e detyron njërin që ti refuzoj apo ti pranojë ato si cështje fetare. Përkundrazi, kjo shkencë ka të bëjë me fakte të rrepta demonstrimi që asesi nuk mund të refuzohet kur njëri i njeh dhe I kupton ato…. Në të vërtetë I madh është krimi kundër fesë I bërë nga kushdo që pretendon se Islami duhet të mbrohet duke I refuzuar këto shkenca matematikore.....Gazali ra. "Al-Munqib min al-Dalal"


T.J. Winter, Profesor i Studimeve Islamike në Universitetin Kembrigj kishte thënë për El-Gazalin ra. se ai
konsiderohet si njëri nga pesë apo gjashte mendimtarët me ndikim më të madhe në historine e njerëzimit. Mesazhi i tij i madhe për prosperitetin, dhe arsyeja kryesore pse ai vlerësohet aq shumë, është se ai tregon që në zemrën e gjalle të çdo besimi dhe të çdo praktike të Islamit qëndron qëllimi shpirtërorë me vendosjen për pendim, ngritje dhe transformim. Për këtë arsye ai quhet “Vërtetuesi i Islamit”. Askush tjetër nuk mban këtë titull.

[ramazan_it]

O Mexhit ti the:

" Imam Gazaliu u kthye tek Zoti, të Cilin e njohu, e dashuroi dhe Ai e ndriçoi e udhëzoi!

Unë lutem, uroj që i madhi Zot të na udhëzojë, të na ndriçojë edhe neve, shqiptarëve, që jemi aq krenarë, por edhe aq të mjerë, aq të ndarë, aq të përçarë.!

Amin! Ashtu u bëftë!

Mexhid YVEJSI, Gjakovë "

All-llahu të udhëzoftë në rrugën e Muhammedit s.a.v.s., dhe jo si ke thënë ti Mexhit, në rrugën e Gazaliut, mbasi ashtu e kuptoj unë sipas shkrimit që ke pru, se ti je i kënaqur të jesh i udhëzuar si GAzaliu, apo jo??!! Se ti ke shkruar më sipër se All-llahu s.v.t. e ka ndriçuar!!!!

Kush ta tha ti këtë se All-llahu s.v.t., e ka ndriçuar dhe e ka udhëzuar Gazaliun. Na bjer argument për këtë qi thue ti o Mexhit! Mos fol ashtu si të vjen, por kthehu argumenteve se çka thonë ata që kanë dije ( Dijetarët e Hakut ) për këtë gjë që ti e ke shtrembëruar. Ne nuk jemi për të përçarë besimtarët dhe atë All-llahu s.v.t. e din, por jemi duke e kërkuar të vërtetën, atë të vërtetë që është përcjellur nga ata persona që kanë dije dhe jo nga vetja jonë.

Prandaj, o Mexhit, në rastëse mendon se e thue të vërtetën, atëherë je i detiruar të sjellësh argument për këtë Gazaliun, që ti je duke e përkrahur qoras! Tregona njiher se a ka vepruar Pejgamberi s.a.v.s., kështu siç ka vepruar ky Gazaliu, a mos vallë Pejgamberi i All-llahut s.a.v.s., ka qenë Sufi si ky Gazaliu?

Ti Mexhit edhe atë që e ke lexuar dhe e ke sjellë më sipër nuk je në gjendje që ta kuptosh realitetin! Ja se çka thotë Mexhiti për këtë far Gazaliun:

-------------------------------------------------------------------------------------------------------------------------

" Pas katër viteve, në kohën kur Gazaliu arriti kulmin e famës, njëkohësisht, kishte arritur edhe kulmin e dyshimit! Ai dyshonte jo vetëm në teologji, por edhe në njohuritë e tjera, sidomos në filozofi.

Në vitin 1095, papritmas, la detyrën e lakmueshme të myderrizit (profesorit), e lë qetësinë që e gëzonte në familje, u nda edhe nga familja...! E braktisi edhe Bagdadin e bukur...!

Vizitoi El-Kudsin (Jerusalemin), Damaskun, Aleksandrinë dhe shumë qytete me rëndësi. Kreu edhe vizita në dy qytetet e shenjta: Mekke dhe Medine, në kohën e duhur, ku e mori edhe titullin haxhi.


Dhjetë vite lutje, meditim, pastrim.

Pas dhjetë vjetëve, të cilat i kaloi i veçuar, por me lutje të vazhdueshme dhe meditim, Gazaliu e gjeti atë që po e kërkonte, e gjeti qetësinë shpirtërore në sufizëm! "

--------------------------------------------------------------------------------------------------------------------------

Po si kështu? Njiherë njihej si Dijetar i madh, pastaj u bë edhe më i madh kur e pranoi sufizmin???!!! SubhanAll-llah, po ku i merni këto mësime ju o Mexhit? Mesiguri do të thoni nga Kur'ani dhe Sunneti, apo jo? Atëherë na sjellnin argumente për këtë që thoni!

Pastaj do ta shohim se çka thënë Mexhiti për këtë Gazaliun:
--------------------------------------------------------------------------------------------------------------------------
" Dyshimi i tij, më në fund, u zhduk! Duke e përshkruar këtë periudhë të jetës së tij të veçantë, Gazaliu në veprën autobiografike "El-Munkedhu mined-dalal" (Shpëtimtari nga lajthitja), tregon së shpëtimi nga errësira dhe dalja në dritën e besimit, nuk i erdhën nga provat dhe argumentet,

"Por nga Drita që Zoti e solli në zemrën time, Dritë që ndriçon hyrjen në të gjitha dituritë. Të mendojmë se kuptueshmëria e sigurt vjen vetëm duke u bazuar në argumente formale, kjo është kufizim i mëshirës së pafund të Zotit."
-------------------------------------------------------------------------------------------------------------------------
No Koment! Nuk duhet të komentohen këto fjalë, sepse shihet qartë devijimi i këtyre që dikush don me i njohë për dijetarë!!!

Në rastëse nuk bini argumente për këtë çka thoni, jeni të refuzuar o Mexhit!

Apo për ty janë argument këtë që ke thënë më sipër:

---------------------------------------------------------------------------------------------------------------------------

" Për këtë libër madhështor të Imam Gazaliut disa dijetarë kanë thënë: "Po të zhduken të gjitha librat e shkruar mbi Fenë Islame, do t'ishte një humbje e vogël, me kusht që libri i Gazaliut "Përtëritja e shkencave fetare të ruhej". "

---------------------------------------------------------------------------------------------------------------------------

Hajde Mexhit hajde, se mësuam edhe nji përallë tjetër. Atëherë për ty o Mexhit të mjaftoka ky libri i Gazaliut dhe në rregull qenke!!! Po librat të tjerë, a nuk duhet pasur për Fenë Islame???

Pastaj ky tjetri me nikun ocean e shohim se ndan mendimin e Mexhitit. Ai ka thënë:

---------------------------------------------------------------------------------------------------------------------------

" T.J. Winter, Profesor i Studimeve Islamike në Universitetin Kembrigj kishte thënë për El-Gazalin ra. se ai
konsiderohet si njëri nga pesë apo gjashte mendimtarët me ndikim më të madhe në historine e njerëzimit. Mesazhi i tij i madhe për prosperitetin, dhe arsyeja kryesore pse ai vlerësohet aq shumë, është se ai tregon që në zemrën e gjalle të çdo besimi dhe të çdo praktike të Islamit qëndron qëllimi shpirtërorë me vendosjen për pendim, ngritje dhe transformim. Për këtë arsye ai quhet “Vërtetuesi i Islamit”. Askush tjetër nuk mban këtë titull. "

---------------------------------------------------------------------------------------------------------------------------

Po pse bre burra mireni me përallat e këtyre njerëzve që edhe nji besimtar më i ri në Islam e din se këto sufitë janë të devijuar?

A mos vallë keni ndonji ndihmëtar që ju premton ju, që para All-llahut do të dilni kështu, pa argumente, vetëm se tha ki profesor T.J Winter ( All-llahu e din se kush është ky far profesori ), a mos i keni shpresat tek ky profesori ju ocean? A mos vallë ke ndigjuar ndonji argument prej këtij profesori se këtë që ka thanë ai, e ka nxjerë nga Kur'ani dhe Sunneti, apo nga Sahabët, ose nga Dijetarët e Hakut???

Në rastëse mendoni ti hedhni pluhur besimtarëve musliman, e keni kot!

Se njeri që don me e mësuar të vërtetën, i mjafton ti kthehet Bazës të Islamit, që dmth, Teuhidit ( njohjen e Tij ), Sunnetit dhe asaj çka kanë thënë dhe vepruar Sahabët. Dhe çdo dijetar që flet me hamendjen e vet, pa me pru argument nga Kur'ani dhe Sunneti, nuk i pranohet.

Të ma bëjnë hallall vëllezërit musliman që e kam zgjatur pak, por ndoshta do të ketë hajr inshAll-llah, përta kuptuar realitetin dhe të vërtetën.

Dua të shtoj vetëm këtë, se unë nuk akuzoj asnjë dijetar për kufër, por jam duke e thënë atë që kanë thanë Dijetarët që ndjekin Kur'anin dhe Sunnetin dhe jo ato dijetarë që janë të devijuar.
Se siç e dimë, se Feja Islame nuk miret pa argumente ( Kur'an dhe Sunnet ), se sufitë janë sekt i devijuar, për këtë të mos e teproj në këtë postim, por po deshtët po j'ua sjell argumentet dhe për këtë kam pasë qëllimin që të spjegohen mirë disa çështje, që nuk kanë Baza Islame, ose kundërshtohen me atë që ju shpall të Dërguarit të All-llahut s.a.v.s.!

Së fundi, mund të them: All-llahu e din më së miri!

[Gostivari_usa]

Duhet te kuptojme dicka se Al Gazalii eshte autor i mbi 400 veprave. Nuk eshte puna se cfar thote ne njeren veper te tij, ose ne dy, eshte puna se cfar thot ne veprat tjera.
Se njerezit jane si era, sot fryen nga jugu neser ia kthen ka veriu.
Une per veten time veprat e tija nuk i kam lexuar, dhe ajo qe me intereson eshte pergjigja e dikujt qe ka studjuar veprat e tij dhe qe eshte i sigurte qe mund ti demantoj pohimet e ketj shkencetarit amerikan.


GV_USA

[ocean]

Duhet te kuptojme dicka se Al Gazalii eshte autor i mbi 400 veprave. Nuk eshte puna se cfar thote ne njeren veper te tij, ose ne dy, eshte puna se cfar thot ne veprat tjera.
Se njerezit jane si era, sot fryen nga jugu neser ia kthen ka veriu.
Une per veten time veprat e tija nuk i kam lexuar, dhe ajo qe me intereson eshte pergjigja e dikujt qe ka studjuar veprat e tij dhe qe eshte i sigurte qe mund ti demantoj pohimet e ketj shkencetarit amerikan.


GV_USA

I nderuar Gostivari_usa,

Autobiografinë e tij ai e ka shkruar diku nga fundi i jetës së tij, prandaj edhe ai mund të ketë qenë qëndrimi përfundimtar i tij ndaj matematikës. Prandaj sipas mendimit tim shkrimi i argumentuar që solla unë më parë i demanton pohimet e pa- argumentuara të këtij shkenctari amerikan.

Në qoftë se je i interesuar ta lexosh autobiografinë e Imam El Gazalit ra. mund të të sjell detaje më të hollësishme në lidhje me këtë libër.

Përshëndetje