Shqiperia dhe Eurovizion 2011

**sirena_adria** · 11-05-2011, 10:00

Per mua, VENDI I PARE besoj se do diskutohet mes FRANCES dhe ANGLISE !

Do me pelqente ta fitonte HUNGARIA .

GJITHSESI, SECILA PREJ KESAJ TRESHEJE DO E MERITONTE !

**landi45** · 11-05-2011, 11:35

nuk fitoi ajo sorra jone aurela gaqe ,,,,

**sirena_adria** · 12-05-2011, 05:46

GJYSEM - FINALJA E PARE - SPEKTAKLI I 10 MAJIT

http://www.eurovision.tv/esctv/past?program=24973

**sirena_adria** · 12-05-2011, 05:51

Edhe kjo eshte nje nga kenget me te mira , gjithashtu !

**sirena_adria** · 12-05-2011, 08:11

KAÇINARI e CIKO : GAÇE , KENGETARE PROFESIONISTE

Një ditë pasi Aurela Gaçe humbi të drejtën të merrte pjesë në finalen e festivalit europian të këngës, në Shqipëri për të vlerësimet nuk reshtin. Pas interpretimit e treta në radhë, në gjysmëfinalen ku morën pjesë 19 shtete, asaj iu desh ta linte garën, pasi Shqipëria nuk ishte në 10-en e shteteve që kaluan në finale. Por ç'ndodh e ç'thuhet për të në rrethin e artistëve në Tiranë?

Të gjithë muzikantët, këngëtarët e artistët e kontaktuar nga "Gazeta Shqiptare", kanë vlerësuar interpretimin e saj mbrëmjen e së martës. Paçka se shumica e tyre nuk pranojnë të flasin publikisht për performancën e saj, për ta, fakti që ajo nuk shkoi në finale, nuk e bën Gaçen këngëtare më pak të mirë. Sipas shumë syresh, problemi qëndron pikërisht tek kënga. E megjithatë, këtë nuk duan ta thonë publikisht, sepse siç ndodh rëndom në vendin tonë, 'askush' nuk do të prishë marrëdhëniet me 'askënd', ndaj mungon kritika, qoftë pozitive e qoftë negative. E mbas kësaj, shumë syresh, sërish dalin e flasin publikisht për këngë të vjedhura e për rënie cilësie. Duke e lënë jashtë vëmendjes për momentin këtë pjesë të heshtjes në raste të kësaj natyre, ajo çfarë thuhet nën zë, nuk e penalizon Gaçen.

"Aurela është këngëtare e mirë e kjo nuk vihet në dyshim. Më vjen keq që ajo u prezantua me atë këngë. Ajo ka një vokal të mrekullueshëm, ka potencial, por me atë këngë që kishte, s'bënte dot më shumë. Ajo nuk qe këngë për të konkurruar atje. Aurela ka kënduar këngë shumë të mira, por jo kjo. Që në fillim kur kjo këngë u shpall fituese në Festivalin e RTSH-së, dihej se çdo ndodhte. Ne u habitëm e thamë ç'bëjnë këta", - u shpreh një prej artistëve më të njohur shqiptarë të momentit, por edhe në moshë. E ndonëse artisti në fjalë nuk deshi të dalë publikisht, ai nuk e fshehu dot keqardhjen për moskualifikimin. Vetë ajo në një intervistë televizive, pati thënë që "refreni ma merr shpirtin", por sa i takon faktit nëse zëri i saj pati apo jo probleme, nuk e përmendi njeri.

Vlerësimet

Nga ana tjetër, Zhani Ciko, drejtor i Teatrit Kombëtar të Operës dhe Baletit, dhe kompozitori Alfred Kaçinari, thanë dje për Gazetën se Aurela qe mjaft e mirë. "Pavarësisht se u skualifikua, Aurela Gaçe mbetet këngëtare shumë e mirë. Ajo është ndër këngëtaret tona më të mira dhe është mjaft profesionale. Është e kompletuar dhe kujdeset edhe për kurimin e të gjitha aspekteve", - u shpreh dje Zhani Ciko. Sipas tij, ajo ka një interpretim vokal të mrekullueshëm, ka vizion dhe qe përgatitur mjaft mirë. "Unë e kam ndjekur gjatë përgatitjeve që bëri para se të shkonte në Gjermani dhe ka bërë maksimumin, ashtu sikundër edhe një për-kushtim serioz. Unë nuk di të them se nuk shkoi në finale. Stafi që ishte me të, kur të vijë do të na thotë se si u prit, opinionet që ata morën, si dhe konkluzionet", - përfundoi ai, duke refuzuar të flasë për "fajtorë" në këtë mes.

E në fakt, ai nuk është vetëm në këtë pikë, sepse pikërisht për "fajtorin" apo për atë që nuk shkoi mirë, refuzojnë të flasin të gjithë. "Nuk dua të merrem me këtë punë, sepse nuk ka lezet të dal kundër apo të flas hapur", - është justifikimi më i zakonshëm mes atyre që i kontakton për t'iu marrë një mendim.

Një tjetër artist që pranoi të prononcohej për Gaçen ishte Alfred Kaçinari. "Ju kërkoni një mendim për këngën. Unë mund t'ju them se ajo është kënga fituese e RTSH-së. Në një konkurs të tillë si ai i Eurovizionit, gjysma eliminohen, nuk mund të shkojnë të gjithë. Aurela është serioze, është e përgatitur, është profesioniste", - tha Alfred Kaçinari. Më tej ai shtoi se ka edhe shtete të tjera që e kanë muzikën më të konsoliduar se ne, që janë skualifikuar, ndaj kjo nuk është ndonjë gjë e madhe.

Mësohet se dje paradite në Televizionin publik Shqiptar, Genc Tukiçi ka thënë se interpretimi ishte shumë i mirë, ashtu si edhe kënga, por problemi qëndron në faktin se votimi atje është politik. Gjatë ditëve të qëndrimit të saj në Dyseldorf, Gaçe u cilësua si një divë shqiptare. Skena gjermane jehoi nga zëri i saj, dhe Aurela është vlerësuar nga mediat gjermane për zërin dhe kërcimin gati rock në skenë.

Në finale, nga gjysmëfinalja e natës së parë u kualifikuan këto shtete: Serbia, Lituania, Greqia, Azerbajxhani, Gjeorgjia, Zvicra, Hungaria, Finlanda, Rusia dhe Islanda.

"GAZETA SHQIPTARE"

http://www.balkanweb.com/gazetav5/artikull.php?id=98450

**sirena_adria** · 12-05-2011, 08:39

Postuar më parë nga sirena_adria

GJYSEM - FINALJA E PARE - SPEKTAKLI I 10 MAJIT

http://www.eurovision.tv/esctv/past?program=24973

Probleme teknike nga ana e organizatoreve lidhur me SOUND-in ne 5 kenget e para, perfshire dhe Shqiperine apo probleme me zerin " ngerthim nga emocionet " i Aureles ???

E kam ndjekur AURELEN permes regjistrimeve ne youtube, ne burime te ndryshme, ne te gjitha provat gjenerale nga DITA E PARE DHE DERI TEK DRESS REHEARSAL-S, dhe gjithkund ajo tingellonte shume e fuqishme.

Prezantimi ne gjysem -finale nuk qe i njejte ! Per me teper qe SOUND-I duhet te ishte ne shkallen me te larte te cilesise.

Flitet qe ka pasur probleme teknike per kenget e para POLONI, ZVICER, SHQIPERI,ARMENI, TURQI prej te cilave asnje nuk hyri ne finale. SA E VERTETE ESHTE KJO NUK DIHET ?

Gjithsesi , diku pati nje problem . Se ku , veshtire te percaktohet nese dikush nuk prononcohet .

**sirena_adria** · 12-05-2011, 10:18

AURELA GAÇE : JAM E SHOKUAR

Në forume komentohet performanca e dobët.

"Jam e shokuar. Kam pasur reagime të mira nga të gjitha dhe një performancë po ashtu të mirë, ndaj jam e habitur. Interpretimi u duk mirë. Mendoj se nuk ka të bëjë me këngëtarin, nuk e di se me çfarë ka të bëjë”, ka thënë Aurela Gaçe menjëherë pas skualifikimit në natën e parë gjysmëfinale të Eurovizionit. Me këtë këngëtarja shqiptare duket se i është referuar votimit të shumëpërfolur politik në Eurovision.

Në fakt, është koha për të folur për nivelin e prezantimit të muzikës shqiptare në këtë festival. Në këtë pikë, komentet në forume të ndryshme kanë qenë të shumta. Po aq u referohen edhe polemikave që shpërthyen për çmimin e parë në edicionin e 49-të Festivalit të RTSH-së nga ku Gaçe doli fituese. Një pjesë e mirë e komenteve flasin për një traditë të vjetër të këngëve që dalin fituese nga ky festival e se kërkohen ritme bashkëkohore për të prezantuar Shqipërinë. Të tjerë i referohen interpretimit të Aurelës, duke e krahasuar atë më shumë me britma.

Të drejtën ekskluzive deri më tani të prezantimit të Shqipërisë në këtë Eurovizion e ka pasur Festivali i RTSH-së. Prej të paktën 4-5 vitesh në rrethin e muzikantëve është diskutuar dhe debatuar mbi këtë fakt, duke kërkuar më shumë frymëmarrje për muzikën shqiptare. Tani duket se është me të vërtetë rasti për t’i parë këto propozime seriozisht

GAZETA " SHQIP"