Shqiperia dhe Eurovizion 2011

[Lover]

Po United Kingdom e keni degjuar?
Per mendimin tim ka shume gjasa ta fitoj kjo.

[daniel00]

Preferoj kete une

[Nete]

Me rendesi prezantimi,ju qe nuk e kuptoni se aty vertet politikisht votohet,dhe siq e keni pare kenget me te dobeta i quan para,mos te kene konkurence.

Perderisa gjuhen tuaj nuk e qmoni,mos mendoni se ndonjehere do te jeni fitimtar.

Separi duhet ta duash veten,qe te doje dikush.

[sirena_adria]

Po pres me kuriozitet te shikoj si eshte votuar per Shqiperine.

Nuk duhet jete cudi te ndodhet diku mes vendit te 11-te dhe 14-te.

[sirena_adria]

Dështon Aurela Gaçe, Shqipëria jashtë finales


Me gjithë pritshmëritë, Aurela Gaçe nuk arriti ta fusë dot Shqipërinë në finalen e Festivalit Europian.Në tetë vjet të historisë shqiptare në Eurosong, kjo është e treta herë që një këngë shqiptare nuk arrin dot deri në natën e çmimeve, duke iu bashkuar fatit të Luiz Ejllit dhe Frederik Ndocit.

Nën sytë e 24 mijë spektatorëve dhe 220 milionë telespektatorëve në të gjithë botën, u zhvillua mbrëmë në Dyseldorf të Gjermanisë nata e parë gjysmëfinale e Festivalit Europian të Këngës.

Përgjatë një orë e gjysmë u ngjitën në skenën e “Dyseldorf Arena” 19 këngë. Pas ngritjes së siparit nga tri prezantuesit e festivalit, Judith Rakers, Anke Engelke dhe Stefan Raab, nisi gara e 19 këngëve të para. Pas dy këngëve ritmike të Polonisë dhe Norvegjisë, e treta u ngjit në skenë këngëtarja Aurela Gaçe, me këngën “Feel the passion”, me muzikë të Shpëtim Saraçit dhe tekst të Sokol Marsit.

Në performancën e saj këngëtarja u shoqërua nga tre backvokalistë të huaj, nga kitaristi Bledar Sejko dhe bateristi Emiliano Dhimo. Asnjë surprizë në interpretimin e Aurela Gaçes. Si gjithnjë shpërthyese dhe me një zë potent, megjithatë, duket se kënga me motive të Jugut nuk u prit me entuziazëm të madh nga dëgjuesi europian, i cili edhe votoi për këngët finaliste. Duket se nuk bënë përshtypje as fustani me flatra, as efektet skenike, të cilat përforconin edhe më karakterin shqiptar të këngës. Ca krahë drite në një sfond të kuq flakë, për të kujtuar shqiponjën, flakadanë zjarri që ndizeshin në pikat më kulmore të këngës. Ashtu si edhe dihej prej kohësh, kënga u interpretua në pjesën më të madhe të saj në gjuhën angleze dhe vetëm një strofë refreni në gjuhën shqipe. Ndoshta anglishtja nuk është puqur mirë me këngën labe. Nuk pati ndonjë entuziazëm të jashtëzakonshëm nga publiku, ndërkohë që gjatë ditëve të provave, kënga shqiptare ka marrë kritika pozitive. Por duket se këto lloj kritikash nuk ngrenë shumë peshë në votim. Edhe herë të tjera vlerësimet kanë qenë të tilla, madje Aurela konsiderohej si një ndër pretendentët e këtij edicioni, megjithatë, rezultati ishte i papritur dhe shumë më rëndë se herët e tjera. Ndërsa shpresonim t’i shpëtonim mallkimit të vendit të 16-të të listës së natës finale, as arritëm të preknim 25-shen.

Dështimi i këtij viti vë edhe një herë në diskutim këngët që duhet të na prezantojnë në Festivalin Europian. Duhet të vazhdojë Televizioni Publik Shqiptar të përzgjedhë këngën përfaqësuese nga një festival fundviti, i cili nga viti në vit po e humbet identitetin dhe rëndësinë e tij? Mos duhen hedhur sytë në festivalet alternative, apo duhet gjetur një formulë tjetër përzgjedhjeje?

Mbrëmë, përzgjedhja e këngëve finaliste u bë me anë të votimit popullor dhe të një jurie profesioniste. Shumatorja e këtyre vlerësimeve nxori edhe 10 finalistët e parë, të cilët u shtohen 5 të tjerëve, të cilët kalojnë në mënyrë automatike në natën finale. Bëhet fjalë për vendet që kanë themeluar dhe sponsorizojnë këtë aktivitet: Francë, Itali, Britania e Madhe, Gjermania dhe Franca. Është për t’u ritheksuar këtë vit rikthimi i Italisë, pas 14 vjetësh mungese, i prezantuar nga këngëtari Raphael Gualazzi me këngën “Madness of love”.

Kësaj pesëmbëdhjetëshe do t’i shtohen edhe 10 këngë të tjera finaliste që do të dalin nga natë e dytë gjysmëfinale, e cila do të zhvillohet nesër. Finalja e madhe do të zhvillohet në datën 14 në skenën e Dyseldorfit.

Dhjetë Finalistët

Serbia: Nina – Caroban
Lituania: Evelina Sašenko – C’est Ma Vie
Greqia: Loucas Yiorkas & Stereo Mike – Watch My Dance
Azerbajxhani: Ell/Nikki – Running Scared
Gjeorgjia: Eldrine – One More Day
Zvicra: Anna Rossinelli – In Love For A While
Hungaria: Kati Wolf – What About My Dreams?
Finlanda: Paradise Oskar – Da Da Dam
Rusia: Alexej Vorobjov – Get You
Islanda: Sjonni’s Friends – Coming Home

http://www.panorama.com.al/aktualite...jashte-finales

[Endri_]

Une e kom thon sa fitoi festivalin e kenges qe aurela do jete me fat po kapi gjysemfinalet. Vokali ishte fantastik ,por kenga ishte skandaloze. Pastaj kur e kthyn ne anglisht u bo per turp fare.

[_Mersin_]

Kenga ishte kot fare po ku them fare fare. skenia ishte e bukur me krahet e shqiponjes.Pse nuk vene kengen tallava te aureles, Amani amani lol :P

jurine e eurovizionit do ta quaja juria e Sllavo-vizionit

[BlooD_VenoM]

Ajo kënga jonë s vlente as 2 lekë.Veç çirrej Aurela,pëlliste kot së koti.I dolën damarët 3 gisht mbi qafë.Edhe veshja linte shumë për të dëshiruar,gjoja si Shqiponjë e lesh e presh...tek s arritëm gjë me atë Anjezën,me Ledina Çelo,me Karavellot me këto patatinat tani,s arrijmë gjë.

[loneeagle]

kenga ishte shume kote edhe me keq akoma qe ishte ne anglisht nuk tingellonte bukur fare. aurela eshte kengetare e mire por kenga jo. qe ne fillim e dija qe nuk do futej ne finale. prandaj nuk i kushtova fare rendesi ketij programi. pse nuk mundohen te gjejne nje keng te bukur. do zoti me mire vitin tjeter.

[sirena_adria]

Gara ne Eurovision Song Contest - Festivali Europian i Kenges ka hyre ne fazen me te ethshme dhe emocionuese te saj.

5 VENDEVE automatikisht FINALISTE - ANGLI, FRANCE, GJERMANI , SPANJE dhe ITALIA e shtuar sivjet , iu shtuan 10 TE PARAT NGA GJYSEM-FINALET .

GJYSEM-FINALJA E PARE qe u zhvillua dje, 10 Maj perzgjodhi 10 te tilla , permes votimit te publikut dhe jurive te vendeve pjesmarrese ne te dhe Anglise e Spanjes, te perzgjedhura permes shortit .

Serbi, Lituani, Greqi, Azerbajxhan, Gjeorgji, Zvicra, Hungaria, Finlanda, Rusia, Islanda kaluan ne finale duke lene pas 9 vendet e tjera, perfshi ne to dhe Shqiperine, per fat te keq.

10 TE TJERA qe do perzgjidhen neser ne GJYSEM-FINALEN E DYTE te 12 Majit , do te plotesojne 25-SHEN FINALISTE te EUROVIZION 2011.

FINALISTE TE DERITANISHME :

ANGLI
FRANCE
SPANJE
GJERMANI
ITALI

HUNGARI
SERBI
LITUANI
GREQI
AZERBAJXHAN
GJEORGJI
ZVICER
FINLANDE
RUSI
ISLANDE

10 Vende Te Tjera perzgjidhen Neser.


Cilat jane per ju - 10 KENGET ME TE BUKURA TE KETIJ EUROVIZIONI si dhe FITUESJA ?