Cosa Nostra

[{A_N_G_E_L_69}]

Itali - Ekzekutohet bosi mafioz i Cosa Nostra, Giuseppe Dainotti

Ekzekutohet në një atentat me armë zjarri bosi mafioz i Cosa Nostra Giuseppe Dainotti, 67 vjec.
Ngjarja ka ndodhur paraditen e sotme në lagjen Ziso të Palermo.
Bosi mafioz po udhëtonte me bicikletën e tij ndërsa është rrethuar nga dy killer me motorr të cilët i kanë qëlluar me plumb në kokë.
Giuseppe Dainotti, kishte dalë nga burgu me vitin 2014 pas uljes së masës së tij të dënimit.
Bosi mafioz Giuseppe Dainotti, ishte një personazh i rëndësishëm i organizimit mafioz të Cosa Nostra e kreu i klanit Porta Nuova.
Ai është një nga autorët e vrasjes së 3 policëve më vitin 1983 e megjithë se ishte i dënuar me burgim të përjetëshëm, me anë të një sentence të veçantë të Gjykatës Kushtetuese mundi ta ulë shkallën e tij të dënimit.
Sipas autoriteteve italiane vrasja e tij është rrjedhë e një lufte mes klaneve mafioze e organizuar nga bosi Giovanni Di Giacomo me të cilin gjatë viteve ’90 viktima bashkëpunonte për të adminstruar trafikun e drogës.
Bosi i mafias Giuseppe Dainotti ishte një nga besnikët e kapo mafias Salvatore Cancemi, i cili është kthyer në një bashkëpunëtor i drejtësisë italiane.
Pas 3 vitesh paqeje kjo është vrasja e parë e ekzekutuar mes klaneve të Cosa Nostras.

[{A_N_G_E_L_69}]

Itali, bosi i Mafias ekzekutohet teksa shëtiste me biçikletë


Vrasja e një prej bosëve të mafias, teksa shëtiste me biçikletë në Siçili, ka rikthyer vëmendjen tek grupi criminal Cosa Nostra.

Giuseppe Dainotti, 67-vjeç, u ekzektua në një atentat tipik mafioz, ndërsa raste të tilla ishin mjaft të rralla në Itali, pasi disa prej figurave më të rrezikshme gjenden në burg.

Ngjarja e ndodhur ditën e hënë risjell në vëmendje dhunën në qytetin e Palermos, pikërisht në 25-vjetorin e vrasjes së prokurorit Giovanni Falcone.

Fotografitë nga skena e krimit tregojnë trupin e Dainotti-t të mbuluar me çarçafin e bardhë, ndërsa këpucët dhe biçikleta e tij janë të vetmet objekte të dukshme.

Prokurori i Palermos, Francesco Lo Voi tha se ekzekutimi ishte një paralajmërim për shtetin se gjer tani, Cosa Nostra mund të ketë qëndruar në hije, por kjo nuk do të thotë se është mposhtur.

“Kur disa njerëz thonë se mafia nuk ekziston, apo se ajo është shkatërruar, diçka ndodh për të na kujtuar se ajo është ende aty,” deklaroi Lo Voi.

Vrasja e Falcone-s në vitin 1992 dhe juristit tjetër, Paolo Borsellino në një atentat të dytë në korrikun e po të njëjtit vit, nxiti nisjen e një sulmi të gjerë kundër mafias, që përfundoi me arrestimin e disa prej figurave kyçe të saj.

Ndërkaq, grupi Siçilian që dikur sundonte Italinë, është tejkaluar vitet e fundit nga të pamëshirshmit e Ndragheta-s në Kalabri dhe Camorra në Napoli.

“Një vrasje e tillë, pranë një shkolle dhe në përvjetorin e kujtimit të masakrës ndaj Falcone-s, tregon se sa kompleks është fenomeni i mafias,” është shprehur Enzo Letizia, sekretar shoqatës kombëtare të policisë.

Giuseppe Dainotti, mendohet të ketë qenë mik i ngushtë i Salvatore Cancemi, një tjetër bos i rëndësishëm i mafias, i përfshirë në përgatitjen dhe ekzekutimet e Falcone-s dhe Borsellino-s.

Në vitin 1993, Cancemi u vetëdorëzua duke u kthyer në bashkëpunëtor të policisë, ndërsa mes të tjerash rrëfeu se si “bosi i bosëve,” Toto Riina porositë shampanjë franceze për të festuar vdekjen e Giovanni Falcone-s. Cancemi vdiq në arrati në vitin 2011.

Dainotti njihej nga armiqtë e tij me pseudonimin Gano di Magonza (Ganelon), që është emri i kalorësit, i cili tradhëtoi ushtrinë e Charlemagne, duke e dorëzuar atë tek Muslimanët.

Personazhi letrar, emri i të cilit rrjedh nga fjala italisht inganno, që do të thotë gënjeshtër ose mashtrim, u dënua nga poeti i njohur Italian, Dante që të vuante në përjetësi me tradhëtarët e tjerë, në rrethin e nëntë të ferrit.

[Ciarli]

Gjithsesi fituam, fitoi bota popullore edhe nje here!
Falkone spiunonte me te bukurin, kurse Katani i ngordhte ne dru me buke ne goje dhe keta jane heronj popullore nga ku duhet nxjerre mesim!

[{A_N_G_E_L_69}]

Detaje të reja rreth vrasjes së bosit të “Cosa Nostra”. Pse u vra më 22 maj dhe plani i “fshehtë” i ekzekutimit i paracaktuar në 2014




ITALI- Siç është raportuar edhe dy ditë më parë, një nga bosët e mafies siçiliane, i njohur si bosi i “Cosa Nostra”, Giuseppe Dainotti u ekzekutua me armë zjarri paraditen e 22 majit në Palermo të Italisë. Bosi i mafies siciliane, ‘Cosa Nostra’ u vra një ditë para 25-vjetorit të vrasjes së gjyqtarit të njohur antimafia Giovanni Falcone së bashku me bashkëshorten e tij. Në atë kohë “Cosa Nostra” shpërtheu 600 kilogramë eksplozivë gjatë kalimit të makinës së tyre, jo shumë larg Palermos.


Kur kanë kaluar 48 orë nga vrasja e tij detaje të reja dalin rreth ekzekutimit të tij. Sipas mediave italiane, institucioni i Mjekësisë Ligjore në Palermo ka nxjerrë edhe autopsinë kryer për vrasjen e 22 majit në Palermo. Katër të shtëna ishin vdekjeprurëse për bosin e “Cosa Nostra”, ishin katër plumba që vranë Giuseppe Dainotti. Mjekët kanë nxjerrë një plumb nga trupi i 67-vjeçarit Dainotti, ndërsa tre të tjerë janë gjetur në vendin e vrasjes. Bosi i “Cosa Nostra” njeriu i afërt i Toto Cancemi i dënuar me burgim të përjetshëm, por që u lirua në vitin 2016, ishte viktimë e sulmit rreth orës 8 të mëngjesit kur po lëvizte me biçikletën e tij. Vrasësit e qëlluan atë në gjoks dhe në stomak dhe gjithashtu kishte marrë edhe një plumb vdekjeprurëse në kokë. Por askush në këtë rrugë nuk e pa vrasësin duke ikur. Një dëshmitare e marrë në pyetje nga policia nuk dha detaje duke thënë që nuk e kishte parë momentin e ngjarjes.



Sipas mediave italiane, hetimet nga policia italiane shkojnë më tej dhe në detaje më të thella duke hulumtuar për të zbuluar se kush e ka kryer vrasjen e fundit mafioze në qytet pas tre viteve heshtje. Pikërisht një krim në ditën e vigjiljes për përkujtimin e masakrës “Capaci”. Në stacionin policor, të hënën u thirrën të afërmit dhe miqtë e viktimës dhe më pas në mbrëmje autopsia e përcaktuar si përfundimtare nga prokurori vendosi dhe kthimin e eshtrave familjes së viktimës.

Bosi Dainotti ishte paracaktuar më parë që të vritej pasi në vitin 2014 policia regjistroi një sherr në burgun e Parmës, nga ku Giovanni Di Giacomo i kishte thënë një prej njerëzve të tij që të vriste Dainottin. Pra Dainotti kishte që në 2014 që ishte pikësynim për t’u vrarë por ekzekutimi i tij ndodhi pas tre vjetësh nga plani i paracaktuar. Giuseppe Dainotti ka qenë më parë për një kohë të gjatë në burg për vrasje, trafik droge dhe vjedhje, por u lirua në vitin 2014. Policia dyshon se ai u vra nga rivalët brenda ‘Cosa Nostra’ per shkak të luftës për terrenin e drogës.

“Në vrasjet mafioze të këtyre rasteve kurrë nuk ka asgjë”, tha Presidenti i Senatit Pietro Grasso, duke komentuar vrasjen bosit të “Cosa Nostra” Giuseppe Dainotti në prag të 25-vjetorit të masakrave të “Capaci” dhe “Via D’Amelio2. “Unë nuk mendoj se vrasja e tij ishte një mesazh – vazhdoi Grasso më tej duke iu përgjigjur gazetarëve. Dainotti ishte një person i cili u akuzua në gjykim maksimal, në të cilin kam marrë pjesë vetë shumë vite më parë. Ai u dënua me burgim të përjetshëm dhe më pas, për arsye proceduraleështë liruar, por ende kishte ende probleme të pazgjidhura brenda “familjes” së tij mafioze, ky është realiteti.” përfundoi fjalën e tij Grasso.

“Është shpejt për të bërë hipoteza, por kur ndonjë thotë se mafia nuk ekziston më, ndodh diçka për të konfirmuar se mafia ekziston ende. Vrasja e Dainottit, në mes të Palermos, më 22 maj, mund të ketë shumë kuptime”- tha prokurori i Palermos, Francesco Lo Voi.

[murik]

Ceshtje mentaliteti. Sicilianet durojne pordhet e ketyre krimineleve shqiptaret durojne pordhet e politiqenve

[HFTengineer]

Se Italise i kane ngel problemi i mafjes si problemi me kryesor ne kto dite. Ekonomia qe nga 2009 per lesh po arrin nje dekade qe spo ben permisim me , 39.4 papunsia duke u rrit 2%, mbytur me imigracjon nga te gjitha anet, me nje ECB qe eshte per te qeshur qe thote jane shume mire kur ktej numrat kundershtojn veten
https://www.bloomberg.com/news/artic...orking-for-all

https://www.express.co.uk/finance/ci...stimates-wrong

Po si shqipo qe jemi fshati digjet palka krihet, mafja eshte problemi ne itali jo ECB dhe EU.
Mos kini merak se shqipria do behet akome me mire sec eshte tani sa tju fusi teta edi dhe cifot qe e kosnbultojne mire mire me koke, me krimin dhe me borxhe deri ne grykeme,me keq se jeni se ka akome per te vjedhuir e perdorur.
Sicilia mund te kete problem me mafjen sipas shqiptarve , por shqipria ka rritjen e kriminalitetin, rritjen e emigracjonit , dhe emigracjonin ne popullsise me profesjone kyce si mjeksia , rritjen e papunsine, rritjen e borxheve.

[Ciarli]

Sicilia apo Siria e Italise nuk ka lidhje me problemet e Qipros apo Shqiperise. Sicilia eshte e ndare dhe e izoluar per shkak te zakoneve kanunit te saj dhe ajo eshte feja e tyre apo mafja dhe feja e vertete kudo kurse ndarja e Qipros nga bota ka shkaqe te tjera dhe te fshehta apo oskure. Ajo qe te ngaterron ty eshte deliri qe quhet bote rendom dhe qe eshte nje film i dale boje tashme.

[{A_N_G_E_L_69}]

Itali - Kapo i kapove, kryemafiozi Totò Riina së shpejti i lirë?!




Gjykata kushtetuese italiane e shkallës së parë ka pranuar ankesën e bërë nga avokatët mbrojtës të kreut të mafies italiane “Cosa nostra”, kryebosit mafioz Toto Riina, për shtyrjen e dënimit pra lirimin e tij o në alternativë arrest shtëpiak.
Motivi i kësaj kërkese është se bosi mafioz tashmë në moshën 86 vjecare vuan nga patologji të rënda shëndetësore e se cdo i burgosur ka të drejtën e vdekjes dinjitoze.
Gjykata kushtetuse pranon se “cdo i burgosur duhet të ketë të drejtën e vdekjes në mënyrë dinjitoze e se Gjykata e Bolnjës e cila ka marrë vendimin për dënimin e tij, duhet të vërtetoj nëse Toto Riina në moshë të avancuar e në gjëndje të rëndë shëndetësore, është ende një person i rrezikshëm kriminal.
Ky vendim i gjykatës kushtetuese italiane ka shkaktuar reagime të forta negative nga ana e mjaft eksponentëve të politikës italiane e nga përfaqësues të organizatave civile.
Ka reaguar dhe vëllai i Paolo Botsellino, gjykatësit antimafia i vrarë me urdhër të Totto Riinas 25 vite më parë.
Ai ka akuzuar shtetin italian “si bashkëpunëtor me mafien e se një person si Riina që ka mbjellë gjak e terror në këtë vend meriton të vdes në burg, ashtu siç kanë ndërruar jetë mjaft të burgosur të tjerë të thjeshtë.”
Ka reaguar publikisht dhe Kreu i Antimafias italiane Franko Roberti i cili është shprehur se “Toto Riina duhet të qëndroj në burg e se ka prova që vërtetojnë se ai është ende kapo i mafies siciliane Cosa Nostra.”
Bosi mafioz Toto Riina në nëntor të këtij viti mbush 87 vjeç. Pas 30 vitesh i shpallur në kërkim u arrestua 24 vite më parë më 15 janar 1993 në Palermo. Ai konsiderohet kapo i kapove të mafies italiane.
Që në moshën 19 vjeçare dënohet për vrasjen e një miku të tij, nga ku zë fill dhe aktiviteti i tij kriminal e mafioz. Toto Riina është urdhëruesi i vrasjes së dy gjykatësve të njohur antimafia, Giovanni Falconi e Paolo Borsellino, si dhe të një seri atentatesh e vrasjesh mafioze.

[{A_N_G_E_L_69}]

Goditet “Cosa Nostra”, 39 të arrestuar në Itali e Gjermani


Plot 39 persona, që dyshohen se i përkasin klanit të “Cosa Nostra”-s siçiliane, u vunë në pranga gjatë një aksioni të përbashkët të policisë italiane dhe asaj gjermane.


Rreth 600 pjesëtarë të njësive Antimafia, “Duso” dhe “Extra Fines”, morën pjesë në operacionin në Romë, ku u arrestuan 37 vetë. Në Këln, policia vuri në pranga dy italianë të akuzuar për trafikim droge dhe veprime kriminale në tregtinë e ushqimeve.

Të gjithë të arrestuarit duhet t’i përkasin klanit “Rinzivillo” të organizatës mafioze “Cosa Nostra”. Familja në fjalë, me origjinë nga Gela e Siçilisë, përpiqej të shtinte në dorë tregtinë e prodhimeve të peshkut në Romë, Milano dhe Gjermani.

Po ashtu, anëtarët e klanit “Rinzivillo” kishin kontakte edhe me Antonio Strangion, pronarin e lokalit “Da Bruno” në Duisburg, ku në gusht të vitit 2007, gjatë të shtënave me armë u shënuan 6 të vdekur.

Goditja e suksesshme kundër klanit mafioz u bë e mundshme falë hetimeve disavjeçare dhe bashkëpunimit mes Prokurorisë së Italisë dhe atyre të Gjermanisë, në Karlsruhe dhe Këln.

Gjatë arrestimeve janë sekuestruar armë, drogë, pasuri të patundshme dhe mallra me vlerë prej 11 milionë eurosh.

[{A_N_G_E_L_69}]

Ndërron jetë Toto Riina, bosi i “Cosa Nostra”



Bosi famëkeq i mafias siciliane Salvatore “Toto” Riina vdiq si pasojë e kancerit në spital.

87 vjeçari Riina, bosi i dikurshëm i organizatës së frikshme kriminale Coas Nostra, u burgos në vitin 1993. Ai po vuante një dënim me 26 burgime të përjetshme dhe besohet se ka urdhëruar më shumë se 150 vrasje.