Italia hap 80 mijë vende pune sezonale. Kushtet e aplikimit

[strange]

Përfitojnë dhe shqiptarët. Kuotat e pranimit, sipas rajoneve

Qeveria italiane i ka hapur dritën jeshile punësimit sezonal të rregullt të shtetasve nga vende jo anëtare të Bashkimit Evropian. Të drejtën për të aplikuar për një kontratë pune në shtetin fqinj, në mënyrë legale, e gëzojnë edhe të gjithë shqiptarët e interesuar. Specialisti i Drejtorisë së Emigracionit, në Ministrinë e Punës, Durim Hatibi, informon se “është hapur rruga për punësimin e 80 mijë shtetasve nga shtete jo anëtare të BE-së, pas miratimit të kërkesave të paraqitura nga punëdhënësit italianë”. Por këtë vit, ndryshe nga më parë, aplikimi për punësim sezonal në shtetin fqinj do të jetë krejtësisht individual. Nuk do të jetë më Ministria shqiptare e Punës ajo që do të negociojë me palën italiane për të garantuar këtë punësim sezonal të shqiptarëve në përputhje me kuota fikse. 80 mijë vendet e punës të miratuara përmes dekret-flukseve nga qeveria italiane këtë vit nuk janë të kufizuara në numër për secilin shtet. Gjithsecili qytetar nga vendet e rajonit tonë dhe më gjerë mund të konkurrojë për një kontratë pune, krejt individualisht dhe të përzgjidhet nga punëmarrësit italianë.

Afatet

Në Gazetën Zyrtare italiane të 10 prillit 2009 u botua i plotë Dekret-Fluksi për punëtorë stinorë, shtetas nga vende jo anëtare të BE-së. “Shifra 80 mijë përfaqëson kuotën maksimale të lejuar për të gjithë këta shtetas. Duke nisur nga 11 prilli, punëdhënësit që dëshirojnë dhe kanë nevojë për këtë kategori punëtorësh mund të hartojnë kërkesat me emër, që mund të dërgohen, duke filluar nga ora 8:00 e 15 prillit 2009″, saktëson specialisti i Emigracionit, Durim Hatibi.

Duke iu referuar dokumentit të miratuar dhe që aktualisht ka marrë formë zyrtare të zbatueshme, Hatibi sqaron më tej se “sistemi i kuotave përcakton numrin maksimal të hyrjeve të lejuara për këtë vit në Itali. Kjo nuk do të thotë që një shteti jo anëtar të BE-së, apo institucioni të tij, i vijnë kërkesa pa emër, duke i lënë hapësirë atij që të përzgjedhë punëmarrësit”. Pra, secili nga të interesuarit duhet të sigurojë individualisht kontrata pune nga një punëdhënës italian.

Si të gjitha kërkesat e deritanishme, edhe kërkesat për punëtorë stinorë kanë në themel kërkesën e një punëdhënësi, që e zgjedh me emër shtetasin e huaj, duke e njohur personalisht, apo me rekomandime të të njohurve, të afërmve, etj.

Siç del edhe nga përmbajtja e dekretit, kuotat për punësim stinor nuk ndahen në bazë shtetësie. Sidoqoftë, ky lloj punësimi, pavarësisht se në bazë ka kërkesën e punëdhënësit, nuk do të mundësohej për shtetasit shqiptarë nëse Republika e Shqipërisë nuk do të kishte nënshkruar Marrëveshje Bashkëpunimi me Republikën Italiane në fushën e migrimit, në dhjetor 2008.

Sipas Hatibit, e gjithë kjo paketë informative bën pjesë në fushatën informative të ndërmarrë nga Ministria e Punës, Çështjeve Sociale dhe Shanseve të Barabarta, duke qenë në rolin kryesor në ofrimin e informacionit të saktë, të shpejtë dhe në shërbim të shtetasve. Ai shton se ka pasur shumë kërkesa të shtetasve shqiptarë, që rëndom pyesin: edhe pse njohim punëdhënës që janë të gatshëm të na sigurojnë një kontratë pune, sipas procedurave të vendosura nga shteti italian, nuk dimë si dhe kur të fillojmë procedurat dhe si të veprojnë. “Në këtë këndvështrim e menduam të dobishme të pasqyrojmë edhe ndarjen sipas rajoneve dhe provincave, të bërë nga Ministria e Punës, Shëndetit dhe Politikave Sociale të Italisë”, pohon specialisti Hatibi.

Aplikimi

Ky nis me procesin e regjistrimit. Punëdhënësi duhet të lidhet me sitin e Ministrisë së Brendshme italiane: www.interno.it, të hyjë në zonën/fushën e posaçme për flukset stinore 2009 dhe të regjistrohet, duke futur emër, mbiemër, datëlindjen, një adresë të postës elektronike dhe një fjalëkalim hyrjeje. Kështu, do të marrë një e-mail, me udhëzimet për të konfirmuar regjistrimin dhe për të aktivizuar të drejtën e tij të përdorimit. Më tej kalohet në krijimin e moduleve. Duke futur adresën e-mail dhe fjalëkalimin, punëdhënësi i regjistruar mund të hyjë në zonën/fushën e dedikuar në www.interno.it dhe të krijojë modulet për kërkesën e tij për punësim. Për çdo modul duhen futur të dhënat vetjake dhe të atij punëtori stinor, të cilin ai dëshiron ta thërrasë në Itali. Plotësimi i mirëfilltë i moduleve do të bëhet në një moment të dytë. Hapi i tretë lidhet me domosdoshmërinë e shkarkimit dhe të instalimit në kompjuterin personal të softuerit të Sportelit Unik për Imigrimin (SUI). Në atë faqe gjenden lidhjet për të shkarkuar versionet e SUI-t për Windows, Linux dhe Os, si dhe manualet e udhëzimeve. Pas

aktivizimit të softuerit SUI, sigurohet që kompjuteri personal të jetë i lidhur me internetin dhe klikohet në “importa i moduli elettronici nel programma”. Këtu duhen futur sërish e-mail dhe fjalëkalimi; pas kësaj modulet e aktivizuara më parë tek www.interno.it, do të kalojnë te kompjuteri personal.

Hartimi i kërkesave

Në këtë fazë nuk është e domosdoshme të jesh i lidhur me internetin. Nga faqja kryesore e SUI-t, klikohet te “visualizza domande da compilare” dhe vazhdohet duke plotësuar të gjitha fushat e kërkesës (tipi i kontratës që dëshiron të zbatosh, si punëdhënës, ku mendon të strehosh këtë punëtor, karakteristikat e ndërmarrjes tënde etj.); këto ruhen në pritje të dërgimit të kërkesës.

Gjatë hapit të fundit të aplikimit, punëdhënësi lidhet me internet dhe aktivizon në kompjuterin personal softuerin SUI. Ai klikon tek “visualizza domande da inviare”, pra dërgon kërkesën për punësimin e punëtorëve stinorë. Ky veprim do të jetë i mundur, vetëm nga ora 8:00 e ditës së mërkurë, më 15 prill 2009.

Dekreti

Neni 1 i këtij dekreti saktëson se “në rrugë të programimit kalimtar të kuotave maksimale të hyrjeve të punëtorëve, shtetas nga shtete jo anëtare të BE-së për vitin 2009, pranohen në Itali për motive të punës stinore, si punëmarrës, shtetasit e huaj, nga shtete jo anëtare të BE-së, që qëndrojnë jashtë Italisë, kjo brenda një kuote 80 mijë, kuotë që do të shpërndahet, mes rajoneve dhe provincave autonome, nën kujdesin e Ministrisë së Punës, Shëndetit dhe Politikave Sociale. Mes punëtorëve stinorë nga Shqipëria pritet të përfitojnë edhe nga vende të tjera të rajonit tonë si Serbia, Mali i Zi, Bosnjë-Hercegovina, ish-Republika Jugosllave e Maqedonisë.

Qëllimi i miratimit të këtij dekreti nga qeveria italiane lidhet me mundësimin e punëtorëve të domosdoshëm për kërkesa specifike të sektorit turistik dhe për vjeljen e produkteve bujqësore. A.Rr.

Flukset stinorë.

Kuotat për çdo provincë italiane

Në zbatim të detyrimit ligjor, Ministria e Punës ka shpërndarë tashmë 80 mijë kuotat për punëtorë stinorë, të programuar për vitin 2009. Më poshtë janë të gjitha këto kuota:

Rajoni Liguria

Provincat

Xhenova 100

Imperia 250

La Specia 50

Savona 400

Totali 800

Rajoni Piemonte

Provincat

Alesandria 450

Asti 450

Biela 20

Kuneo 2000

Novara 50

Torino 800

Verbania C.O. 15

Verçeli 15

Totali 3800

Rajoni Val d‘Aosta

Provincat

Aosta 50

Rajoni Lombardia

Provincat

Bergamo 90

Breshia 550

Komo 20

Kremona 100

Leko 20

Lodi 100

Mantova 2600

Milano 200

Pavia 200

Sondrio 100

Vareze 20

Totali 4000

Provinca Autonome Trento

Trento 3000

Provinca Autonome Bolcano

Bolcano 1000

Rajoni Veneto

Provincat

Beluno 150

Padova 450

Rovigo 600

Trevizo 160

Venecia 1000

Verona 5500

Viçenza 90

Totali 8000

Rajoni Friuli Venecia Xhiulia

Provincat

Goricia 50

Pordenone 150

Trieste 50

Udine 450

Totali 700

Rajoni Emilia Romanja

Provincat

Bolonja 400

Ferrara 400

Forlì - Çezena 2000

Modena 600

Parma 200

Piaçenca 300

Ravena 2500

Rexhio Emilia 100

Rimini 1500

Totali 8.000

Rajoni Toskana

Provincat

Areco 250

Firence 180

Groseto 2500

Livorno 115

Luka 110

Masa Carrara 60

Piza 90

Pistoia 80

Prato 5

Siena 510

Totali 3900

Rajoni Marke

Provincat

Ankona 550

Askoli Piçeno 450

Maçerata 400

Pezaro-Urbino 450

Totali 1850

Rajoni Umbria

Provincat

Peruxhia 270

Terni 80

Totali 350

Rajoni Lacio

Frozinone 100

Latina 6530

Rieti 90

Roma 1000

Viterbo 180

Totali 7900

Rajoni Abruco

Provincat

Kieti 400

L‘Akuila** 3500

Peskara 300

Teramo 300

Totali 4500

** Kuota, përkohësisht të ruajtura, pranë Drejtorisë së Përgjithshme të Imigrimit.

Rajoni Molize

Provincat

Kampobaso 440

Izernia 60

Totali 500

Rajoni Kampania

Provincat

Avelino 80

Benevento 750

Kazerta 2500

Napoli 1250

Salerno 2520

Totali 7100

Rajoni Pulja

Provincat

Bari 700

Brindizi 250

Foxhia 4500

Leçe 700

Taranto 350

Totali 6500

Rajoni Bazilikata

Provincat

Matera 300

Potenca 950

Totali 1250

Rajoni Kalabria

Provincat

Katanxaro 400

Kozenca 1450

Krotone 2900

Rexhio Kalabria 600

Vibo Valentia 50

Totali 5400

Rajoni Siçilia

Provincat

Agrixhento 50

Kaltaniseta 140

Katania 300

Ena 150

Mesina 180

Palermo 180

Raguza 3100

Sirakuza 1500

Trapani 100

Totali 5700

Rajoni Sardenja

Provincat

Kaljiari 130

Nuoro 500

Oristano 20

Sasari 50

Totali 700


Burimi

[Xhuxhumaku]

mehmeto,

kjo gje per lal, ka qe ne 97-98 qe o punuar ne shqiperi dhe o bo po aq reklame, po taljonet, jane ca "figli di buona madre", qe llapin shume, e pune bojne hic...

[strange]

S'di gjë unë moj xhuxhu, thash ndoshta ju ndihmoj emigranteve Shqiptare ne Itali dhe e postova.

[Xhuxhumaku]

mehmet,

qe ne 97, aty o nji grekofon i ndyre qe quhet Kosta BARJABA, i cili ben ksi lloj njoftimesh sa per me rrejt shqiptaret e shkrete.

[strange]

Aha, sen ste koka ky far lajmi

Epo le te fshihet pra...


Flm per Sqarimin XhUxHu.

[Albo]

Punesimi ne Itali, nga sot formulari online

Mengjesin e sotem ne adresen e internetit ku ofrohet punesimi sezonal, do te publikohet formulari per aplikim. Te gjithe ata persona te cilet deshirojne te aplikojne, mund ta printojne ate dhe ta plotesojne fillimisht, ne menyre qe mengjesin e dates 31 janar te jene te pergatitur. Aplikimi Procedura e nisjes se kerkeses do te jete shume e ngjashme me ate te vitit 2007. Dallimet e pakta kane te bejne me futjen e lehtesimeve teknologjike. Keshtu, nuk do te nevojitet te shkarkohet ne kompjuterin e shtepise software i Ministrise se Brendshme italiane. Kete here do te jete e mundur qe kerkesa te perpilohet drejtperdrejt nga faqet e internetit te Ministrise se Brendshme italiane, e cila menjehere do te jape konfirmimin e marrjes se kerkeses (nuk parashikohet me nisja e nje e-mail-i konfirmimi ne adresen e postes elektronike). Nga data 18 janar, ne faqen e internetit te Ministrise se Brendshme italiane, do te vihet ne dispozicion programi per perpilimin e formulareve, qe duhet te nisen ne datat e paracaktuar ( jo me pare) dhe do te ofrohet asistence telematike me "Help Desk". Eshte shume e rendesishme, perdoremi i modulit te duhur, pasi ne rast gabimi nuk do te kete mundesi korrigjimi dhe pasoja e vetme do te jete hedhja poshte e kerkeses. Detyrimet Punedhenesi, italian ose jokomunitar, banues i rregullt ne Itali, mund te paraqese kerkesen per autorizim (nulla osta) per pune te varur per nje qytetar jokomunitar me banim jashte vendit ose qe ndodhet ne Itali, por qe nuk mund te punesohet drejtperdrejt, sepse nuk ka asnje lloj lejeqendrimi, ose qe ka nje lejeqendrim jo te vlefshem per punesim te drejtperdrejte. Punedhenesi duhet te kete mundesi te caktuara ekonomike, te cilat ndryshojne sipas llojit te kerkeses (per punesimin e nje bashkepunetori familjar apo te nje punonjesi te varur-jo shtepiak, si per shembull nje murator, mekanik etj.). Punedhenesi duhet te deshmoje se ka te ardhura vjetore te barabarta ose me te medha se te pakten dyfishi i pages, plus kontributet perkatese, qe i takon punonjesit qe deshiron te marre ne pune. Per te punesuar ne menyre te drejtperdrejte nje punetor per pune te varur, punedhenesi duhet te paraqese kerkesen prane Sportelit Unik per Emigracionin ne Prefekturen ku banon ose ne rast ndermarrjeje ose shoqerie, atje ku e ka seline ose ku do te zhvillohet aktiviteti i punes. Kerkesa eshte telematike dhe behet fjale per dergimin e nje modulari, qe mbushet on-line, i cili permban propozimin e kontrates se qendrimit ku do te jepen te dhenat qe kane te bejne me marredhenien e punes qe deshirohet te krijohet (te ardhurat, pagesa, kontrata kolektive qe do te aplikohet sistemi i banimit e keshtu me radhe). Shqyrtimi Pas marrjes se kerkeses, Sporteli Unik do t'ia dergoje kerkesen Kuestures per verifikimin e debimeve ose denimeve te mundshme te punonjesit. Ne rast aprovimi, vete zyra e percjell kerkesen prane Drejtorise Provinciale te Punes per te verifikuar nese ka ende kuota ne dispozicion, te aftesise ekonomike te punedhenesit dhe te respektimit te kushteve minimale te punes. Me pas mund te kerkohen dokumente plotesuese. Nese verifikimet perfundojne pozitivisht, punedhenesi thirret per nenshkrimin e kontrates se qendrimit dhe per leshimin e autorizimit (nulla-osta) per pune, i vlefshem per 6 muaj nga data e leshimit. Punedhenesi duhet t'ia dergoje kete nulla-osta punonjesit te huaj. Ky i fundit, me kete dokument origjinal dhe me pasaporten te vlefshme, duhet te shkoje ne Konsullaten Italiane per te kerkuar vizen e hyrjes per pune ne Itali. Vetem pasi te kete marre vizen, shtetasi jokomunitar mund te vije ne Itali. Brenda 8 diteve nga hyrja ne territorin italian, ai duhet te paraqitet ne Sportelin Unik per te nenshkruar kontraten e qendrimit. Me pas mund t'i beje Kuestures kerkese per lejeqendrim pune, duke perdorur kompletin postar te formulareve. Rregullorja, si percaktohen kuotat per punesimin sezonal Fitues nese aplikon ne minutat e para te "konkursit" Kuotat caktohen duke respektuar rendin kronologjik, eshte themelore qe kerkesa te dergohet sa me shpejt, diten e caktuar, me shprese qe te futet ne kuota para se ato te mbarojne. Per shembull, ne vitin 2007, kuotat e vena ne dispozicion mbaruan brenda 15 minutave, pas fillimit te orarit te vendosur per dergimin e kerkesave (ora 8.00). Sipas qarkores se perbashket te ministrise se Brendshme Italiane dhe ministrise se Punes, kerkesat per punesimin e shqiptareve qe jetojne ne Shqiperi (por, praktikisht edhe ne Itali pa leje qendrimi) duhet te paraqiten me 31 janar 2011. Ndersa shqiptaret qe do te kerkojne konvertimin e lejes se qendrimit duhet te paraqesin kerkesen me 3 shkurt 2011. Keshtu, shqiptaret qe jetojne ne Itali me nje lejeqendrim, cfaredo e qe kerkojne konvertimin ne lejeqendrim per pune, sipas nenit 4 te dekretit te flukseve, duhet te paraqesin kerkese me 3 shkurt 2011. Ne ligj eshte shkruar shprehimisht qe do te pranohen kerkesat e paraqitura brenda 6 muajsh nga data e botimit te dekretit ne Gazeten Zyrtare. Me 3 janar 2011, me nje qarkore te perbashket te Ministrise se Punes dhe Ministrise se Brendshme Italiane sqarohen disa nga pikat kyce te dekretit te flukseve 2010, te botuar ne Gazeten Zyrtare te 31 dhjetorit 2010. Ne Itali mund te punesohet nje shtetas jokomunitar, vetem nese ai ka nje lejeqendrim te pershtatshem, si per shembull lejeqendrim per arsye familjare, per pune te varur josezonale, per studim (maksimumi mund te punesohet per 20 ore ne jave e gjithsesi jo mbi 1040 ore ne vit), si refugjat politik, per arsye humanitare etj. tab Qarkorja sipas afateve 1- Me 31 janar, nga ora 08:00, duhet te nise paraqitja e kerkesave per punesimin e punonjesve, nga vendet qe kane lidhur marreveshje me Italine, dhe qe renditen ne nenin 2 te dekretit te flukseve. Ne kete date, punedhenesit duhet te paraqesin kerkesat per 4.500 shqiptaret me banim ne Shqiperi qe parashikon dekreti. 2- Me 2 shkurt, nga ora 08:00, duhet te nise paraqitja e kerkesave per punesimin si bashkepunetore shtepiake te punonjesve nga vendet qe nuk kane marreveshje me Italine (sipas nenit 3 te dekretit). 3- Me 3 shkurt, nga ora 08:00, duhet te nise paraqitja e te gjitha kerkesave te tjera te parashikuara ne nenet 4, 5 dhe 6 te dekretit te flukseve. Me kete sqarim, bien edhe dyshimet mbi daten e paraqitjes se kerkesave per konvertim te lejeve te qendrimit te imigranteve me prejardhje nga vendet me kuota te rezervuara: kerkesat per konvertimet duhet te paraqiten te gjitha me date 3 shkurt 2011. Keshtu, shqiptaret qe jetojne ne Itali me nje lejeqendrim cfaredo e qe kerkojne konvertimin ne lejeqendrim per pune, sipas nenit 4 te dekretit te flukseve, duhet te paraqesin kerkese me 3 shkurt 2011.

KJ

[arbereshi_niko]

Shqiptaret ne Itali bejne mire te drejtohen ne kuestura ose ne prefektura per te dhene "provimet " e gjuhes italiane..., me pas te fitojne edhe dokumentat...
Nuk eshte shaka, ne provincat e Breshes dhe te Milanos jane tashme me mijera kerkesa per te tilla "provime "..., informohuni te nderuar ( kuptohet kush eshte i interresuar ), pasi une vetem kaq kisha degjuar, por qe eshte ekzakte.
Pershendetje.

[Robbery]

S'di gjë unë moj xhuxhu, thash ndoshta ju ndihmoj emigranteve Shqiptare ne Itali dhe e postova.

Rofsh lal..po ne ketej jemi e gje s'degjohet...

[EDLIN]

Ketu eshte ne origjinal :

http://www1.interno.it/mininterno/ex...010/index.html

[Albo]

Ministria e Punës, procedurat ligjore për punësimin e shqiptarëve në Itali

Anilejda Shëmbitraku

Nga dita e djeshme ka filluar në sajtin e Ministrisë së Brendshme italiane plotësimi i kërkesave për punë online për “Dekretin e Flukseve 2010”. Specialistët e migracionit pranë Ministrisë së Punës, Çështjeve Sociale dhe Shanseve të Barabarta sqarojnë për gazetën “Albania” se hyrja në Itali për motive si punëmarrës (edhe stinor), apo si i vetëpunësuar, bëhet brenda kufijve të kuotave të vendosura nga një apo disa dekrete të nxjerra nga Presidenti i Këshillit të Ministrave.

Dekreti
“Botimi i Dekretit të Flukseve është kusht i domosdoshëm për të mundësuar paraqitjen e kërkesës nga ana e punëdhënësit, të pranishëm në Itali, për të marrë miratimin e marrjes së autorizimit për hyrjen dhe punësimin e një personi, shtetas nga shtete joanëtare të BE-së, që qëndron jashtë Italisë; përndryshe nuk ka mundësi të sjellësh një të huaj nga jashtë për motive punësimi, duke bërë përjashtim për sektorë të veçantë punësimi, të parashikuara nga neni 27 i Tekstit Unik mbi Imigrimin (TUI) dhe për rastet e ribashkimit familjar që po kështu lejojnë punësimin, por nuk kufizohen nga sistemi i kuotave”, - theksojnë specialistët e Ministrisë së Punës. Sipas tyre, ecuria që mundëson hyrjen dhe punësimin e një punëtori të huaj, shtetas nga shtete joanëtare të BE-së, që qëndron jashtë Italisë, artikulohet në momente dhe faza të veçanta, sipas procedurës së vendosur nga Ligji 189/2002 (i ashtuquajturi “Bosi-Fini”) dhe nga Dekret - Ligji 334, viti 2004, që zbatohen vetëm duke u nisur nga Dekret-Flukset.

Punëdhënësi
Punëdhënësi italian, i cili dëshiron të vendosë marrëdhënie si punëmarrës me një shtetas shqiptar, duhet të paraqesë kërkesë me emër për miratim punësimi pranë Sportelit Unik mbi Imigrimin (SUI), i cili është ngritur pranë prefekturës-zyrës territoriale të qeverisë (ZTQ), brenda suazës së kuotave të vendosura nga “Dekret-Flukset” e posaçme. Paraqitja e kërkesës mund të bëhet vetëm pas hyrjes në fuqi të dekretit në fjalë dhe brenda kufijve të vendeve të lira të punës, të ndara sipas një rendi kronologjik të paraqitjes së kërkesave. Sistemi i paraqitjes së kërkesave në këto vite ka ndryshuar, duke kaluar nga sistemi i përcjelljes së kërkesës, përmes zyrave postare në një sistem të përcjelljes telematike, në sajtin e Ministrisë së Brendshme: ////ëëë.interno.it, me informatizimin e mëtejshëm të domosdoshëm të punëdhënësit, apo edhe mbështetjen teknike nga ana e shoqatave të kategorisë, sindikatave, organizatave të punëdhënësve, apo të konsulentëve të punës, e gjitha kjo falas.

PËRMBAJTJA
Garancia që i kërkohet punëdhënësit për shqiptarët

Kërkesa me emër për miratimin e punësimit përmban:
1- Tregimin e një sistemimi të strehimit për punëtorin shqiptar, të përshtatshëm sipas rregullave të parashikuara nga ligjet e secilit rajon dhe që më pas do të dokumentohet me rastin e hyrjes efektive të punëtorit të huaj.
2- Zotimin se punëtorit shqiptar do t`i sigurohet trajtimi i shpërblimit dhe kontribute të sigurimeve shoqërore, të parashikuara nga ligjet dhe nga kontratat kombëtare kolektive në fuqi, apo nga ato, sidoqoftë në zbatim; në rastin e punës shtëpiake, shpërblimi mujor nuk duhet të jetë më i vogël se sa minimalja e parashikuar nga çeku social (asistenca shoqërore, që ndryshon nga viti në vit, me vendim të Ministrisë së Financave).
3- Propozimi i një kontrate qëndrimi, e cila përmban, veç elementeve themelore të një kontrate, zotimin për pagesën e udhëtimit të rikthimit të shtetasit shqiptar në Shqipëri.
4- Deklarata e zotimit për t`i komunikuar Sportelit Unik mbi Imigrimin ndryshime që kanë të bëjnë me marrëdhëniet e punës (ndërprerja e marrëdhënieve, ndryshimi i adresave etj.).

Siguria
Garancitë që jep Sporteli Unik i Imigrimit (SUI)

SUI, për t`u mundësuar qendrave të punësimit (QP), në veçanti asaj që është kompetente për territorin, të kryejnë njohjen e duhur të kërkesave për punësim, në rrugë telematike ua përcjell të gjitha qendrave të punësimit provinciale dhe, po kështu, i bën publike në sitin e internetit, si dhe me çdo mjet tjetër të mundshëm. Veç kësaj SUI:
1- Tërheq mendimin e kuestorit lidhur me motive penguese për lëshimin e miratimit për punëtorin e huaj.
2- Tërheq mendimin e Drejtorisë Provinciale të Punës lidhur me ekzistencën apo jo të kërkesave minimale kontraktore dhe mbi aftësitë e realizimit të të ardhurava të punëdhënësit. Në rastin e një mendimi negativ, qoftë edhe të një prej këtyre zyrave, SUI e refuzon kërkesën.
3- Në rastin e mendimit pozitiv, SUI: thërret punëdhënësin për t`i dorëzuar miratimin dhe për nënshkrimin e kontratës së propozuar; i përcjell në rrugë telematike dokumentacionin përfaqësive konsullore.

Kontrata
Rastet kur punëdhënësi nuk plotëson kushtet e premtuara

Me Qarkoren e 20 gushtit 2007, Ministria e Brendshme italiane trajtoi rastin e mosdisponibilitetit të punëdhënësit, që në kohë kishte paraqitur kërkesë për miratim, duke iu referuar jo vetëm rasteve të shkrirjes së një ndërmarrjeje, apo të vdekjes së personit të asistuar, apo që do të merrte shërbime përkujdesjeje (të rregulluara nga Qarkorja e mëparshme), por të gjitha rastet e pamundësisë objektive të punëtorit për të përsosur kontratën e qëndrimit me punëdhënësin, për të cilin u lëshua në fillim miratimi. Meqë zyrtarizimi i munguar i marrëdhënieve të punësimit nuk është në varësi të shkaqeve që të shpien te punonjësi shqiptar, Ministria mori qëndrimin se aplikanti mund të kërkojë lëshimin e lejes së qëndrimit në pritje të punësimit, duke bashkëlidhur një deklaratë të posaçme me nënshkrimin e drejtuesit të SUI-së, nga ku vërtetohet se punëdhënësi nuk dëshiron më të zyrtarizojë punësimin. Duke nisur nga shkurti i 2007-s u pranua si i ligjshëm punësimi i punëtorit shqiptar gjatë përpunimit të procesit të lëshimit të lejes së parë të qëndrimit, në përputhje me çka parashikon Qarkorja e Ministrisë së Brendshme Italiane Nr. 749 e dt. 20.2.2007, me kusht që imigranti të ketë paraqitur kërkesë për leje qëndrimi dhe të zotërojë dëftesën (ricevuta-n) e lëshuar nga zyrat postare. Imigranti që zotëron këtë dëftesë mund të ndryshojë edhe aktivitetin e punësimit, duke lidhur një kontratë tjetër pune dhe qëndrimi, siç mund të regjistrohet në Zyrën e Gjendjes Civile, por edhe të nisë procedurën e ribashkimit familjar, nëse plotëson kushtet e vendosura me ligj. Normativa nuk parashikon përmbushjen e një harku kohor të përcaktuar, para përcjelljes së një kërkese të tillë, por pasjen e një të ardhure të mjaftueshme dhe një strehim të përshtatshëm.

FAQE 7

Procedurat që ndiqen pas përfitimit të punës

Aplikuesit shqiptarë për punë në Itali, pas fitimit të saj, i duhen 4 deri në 6 muaj për përfundimin e dokumenteve

Miratimi për punësim si punëmarrës ka vlefshmëri deri në 6 muaj nga data e lëshimit, gjatë të cilave punëtori shqiptar duhet të kërkojë vizën e hyrjes pranë përfaqësisë diplomatike/konsullore italiane në vendin tonë. Nuk lejohet zëvendësimi i një punëdhënësi me një tjetër. Nëse punëdhënësi nuk është më i interesuar për punësimin në fjalë, ndalohet procedura dhe miratimi për punësim i lëshuar, po i papërdorur, anulohet. Qarkorja e Ministrisë së Brendshme saktëson se në rastin e vdekjes së punëdhënësit apo shkrirjes së ndërmarrjes, lejohet zëvendësimi në punësim nga ana e një familjari të të vdekurit, apo nga ndërmarrja e re, që ka marrë aktivitetin e asaj të shkrirë.

Miratimi
Punëtori shqiptar, me të marrë miratimin pranë punëdhënësit (të ardhshëm), duhet të kërkojë takim në përfaqësinë diplomatike/ konsullore italiane në Shqipëri. Kjo përfaqësi, së cilës ndërkohë i është përcjellë në rrugë telematike dokumentacioni, përfshirë edhe miratimi përkatës për punësim, i përcjell aplikuesit shqiptar për punësim në Itali propozim-kontratën dhe lëshon vizën e hyrjes (teorikisht) brenda 30 ditëve, duke njoftuar për këtë Ministrinë e Brendshme, atë të Punës dhe të Politikave Sociale, INSP (Institutin Kombëtar të Përkujdesjes Shoqërore) dhe INAIL (Instituti Kombëtar i Aksidenteve në Punë).

Punësimi
Brenda tetë ditëve nga hyrja në Itali, punëtori duhet të paraqitet pranë SUI që ka lëshuar miratimin, ose të kërkojë takim (në disa raste zgjat edhe me muaj), për të nënshkruar kontratën e qëndrimit dhe për të paraqitur kërkesën e pajisjes me leje qëndrimi. Sporteli Unik i Imigrimit, me t`u paraqitur punëtori: verifikon vizën e lëshuar nga autoritetet konsullore dhe të dhënat e përgjithshme të punëtorit; lëshon certifikatën për regjistrimin dhe marrjen e kodit fiskal; dorëzon modulin e kërkesës për leje qëndrimi dhe ia përcjell të dhënat kuesturës kompetente. Pas kalimit në SUI, punëtori duhet të paraqitet pranë një zyre postare për të dërguar në kuesturë paketën e posaçme me kërkesën për leje qëndrimi të lëshuara nga SUI, si dhe dokumentet e tjera. Në çdo rast kuestura komunikon në adresën e shënuar në kërkesë, datën e paraqitjes në zyrat e saj për të vazhduar me marrjen e shenjave foto-daktiloskopike. Më vonë do të vazhdojë me një njoftim tjetër për dorëzimin e lejes së qëndrimit; për këtë arsye kërkohen kohë të tjera pritjeje, që në praktikë, të paktën deri tani kanë shkuar nga 6 deri në 14 muaj.

Marrëveshjet mes Italisë dhe Shqipërisë për punësimin stinor

Leja e qëndrimit për motive të punës stinore si punëmarrës lejon vetëm ushtrimin e aktivitetit për të cilin u lëshua

Autorizimi për punë stinore lëshohet nga Sporteli Unik mbi Imigrimin (SUI) i Prefekturës - Zyrës Territoriale të qeverisë (ZTQ), sa kohë që nuk janë ndryshuar kuotat përkatëse për punë stinore dhe pas paraqitjes së kërkesës me emër nga punëdhënësi për miratimin e punësimit të punëtorit imigrant nga ana e: një punëdhënësi; një shoqate të kategorisë, në emër të shumë anëtarëve të saj. Sektorët e interesuar për kuotat për punën stinore si punëmarrës, janë ekskluzivisht sektori bujqësor dhe ai turistik.

Marrëveshjet e punësimit Itali-Shqipëri
Në mjedisin turistik tashmë janë të tejkaluara kufizimet që lidhen me mosaktivitetin e një ndërmarrjeje dhe mbizotërojnë motivimet e punëdhënësit, p.sh. arsye të karakterit teknik, produktiv dhe organizativ. Mundësia e thirrjes për punë stinore të punëmarrësve, jashtë Italisë, me dekret-fluksin stinor, zakonisht rezervohet për shtetas të disa shteteve, me të cilët Italia ka lidhur marrëveshje të posaçme mes të cilave është edhe Shqipëria. Për punëtorë, shtetas jo të këtyre shteteve, mundësia e ardhjes për punë stinore kufizohet në rastet kur vetë punëtori tashmë zotëron një leje qëndrimi për punë stinore të një viti më parë. Për lëshimin e miratimit për punësim, teorikisht parashikohet një pritje 20-ditore, por efektivisht procedura ka zgjatur edhe 2-3 muaj. Leja e qëndrimit për motive stinore ka një vlefshmëri minimale 20 ditë dhe maksimalisht 9 muaj.

Leja e qëndrimit
Leja e qëndrimit për motive të punës stinore si punëmarrës lejon vetëm ushtrimin e aktivitetit për të cilin u lëshua, pra nuk mundëson ushtrimin e një aktiviteti tjetër të pavarur, apo si punëmarrës, veç rasteve kur bëhet fjalë për punë stinore tjetër dhe brenda periudhës së autorizuar të qëndrimit.

Punë e pavarur
Hyrja në Itali për motive të vetëpunësimit është subjekt i disiplinuar nga dekret-flukset, sipas kuotave të përcaktuara nga qeveria, në zbatim të nenit 21 të Dekret-Ligjit 286/98 (i ashtuquajturi ligji “Turko-Napoletano”, apo Teksti Unik mbi Imigrimin). Pra, një shtetas nga shtete jo anëtare të BE-së që synon të ushtrojë një aktivitet jorastësor të vetëpunësimit, industrial, profesional, artizanal, apo komercial, apo që dëshiron të ngrejë një shoqëri kapitalesh, para së gjithash duhet të presë botimin e dekret-flukseve për të paraqitur kërkesën për vizë hyrjeje për vetëpunësim, pranë përfaqësisë diplomatiko/konsullore italiane në vendin e origjinës, apo të qëndrimit të ligjshëm. Sidoqoftë, ushtrimi i një aktiviteti të pavarur nuk mundësohet për disa kategori, që përcaktohen specifikisht në dekret-Flukset, herë pas here janë përjashtuar hyrjet për bashkëpunëtorët me projekt, ortakët e shoqërive kooperativa, sipërmarrësit e vegjël, gjithnjë për kategorinë e të vetëpunësuarve.

DOKUMENTET
Marrja e miratimit nga Kuestura

Në rastin kur i interesuari ndodhet tashmë në Itali për arsye të tjera (p.sh. turizmi, apo biznesi), mund ta paraqesë personalisht kërkesën në zyrat e duhura, apo mund të ngarkojë për këtë gjë një ndërmjetës të pajisur me prokurë të veçantë. Veç këtyre duhet provuar se:
1- Zotëron një deklaratë të autoritetit administrativ kompetent që vërteton se nuk ka motive që pengojnë lëshimin e autorizimit, apo licencën e parashikuar për aktivitetin në fjalë; certifikatë që vërteton plotësimin e kërkesave të parashikuara nga ligji italian për të njëjtin aktivitet (në shumicën e rasteve është e domosdoshme të regjistrohesh në një Libër, apo Regjistër).
2- Zotërimin e certifikatave që provojnë plotësimin e kërkesave të parashikuara, të përkthyera dhe të legalizuara nga përfaqësia diplomatike/konsullore e vendit të origjinës.

3- zotërimin e burimeve për të ushtruar aktivitetin në fjalë, që i korrespondojnë parametrave ekonomikë, të përcaktuara nga Dhoma e Tregtisë, Industrisë, Artizanatit dhe Bujqësisë, apo nga Urdhri Profesional kompetent.
4- Zotërimin e një strehimi të përshtatshëm dhe të ardhurave vjetore, që janë mbi nivelin minimal të parashikuar.

Albania
18 Janar 2011