Mos e thinjni mallin......!

[riza2008]

Ta di se është e vërtetë....


Më duket, sikur përgjoj vetveten,
Tek gjërat që s'flasin e s'flënë.
Sikur s'besoj që mbeten,
Shum' gjëra që s'ti pata thënë.

Ta di se është e vërtetë,
Që ëndrra shikon me sy hapur.
Përgjimi një gjë e zbehtë
Dhe zemra diku e kapur.

Unë hijet s'i dua në rrugë,
Përgjimet një botë më vete.
Ta dish jeton në çdo rrudhë,
Si lule e tharë në mbrete.

Unë hije s'kam qënë e s'do mbetem,
As diell me rreze verbuse.
Një gjyq e kam në vetvete
Me ty që je provokuse.

[riza2008]

Flasim hapur.....


Esht' më mir' kështu ne të flasim hapur,
Po ta them në sy : Dredha nuk ka më!
Lidhjen që e nisëm ka për të na plakur,
Atë fjalë magjike ta duam gjithnjë.

Dua të të kem në dritën e syrit,
Në mëndjen e kthjellët dhe kudo jeton.
Të të rrafi zemra si fleta e blirit
Edhe gjumi thellë s'ka pse na pushton.

Nuk ka pra harresa më për njëri-tjetrin,
Ka veç dashuri që na lartëson.,
Ti je thellësia që konkuron detin,
Unë jam gjithësia ku ti eksploron.

Kur për dashurinë nuk je më e lirë,
S'ke pse merakosesh se dhe unë s'do jem.
Ne për njëri-tjetrin kemi çdo dëshirë
Molla e ndaluar është brënda plot helm.

[riza2008]

Ty të them Zonjë....!

Mos fol,s'ta dua zërin,
Mos qesh, s'ta dua buzqeshjen.
Të dua të tërin,
Në zërin e në veshjen.

Mos qaj,s'ta dua lotin,
Mos vish rroba të zeza.
Ta dish luftoj me mortin
Dhe di ç'është gjëagjeza.

Mos fol gjëra të kota,
Se s'i pranon as nata.
E zbrazur duket gota,
Ashtu edhe shtërngata.

Prit pak dhe vetëm pak,
Dëgjomë,vetëm dëgjomë.
Jetën s'e bëj mëkat,
Ty të kam zgjedhë për Zonjë.

[riza2008]

Dashuria ime......


Dashuria ime, lis është, ua them vetë,
Blerimin e ruan, ëmbël në çdo stinë.
Aty shuhen mallet,shkarkohen rrufetë,
Dhe nuk ka jetuar kurrë si vitrinë.

Do doja t'u thoshja fjalët më të rralla,
Por ndruhem e skuqem s'e mos quhem pushtë.
Atje unë kam vdekur edhe prapë u ngjalla
Dhe kur ra dëborë më dukesh si gushtë.

Nëse i vjen fundi dashurisë time,
Kjo s'quhet çudi se nuk jam i pari.
Por kam një merak,ndaj ruaj kujtime,
Të mos harratise tani përsëgjalli.

[riza2008]

Mendo çfar të duhet......

Sot po të dua për të fundit herë,
Ditët e tjera le të jetojnë pa dashuri.
Ndaj do të puth si dikur njëherë,
Si atëhere kur ti ndjeje lumturi.

Ato mbaj mënd fillimin dhe fundin,
Të ndërmjetmet s'kanë ç'të duhen, ta dish.
Mendo nëse mendimet të lëkundin,
Se kush nga puthjet e mia të ka prish.

Mendo kush të ka shijuar më tepër nga ditët,
Shënoje dhe kujtoje,kur të ndjehesh mirë.
Bezdisjet dhe brengat në udhë kur më pritët,
Ditët kur unë ju lija krejt të lirë.

Mendo çfar të duash e çfar të duhet,
Unë sot po të dua për të fundit herë.
Në zemër të kam dhe atje do ruhesh,
Si bude prej lisi e mbushur me verë.

[Agim Doçi]

Xhevahir Spahiut

Kaloj nepër rrugë me hap monoton
Qyteti më ngjan, si tjetër qytet…
Bildborde fushate, një Hoxhë që këndon
Bilbili i policit…muzikë pa playback.

Dy lypsa të lashtë, të thinjur, pa larë…
Më tej Biblioteka…dhe tre travestitë
Një prift ortodoks, çudi…s’është shqiptarë
Unë eci trishtuar, qytetit pa dritë…

Pa dritë dhe pa vlerë, qytet i sherrosur
Bashkia e qytetit çdo troll, tenderon
Dhe rrjedh lumi i Lanës…një lum i shurrosur
Në kioska, gazeta…askush s’i lexon.

Në tituj, artikuj, veç emra të shpifur
Që shpifin, e s’lodhen…çudi asnjëherë
Në magjet e tyre gatuhet e stisur
Një çorbë e helmuar, një çorbë e pavlerë!

Unë iki më tutje, të pi një kafe
Poeti i kombit, lëngon në Anadoll…
Pa kthemu or mik, mjaft vetëm na le
Të shkojmë të dy tok, në Baba Tomorr.


Të pjekim shelegun nën hije Perëndish
Të ngremë një dolli, për njerzit që s’janë
Të pijm pak raki, me djathin e dhisë
Unë ec i trishtuar, në brengën Tiranë.

[riza2008]

Falëm Dashuri.......


Në të shkoft' ndërmënd të më kujtosh mua,
Dil në Breg të Xanës,shiko perëndimin,
Diellit vidhja rrezet ose merrja hua.
Dhe gjith njerzimit me to bëja zgjimin.

Brënda tyre gjëndem,jam diell në ikje,
S'besoj të më njohësh dhe nuk të vë faj.
U zverdha si xana nga vitet në pritje,
Edhe si shelgjisht lotuar në vaj.

Në s'të shkon ndërmënd,rroj apo kam vdekur,
Kjo më sikletos,s'paskam lënur gjurmë.
Në daç quam re,në daç hënë e tretur
Unë me mallin tënd fundosem në gjumë.

Në daç hap dritaren,atje kam folenë,
Atje jam i tëri si ajri që thith.
Si cicërim zogu ta konvertoj zërin,
Si poç e plasur qëndroj përmbi vith.

Në të shkoft' ndërmënd,të lutem kujtomë,
Në çdo cep të botës,më ke ku je ti.
Nuk të them me zor: Eja dashuromë,
Po qe se më do më fal dashuri....!

[riza2008]

Më shum' dashuri......


Më shum buzëqeshje sot do të dhuroj
Dhe tufën me lule gati t'a kam bërë.
Si adoleshentë do të përqafoj
Le të hapet zemra si një det i gjërë.

Më shum' dashuri kam për të të dhënë,
S'kam përse t'a mbaj,s'kam se kujt t'ja japë.
Dhe nëse më çpon si ndonjë gështënjë,
Nga gjëmbat e tua kurrë nuk më del gjakë..

Un' kështu vendosa, s'kam çfar të pres më,
Qofshim të pushtuar vetëm nga kjo ndjenjë,
Edhe po të vdesim themi s'ka ndodh' gjë,
Sepse dashurinë e mbollëm si një pemë.

[riza2008]

Sevdaja.......

Që të dyve, sevdaja na ka zënë,
Syt u errësuan dhe mëndia fluturoi.
Një takim e lamë, tek ara si lëmë,
Kur bilbili prillit këngën të filloi.

Mendoj se me mua, ti je sevdallisur,
Apo sytë tek mua e mëndia diku tjetër?!
Ndoshta dhe më quan, një qënie të stisur,
Ndoshta dhe më thua : Relike e vjetër.

Ndaj dhe jam lëkundur,krejt i pa vendosur,
Në djall dhe sevdaja, kur s'e gjën sevdanë.
Vetëm ta dish mirë, s'më ke çarmatosur
Se gjeta tek ty e gjëj përmatanë.

Dhe ti do ta gjësh se s'shuhet dyniaja,
Por si kjo sevda zor se do gjësh më.
Kur ti do martohesh, çahet tamburaja,
Dhe në dasmën time këndohet pa zë...

[riza2008]

***********

Koha ecën dhe askush s'e ndal,
Ecim ne plot a kuturu.
Nëse s'ndjen, për askënd më mall,
S'je njeri,por një copë dru......