Mos e thinjni mallin......!

[riza2008]

Të prita çuditshëm......


Le të ngrihem në mëngjes,
si i aksafitur,
Me sy të enjtur
e vetullat kaçurrela.
Eshtë pritja
që më ka sfilitur
Nga e hëna
deri tek e djela.

Dhe në gjumë
pritja bisedonte me heshtjen,
Zemra e stepur
si zogu i pafluturuar.
Fjala e priste
lisin dhe eshtën
Në ekranet
e syrit dashuruar.

Kur ti të kesh mbritur,
thinjat kanë mbretëruar,
Rrudhat janë bërë digë
për ujrat e rrëmbyeshëm.
Shpirti do ket' harruar
për t'u dashuruar
Sytë e kanë humbur
shikimin e habitshëm..

Të prita,të prita çuditshëm...........!

[riza2008]

Ç’ti bëj bukurisë.?.......

Herë vjen e menduar,herë si mushkë xanxare
Një herë ma puth buzën ,herë nuk më flet fare.

Me hapa të shpejta, drejtohesh tek unë
Rrallë ,por shyqyr zotit, më çfaqesh në gjumë.

Mbi qerpik të syrit, hëna ngre folenë
Si uji burimit, loti shtyn rrëkenë.

Rreth e rrotull gushes, yjet po vallzojnë
Gjith lulet e fushës, erë të kundërmojnë.

Herë të quaj mike,herë si kundërshtare
Kur ti shikoj sytë, dal nga shinat fare.

Kur rri gjat me mua,dita është e bukur
Edhe po u shamë,në fund të them flutur.

Ndodh që ti vonohesh,dy apo tri ditë
Jo nuk ka më keq, pyet perënditë.

Ç’ti bëj bukurisë, që zemrën ma vodhi,
Ndaj kush rri me ty, sëmuret nga zori.

[anita340]

Edhe keto te fundit si ato te parat; te mrekullueshme. Pergezime riza2008!

[riza2008]

Kthema shpinën.......


Kthema shpinën,
ndjehem shum' i fyer
Sytë e tu,
nxjerrin llav' e zjarr.
Lajkatar
pranverën kam lyer
Edhe dimrin
ktheva në behar.

Kthema shpinën,
para se të digjem,
Zë violine,
gjëj vetëm tek ty.
Maja malesh
si bravare ngjtem,
I tund pyjet
me erë e stuhi.

Kthema shpinën,
largohu nga unë,
Lëmë të digjem,
si rrëshirë në vapë.
Do thaj dete,
përrua dhe lumë
Do shëmb ura,
si njeri i praptë.

Kthema shpinën,
për të fundit herë
Dhe stuhisë
do ti sjell gëzim.
Brënda zemrës
mjerimin kam mbjellë
Dhe kështu
jeta ka kuptim......

anita340 ju përshëndes dhe ju uroj gjith të mirat...Respekte..

[riza2008]

Më lini të qetë..........!


Më lini të qetë vetëm për pak çaste,
Vargje mos kërkoni as dhe përshëndetje.
Endrrat do ti tret për të tjera raste,
Dhe në shkretëtirë nuk do të njoh etje.

Të reja mos prisni s'bëj parashikime,
Brënda do të mbyllem diell s'do shikoj.
Do ta pres me gas, ditën me gjymime
Edhe vetëtimat, vet' do ti shkarkoj.

Ju mos më kërkoni, as në bulevarde,
Se atje dhe hije, s'keni për të parë.
Dhe ato pak çaste që më sjellin fllade,
Larg i kam degdisur shpellave matanë.

Mbretër edhe skllevër i quaj të gjithë,
Ndaj s'më bën përshtypje asnjë lypsëri.
Më lini të qetë sa botën ta lidh
Dhe t'u sjell mbi rruzull tjetër perëndi.

Ju nuk kini faj ndaj vazhdoni jetën,
Un' do shkoj atje ku dielli s'lind.
Do bëhem kusar veç për të vërtetën
Edhe do t'ua sjell natën si një xhind.

Më lini të qetë vetëm disa orë,
Asgjë mos këroni vetëm se liri.
Mos prisni t'ua sjellë Zoti si me dorë
Mos besoni verbasi në demokraci..........

[riza2008]

Gabova........


Gabova, të putha në faqe,
Tek buza do ishte më mirë.
E pash' që ti s'u kënaqe,
Më pe që ngela i ngrirë.

Ti puthjen e dashke në zemër
Atje ku e dashkam dhe unë.
Sa leht' që e prek një femër,
Kur gabon për të njëjtën punë.

Tani që shijet i mësuam,
E para në buzë puthëm ti.
Aspak më tej nuk gabuam
S'gaboj më në puthjet rastësi...

[riza2008]

Endrra rron me tjetër shpresë......


Natën gjumi nuk më zë,
Los me yjet ç'ke me të.

Dita s'di a agon më,
Dhe dritarja rrezen s'nxë?!

Zogu s'cicëron mbi pemë,
Re të zeza s'di nga venë.

Ashtu krejt i lebetitur,
E var natën si pa pritur.

Zëra korbi më sjell nata,
Fati i keq më ndjek nga prapa.

Endrra rron me tjetër shpresë,
S'e do ditën që të vdesë.

Natën kur bota flë gjumë,
S'di pse endem nëpër lumë.

Natën gjumi nuk më zë,
Vdekja rron e ne s'dimë gjë.....

[riza2008]

Ti e ke një brengë...


Ti e ke një brengë,s'di pse s'po m'a thua,
Lexueshëm e shprehin,shpirti,sytë e tu.
Endjej tek tiktaku,gurgullon si krua,
Tek dallga e mallit,thellë si deti blu.

Pjesë e brengës tënde bëhen edhe malet,
Drurët përcëlluar e shkëmmbinjtë çarë.
Dhe zogjtë e vetmuar t'i qëmtojnë hallet
Lulia në lëndinë,vyshkur,në të qarë.

Oh,sa shum' që ngjan kjo me brengën time,
Si të kishin lindur bashkë nga një bark.
Ndaj kur të shikoj dhe më tepër thinjem,
Dhe më tepër plakem si i rënë në hak.

Ti e ke një brengë dhe unë një të tillë,
Askush s'e tregon,por jeton me të.
Ndaj në heshtje themi :Ç'është kjo jetë këllirë
Dhe në punën tënde dhe rehat s'të lë.....

[Sorkadhe_Kelcyre]

mjaft e bukur poezia e fundit Riza. urime

[riza2008]

mjaft e bukur poezia e fundit Riza. urime

Përshëndetje Sorkadhe_ Kelcyre kalofsh bukur ditën e sotme....Respekte....


Mos më shkruaj......!


Mos më shkruaj se më lodhe,
S'po ta deshifroj mendimin.
Si pa ndjerë vdekjen m'a solle
Nëpër mënd po breth harrimi.

Mos më shkruaj,më lir të vuaj,
Le të tretem si qiriri.
Si të duash,veç m'a thuaj,
Dhe mos prit të dali hiri.

Mos më shkruaj,s'të lexoj,
Pyet Zotin çfar ka ngjarë.
Dhe kujtime më s'kujtoj
Dhe në ëndrra s'të kam parë.

Mos më shkruaj eja vetë,
Gërmat më kanë çoroditur.
Po s'më gjete jam tek retë,
Cepit hënës duke pritur.

Mos më shkruaj,mos më shkruaj,
Mall e lot e shkova jetën.
Asnjë fjalë s'gjeta të dua,
Tani nisa tatëpjetën........?!