Mos e thinjni mallin......!

[riza2008]

S'gjëj drejtësi...........!


Shave nëpër dhëmbë dhe ike si era,
Asgjë nuk kuptova,s'di pse vë merak.
Kujt nga ne të dy i ka ikur vlera,
Kush nga ne të dy paska rënë në hak.

Dielli i sapolindur më duket i errët,
Tym edhe tymnajë më duket ky vënd
I gjith horizonti i zbrazët i çjerrët,
Nga fjalët e tua që çpojnë si gjëmb.

S'gjëj dot drejtësi nga padrejtësia,
Yjet ju rralluan qiellit kaltërosh.
Ikën dhe u vranë gjith' ëndrrat e mia,
Jam kthyer në letër,për t'u hedh' në kosh.

Po s'di mëndjen tënde, të varfër,mjerane.
Cila shkretëtirë e ka bërë për vete.
Ishe edhe ngele vajzë qeramane,
Quaje fatkeqsi dashurinë që gjete.

Nuk di kë të shaj, kë të lavdëroj
Amullia shpirtin ka prekur të tërin.
Pjesë nga errësira e jetës jetoj,
Llambën e kandilit ndes të dëgjoj zërin.

[riza2008]

Ti vendos në dashuri........!


Çfar bukuri?! Dhuratë nga e ke marrë?
Nga Dielli,Hëna,nga cila perëndi?!
Diku një ditë të dy ne jemi parë
Dhe sot e gjallë jeton në sytë e mi.

Magji ma bëre jetën bukuroshe,
Në glob një lule si ti nuk e gjën dot.
Me sy m'i hoqe hallet e kësaj moshe
Në dashuri ke qënë e mbete zot.

E sundon jetën madhështia jote,
Veç ti vendos,vendos në dashuri.
Unë shërbëtori yt bëhem ndër mote
Në se më do e më pranon në gji.

[riza2008]

Komunizmin e kam në gjak.......


Të vjedh,të vras,bëj ç'më thot' koka,
Çdo gjë në botë e tjetërsoj.
Nuk pyes shumë se ku shkon vota,
Jam nip Stalini që veç sundoj.

Jam diktaturë demokracie,
Kam lind' në djep të marrëzisë.
Jam cjap përçor e pi....ë dhije,
S'pyes për ligjet e perëndisë.

Kam ardh' në jetë për të sunduar
Në parti sundoj mjaft mirë.
Të them o popull më mbaj kaluar,
Se jam bir lope i pa lëpirë.

Jam filozof i diktaturës,
Atje mësova demokracinë.
Ja ngrita vlerën përpjet shurrës
Me shurrë të kripur solla lirinë.

Jam dem prej spanje të çaj me brirë
I përgjak rrugët pa ndonjë shkak.
Shaj kominizmin kur s'ndjehem mirë,
Por komunizmin e kam në gjak.

[riza2008]

Dasëm tiranse.......

Një dasëm tiranse sot m'a bëri zgjimin
Nga gjumi i thellë ku unë kisha rënë.
Tingujt e kitares po puthnin agimin
Kërcimet e çiftit yjet kishin zënë.

E gjithë lagjia zgjuar vetëm unë në gjumë
Rrugët po këndonin bashkë me dasmorët.
Vapa më djersiste dhe djersët si lumë,
Dhe me fortë bërtisja të rrojnë dashnorët.

Shansi më i mirë nxiri frymëzimin
E hapa dritaren vargjt për t'i mbjellë.
Një nga një i nisa bashkë me tingëllimin,
Në rrugët e tjera në qiellin e thellë.

Çudia e madhe vërtet ndodhi mbrëmë,
I gjith hotizonti këndonte me ta.
Edhe gjumi thellë që më kishte zënë
Iku fluturoi zi zogu me kra.

Kjo dasma tiranse zgjoi gjith' tiranën
Edhe i dha jetës një kuptim të ri.
Jeta do vazhdoi dhe pse lumi i lanës
Eshtë i turbulluar pa rënë një pik shi.....

[riza2008]

Sikur më bluan një merak.....


Sikur më bluan një merak,
I hershëm është i moshës djalë.
Një bukuroshe fjalë pak
Ma çponte zemrën si me halë.

Pa djallëzi i rrija pranë,
Qeshia,lozia si fëmi.
Edhe kur hipja përmbi thanë,
Dy sytë e saj tek sytë e mi.

Me kokrra thane e ngacmoja,
Në kokë,në gjoks apo në faqe.
Tek buz' e saj diçka vështroja:
Eja më puth se dua paqe.

As nuk e putha,jo se s'doja,
Më dukesh vetia çilimi.
Nga malli i saj më thahet goja,
Nga frika s'bëra dashuri.

Sikur më bluan një merak,
I moshës djalë me flok dëbore.
Ta dija se bëhesha plak,
E puthja vajzën si dashnore.....

[riza2008]

Dashuri e ëndërruar......

Ti s'më pyete, kurrë, se kur kam lindur
As dhe ku jetoj, s'më pyete jo.
Veç më thoshje : Je njeri i bindur
Dhe më puthe në buzë e kudo.

Nga heshtja jote, shpejtë u ndezën zjarre
Një flak' e lartë, kaloi përmbi re.
Në dashuria pa shkak u ngjallën varre
Dhe gjith rrufetë shkrepëtinë atje.

Nuk u pyetëm, vetëm jepnim puthje
Fundi qe vërtetë një mbrekulli.
Për të dy, një botë e re po lutej:
Jepni edhe merrni dashuri.....!

[riza2008]

Lajmëtari i jetës time......


Nëpër shtigje thërret jeta
Shtigje zë e shtigje hap.
Kush vë driza,quhen vepra,
Kush ngre ura,bën mëkat.

Lajmëtari i jetës time
Eshtë një zë që del nga honi.
Dhe kur japin një thërrime
Dhanë një buall thot gjitoni.

Halltrzuar rendin rrugës
Qorrsokakut rrukullisur.
Të shpien në thik të buzës
Dhe të quajnë mëndjekrisur.

Kjo është jetë e kapardisur
Përmbi plehra si kaposhi.
Të thonë shko për ku je nisur
Se këtu s'vlen as sa groshi.

Më mir vdis,zbut varfërinë,
Kështu quhesh patriot.
Lëre të qetë lukuninë
Dhe pi gjak e thotë s'u ngop.

[riza2008]

Sa ëmbël.........!

Sa ëmbël di të buzëqeshësh,
Atje ku qesh çel trërndafili.
Edhe vetë natën di ta xhveshësh
Në mes të dimrit lulëzon Prilli.

Sa ëmbël të shikon në sy
Edhe qerpikët të shkëlqejnë.
Pa pritur lind një dashuri
Edhe derman të dy nuk gjejmë.

Sa ëmbël fletë,si kanarinë
S'di ai zë, më gjynjëzon.
Në shkretëtirë ta kesh shtëpinë
Prap si një gonxhe lulëzon.....

[gloreta]

Sa ëmbël.........!

Sa ëmbël di të buzëqeshësh,
Atje ku qesh çel trërndafili.
Edhe vetë natën di ta zhveshësh
Në mes të dimrit lulëzon Prilli.

Sa ëmbël të shikon në sy
Edhe qerpikët të shkëlqejnë.
Pa pritur lind një dashuri
Edhe derman të dy nuk gjejmë.

Sa ëmbël fletë,si kanarinë
S'di ai zë, më gjynjëzon.
Në shkretëtirë ta kesh shtëpinë
Prap si një gonxhe lulëzon.....

Pershendetje Z. Riza, ndalem gjithnje ne vargjet e shkruara, prej jush, me te vertete, te frymezojne, jane shume terheqese. Faleminderit qe i ndani keto copeza te bukura me ne! Kalojani sa me gezueshem kete vere!
Ju uroj "Muze te pashtershme".

[riza2008]

Pershendetje Z. Riza, ndalem gjithnje ne vargjet e shkruara, prej jush, me te vertete, te frymezojne, jane shume terheqese. Faleminderit qe i ndani keto copeza te bukura me ne! Kalojani sa me gezueshem kete vere!
Ju uroj "Muze te pashtershme".

gloreta dhe unë ju përshëndes dhe ju uroj gjith të mirat.Respekte për frekuentimin e faqes time dhe s'ka si të ndodhë ndryshe mes nesh kur shkruajmë vargje dhe nëpërmjet tyre e kuptojmë mirë njëri-tjetrin.Kalofshi dhe ju një verë të këndshme dhe mos u ndaltë kurrë shpirti juaj poetik.....