Mos e thinjni mallin......!

[riza2008]

Ti je kolos Riza! O poeti i dashuris se verete. Ja kater vargje te tuajat qe une morra guximin dhe i kopjova per nje tekst kenge (me lejen tende ama).

Ti je me shume se Perendia/
Se Zoti eshte ne shpirtin tend/
Ti je vete zemra e dashurija/
Malli per ty cdo dit me çmend...!

Pa tjetër që ti marrësh për mua është kënaqsi ,ju e keni aftësinë për ti përpunuar në këngë dhe jeni mjeshtri i vargut-këngë.....Jeni tepër i mirkuptuar prej meje Agim............


Ç'po më thua.....?


Ç'po më thua me atë gjuhë memece?
Ti arrogante,kapriçoze e pa fe.
Përpara ndjenjave të mia kërkoje të ngecje
Me ata sy grabitqarë që i mbaje përdhe....

Ti errësirë e shpirtrave pa ndjenja
Si një shtrigë e gjurmon dashurinë.
Ç'po më thua që më ka ngrirë pena?!
Ç'po më thua që ta prisha lavdinë?!

Zemra jote një strehëzë fole nepërkash
Thumbon dhe helmon shpirtrat njerëzorë.
Një batak me fjali zënkash
Që dashurisë s'i vuri kurrë kurorë......

[Agim Doçi]

Kushtuar mikut tim Riza Çato

Kur te mos kesh kohë miku im Riza
A nuk bën nje strof' per ne te dy?!
Se te gjitheve u dhame Dashuri...uha....
E te na kuptonin s'kishin as veshë...as sy!

Une do te doja ta merrnin vesh te gjithe poetet
Se miku im Riza, eshte me i embli e humani
Nje dite kur trupi im dhe i Tij do tretet
Do ju lutesha qe Zi te mos mbani!!!...

Te mos mbani Zi, se ne do ngrihemi prap
Aty ku jane puthjet e ku strehon Dashurija
Ahere dhe pranvera do te vij me vrap!
Ahere me te mire, e me te bute do behet Njerzia!

Nga dritë e parajses, te vargut Naimjan
Qe ndezi ne zemra flaken dhe mallin si prushi
Do vij Riza Çato, si zgalem ne tufan
Me vargun e tij, te embel si vargu i Lasgushit

[riza2008]

Kushtuar mikut tim Riza Çato

Kur te mos kesh kohë miku im Riza
A nuk bën nje strof' per ne te dy?!
Se te gjitheve u dhame Dashuri...uha....
E te na kuptonin s'kishin as veshë...as sy!

Une do te doja ta merrnin vesh te gjithe poetet
Se miku im Riza, eshte me i embli e humani
Nje dite kur trupi im dhe i Tij do tretet
Do ju lutesha qe Zi te mos mbani!!!...

Te mos mbani Zi, se ne do ngrihemi prap
Aty ku jane puthjet e ku strehon Dashurija
Ahere dhe pranvera do te vij me vrap!
Ahere me te mire, e me te bute do behet Njerzia!

Nga dritë e parajses, te vargut Naimjan
Qe ndezi ne zemra flaken dhe mallin si prushi
Do vij Riza Çato, si zgalem ne tufan
Me vargun e tij, te embel si vargu i Lasgushit

Faleminderit i nderuari A. Doçi. Më duket vetia i mbivlerësuar nga poezia juaj,por dhe më vjen mirë që njeri si ju me plot vlera në fushën e poezisë përkrah dhe vlerëson shkrimet e mia..U jam mirnjohës......



Ty të kërkoj.........!



Faqet kam ngjitur mbi lëndinë, si lule e tharë,
Nën trupin tim toka e djegur nga vapa.
Në sy bredh një mëndje si e shkarë
Dhe qiellin e natës me duar e kapa.

Një heshtje e pamatë e horizontit
Na kërkon në çdo skaj të ti.
S'e di se ku je brënda apo jashtë frontit
S'e di se kush mungon nga ne të dy.

Ty të kërkoj tej orëve të pritjes
Tej vetes time ty të kërkoj.
Një nga një i ngjit shkallët e mërzitjes
Në mungesën tënde vdekjen e lotoj...!

[riza2008]

S'quhet jetë......!

Dy gjysma jete, s'quhen jetë
Dhe pse jetojnë në të njëjtin shpirt.
Kur ti më thua jam e vërtet
Unë rri mendohem e të them prit.

Sikur ta shumëzoja ndjenjën time
Ti ta pjestoje me veten tënde.
Unë prap do thoshja jam thërrime
Se ti pjestimin nuk e përmënde.

Ti mblidhja puthjet mos gaboja
Shikimet zbrisja si pa mëntë
Me zero veten shumëzoja
Dhe zemra dilte në çdo vëndë.

Njeriu veten s'mund ta gjëjë
Kur vetia kthehet arrati.
Një thyes, mund të më shpërbjë
Në jetë ngelem prap'.... Ai.....

[riza2008]

Gjithmonë.......


Gjithmonë vonesa del e para
Të fundit më shikon
Dhe pse çiklist e fitoj gara
Medalia më mungon.

Të lodhur rendim pas trishtimit
Vonesë në përqafim.
S'e gjëj dot' çastin e gëzimit
I fundit në blerim.

S'dimë as të vdesim të gëzuar
Në heshtje s'dimë të vdesim.
Të fundit në të dashuruar
Të lemeritur........Presim........!

[riza2008]

S'e njojta dot shpirtin e gjerë........


Më ler të vdes si gjë pa vlerë,
Si fletë vjeshte mbi një stol.
S'e njojta dot shpirtin e gjerë
Ndaj si bretkoskë jetoj në gjol.

Ti thëllëz mali në shpat këndoje
Unë në kafaz kishja dëshirë.
Ç'është kjo botë,kur dashuroje
Pse marrëzisë i thoshja mirë?!

Për marrëzitë ti më urreve
Këtë urrejtje ta quaj vlerë.
Un' njeri koti,mallkim i feve
Si manikin kam ngrirë në derë.....

[riza2008]

Nëse kalon rrugës...........!


Nëse kalon rrugës me sy të menduar
Unë shpresoj të jem brënda mëndjes tënde.
Në ëndrrën e bukur që më ke shikuar
Të dy përqafuar e puthur me ëndje.


Nëse kalon rrugës me sy drithëruar
Unë i tëri brengë kthehem nga trishtimi.
Atë vrenjtësirë varg kam për ta shkruar
Sa të iki nata e të zbardh agimi.


Nëse kalon rrugës e nuk mi hedh sytë
Zemra menjëherë ka për të ndaluar.
Do më shkoi në mëndje se ke një të dytë
Të pres në varrim dhe duke kënduar.......

[riza2008]

S'du të largohesh prej meje......!


Asnjëherë dhe asnjëherë nuk m'u binde,
Kur të thoshja :Rrimë dhe pak dhe fare pak
Më shikoje me habi si një xhinde
Kur mbi faqe purpuri si zambak.

Në ato çaste më lindi mëria në zemër
Betohesha se më nuk do të flisja.
Një e ngjethur nga koka në thëmbër
Dhe me veten bërtisja.

Kjo mëri s'e pati jetën të gjatë.
Sytë e drejtonin mëndjen drejt teje.
Më duhesh e dua të të puth prapë
Dhe s'dua të largohesh më prej meje....!

[riza2008]

I pa mënd në dashuri....!


Sot bie shi mua s'më lag
Dhe pse në rrugë e çadër s'kam.
Nisem tek ty e kthehem prapë
Dhe prapë i zjarrtë në shpirt unë jam.

Ndoshta je ti që largon shiun
Në këtë rrugë ku eci unë.
Dhe pse po fikem si qiriu
Çuditërisht të dua shumë.

Në shpirt ndjej dimër edhe vapë
Dashuri dhe xhelozi.
Të urrej të dua prapë
S'di çfar po bën kjo ditë me shi.

Në rrugë ndjej flladin e pranverës
Në zemër dashurinë për ty.
Të dua e urrej njëherësh
Jam i pa mënd në dashuri....

[riza2008]

Mos më pyesni.....!



Mos më pyesni për vargun e trazuar,
Për shpirtrat pa formë dhe turbullus.
Asgjë s'u them,s'kam për t'u treguar,
Veç betohem e për ju mirësi lus.

Mos më pyesni për ecjen këmbadorazi,
Për perdet në sy mos protestoni.
Hijen e mbuloj mbi asfalt qorrazi
Dhe për vuajtjet këndoni.

Mos kërkoni nga unë rilindjen e botës
Dhe nëse në varg e rilind dhe e vdes.
Jemi kot', të dalur modës
Harbutëria gjallon, si kërmilli në vesë....