Mos e thinjni mallin......!

[riza2008]

Kudo ka jetë......!

Në shpate,kreshta shkretëtirë
Qëndron i vetëm një burim
Më tej një pemë e vetëmbirë
Dhe shkretëtira merr blerim.

Një shkëmb i zi i vetlarguar
Buzët i janë çarë nga vapa.
Një zog mbi të folenë ndërtuar
Si mace zezë i qëndron nata.

Një shkëmb,një pemë dhe një burim
Të gjith' jetojnë në shkretëtirë
Aspak s'e quajnë si mallkim
Veç luten se jetojnë të lirë....

[riza2008]

Muza më thërret.......!


Tek rruga që kaloj përditë
Kalova sot, si endacak.
I mbyllia dhe i hapia sytë
Që syri, lypsin, mos t'a kap.

Se ç'nxorri, një fjali ai
Dhe mbante shtrirë, një doçkë të njomë.
Shikimin ngul, tek sytë e mi
Që nxirrnin lotë, të ftohtë dëborë.

Muza më thërret....Vështro!
Hapi sytë e bëje varg.
Lypsi vargun tënd e do
Varfërinë t'a ket' më larg....!

[riza2008]

Fal dashuri........!


Era fryka e rrëmbyer
Pak nga nuri yt po merr.
Një baluke ballit kthyer
Tek qerpiku një mister.

Një flet' plepi arratiset
S'di ku fshihen sytë e tu.
Një buzqeshje tek ty niset
Si vet' era kuturu.

Hije pluhuri duket bota
Rreze drite dukesh ti.
Dy trokitje vin tek porta
Një për mua,një për ty.

Era fryka e rrëmbyer
Na rrëmbeu që të dy.
Buzë më buzë na paska kthyer
Dhe na thot: Fal dashuri.....!

[riza2008]

Gjithçkaje i falem.......


Largohesh prej meje si një zë i mekur
Sytë nuk i kthen dhe hapat shpejton.
E di që kjo ikje ka për të më vdekur
E di që kjo botë për mua s'mendon.

Nata ime ishje,dita ime po
Malli edhe halli ishje gjithashtu
Plaga e pa mbyllur tani nuk them jo
As lastari gjelbër kthyer në kërcu.

Gjithçkaje i falem kokën mbrapa kthe
Dhe të gjith ëndrrat mbajnë emrin tënd
Pasurinë e shpirtit tek mua e le
Si dhe shkretëtirën që djeg edhe dhëmb...

[riza2008]

Atje të pres.....!

Tek një lëndin ka vetëm lule
Mes lulesh,lule,vetëm ti.
Si polen lulesh tek unë u ule
Më dhe nektar për dashuri.

Në fllade maji më vjen përhera
Më ledhaton me sy në shpirt.
Atje ku kulmin ka pranvera
Atje më thua :Zemër më prit.

Atje të pres në një lëndinë
Ku lulia vyshket sa vjen ti
Mes puthjesh ta ngrej lart lavdinë
Dhe puthjen kthej në poezi....!

[riza2008]

Ti mund të bësh çfar të duash.........!


Ti ke lindur
për të elkipsuar djemtë
Për ti marrosur
e mos ti dashurosh.
Je si ai ylli
që s'pyet nga retë
Dhe kë dëshiron
ta zbukurosh.

Ti ke lindur
të puthësh kë të duash
Ti kthesh të tjerët
ziliqar kur të shikojnë.
Ata sy
bën mirë që ti ruash
Ndihmë të më kërkosh
kur ti sulmojnë.

Ti ke lindur
të bredhësh si erë
Të marrësh me vete
ata që do ti.
Të tjerët ti quash
pa asnjë vlerë
Dhe të bësh
me kë do ti dashuri.

Ti ke lindur
për ti vënë zjarrin botës
Pa e kuptuar
që më djeg dhe mua.
Ndaj të kërkoj
në fund të gotës
Veç atje
të imagjinoj si grua.....

[riza2008]

Kur perëndon Dielli.....!

Kur perëndon Dielli,
se si e ndjej veten
Të afrohem ty,
që të të kem pranë.
Të më zbukurosh
si rrezet që mbeten
Përmbi maja malesh
e mbi oqeanë.

Kur perëndon Dielli
sytë i kthej nga Ty
Të ma ndriçosh rrugën
që ka errësirë.
Ta konkurosh Hënën,
të bëhemi dy
Dhe të presim Diellin,
të lind ndaj të gdhirë.

Kur perëndon Dielli,
jeta bëhet dimër
Ndaj të kërkoj pranë
se ti je pranverë.
Me rrezet e tua
do shkruaj një libër
Dhe ta kthej në këngë
ta këndojmë nga herë...!

[riza2008]

Këtë punë bëjmë ne të dy.....!


Ne të dy
sepse shkrihemi gazit
Shikohemi në sy
dhe qeshim.
I bëjmë karshillëk
nga hera marazit
Dhe rrobat e pranverës
në dimër i veshim.

Ne të dy
qeshim të lotuar
Loti me ëmbëlsi
zbret në faqe.
Një shkëndije mjafton
për të provokuar
Dhe nga luftë
e kthejmë në paqe.

E ja këtë punë
bëjmë ne të dy
Qeshim,lotojmë
dhe prap' qeshim.
Buzqeshjen e kthejmë
në dashuri
Dhe lotin
me qeshje e presim.....!

[riza2008]

S'e paskam ditur.........!

Sot s'qënkërka
dita ime.
Dikush m'a ka vjedhur
dhe më la pa ditë.
Një ditë që kishja
me mijra kujtime
S'e di kush m'a vodhi
dhe më la pa dritë.

Ditët e mia i njoh
dhe ato më njohin mua.
Ç'ka ngjarë që s'ma thonë?!
Aq më mirë
kur ditën t'a vjedh një grua
Me shikime e buzëqeshje
Dhe po deshe
mos i thuaj Zonjë!

S'e paskam ditur
që u vjedhkan dhe ditët.
Kot s'i thonë
sa do rrosh do mësosh.
Fatkeqsi kur
t'i vjedhin banditë
dhe kohën e tyre
të jetosh.....!

[riza2008]

Nuk e di........!

Nuk e di pse pritjen
e quaj sëmundje,
Kjo më ndodh gjithmonë,
sa herë të pres Ty.
Filloj të ndjej dridhje
më tej ca lëkundje
Dhe në shpirt më lind
një erë si stuhi.

S'e di çfar ndjen ti,
kur të tjerët presin.
Akrepat e orës
vallë ai shikon?!
Po sikur të ndodhi
nga pritja të vdesin
Afishet në mur,
Ti ai lexon!

Po unë pres e pres
largohem si erë
Nuk kam pse të vdes,
nga pritja e gjatë.
Në se m'a kërkon,
pritjen dhe njëherë
Un' do të dërgoj,
shtrëngatën, dhuratë.....!