Mos e thinjni mallin......!

[riza2008]

Ç'kërkon.....?!


Ti hyn dhe del
pa përshëndetur,
Si hije gushti
mbi një leth.
Me sytë mbyllur,
si i vdekur,
Si kal pa fre
në tru më breth.

Ç'kërkon të bësh
me këto gjeste,
As vet' s'e di
çfar bën kështu.
Më fërfëllin
si erë bjeshke,
Si manikin'
më rri kërcu.

Un' shkëmb i sertë
që s'ndjej tërmete,
Lëkundem sot,
si ndonjë djep.
Portretin tënd
e sjell ndër vete
Dhe cicëroj
si zog në step.....


Faleminderit gloreta për pjesmarrjen dhe mendimin që çfaqni.Gjithashtu dhe unë ju dëshiroj shëndet e muzë pa fund....Respekte...

[riza2008]

S'më sjell ndërmënd.......!


Ti ndoshta
nuk më sjell ndërmënd,
Se ishte natë
e s'kishte hënë.
Përhapej zëri
anë e kënd
Në këngë zogu
të pangrënë.

Dhe cicërimat
çanin qiellin
Fëshfërinini mbi livadh
Nga malli çelte
lulet bliri
Na puthte faqeve,vërdall.

U projektua
nata vetë
Mbi sytë tanë,
si meteor
Nga puthjet
u përçanë retë
Dhe dolën zemrat
mbi kraharor.

Ti ndoshta
nuk më sjell ndërmënd
Siç të sjell unë
në ëndrra malli.
Si flok dëbore
përmbi gjëmb
Më pikon zemra
grimca halli.

[riza2008]

Sa pak.....!

Oh sa pak çaste,
sa pak vërtetë
Kan' ngel' ngujuar
në atë kohë
Një varg s'e shkrojta
si poetë
Një fjalë s'ta fola
dot' me gojë.


Çaste që ikën
si të plagosur
Me pika gjaku
nëpër rrugë
Si azmatik
në frymë i sosur
Si fole shpendi
ngritur në buzë.

Oh sa pak çaste,
vërtet sa pak
Me sy të kripur
e shpirt të vrarë
Një përqafim
qëndron si lak
Dhe udhët e jetës
tërheq si kal'....

[riza2008]

Ngelën sytë nga perënditë.........


Shkoj e vi,buza më dridhet
Edhe hija po më vidhet.

Ngelën sytë nga perënditë,
Se të tjerët,s'sjellin dritë.

Fjala cung e pushka top
Si kërmill eci mbi tokë.

Dhimbja shpirtin e fashiti
Dhe buzëqeshjen neveriti.

Flë syhapur nëpër ëndrra
Mbushur gjoksi veç me gjëndrra.

Dhe atje ku kam besuar
Hyj e dal i tradhëtuar.....

[riza2008]

Ku vete,o,ku vete.....?!


Me kthimin e kokës mbrapa
Pash' rrugën e plasaritur thellë.
Cicërimat e zogut në ajër i kapa
Një dritë me rreze të prerë.

Me kthimin e kokës mbrapa
Në sy i kalova portat e trishtimit.
Një shteg lirisë ja hapa
Të bredhi lirshëm, stepave të gjelbërimit.

Me kthimin e kokës mbrapa
E pash' hijen time të lodhur.
Horizontin me qepalla e mata
Vetja më dukej i kudondodhur.

Me kthimin e kokës mbrapa
Njojta njerëz me pamje mali.
Pemë si shkarpa të thata
Lumenj të mbuluar nga zalli.

Me kthimin e kokës mbrapa
Pash' perëndimin e diellit mbi dete.
Batica e Zbatica të prapta
Që më thoshnin : Ku vete, O, Ku vete....?!

[riza2008]

Kur ti......

Kur ëndrrat
të ken' marrë arratinë
Dhe si i ngrirë
të qëndroj në shtrat,
Me një rimë
do ta vras çudinë
Dhe poezinë
do ta ngrej me një varg.

Kur rrugët
të bllokohen nga dëbora
Dhe sythe
të mos çeli luledardha
Dorën do kërkoj
tek ato kohëra
Që shpirti me të drejtë
quan të bardha.

Kur gjunjët
të më dridhen në rrugica
E sytë të lotojnë
në thëllim
Shkëndiet do t'i shkrijnë
ato ngrica
E ti do të ringjallesh
nga malli im.

Kur ti
do ti besosh fjalët e mia
Xhelozia
vdekjen e ka marrë.
Aty sërishmi
do nis dashuria
Dhe zemrën do ta ndjesh
që rreh si djalë.

[riza2008]

Rrugë të gjelbërta.....


S'më vjen mirë që po pres kaq gjatë
Në udhëkryq mes semaforve të kuq.
Të iki dhe të kthehem prapë
Apo largesa mos më dali huq?!

Po iki e po kthehem me një mëndje tjetër.
Semaforët do ti komandoj vetë.
Të hapur do ta lë të gjelbërën
Se të gjith kemi një jetë.....

[riza2008]

Kujtim për Shën Valentinin.......


Të njojta ty, nëpërmjet syrit,
Sa sy i bukur,eh sa magji..
Ky sy i ngjau dhe të birit
Ky sy më flë, sot përmbi gji.

Me ta unë flë,me ta unë zgjohem
Sa fort i dua, e di, ajo.
Me shpirtin aty, përvëlohem
Dhe po të vdes, më bën hero....

[riza2008]

Kur çel dashuria......


E plotë,asnjëherë, s'më je dukur
Diçka më fsheh, nga trupi, ti.
Suprizë m'a bën', një të puthur
S'ma thua, ç'ndjen në brëndësi.

Ka qënë një ëndërr, që t'i zbuloi
Dhe s'e kuptoj, as unë,as ti.
Të gjithën tyja, të pushtoi
E cep më cep, kish' dashuri.

Kjo dashuri, m'a shtoi urinë
Dhe me dëshira, pret të shëmbet.
E plot m'u duke, pa habinë
Se habinë tënde, vet' e çmënde.

Eshtë dhe një zemër, shum' fisnike
Eshtë dhe një dorë, që përkëdhel
Dy buzë që japin, puthje magjike
Dy sy, ku dashuria çel......

[riza2008]

S'pres gjë.........


Dhe prap' rrugicës,ecia si i dehur,
Shikoj kalldrëmet që pikojnë shi.
Dorez' e portës,për hapje e nxehur
Portreti tënd,burgosur në qeli.

Ngushtuar rrugët,nga malli për ty,
S'më nxë rrugica,as porta prej druri.
Vazhdoj përplasem,murit kuturu
Dhe e qaj kohën,për hallin që më zuri.

Dritaret zënë dhe lulet pa vaditur.
Thar' borziloku, mbi saksinë e vetë.
Një jet të tërë, në rrugic' duke pritur
Tani s'pres gjë,le të bien rrufetë.....