Mos e thinjni mallin......!

[riza2008]

Kësaj nate......

Kësaj nate,
të ftohtë Janari,
Eci rrugës,
ku s'ka fare dritë.
Erës i lutem
me vete të më marri
Dhe të më çoi atje,
ku prehen perënditë.

Lutjen time,
era nuk e pranoi
Mes skutave të errta,
më la, tek kjo rrugicë.
I ftohti i shpirtit
zemrën e gllabëroi
dhe yjet lart
s'e di,..më bëjnë bishtë.

Hënën që e desha,
më erdhi vetë pranë,
E çau qiellin
të mbushur me re.
Njeri-tjetrin me mall
në sy e pamë..
errësirën e ftohtë
e hodhëm si erë,
nëpër rrëke....

[riza2008]

Një valëz drite........


Rreth vetullave të vrenjtura
fluturojnë mendime egërsirash.
Errësirën e errësojnë më thellë.
kolltuku parfumoset me erë qelbësirash
Dhe drita,s'ndiçon deri në derë.

Si kandil pa vaj,shikimet njerëzore.
Shpresat bëlbëzojnë,si një motake.
Udhën e jetës e marr për dore,
Humnerave gremisin,buzqeshjet njomzake.

Në tunelin e gjatë,të jetës errësirë,
Një valëz drite,ndriçon, një botë tjetër.
Nga vetullat e vrenjtura e largon këtë egërsirë
Dhe fytyra zbukurohet, mbi sfondin e një jete, të vjetër.

[riza2008]

Të ishja Zot..!

Të ishja Zot,ndryshoja botën,
U sillja pranë, një botë të re.
Varfërisë, ja shtypja kokën
Të pa feve, vetëm dhe.

Po un' s'jam zot,jam njeri koti
Nuk bëj dot' punra, të mbëdha.
Ndaj dhe lutje çoj tek zoti
Të mos më lëri budalla.

Nuk kam pushtet e t'ua vjedh djersën
Veç kam një vot,sa për bela.
Me dhimbje shkruaj,vargun,vjershën
Dhe rrugës qaj, si kalama.

Nuk kam fuqi, ta ndryshoj botën
Ndaj rri tulatur, si guak.
Me grushta shpesh e godas kokën
Dhe si i huaj, rri në prak.

Si i pa shpresi, që kam ngelur
Sytë shpesh i mbaj nga qielli.
Pres një rreze, për t'a vjedhur
Edhe imi, të jet dielli....

[riza2008]

Ç'po ndodh......?!


S'e di ç'po ndodh,
shpesh humbas rrugën,
Diku një tjetër,
më ngjan me të.
Rreth syve mjegull,
s'e dalloj buzën
mes honit flas
e s'dëgjoj zë.


Nuk i kam dashur,
kurrë lajthitjet.
Se s'i më gjetën
nuk u'a them dot.
Kam bashkjetuar,
me zbritjet,ngjitjet
Gjithmonë kam rënë
me këmbë në tokë.

Nuk di ç'po ndodh
që veç hutohem.
Ti ngul sytë
e s'mendoj gjë.
Pa shkak,
nga fjala rrebelohem,
Me rrebelimin
s'më lidh asgjë.

S'e di ç'po ndodh,
jam i shqetsuar.
Në krahun tjetër,
zemra më bredh.
E shikoj hënën
të pikëlluar
Dhe rrezet
varur mbi një ledh.

S'e di ç'po ndodh
shpesh e zgjat hapin.
Kërkoj të kap
një kohë tjetër.
Kjo kohë,
s'e pranon Satrapin
Dhe barrikadat
i flak si letër.....

[riza2008]

Pritëm.........!


Jetë e zakonshme.
Mbyllur me dryn në apartament.
Pasojat e dimrit, rrënqethëse.
Tiktaku i zemrës, prekës.
Kockat e krevatit, rënkojnë.
Koha,mëndja,zemra
Diçka të re kërkojnë.........


I turbullt,
turbulloj jetën.
Në llumin e saj, pika gjaku.
Erëra të trazuara,
molepsin ajrin.
Oshëtima,gurgullima,murmuritje.
Pyje kokprerë mbi alpet gjigande,
Zvarrisin kohën në mërzitje...

Në tokën time,
Shterpësi e zgjatur.
Pema s'nxjerr filiza
të rinovojë vetveten.
Trëndafilat, s'kanë aromë.
Gjëmbat e tyre po pickojnë gonxhet.
Koha,mëndja,zemra
Ecin me të njëjtin ritëm...
Atje ku jam nisur...
Atdheu im,...... Pritëm.....!

[riza2008]

Pikëllim..!

Pikëllimin,s'ma fshejnë sytë
Dhe në gjumë,pikëllimi del mbi sy.
Lotët e rrjedhur,bëhen komb në fytë
Dhe i vdekur jam njëlloj si ty.

Duart dridhen së bashku me zemrën.
Hija e kobshme shëtit e qetuar.
Një tjetër qiell më përzihet me ëndrrën
Dhe më djeg me lot' të përvëluar....

[riza2008]

Ai shikim.....!


Ta dini,s'jam njeri i marrë
Dhe pse besoj në marrëzi.
Në dashuri,shikimi i parë
Më bën të marrë, si asnjeri.

Ai shikim i ngulur thellë,
Më shtang në vënd,si një rrufe.
Më kot përpiqem për ta nxjerrë
Atje ku hyn,ngren një fole.

Dhe bota tërë, e di,se unë,
Hipnotizohem në shikim.
Mbi sytë e mija ti lë gjurmë,
Gjurmë që kthehen në verbim....

[riza2008]

Asnjëherë........

Asnjëherë,s'i kam dashur mallkimet,
As mburrjet e kota,s'i dua.
S'i dua as festat,ditlindjet
Avazin e një kohe të shkuar....

Asnjëherë,s'i kam dashur përvjetorët,
As ditët e tjera të shënuara.
Bashkohem me meteorët,
Që digjen në qiell për të ndriçuar.

Asnjëherë,s'i kam dashur tepërimet,
I tepëruar askund, s'dua të jem.
Aq më keq,s'i kam dashur nxitimet,
Vetveten nga pas dua ta kem.

Gjithmonë e kam dashur çiltërsinë,
Sinqeritetin, udhrrëfyes në jetë.
Asnjëherë, s'e dua cmirrëzinë
Dhe ata që s'luftojnë, për një të vërtetë.

[riza2008]

Kush e krijoi......?!

Një vdekje pres dhe e kam hak,
Se asnjeri nuk vdes dy herë.
Të lutem pritëm edhe pak
S'dua të vdes dhe këtë verë.

Kjo pritja jote,s'quhet vdekje,
Në pritje vdes,po s'erdhe ti.
Mungesa jote, më sjell etje
Dhe vdes pa pritur, në asfiksi.

Kush e krijoi këtë botë?
Kush ty, të solli, në këtë jetë!
E di, e di e kam të kotë
Dhe po nuk vdiqa, do varem vetë.

[riza2008]

Pse të jetoj....?!


Pse të jetoj,mund të ma thuash?!
S'jam trung' i tharë,pa rrënjë në tokë.
Jam lutur shpesh që të më duash,
Jam lutur shpesh,por fare kotë.

Ti vrasjen mbolle, në zemrën tënde,
Un' dashuri, dhuroj dhe sot.
Kur dal shëtis më vjen ndërmëndje
Ajo saksi me borzilok.

Nga kjo saksi këpus një degë,
Ja thith aromën, si me ty.
Fare pa ndjerë, largoj një brengë,
Fare pa ndjerë, një lot në sy.

Nuk dua jetën, ta kthej në gjumë,
As aventurë nuk dua, jo.
Me shpirt t'u përkula në gjunjë
Ti asnjëherë nuk më the : Po...!