Mos e thinjni mallin......!

[Agim Doçi]

Serioze!!!!!!!!!!!!!!!!!!!!!!

Me rente pika, me hengert mortja
per nickun tend aspak serioz
e bukur shume kjo vjerrsh e jotja
nuk e fsheh dot, jam bere xheloz

[riza2008]

Kjo Vlorë një histori më vete


Një udhëtim tek Kus Babaja,
E bëra natën,rrugën në këmbë.
Me Vlorën më kish zënë sevdaja,
Kur ecja rrugës, këndoja këngë.

Me mua bashkë ishte dhe Hëna
Dhe fëshfërimat në zabel.
Këtu pa gojë ngelet vetë gjëma
Dhe shpirti i shpirtit bredh në terr.

Kjo rrugë,kjo trevë më mban të gjallë
Dhe po u ndodha në agoni.
Ky Kus Babai një gjë e rrallë,
Mbi Detin Jon fal dashuri.

Kjo Vlorë një histori më vete,
Një shekull që valvit flamur,
Aty si kripë deti trete,
Kur sheh shqiponjën në çdo gur.

Ky vënd me bukuri përrallë,
Qyteti i mëndjes,burrërisë,
Ndaj i thashë mëndjes mos të ndalë,
Për Kus Babanë e Perëndisë.

[riza2008]

Ndjehem më i qetë

Ndjehem më i qetë se qielli në pranverë,
Më i qetë se vapa e Korrikut.
Këtë qetsi e kam për të parën herë,
Ndaj frikë mori edhe vetë paniku.

Ndjehem më i qetë se uji i burimit,
Më i qetë se bari në livadh.
Më i qetë se krahasimi i krahasimit,
Më i qetë se shpirti im i madh.

Ndjehem më i qetë në qënien time,
I sigurt në ecie dhe në gjumë,
Janë shënjat e para të një jete imtime,
Janë ndjenjat e vrullshme që do vërshojnë si lumë.

Ndjehem më i qetë në këtë botë të trazuar,
Me sy e mas çdogjë në distancë.
Këtë vit do jem më shumë i dashuruar
Dhe nuk do përfill asnjë diskordancë.

[riza2008]

Si ta heq nga mëndja këtë fjalë ?!

Si ta heq nga mëndja këtë fjalë:
Ik ! Largohu mos të pafsha me sy !
Kur atë e ndjej dhe e kam gjallë,
Kur me të e pa të bëj dashuri.

Ku ta flak këtë barrë mbi supe,
Që m'i shtrëmbëroi kockat me radhë.
Më dha në jetë njëmijë e një huqe
Dhe me fjalë më pushkatoi në ballë.

Me të s'mund të eci asnjë centimetër,
Është fjalë e rëndë më gozhdoi si Krisht,
S'e meritoja as në botën tjetër,
Por edhe lypsar nuk bëhem ta dish.

Mendohem,mendohem, sa harroj të flë gjumë,
E kthej e stërkthej,s'i jap dot drejtim.
Dita e hënë më duket si e shtunë,
Edhe kjo rrugë si pa kthim.

Me kaq mendoj se u kuptuam,
Fjalë zëmre nga ty më s'pres .
Agimet të zymtë i gjetëm kur u zgjuam
Pse këtë jetë e këputëm në mes?!

[riza2008]

Ja vlen


Ja vlen të bisedosh me Ty,
Për dashurinë e gjithçka tjetër,
Se mëndjen ta lexon me sy,
Je filozofia më e vjetër.

Ja vlen për Ty dhe një shikim,
Një puthje vlen sa e gjithë jeta,
Në ditë halli sjell gëzim,
Lartësohesh nga e vërteta.

Ja vlen kjo vlerë të kthehet art,
Në një pikturë a poezi,
Me Ty gjithmonë lartë e më lart,
Lum kush jeton vetëm për Ty.

Ja vlen për Ty çdo sakrificë,
Ja vlen të vdesësh veç për Ty,
Një fjala jote shkrin çdo ngricë,
Kur thua : Sa i mirë është Ky !

[riza2008]

Në hall të dy jemi pa tjetër

Në hall të dy jemi pa tjetër,
Por s'dimë pse kemi rënë në hall.
Ky halli im më bëri rretër
Dhe hallin tënd s'e quan hall.

Në mes mendimesh kacafytur,
Ky halli yt më del në ballë,
Më thotë më lodhe duke pritur
Dhe hallin tënd s'ta quaj hall.

Në hall të dy paskemi rënë,
Po halli, hallit nuk i ngjan,
Unë pres që të ta dëgjoj zënë,
Ti thua nuk të kam hiç xhan.

Unë mall e hall e kam tek Ty,
Ti mall e hall s'e di për kë.
Të them je shpirt e je flori,
Të them pranverë je përgjithnjë.

Ky iluzion kapërcen dete
Dhe mëndja brethka kuturu,
Si ëndrra që s'të sjell në vete
Dhe i thot trurit fli këtu.

Në hall të dy jemi pa tjetër,
Po heshtja na ka mbirë në tru,
Ky hall më bëri më të vjetër,
Ky hall të ktheu Ty kërcu.

[riza2008]

Zërin tënd


Zërin tënd e dëgjoj si në ëndërr,
Një zë i lodhur nga jeta.
Sikur më thotë : Të mbaj mënd dhëndërr
Dhe të dalloj ndër miliona veta.

Ky zë ka vite që më ndjek pas,
Gjithmonë si qënie e pa dukshme,
Më përshëndet në hidhërim dhe në gas,
Në furtunë dhe në valët e lundrushme.

Unë e dëgjoj dhe s'i kthej dotë përgjigje,
Një lëmsh më mblidhet në fyt,
Kjo akustikë e veçantë në ligje,
Sa edhe honet i mbyt.

Ti duhet ta dish që të njoh pa tjetër
Dhe pse s'komunikojmë dotë kurrë.
Këtë zë me nota e shkrojta në letër,
Vetëm nota dhe gërma nuk gjeta për fjalën burrë.

[Era2D]

Si ta heq nga mëndja këtë fjalë ?!

Si ta heq nga mëndja këtë fjalë:
Ik ! Largohu mos të pafsha me sy !
Kur atë e ndjej dhe e kam gjallë,
Kur me të e pa të bëj dashuri.

Ku ta flak këtë barrë mbi supe,
Që m'i shtrëmbëroi kockat me radhë.
Më dha në jetë njëmijë e një huqe
Dhe me fjalë më pushkatoi në ballë.

Me të s'mund të eci asnjë centimetër,
Është fjalë e rëndë më gozhdoi si Krisht,
S'e meritoja as në botën tjetër,
Por edhe lypsar nuk bëhem ta dish.

Mendohem,mendohem, sa harroj të flë gjumë,
E kthej e stërkthej,s'i jap dot drejtim.
Dita e hënë më duket si e shtunë,
Edhe kjo rrugë si pa kthim.

Me kaq mendoj se u kuptuam,
Fjalë zëmre nga ty më s'pres .
Agimet të zymtë i gjetëm kur u zgjuam
Pse këtë jetë e këputëm në mes?!

Komplimenta! Vertet shume e bukur dhe e ndjer kjo poezi!

[riza2008]

Komplimenta! Vertet shume e bukur dhe e ndjer kjo poezi!

Faleminderit Era2D..klm

[riza2008]

Hije nate


Dhe sikur për ty mos të egzistoja,
Hije nate them se do të jem.
S'kam pse të të them pse u largova,
S'kam pse të të them që ti je ferr.

Ferri me parjsën s'bashkëjetojnë,
Janë të ndarë njëlloj si ne të dy.
S'mund të ndodh që mund të dashurojnë,
Një pa shpirt e një njeri pa sy.

Ndaj furtuna flet e mallëngjyer,
Gjokset tona i godet me takt.
Po kjo hije me gjak nuk është lyer
Ndaj s'pranon të të ket ortak.