Mos e thinjni mallin......!

[riza2008]

Ma thuaj Ti......


Ma thuaj Ti si duhet të dashuroj unë,
Me fjalë, me vepra a me shënja , ma thuaj.
Kur duhet të të puth e kur të të vë në gjumë,
Kur duhet të rri serioz e kur me ty të luaj.

Ma thuaj Ti dhe unë s'kundërshtoj për asgjë,
Qënie më të bindur s'ke për të gjetur kurrë.
Vetë mos më thuaj : Lermë ,se s'të lë,
Vetëm mos më thuaj se të bënem urë.

Më thuaj të vemi në Hënë,pas teje vi,
A në ndonjë planet ku ndjeshesh më mirë.
Dhe në ngricat polare me ty rri,
Ma thuaj si të të dashuroj pa zinxhirë......?!

[riza2008]

Ndarje koti....

Ndarjen tonë askush nuk e pranoi
Dhe të dy ndarjen e mbajmë në shpirtë.
Veç për ty një mike më uroi,
Ndarjen tënde zemra m'a ka pritë.

Jam mërzitur,ky lajm s'më gëzoi,
Sepse zemra prap' rref për atë.
Nëse ndodh që dhe mund të ndryshoi,
Po ta them ndarja nuk më zë.

Ne u ndamë pa u ndarë në zemër,
Ndarje koti që emër s'i vë.
Ty ta them s'gjëj si ajo femër,
Ndaj urimit nuk po i bëj zë....

[riza2008]

Ç'pati ky i shkretë...?!


Shpirti im është varur në greminë
Dhe lëkundet si lavjerrës ore,
Zemra tingëllon si psherëtimë
Edhe loti si ortek dëbore.

Shpirti im u ngjit përpjet në qiell,
S'donte më të rrinte në grminë,
Futur në një pus,një çanak diell
Edhe ajri si një vetëtimë.

Ndaj po nuk më gjetët nëpër rrugë,
Në një kafe a në facebook.
Iku thoni vdiq edhe ky burrë,
Vargu i ti, më, nuk do na nduk.

Po ju lutem vetëm mos më tallni,
As të shkruani lajme në gazetë.
Një ashure a një hallvë ta hani
Dhe të thoni : Ç,pati ky i shkretë?!

[riza2008]

Ndoshta s'u menduam.....

S'di pse telefonin mban të fikur,
Humbe shansin për të fundit herë.
Se më lodhën vitet duke pritur,
Dhe po e kuptoj që s'paskam vlerë.

Jo se s'kam ç'të bëj dhe e vras kohën,
Zëri yt ndoshta më jep një shpresë.
Më nxjerr diellin dhe ma largon llohën,
Më mban gjallë e nuk më lë të vdesë.

Ndoshta s'u menduam kur u deshëm,
Edhe kur u ndamë menduam keq.
Ishte dimër ne pranverën veshëm,
Unë u bëra djall edhe ti dreq.

Tani s'dimë ç'të themi për vetveten,
Çdo kush rri në frontin ku u vramë.
Ti si lule që lulëzon mbreten,
Unë një gjethe me ngjyrën si panjë.

Dhe në ndodhtë që bashkë s'do të takohemi,
Unë habi e quaj,s'di për ty.
Veç ta them që të më dashuroni,
Se ju mbaj në zemër perëndi......

[riza2008]

Nuk ka dashuri me rekomandime.....


Nëse s'mund të jesh e vetmja dashuri,
Kjo gjë nuk më trëmb e aspak s'më gëzon.
Se çfar shprehin sytë vetëm unë e di,
Se çfar të thot zemra një Zot e kupton.

Nëse ëndrra s'sheh natën kur s'ka hënë
Edhe zgjimi herët të vë në siklet.
Këtë dashuri mos e quaj gjëmë,
As këtë të dashur s'ke pse e shpall mbret.

Nëse mund të jesh dobësia ime,
Kjo nuk do të thotë fundi i një jete,
As edhe një rrugë me njëmijë kalime,
Ku sejcili zgjedh një korsi më vete.

Por aman një gjë të dy e dimë mirë,
Nuk ka dashuri me rekomandime.
Nëse ti s'më ndjen në rënie të lirë,
Kësaj dashurie pse ti thurim himne....?!

[riza2008]

Nuk qe e thënë.....


Jam pjesë e jetës katrahurë
Jam pjesë e rrugës me dredhi.
Ti s'kishe faj deshe një burrë,
Por s'mund të ishja unë ai.

Për ty u grinda me një tjetër,
Me ty u grinda për një puthje.
Ta dish ky është avaz i vjetër,
Ky është kanun që s'pranon lutje.

Asgjë më tepër s'të kërkova,
Asgjë më tepër tjetrit s'i dhashë.
Kur ty të thashë : Të dashurova,
Në një vënd tjetër sytë t'i pashë.

Shyqyr që s'vrava njeri për tyja,
Se burgun do ta bëja shokë.
Ta dish se i bëja të dyja,
Të puthja ty e atij mortë.

Unë kam inatë,me femrat,kurrë,
Atyre vetëm u buzëqeshë.
Nuk qe e thënë t'më kishje burrë
Dhe malet do t'i bënim sheshë.

[riza2008]

As gjë s'më duhet....


Këtu as gjë nuk po më duhet,
As gjë nuk gjëj vërtetë.
Dhe nata s'di pse po më druhet,
Si edhe dita vetë.

S'po e kuptoj ç'kërkojnë sytë
Dhe shpirti im fisnik.
Ndoshta kërkojnë një udhë të dytë,
Një udhërrëfyes mik...

[riza2008]

Shtegu jetës.......


Jeta, kjo fantazmë që mashtron
Shpirtrat e dhe ëndrrat i përzhitë.
E lë Hënën deri natën vonë,
T'i tregoi dhe t'i fshej' stolitë.

Në një cep të globit flas me vete,
Pëshpëris e jargavis fytyrën.
Sytë më kërkojnë të tjera lente,
Që ta projektojnë, ndryshe mynxyrën.

Jeta kjo kasape e pa shpirtë,
I ther zemrat fare pa sytë mbyllur.,
Jeta kjo zuzare s'më thotë pritë
E lë qiellin si qënie të dyllur.

Jeta kjo fjalëbriske,me dy presa,
Ta largon shikimin me një fall.
Shfaqet edhe zhduket siç bën vesa,
Në agim të diellit mbi livadh.

Jeta kjo pusi me gjëra koti,
Njëri-tjetrit i sjell largësi,
Ato që s'i desha m'i dha loti,
Ata që më deshën jan' bër' fli.

Nën' obrellë të jetës maskaradë,
Kërkoj shtegun nga mund ta braktisë.
Dhe me dashje ta bëj një rrokadë,
T'ja nxjerr rrënjët edhe ta vidhisë...

[riza2008]

E dini apo nuk e dini..?!

E dini apo nuk e dini historinë tonë,
Historinë e një dashurie të vrarë.
E vërteta vonon,por s'harron,
Na ndanë e na quajtën të marrë.

Na ndanë e na thanë mëkatarë,
Njerëz pa fe e pa Zotë.
Kjo gjë s'më kishte ndodhur më parë,
Kur dashuroja ashtu fare kotë.

Por prap po dyshoja tek vetja,
Mos vallë kam qënë bukëshkelur?!
Jo! E doja dhe më donte lanetja
Dhe detin për mua kishte hedhur.

E dini apo nuk e dini historinë tonë,
Kisha vite që e kishja harruar.
Një ëndër u kujtua ashtu fare vonë
Dhe më thoshte: Ke qënë dikur i dashuruar...?!

[riza2008]

Rri dhe shikoj thinjën.....


Rri dhe shikoj thinjën,
Dua ta përkthej.
Thotë: Mos m'a prish linjën,
S'e un' s'të gënjej.

Ti u thinje vetë,
Viteve të mia.
Kjo është e vërtetë,
S'ka ndodhur çudia.

Përkthime të tilla,
Duan fjalë të rralla.
Mbi thinjat e tua,
Vdiqa dhe u ngjalla.

Po! Ka bukuri,
Thinja përmbi flokë.
Ndaj s'ka dashuri,
Që s'ka thinjur botë.

Rri dhe shikoj thinjën,
U rrit bashkë me mua.
U plakëm,u spinjëm,
Duke Dashuruar......