Mos e thinjni mallin......!

[riza2008]

Një poeteje.......


Ndoshta nuk je e mirë si poete,
Ti ke ç'ti japësh jetës : Më beso!
Kur të vështron,njëhersh' të bën përvete,
Me sy më thua : Shpirtin ti ma lexo!

Unë si poet shpirtin ta kam lexuar,
Jam futur thellë në ato zbrazdësi.
Kam gjet thesar,njeriun më të çmuar
Kam marrë nga ty e kam dhën' dashuri.

Nëse në varg mungon një metaforë,
Një krahasim, a tjetër ku ta di.
Ti ke dy sy tamam si engjëllorë,
Ti ke një zemër që quhet :Njeri !

Nëse më lodh pa dashje vargëzimi,
Ti ke ç'më jep e ke çfar më dhuron.
Ti je polenë atje bëhet pjalmimi,
Atje nis jeta e atje përfundon.......!

[riza2008]

Eksplorim........

Me botën tënde kam eksploruar,
Dëshirat qejfet e çdo gjë tjetër.
Kam parë ca gjëra pa kontrolluar,
Që s'i zbuloi bota e vjetër.

Kam parë shikime tekanjoze
Dhe buzë thara në kllapi.
Kam parë zonjushe plot elozhe,
Që s'dinë të bëjnë dashuri.

Kam parë,ç'kam parë sa nuk tregohet,
Sa vargu zor se mund t'i mbajë.
Sa eksplorimi s'eksplorohet,
Sa dhe vetë loti s'mund t'i qajë.

Kam parë pushtet pa kufizime,
Mbretëri mbi mbretëri.
Këto i quaj eksplorime
Këto i quaj dashuri.....

[riza2008]

Tek pi kafe......

Tek pi kafe më vinë ca mendime,
Ashtu të turbullta si vetë llumi kafesë.
Se ç'janë ca njerëz që s'ngopen me çmëndime,
Se ç'janë ca njerëz që s'njohin fe e besë.

Sikur kan' ardh' në jetë për marrëzira
Dhe veç urrejnë,urrejnë në infinit.
Këtë kanë lidhje,nga lidhjet më të mira
Dhe dashurisë gjithmonë i ngrejnë pritë.

Tek pi kafe më lodhin ca mendime,
Ma bëjnë trurin si një dhallë të thartë.
Përjetsisht vetëm për shkatërime
Çmëndurisht vrasin rrugën e artë.....

[riza2008]

Porosi Nëne.....

Çfar po ju them është e vërtetë,
Ju s'mund ta vërtetoni.
Ajo dhe unë i puthëm retë,
Të ulur tek ballkoni.

Sa lindi dielli puthi malet,
Në puthëm buzët tona.
Kur vesa po puthte livadhet,
Ne putheshim akoma.

Në qiell, kur dolën yjet,Hëna,
Ne prap' qem tek ballkoni.
Na kishte porositur Nëna,
Puthuni sa të rroni.......

[riza2008]

Dola në rrugë......

Të të kem pranë këtë natë acari,
Mendoj,mendoj e vetëm po mendoj.
Prania jote s'dallohet nga behari,
Ndaj ngula këmbë e nisa të kërkoj.

Dola në rrugë atje ku s'ka fund jeta,
Atje ku zhurma asnjëherë s'pushon.
Dola për ty e kjo është e vërteta,
Dola për ty se ti po më mungon.

Shikoja qiellin, yjet po i mungonin
Kish vetëm re e re që sjellin shi.
Shikoja njerëz që s'dinin të dashuronin,
Shikoja veten që për ty bëhej fli.

Asgjë s'shikoja dhe shpresa po venitej,
Ndaj rendia,rendia të gjëja shpëtim.
Po zemra thoshte ti ke veç arritje,
Ajo të do, ti vetëm ki durim.....

[riza2008]

Një botë e madhe......


Një botë e madhe jeton tek sytë e tua,
Sa unë humbas e nuk gjëj dot' rrug' tjetër.
Rri të shikoj e mbetem i menduar,
Rri të shikoj e diçka pres në vepër.

Kjo bota jote vërtet shum' e çuditshme,
Një labirinth që s'paska anë e fund.
Ndaj sytë e mi bërtasin e habitshme,
Ndaj sytë e mi të thonë më do në mund.

Nuk flet me gojë siç flet kjo zemra ime,
Veç më gjurmon me sytë kaltërosh.
Në ke vendos' të bësh në jetë krime,
Me sytë e tu do të më pushkatosh.

Ndaj zgjidh në jetë më mirë dashurinë
Dhe dashuro me zemrën që po vuan.
Ti je ylber e ngjyros gjithësinë,
Ti je një botë ku sytë u dashuruan..

[riza2008]

Kush më erdhi ....?!


Kush më erdhi natën të më zgjonte,
Të ma prishte gjumin pa një shkak.
Tek cepi dritares më përgjonte,
Vidhte rreze hëne si kaçak.

Unë po ëndërroja gjëra koti,
Kur një hije ma mbuloi surranë,
S'di ç'kërkonte atë faqe moti,
Kur unë s'dashuroja më sevdanë.

Si një vajzë e turpshme ndriste hëna,
Një fytyrë i vinte një i shkonte,
Dukej sikur brënda kishte gjëmba
Dhe krevatin tim me to e çponte.

Ashtu ëndërr prishur putha natën
Dhe shikoj dritaren ku qe hija,
Ajo që ma kishte kallur datën
Tani rrinte varur tek selvia.

Kush më erdhi natën të më zgjonte,
Se nga gjumi thashë nuk ngrihem kurrë,
S'di pse nata po më provokonte,
S'di pse urat qenë fundos' në lumë

[riza2008]

Dhe pse s'jam djalë......

Dhe pse s'jam djalë nuk mund ta fsheh,
I shikoj ëndrrat e asaj moshe.
Dhe puthja fallco pa shkak më deh,
Tek cepi shkallës,tek ajo qoshe.

Ka një të mirë kjo ëndrra ime,
Se më zapton e s'mi heq kthetrat.
Ma ndryshon lukun pa përtime,
M'i heq të gjitha gjërat e vjetra.

Dhe pse s'jam djalë do bëhem djalë,
Do dal nga ëndrra si asaj kohe.
Mbi trupin tënd do shkas si ngjalë
Dhe pleqërinë do nxjerr jashtë loje...

[riza2008]

Çfar s'po bëhem.....?!


Për një moment ika fluturova,
U bëra zog e s'dija çfar të bëja.
Mbi dega pemësh,mbi to u rrëzova
Edhe vetveten për Zot nuk po e gjëja.

Se çkam një tip,nuk i besoj momentit,
Në këtë rast ngela si i hutuar.
Bëhesha mbret në mëndjen e të lehtit,
Bëhesha varg tek çifti dashuruar.

E çfar s'po bëhem u bëra dreqi vetë,
Sejcili sy kërkon diçka nga unë.
Po unë jam pemë që nuk kam as një fletë,
Unë jam detë pa dallgë e pa shkumë....

[riza2008]

Bukuri e rrallë......

Të rrallat bukuri,të gjith' jo nuk i kanë,
Zotit quaja nder edhe mirësi.
Unë që kam gjezdisur botën anë e mbanë,
Jo nuk gjeta kurrë si kjo bukuri.

E rrallë më duket çdo qelizë tek ty,
E rrallë në sy e rrallë në buzë.
E rrallë më dukesh dhe në dashuri,
E rrallë më dukesh kur më sjell një muzë.

Ti ja nxorre fundin çdo lloi bukurie,
Diell,hëne,yje edhe çdo ylberi.
Ti të bën të qeshësh në çdo lloi mërzie
Dhe ta këput shpirtin si një fije peri.

Bukuria jote nuk do plaket kurrë,
Kështu ma thot mëndja ndoshta më gënjen.
Ti je provokuse,përulet çdo burrë,
Gjith stinët e vitit brënda teje gjen.

Unë kam një siklet me vetveten time,
Po vjen pleqëria dhe s'të ndjek dot pas,
Ajo bukuri që të thuri himne,
Mos e lër të vyshket!Tjetër s'ke pse qas.....!!!!