Mos e thinjni mallin......!

[riza2008]

Sy të ndryshëm.......

Në sytë e mi,
ti dukesh shum' e bukur,
Më kot' të shan një mik,
që s'dinte gjë,
Se bashk' të dy,
më tepër se të lumtur,
S'mund të na ndai,
një fjalë apo një zë.

Se kundërshtove,
se s'do më kuptonte,
Një gjë e tillë,
më ka ndodhur dhe mua.
Një miku im ,
atë që dashuronte,
Në bot' nuk gjëje,
gjë më të shëmtuar.

Nuk u prishëm,
vazdhdoi miqësia,
Un' jam me ty,
e ai me atë.
Në sy të ndryshëm,
ndryshoka bukuria,
Edhe në zemër,
ndodh e njëjta gjë.

[Sorkadhe_Kelcyre]

Sa miqesore poezia "Sy te ndryshem".. ! per nje moment imagjinova sikur e gjithe bota te ish keshtu po kaq e thjeshte dhe te pranonte gjithcka ne lirine e saj.. .. atehere do te thoshim se jetojme ne parajse.. .. Megjithate mbetet te shpresojme per ne jeten tjeter.. ) Pergezime Riza

[hajla]

S'pranon e vërteta.......

Në zërat e lumenjve e gjëj veten,
Diku në një shkëmb mbuluar me myshqe.
Si hije e kotë mbi valë tretem,
Si këngë vajtuese që këndon një qyqe.

Njësh bëhem me gjallesat e zonës,
Më njohin dhe i njoh me imtësi.
Më duket sikur jetoj në mes të Romës,
Nga madhështia e dhimbjes pakufi.

S'mërzitem me fatin e dështuar,
Siç përmbytet një fushë nga Drini.
Vetë vdekja më ka dashuruar,
Si njerkë e si bir jetimi.

Tani i coptuar mbledh copëza nga jeta,
Dua ti ngjit e të ngrej një përmendore.
Por nuk do e s'pranon e vërteta,
Që dhimbjen ta ketë si dashnore...

..disa hera i kam lexuar poezit e tua,po per t'vequar ishte kjo.
nderimet e mia

P.s.dhe nje si keshille merre,nje dite kur te beheni gjysh,nuk ke per t'i shkruar dhimbjes si me par,sepse ata s'e kuptoin dhimbjen cila do qofte ajo.

Te falinderoi ne mirekuptim
Hajla.

[riza2008]

Përshëndetje Sorkadhe,përhëndetje hajla ju uroj shëndet e gjithçka të mirë në jetë.....

Natyrë e trishtueshme.....


Sa e trishtueshme natyra më duket,
Pemët pa fletë dhe malet me dëborë.
Retë nëpër qiell nxihen edhe zhduken,
Shiu i tërbuar qëndron në oborr.

Mbi xham të makinës,pikëla trishtimi,
Ardhur që nga larg me merak të madh.
Thyer përmbi yll ndjenja dhe mendimi,
Për ditët që ikin e asgjë s'lënë pas.

Dhe vetë buzëqeshja nuk di ku është futur,
Seç shfaqen ca shënja krejtë mëkatare.
Edhe pse fetar ngela duke lutur,
As bota përtej s'e pranon në varre.

Ç'mund të bëj më mirë,veç të rri i heshtur,
Sytë t'i mbaj përpjetë e t'a përpij qiellin.
Mërzit' e natyrës që në fyt janë ngjeshur,
Ti përzjej me helmin që lëshon ky diell.

[riza2008]

Akullnajë të jem aty....


Nëse kam ngrirë tek sytë e tu,
S'pres rreze dielli të më shkrijë.
S'do eci tutje as tëhu,
Sikur vet' Zoti të më vijë.

Një akullnajë të jem aty,
Jam i kënaqur nuk ankohem.
E di se ç'thonë ata dy sy,
Ndaj akull jam e përvëlohem.

Kaq sa harrita gjë e mbarë,
Ndaj nga ky shteg nuk lëviz më.
Në sytë e tu një akullnajë,
Eshtë zjarr vullkani çke me të.....

[riza2008]

S'di pse më thua.....?!


S'di pse më thua : Je egërsirë,
Kur pranë të rri si një manar.
Ta thith aromën e ndjehem mirë,
Të fus në gji e bëhem zjarr.

S'di pse më thua : Je ngricë polare,
Me këtë pol asgjë s'më lidh.
Shtëpinë për ty e ngrej mbi male
Dhe çdo magji për ty e zgjidh.

S'di pse më thua e mëkatar,
Sepse të dua e s'më harron?!
Për ata sy veten e var,
Me rreze hëne në ballkon....

[KUJTIM CAMI]

S'di pse më thua.....?!


S'di pse më thua : Je egërsirë,
Kur pranë të rri si një manar.
Ta thith aromën e ndjehem mirë,
Të fus në gji e bëhem zjarr.

S'di pse më thua : Je ngricë polare,
Me këtë pol asgjë s'më lidh.
Shtëpinë për ty e ngrej mbi male
Dhe çdo magji për ty e zgjidh.

S'di pse më thua e mëkatar,
Sepse të dua e s'më harron?!
Për ata sy veten e var,
Me rreze hëne në ballkon....

Si gjithnje me pene te forte miku im Riza. Urime dhe faleminderit per kenaqesine qe me jep me keto poezi te bukura.

[pranvera bica]

Bukur!Shume bukur Riza! Lum " Muza" per ju!Urime e perqafime!

[riza2008]

Përshëndetje Kujtim,përshëndetje Pranvera.Ju falenderoj për komentet dhe ju uroj gjith të mirat....Respekte....


Të lutem....

Pa dashje më shkuan sytë,
Tek pija kafe në bar.
Një qoshe disi e zymtë,
Një lule tërësisht e tharë.

Pranë saj një lule tjetër
(Thash kjo e paskërka tharë).
E drithte flokun si letër
Dhe rrudha nuk kishte në ballë.

Dy lule s'jetokërkan bashkë,
Ndaj lulja pran teje u tha.
Dhe unë s'po dal dot' më jashtë.
Filxhani nga dora më ra.

M'u duk sikur u thava dhe unë,
Gishtat u këputën e ranë në filxhan.
Të lutem mos lulëzo më shumë,
Se mund të më thyesh si xham.......

[riza2008]

Omer Khajam.....


Omer Khajamin pa dashje e kujtova,
Si një njeri që pi e dashuron.
Me një ndryshim se s'dita çfar kërkova,
Se puthja mund të quhet vagabond.

Por unë nuk di kush është Omer Khajami,
Se jeta ime s'ka lidhje me atë.
Dhe po të flëri gjumë si shejtani,
Me mua s'puthet e s'përfiton asgjë.

Unë puth e ç'puth sipas dëshirës time
Se çfar bën ti nuk paguaj haraxh.
Si Esenin pranoj edhe gabime
Por nuk pranoj për ty të jem një mash......