Mos e thinjni mallin......!

[Foleja_]

S'e prisja......?!



S'e prisja këtë gjë nga stina e pranverës,
Atë flladin e saj melodioz.
Do menduar mirë, kur t'ja hapësh tjerit derën,
Do menduar thellë, kur t'a mbyllësh derë me lloz.....

z.Riza , Muzes tende do ti ipja komplimente pa kufi. Ajo te frymezon aq fuqishem ty, e ti na zbukuron diten me poezit e tua.Komplimente per te dyt

[riza2008]

z.Riza , Muzes tende do ti ipja komplimente pa kufi. Ajo te frymezon aq fuqishem ty, e ti na zbukuron diten me poezit e tua.Komplimente per te dyt

Foleja respekte për komentin dhe pjesmarrjen,ju uroj një mbasdite të bukur.....




Nëse nuk mund.......


Kur ta marr vesh, se loti po të shteret,
Do të jem pranë, me lotin tim rrëke.
Do të vajtoj, sa dita nis të erret,
Do të vajtos, sa të çel' dit' e re.

Atë vetmi, që ty të ka mbërthyer
Dhe s'të lëshon, të çash një rrugë të re.
Si xham në gur, kam për të ta thyer
Dhe do të mbaj, si zog në një fole.

Nëse nuk mund', të ndal shtërngatën lot'
Dhe loti yt, fillon të bëhet gurrë.
Do ta them copë : Kjo jetë është vetëm kotë,
Ma thuaj copë: Ti s'vleke më për burrë.

[riza2008]

Ti më akuzon....


Ti më akuzon se kam flirtuar,
Me një bukuroshe në ekran.
Shpesh i thoshje : Ti je gjë e zgjuar
Dhe në zemër lum kush ty të mban.

Ti më akuzon se kam flirtuar,
Me një zë thëllëze në ballkon.
Zile celulari për t'u zgjuar,
E ke zgjedhur dhe nuk më tregon.

Ti më akuzon se kam flirtuar,
Me një sy gështënjë, kur pozon.
Veç portreti saj të rri në duar
Edhe ëndrrat me të i shikon.

Ti më akuzon se kam flirtuar,
Me çdo gjë të bukur që shikoj..
Shpesh harron që të kam dashuruar,
Dhe vazhdoj të të dashuroj.....

[riza2008]

Kam ndryshuar.......


Kam ndryshuar, s'jam ai i pari,
Në mimik,në mëndje dhe kudo.
Isha thjeshtë një fletë e gjelbër qarri,
Tani trung me degë,domosdo.

Nëse ndodh një ditë e bashk' takohemi,
Ta dish s'jam ai që pata qënë.
Përmbi kokë si pasqyrë shikoheni
Edhe dhëmbët krejtësisht të vënë.

S'kam gjë nga rinia,asnjë shënjë
Madje veten time nuk e njo.
Po ti gjë e bukur gjer në rrënjë
Çfar ka ngelur,dhimshëm nga ato.

Kam vën' bast me syt e mi të bardhë.
Sa të shfaqesh them se do të njo.
Në se ndryshe futma një të sharë
Humbameno, s'je më për këto.

Nëse s'bindesh nga vargjet e mia ,
S'di çfar pret, dil në bulevard.
Do dallosh dy syçka, si shkëndia,
Do dallosh dy buzë, ndezura flakë.

Kam ndryshuar,kam ngelur pa fjalë
Vetëm nata me mua flirton.
Më mbaj mënd më mirë, si një djalë
Me të puthu,se të dashuron....

[riza2008]

Nuk më vjen keq.....

Nuk më vjen keq për vete asnjë çikë,
Që si lypsar vështrova sytë e tu.
Ti më shikoje dhe s'më thoshje ikë
Dhe rrugës ecnim të dy kuturu.

Nuk më vjen keq dhe aspak s'jam penduar,
Kur kurthe ngrija rrugic' më rrugicë.
Në shpirtin tim sa herë je rrotulluar,
Sa her' je bërë baticë e zbaticë.

Nuk më vjen keq se erdhi pleqëria,
I ziliqepsur të shikokam prapë.
I kanë thën' mirë : S'ka moshë dashuria,
I kan' thën' mirë që s'ndjen as ftotë,as vapë.

[riza2008]

Papritur..........


U zvogëlua hëna u bë sa një pikë.
Errësira mbuloi gjithçka.
S'po t'i dalloja dot' bukuritë
Dhe pse ti qeshje e bëje shaka.

Prisja mëngjesin të zbardhëllonte botën,
Pritje e gjatë, sa durimi u sos.
Në gjoksin tënd e kishja futur kokën
Dhe si një foshnjë me sumbullat los.

Papritur ti ishje kthyer në pulbardhë
Dhomën e ndriçove si meteor.
Mbi flok' një petale luledardhë
Përkëdhelte shpirtin tim engjëllor.

U zvogëlua hëna u bë sa një pikë.
Në dhomën tonë, hënë u bëre ti.
Errësirën s'e kishim më frikë
Dhe s'na çudiste më asnjë çudi.....

[riza2008]

S'ma mbushi shpirtin.......


S'ma mbushi shpirtin ky diell i ftotë,
Rrezet si kallkan të varura në shkëmb.
Të dal në rrugë nuk dalkërkam dotë,
Tiktaket e orës më çpojnë si gjëmb.

S'ma mbushi shpirtin ky shikim endacaku
Qepallat m'u thinjën e s'gjëj më shkëlqim.
Një dhimbje e fortë me një ndjenjë meraku
Më hidhëroka fortë dhe në ditët plot gëzim.

S'ma mbushi shpirtin as ylli Afërdita,
Si gjë e mekur më çfaqet pas një reje.
S'kam më besim, as tek agimi,..dita,
S'kam më besim, as tek gonxhet e veja...

[riza2008]

S'di çka ndodhur........?!


Nuk di ç'ka ndodhur, o bukuri e rrallë,
Dora më dridhet,kur vargje thur për ty.
Më vjen të vdes,të mos jem më i gjallë,
Kur s'të kam pranë e s'të shikoj në sy.

Nuk di ç'ka ndodhur, këtu brënda meje,
Ca psherëtima dalin, pa përtesë.
Pikat e lotit në faqe, si rrëkeja
Dhe bëlbëzime më flasin, për pendesë.

Nuk di ç'ka ndodhur, se buza më është tharë,
Dënse në shpirt, sa gati po pëllcas.
Sikur të kthehemi prap', tek dit' e parë
Dhe goja gojës me ty, të nis të flas.

Nuk di ç'ka ndodhur, o yll i karvanosur,
Gërmadh' jam bërë i tëri, më beso.
Ky fundi unë nuk paska, kurr' të sosur
Dhe dashuria për ty, nuk më thot...Jo...!

[riza2008]

E kuptoj!
Ke vendosur të më mburrësh pas vdekjes,
Siç bëhet rëndom për njerzit e mëdhenj.
Aty do ta gjëjmë gjuhën e pikpjekjes,
Aty s'besoj se të zhgënjej.

Do të mbash fjalim e gjuha do të thahet,
Sytë do ti kthesh rrotull e përqark.
Kujdes unitetin se mos të përçahet
Dhe pa pritur vdekja të kthehet në gjak.

Ndaj mos më mburr shumë,se nis xhelozia
Dhe fillojnë lutjet kush të vdes më parë.
Bashkë me ta dhe ti,mund t'u kapë stuhia
Edhe para meje vdekja mund t'ju marrë.

Un' të kam kuptuar,ske pse merakosesh,
Edhe të kam thënë: S'dua cermoni.
Nëse ajo vjen e zë ndonjë qoshe,
Mund të ndodhem unë,mundesh edhe ti.

[riza2008]

Ti s'ke faj......!

Një javë, pa u puthur në buzë,
Vërtet na lodhi ky virus.
S'di ku m'u fshe e mira muzë?
Të kthehet shpejt' tek Zoti lus.

Ti nuk ke faj,më pate thënë:
Kjo stinë të vdes e të ngjall' prapë.
Një grip të dyve na ka zënë,
Na shakullepsi në krevatë.

Po vargu ç'pati që tështin?!
Ka ethe dhe kokën s'e ngre.
Ti eja puthe shpirtin tim,
Me buzët çarë e bërë dhe.

Një javë pa u puthur në buzë,
Ky grip na ndau pabesisht.
Ti si shelege,si një rurzë,
Më ngjitesh trupit miqësisht.


Po eja të të puth në buzë,
Se të kam Zot e të kam Krisht.....