Mos e thinjni mallin......!

[riza2008]

Kujdes.........!


Të pata thënë : Kujdes nga shkrepëtimat!
Mbi maja rrepesh të lutem mos qëndro.
Sa herë që moti fillon me drithërima,
Tek syri im një lot eja shiko.

Të pata thënë : Kujdes nga suferina!
Në qafa pllajesh të lutem mos qëndro.
Nëse më gjën të shtrirë përmbi dëllinja,
Ca pika gjaku në trup eja shiko.

Të pata thënë : Kujdes nga dashuritë !
Mbi zemra hiçi të lutem mos qëndro.
Nëse kam shpirt njëlloj si perënditë,
Për ty e kam..Lutem...: Mos ma copto....!

[riza2008]

Më ke parë....?!


A më ke parë
mëngjeseve kur shëtit?!
Krijoj një erë
me psherëtima.
Fletët e vjeshtës
m'i vesojnë sytë
Dhe dielli kthehet
në bubullima.

Në rrjedhën e Lanës
gjethet po vallzojnë
Lundrojnë mbi të
si varka të prishura.
Orët e mëngjesit
s'di pse më gjykojnë
Dhe më lënë pa gojë,
fjalët e kurdisura.

Në bregun matanë,
një zonjë shëtit konen
Nga ky bregu tjetër
mëngjeset venitur.
Dy brigjet thelluar,
si në zemër honet
Dhe s'di pse mëngjeset
i gjëj të sfilitur.........?!

[riza2008]

Të kisha............


Të kisha ndjenjën më sublime
Jetën ma ktheve përrallë.
Më bëje dhe të bëja trime,
Kur puthjet i jepnim në ballë.

Të kisha pjesë të frymëzimit,
Në çdo shikim një varg i ri.
Largove dhimbjen e mallkimit
Dhe zemrën ma fusje në gji.

Të kisha mallin e pa shfaqur,
Të kishja dritë në errësirë.
Në moshën time të përflakur,
Ti më plotsove çdo dëshirë.

Ky ishte fat në jetën time
Që shtigjet çava bashkë me ty.
Një pleqëri me përqafime
Një fund i ëmbël për të dy.......

[riza2008]

Kosovarja..........


Ma prishi mëndjen një kosovare,
Këtë fundjave, mbrekulli.
Në dorë kishte një tufë me pare
Dhe desh ti kthente në stoli.

Kish lind' vajzë nëna,nuk qe tallur,
Një bukuri që haset rrallë.
Një hënë e plot nga qielli varur
Që pushton botën ngadalë-ngadalë.

Ç'i do stolitë kjo zanë mali?!
Kjo sy ergjënd, kjo buz' flori.
I lutem zotit që të mos dali
Nga ky dyqan ku hyre ti.

Jam prej kosove,jam prej prishtine,
Më lypset sot' një byrzyk..
U ngatërruam me shikime
Një lëmsh i madh gati më mbyt.

Nuk shes stoli moj bukuroshe
Eshtë diku tjetër ky dyqan.
Më ziliqepse dhe më joshe
Me syrin tënd si tulipan.

Por ti qëndro,qëndro dhe pak
Moj kosovare e vetstolisur.
Që të mos vdes nga ky merak
Nxjerr zemrën time për të shitur.

Ma prishi mëndjen një kosovare,
Këtë fundjave,mbrekulli.
Më mirë mos ta kisha parë fare.
Se sa po rri në agoni.

[riza2008]

Fluturoj pa krah........


E dini apo nuk e dini
Unë fluturoj pa krah.
Recitoj vargje nga Esenini,
Si një gjeni i kohrave të mbëdha.

E dini apo nuk e dini,
Zbrazdësirat me vargje i mbush.
Bëni mirë si miq të më vini
Me verë do t'u qerasë,me mushtë.

E dini apo nuk e dini,
Unë vdes e ngjallem e vdes prapë.
Po ju sehirxhinj pse më rrini,
Apo jeni dehur e bërë tapë?!

E dini apo nuk e dini
Unë fluturoj pa krah.
Sikur të ngjallej Esenini
Do më thoshte :

Boll ore boll se jam unë për dashuritë e mbëdha.........!

[riza2008]

S'ke pse fsheh shikimin......


T'u luta,t'u luta,
në pafundësi.
Syrin mbaje hapur,
drejt portretit tim.
Dhe kur mos të jem
ndizma një qiri,
Nga drita e tij,
ndjej e gjëj shpëtim.

Ja që erdhi koha
dhe për këtë punë,
Por ne s'e menduam
se s'na vinte mirë.
Syrin mbaje hapur
drejtuar nga unë,
Se ty të dalloj
dhe në errësirë.

T'u luta.t'u luta,
në pafundësi,
Ai sy i bukur
është veç për mua.
Ndaj atë shikim,
s'ke pse e fsheh ti
Dhe kur mos të jem,
pra të jem larguar.....

[riza2008]

S'dihet.....?!


Unë s'po flas, po rri si gjë e ngurtë
Dhe shikimin e ngul në një pikë.
Ju të ditur na thartuat trutë,
Na zutë diellin dhe na thoni ikë.

S'dihet kush ka mënt e kush është trullë,
Ndaj nuk flas e rri si gjë e ngurtë.
Por kullarja s'do të thotë je burrë,
S'do të thotë se të peshojnë trutë.

Unë s'po flas se dukem sikur mburrem,
Flisni ju e tu dëgjoj më mirë.
Pse të gjithë pas pushtetit turren,
Ca trutharë e ca sahanlëpirë?!

[riza2008]

Nuk e di ku ishim unë dhe ti...?!
(Endërr e sikletshme ...)


Nuk e di ku ishim unë dhe ti,
Ashtu nëpër ëndërr më kujtohet,
Kur pa pritur u derdh një stuhi
Dhe gjith' mali si një fletë rrëzohet.

Nuk e di ku ishim unë dhe ti,
Ashtu nëpër mënd e kujtoj pak.
Strukur në një gufë si ari,
Dhe s'dallohej ish ditë apo natë.

Nuk e di ku ishim unë dhe ti,
Veç nga gjumi dola si i trëmbur.
Sikur na sulmonte një lubi,
Dhëmbët jashtë e me mëndje të lënur.

Nuk e di ku ishim unë dhe ti,
Varrit do t'ja them kur të kem vdekur.
Varur pas një shkëmbi si një dhi
Dhe të dy pa gojë si të mekur.

Nuk e di ku ishim ne të dy,
Kur ylberi erdhi të na marrë.
E lëshoi një ngjyrë si flori
Dhe na puthi të dyve në ballë.

Nuk e di ku ishim ne të dy
Endërr të sikletshme s'kishja parë.
Kthehem në krevat e të gjëj ty
Të pushtoj,të lava me të qarë...

[riza2008]

S'e prisja......?!

Më në fund pranvera trokiti tek unë,
Një tuf' manushaqe m'a solli dhuratë.
E lamë një takim për ditën e shtunë
Dhe dimrat i zhytëm në baltë.

Vendosëm t'i shijonim ditët e pranverës
Dhe pse pak ditë nga dimrat kanë marrë.
Ajo më thoshte : Virja llozin derës
Asnjë molekulë të mos lëmë të dalë.

Më kot u mundova ta shijoja diellin,
Rrezet u zbehën e dita u shua.
Pranvera që trokiti më thini si mielli
Dhe bindshëm më tha; kam për të torturuar.

S'e prisja këtë gjë nga stina e pranverës,
Atë flladin e saj melodioz.
Do menduar mirë, kur t'ja hapësh tjerit derën,
Do menduar thellë, kur t'a mbyllësh derë me lloz.....

[riza2008]

Shëtitje e zbrazur.........


Sot shëtita dhunshëm, nëpër re,
Si një zog, krahprerë nga rrufeja.
Sytë nga do që shkoj i mbaj përdhe,
Edhe yjet dot' nuk po i gjeja.

Shpirtplagosur,lotoja si shiu,
Psherëtimat si rrufe shkarkoja.
Era më degdisi diku nga veriu,
Përmbi maja malesh, si dëborë qëndroja.

Toka plasaritur, si gjë e pa ngopur,
Akrepat e orës mbi dorë të salduar.
Pemët endacake, si një berr i ropur
Dhe vet' perëndimi, si i mosbesuar.

Kjo shëtitja e sotme, s'paska asnjë vlerë,
Nga do që lëviza shi e re të zeza.
Edhe kur u zhyta brënda detit gjerë,
Bota po më dukej e vogël sa veza.......