Mos e thinjni mallin......!

[riza2008]

Vetëm Hëna..........


Si i lodhur ndjehem pa punuar,
I pagjumë,gjith' natën kam fjetur.
Buz' një lumi qëndroj i menduar,
Çfar kam humbur ende s'e kam gjetur.

Plot me gjëra koti kam mbush' trurin,
Nga kan' hyrë as ato s'e dinë.
I zhvendos kufijtë e vendos hurin,
Krijoj klone që shum' njerz s'i dinë.

Kundërshtoj çdo gjë dhe veten time
Dhe vetë botën lëmsh në kokë e bëj.
S'lexoj libra dhe nuk mbaj shënime,
Asnjë rreze për natën nuk gjëj.

Flë e zgjohem veç nga perëndimi,
Pikë tjetër s'gjëj në horizont.
Në një shtrat zgërdhihet fati dhe mallkimi
Dhe asnjë ushtar s'shikoj në front.

Si i lodhur ndjehem pa u zgjuar,
Sytë s'më hapen,të lexoj nuk mund.
Vetëm hëna më paska kuptuar,
Errësirës bashkë t'i japim fund.

[riza2008]

Çudi.........!


S'po rri një çast pa u çuditur,
Nga yjet dhe nga hëna.
Ngeli dashnori duke pritur,
Nga fjalët e pa thëna.

Nga lulet dhe nga vajzat-zana,
Nga puthjet zjarr vullkani.
Për ty, për mua ra kambana,
Dashnor na ngeli nami.

S'po rri një çast pa u çuditur,
Çudia zaptoi botën.
Çudi kur ti më vjen pa pritur,
Çudi kur hap vet' portën.

Çudi,çudi më shkoi jeta
Mes teje dhe Tiranës.
Çudinë më thellë tek ty e gjeta,
Tek pema buzë Lanës.

Çudi mëngjesi dhe gjith' dita,
Çudi ti lule prilli.
Çudi kur fjalë më nuk gjeta..
M'i gjete ti tek hiri......

[jul-linda]

I nderuari dhe i kompletuari Agim Doçi! Në qoftë se më pyesin se kë poet ke patur për zemër unë dhe sot them : Agim Doçin. Kam qënë dhe jam nostalgjik i vargut tënd.S'kam pse ta fsheh që shum vargje të tua i kam si busull në krijimtarinë time.Më vjen mirë që muza jote s'ka fund.Kjo muzë do mbyllet kur jeta të sjellë ndryshime të forta,por i lutem Zotit ishallah mos ndodhshin kurrë,se njerëz të tillë kan vetëm jetë....Në respekt të pjesmarrjes tënde dhe të figurës tënde unë vazhdoj të vargëzoj pa ndrojtje..Respekte Agim u jam mirnjohës.......



Me sa duket.....!

Me sa duket e humbëm njëri-tjetrin,
Duket e pa besueshme,por ndodhi.
Ashtu siç e humbi metri centrimetrin
Kur me shikim gjatësinë m'a vodhi.

Dikur ne rrinim ngjitur si vëllezrit siamezë,
Aq sa të tjerët tmerroheshin nga ky fakt,
Sikur na kishin futur të dyve në një vezë
Dhe e rrufisnim njëri-tjetrin me takt.

Me sa duket,kjo qe lavdia jonë
Tani na pret një terr në agoni.
Nëse kjo ndodh njëherë e përgjithmonë,
Ne s'kemi qënë ndonjëherë bashkë të dy.

Më duket përfundimisht, ky qe fundi
Dhe pse i dhimbshëm pranohet.
Kjo dashuri që vëndin e tundi
Tani i vjen koha,.. të helmohet....

Qetesi per shpirtin , krijimtaria e juaj eshte plot magji , vargjet e juaja me prekin ne zemer, jane te bukura shume...

[riza2008]

Qetesi per shpirtin , krijimtaria e juaj eshte plot magji , vargjet e juaja me prekin ne zemer, jane te bukura shume...

Përshëndetje jul-linda ju uroj shëndet e mbarësi në jetë.......



Se ç'kërkon ca gjëra të vështira.......



Ti kërkon çdo gjë në këtë botë
Dhe pse nuk je Zot e perëndi.
Jo,kërkesa jote s'është e kotë,
Por nuk di ç'të bëj, vërtet nuk di.

Ti kërkon që nata të jetë ditë,
Larg më do sa ç'është një shikim.
Djalë të rri e të thinj perënditë
Edhe lumit ti ndryshoj drejtim.

Ti nuk dëshiron malore edhe kthesa,
Dimër jo e jo, vetëm pranverë.
Buzët të mos njohin kurrë përtesa
Edhe Hënën kurorë përmbi derë.

Se ç'kërkon ca gjëra të vështira
Dhe un' s'jam i zoti ti plotsoj.
Ndaj coptoje botën në rrëpira
Dhe më rrukullis me fjalë në gojë.

Nëse vdes e s'të lë amanete,
Botën bëje siç e deshe vetë.
Tek kjo tjetra, nëse gjallë më gjete,
Përjetësinë do të ta fal vërtetë....

[KUJTIM CAMI]

I nderuar miku im Riza Lexova me nje fryme keto qe ti ke shkruar gjat kohes qe une s'kam hyre ne FSH ashtu sic lexova librin tend, qe me thene te drejten na ka befasuar me forcen e vargut.
SE Ç'KËRKON CA GJËRA TË VËSHTIRA
DHE UN' S'JAM I ZOTI TI PLOTËSOJ.
NDAJ COPTOJE BOTËN NË RRËPIRA
DHE MË RROKULLIS ME FJALË NË GOJË.
Fjale qe me vine si kenge fjale qe me bejne te mendoj fjale qe me bejne te mburrem....... sepse ai qe i ka shkruar eshte miku im. Faleminderit miku im Riza faleminderit qe me mbush me emocion me keto vargje

[riza2008]

I nderuar miku im Riza Lexova me nje fryme keto qe ti ke shkruar gjat kohes qe une s'kam hyre ne FSH ashtu sic lexova librin tend, qe me thene te drejten na ka befasuar me forcen e vargut.
SE Ç'KËRKON CA GJËRA TË VËSHTIRA
DHE UN' S'JAM I ZOTI TI PLOTËSOJ.
NDAJ COPTOJE BOTËN NË RRËPIRA
DHE MË RROKULLIS ME FJALË NË GOJË.
Fjale qe me vine si kenge fjale qe me bejne te mendoj fjale qe me bejne te mburrem....... sepse ai qe i ka shkruar eshte miku im. Faleminderit miku im Riza faleminderit qe me mbush me emocion me keto vargje

Respekte Kujtim.Ju uroj gjithçka të mirë në jetën tuaj familjare.....


Po pi aromën tënde, Nënë......!


Një rrugë e drejtë,në fund një hije
Të kaloj pranë dhe s'më shikon.
Përmbi sofat si zonjë më rrije
Dhe me gjith' botën kuvendon.

Në hijen tënde u futa unë
Dhe u zgjat hija pa kufi.
Aty më zuri i ëmbli gjumë,
Si foshnjë e vogël,çilimi.

Më çuçurisje një ninanullë,
M'i krehje flokët me gishtrinj.
Harrove që tani jam burrë,
Një burrë i rritur nga ai gji.

Po pi aromën tënde, Nënë,
Përmbi sofat në atë breg.
Tek hija që ti e ke lën,
Tek kjo rrugicë,me rrugë të drejtë....

[riza2008]

Të thashë.......


Të thashë,të thashë,por s'më dëgjove.
Mos ik aq larg nga syri im.
Se errësira të afrohet
Dhe qielli qan me ulërim.

Prandaj dëgjomë të fundit herë,
Të parën herë ndrysho mendim.
Ky shans s'të troket më në derë,
Ky mall do kthehet në harrim.....

[riza2008]

S'më vjen mirë........!


Nuk më vjen mirë,kur lavde thur për mua,
Bëhem kaposh e pendët ngrej përpjetë.
Jo se të mirën në shpirt unë nuk e dua,
Kam frik se mos po nis një tjetër jetë.

Mjafton një sjellje e mirë e bëhem gati,
Të pushtoj qiej,dete,shkretëtira.
Të them : I pasur jam prej këtij fati
Më pasuroi kjo zemër me dëshira.

S'i dua lavdet,lajkat më sëmurin,
Të thjeshtën kam në zemër më beso.
Një dorë në qafë që nga pas të ngul hurin,
Eshtë tradhëti e nuk e praoj jo.

Pranoj çdo gjë nga zemra, jeta ime,
Aspak xheloz nuk bëhem nga çdo truk.
Nga një buzqeshja jote nxjerr fitime,
Sa lavdet s'dinë nga venë e bëhen cung.

[riza2008]

*********


Në brazdat rrudhore,
I fsheva ëndrrat lozonjare.
I griva si gurët një gurore
Në thërmija fare.

Me pluhurin e tyre,
Mbulova prapsitë e jetës.
E lava dritën e syve
Me qerpikun e të vërtetës.....

[symphony]

S'më vjen mirë........!


Nuk më vjen mirë,kur lavde thur për mua,
Bëhem kaposh e pendët ngrej përpjetë.
Jo se të mirën në shpirt unë nuk e dua,
Kam frik se mos po nis një tjetër jetë.

Mjafton një sjellje e mirë e bëhem gati,
Të pushtoj qiej,dete,shkretëtira.
Të them : I pasur jam prej këtij fati
Më pasuroi kjo zemër me dëshira.

S'i dua lavdet,lajkat më sëmurin,
Të thjeshtën kam në zemër më beso.
Një dorë në qafë që nga pas të ngul hurin,
Eshtë tradhëti e nuk e praoj jo.

Pranoj çdo gjë nga zemra, jeta ime,
Aspak xheloz nuk bëhem nga çdo truk.
Nga një buzqeshja jote nxjerr fitime,
Sa lavdet s'dinë nga venë e bëhen cung.

Vargu Yt qelibar
le të rrojë sa bota mbarë
thjeshtësia, thjeshtësinë çmon`
nga zemër e çiltër buron...

Më pëlqyen jashtë mase vargjet e mësipërme,
komplimentet e mia të thjeshta dhe të sinqerta Riza.