Mos e thinjni mallin......!

[riza2008]

Në një vënd..........


Dhe orë e fatit dhe orë e tmerrit,
Njëherësh të dyja në një vënd.
Inati yt i dalë prej ferrit
Dhe më gëzon edhe më çmënd.

Sa nis të qesh,nis dhe të qaj,
Aq sa të dua dhe të urrej.
Nga ëngjëll shpejt më kthehesh djall
Ti e sinqertë unë të gënjej.

Në një krevat ëndrra të ndryshme,
Dy botë flënë në armpushim.
Ti je për mua më e kuptueshme,
Unë jam për ty komplet zhgënjim...

[Agim Doçi]

riza2008!!!!!

Mos bjer të flesh, në një krevat
Ku janë dy endrra, që nuk kanë sens!
Unë vehten time quaj me fat...
Se në krevat, bëj vetëm seks.....(lol)

[riza2008]

Përshëndetje Z.Doçi kalofsh një mbasdite relaksuese.......


Të mbylli zemra në zemrën time......!



Në zemrën time, ti hyre si gjaku,
Me çelës gjaku, dera t'u mbyll.
E shikoj që je e kënaqur, së paku
Dhe nuk zverdhon nga larg, si një dyll.

Të mbylli zemra në zemrën time
Aty qëndro si gjak' i pastërt.
Nëse më do veç një thërrime
Unë do të dua sa deti i kaltërt.

Në mëndjen time jetoje dashurinë
Nga dy në një i kthe ato.
Aty me thonj varrose vetminë
Dhe në regëtimën e fundit jeto...........JETO......!

[riza2008]

Mos mendo se jam i urti i botës......


Ti mos mendo se jam i urti i botës,
Nga pas të ndjek si një sheleg manar.
Më ke kuptuar që mënd ja hoqa kokës
Më ke kuptuar,me ty nuk bëj pazar.

Por kaq nuk vlen për të më torturuar
E çkopsit gjoksin që ndrin si meteor.
Çdo ndjenjën time e ke pronësuar
Unë prap i urtë e s'di pse më vjen zor.

Por unë i urtë s'do të ngelem gjithmonë,
Se urtësia e ka një kufi.
Provoje prap',po deshe ngacmomë..
Si zog me flatra më ke përmbi gji.......

[riza2008]

Kur ti xhelozohesh.........!


Sa herë ke qarë, ti moj xhelozia ime,
Nga çapkënllëqet që unë i bëj pa frikë.
Shpesh më ankohesh si një fëmijë jetime
Më furfullim e mi mdrin të dy sytë.

Unë e bëj shurdhin e bëj dhe memecin
Bëhem qorr e dhe i pa ditur.
Por ato zonja ,jo tek mua s'ngecin
Se jam poet dhe vargu më ka rritur.

Për xhelozinë s'e di po më vjen mirë,
Se brënda saj gjëj vetëm dashuri.
Unë e ndjej veten një njeri i lirë,
Por kurrë në zemër nuk mbaj tradhëti.....

[riza2008]

Çudi.........!


Sa të pagojë që bëhemi....Çudi....!
Kështu kemi qënë dhe kështu jemi.
Në kohën e "Dullës" thërrisnim Parti
Dhe duart ja puthnim ati legeni.

Kjo sëmundje vazhdon dhe kësaj kohe,
Njëshit kultin ja ngrejmë në heshtje.
Ja puthim këmbët kur na dhuron mosmirnjohje
Dhe vetë tretemi si një gjethe vjeshte......

[riza2008]

Rruga e mallit........


Dal në rrugë e i hedh sytë nga mali,
Nëpër heshtje mjegullën shetit.
Më ngacmon një grimcë e vogël malli
Dhe mbi pyje s'di pse më vërtit.

Rruga e mallit s'di pse rri e heshtur,
Të dy bashkë flasim veç për Zotin.
Mjegulla luginës rri e ngjeshur
Dhe faqerrëzuar e puth lotin.

Lart' në qiell qëndron mbrekullia
Edhe yjet flasin bashkë me hënën.
Unë toksori, s'ndahem nga vetmia
Edhe i vajtuar po e këndoj këngën.

Asgjë pa djersitur s'pranon jeta ime,
S'më vjen keq çfar bëra,e çfar lë.
Veç ta shikoj diellin mbi ato gjelbërime
Dhe në vdekjen time përjetësisht të flë.

[riza2008]

Më pritë..........!


U bënë vite që gjumin nuk e bëj të qetë
Që kur u nda nga jeta ime motër.
Bije dhe ngrihem si një i metë,
Si një njeri që s'ka bukë në vatër.

Bashkë me gjumin janë prishur dhe ëndrrat,
S'ndodh ta mbaroj ndonjë ëndërr kurrë.
Lulet i ngatërroj me mëndrat
Vetia si një fëmi që luan me gurë.

Shpesh baltosem në baltra sokaku
Dhe çezmat s'nxjerrin ujë për t'u larë.
Motra më çfaqet gjithmonë përsëlargu
Të dy të mërzitur me lotët ujvarë.

Më duken varrezat shtëpia e ëndrrave,
Sikur atje flë dhe zgjohem çdo ditë.
S'më hiqet nga mëndia sëmundia e gjëndrrave
Dhe motrës i them ë pritë ! Më pritë....!

[riza2008]

S'ka jehonë.............


Të shikoj e bëj sikur të fshihem,
Më shikon e bën sikur s'më njeh.
Ç'të të them veç me veten zihem
Edhe mëndia kapërcen mbi re.

Mos më shih si njeri të marrë,
As i egër mos mendo se jam.
Dikush zemrën pa dashje ka vrarë
Edhe plagën të hapur e kam.

S'ka jehonë zëri si më parë
Edhe mjegulla më ka mbirë në sy.
Pash një ëndërr dhe pres të më dalë
Ti princeshë e unë princi i ri.....

[riza2008]

S'di ku jam degdisur........!


A më pa dikush nga ju
Se s'di se ku jam?!
Ndoshta në gardh si një hu,
Ndoshta vete s'kam.

Kërkoj ndihmë më mdihmoni,
S'di ku jam degdisur?!,
Ndoshta jam në një buzë honi
Ashtu rrukullisur.

Ndoshta jam varur tek shkëmbi
Dhe ndërtoj shtëpinë.
Po ju lutem veç më gjëni
Ta lë harratinë.

Ndoshta jam ngjitur në qiell,
Po s'di se ku jam.
Si lypsar kërkoj pak diell
Se diell nuk kam.

Ku kam shkuar? Ku kam humbur?!
Në ç'udhë pa krye?
S'ndjeni dhimbje ju të lumtur
Që me baltë jam lyer?!

Po s'më gjetët mbeta hije
Që s'jam as përvete.
Vet' në lumë do të bie
Të shetis mbi dete.

S'ka ç'më duhet një pllakë varri
Dhe të ket' një emër.
Kur s'më njojtët përsëgjalli
Le të mbetem ëndërr.....!