Mos e thinjni mallin......!

[riza2008]

Sa brenga tretën vitet-jetë....!


Thartirë e jetës s'është e rastit,
Vetmia nuk është gjithashtu.
Në varfëri ne plasim gazit
Se s'kemi sy e s'kemi tru.

Rri e shikoj e s'bëj gjë tjetër
Se s'kam fuqi të bëj asgjë.
Në qeveri kopilë të vjetër
Një popull turmë që hesht e flë.

Në zemër më vjen pikëllimi,
Në ëndrra shoh veç pasuri.
Sa çelet dita,çel mashtrimi
Dhe prap vrapoj mbi varfëri.

Sa brenga tretën vitet-jetë
Sa diktatorë kam parë me sy.
Trishtimi është një e vërtetë,
Pangopësia një lubi........

[riza2008]

Sonte......!


Sonte mos i lexo buzqeshjet tek sytë e mi
Ato mund të të sjellin trishtim.
Më mirë qëndro larg dhe heshtjen time pi
Ndoshta këta sy do ta kenë një kthim.

Sonte mos m'i shiko thinjat e shpirtit
Ato janë zbardhur si ngricë bryme.
Ndoshta janë orët e fundit të vitit
Dhe largohen si era e një fryme.

Sonte mos më thuaj për ty erdha
Se vetë dita s'më do e s'më pranon.
Me gjith zemër dashurinë tek ty e derdha
Tani ai mall më dhëmb e më mëkon....!

[riza2008]

Të dua Ty më shumë se Perëndinë.....!

Të dua ty më shumë se Perëndinë
Se perëndinë e gjëj në shpirtin tënd.
Ai shpirt më fali dashurinë,
Ai shpirt më vdes,më ngjall,më çmënd.

Të dua ty më shumë se gjithësinë
Se gjithësinë e gjëj në sytë e tu.
Ata dy sy, që m'a vodhën rininë
Ata më pasuruan,shpirt e tru.

Të dua ty, sa Zoti të jetë gjallë
Edhe i pirë,brutal bëhem për ty.
Kjo dashuri nuk pyet as në dallgë
Kjo dashuri prodhon veç dashuri.

Më fort se dashuria, ty të dua,
Se dashurinë e gjëj mbi gjoksin tënd.
Ndaj lutesh e dhe lutesh e më thua
Edhe të vdekur bashk' do jemi shkëmb...!

[riza2008]

Sot që të takova Ty....


Sot që të takova Ty
e humba i tëri.
Në semafor
u futa me të kuqe.
Një pëllumb desh e shtypa,
shpëtoi në fije peri
Tek sytë më mbinë ca lule
si burbuqe.

Gjith' dita më kaloi e turbullt
si në mjegull
Çelsin e shtëpisë
e futa në derën e komshiut.
Flokët më lëkundeshin
si një gjethe pjergull
Djersija e rrëketë uleshin në faqe
si të shiut.

Sot që të takova Ty
lëvizi toka
Më rrotulloi
dhe më la në polin tjetër.
Më dukesh sikur bota
lëviste me rrota
Dhe dielli më dukej
si një shkëndije rretër.

Çudia më e madhe ndodhi
dhe asnjë gjë nuk kuptova
Kishja hyrë në shtëpi
dhe nuk e dija.
Emrin e gruas
me tëndin e ngatërrova
Dhe kishja ngrirë në krevat
nga habija..........!

[riza2008]

Tek kodrat e tua............!

Jam ngjitur si ketër
tek kodrat e tua
Me ndjenjën e mprehtë
kërkoj e gërmoj.
Kam ardh' seriozisht
të më japësh hua
një shikim në sy
sa të më ngacmoj'.

Një puthje në buzë,
ndoshta është më mirë
Se ma shton oreksin
dashurinë për ty.
Vi e iki prapë
ndjehem më i lirë
Ti veç mos harro
më shiko në sy.

Rrugën për tek ty
tani e mësova
Sa të ndjej uri
tek kodrat më ke.
Si ketër do ngjitem
shpirtin ta pushtova
Atje do ushqehem
dhe atje do fle.....!

[riza2008]

Në bar........!


Në bar të dy u përqafuam
Atje u puthëm,atje u shamë.
Me një tekil' u dashuruam
Me një vallzim ja dolëm mbanë.

U pamë në tymin e cigares
Ne që duhan s'kishim pir' kurrë.
Diku në cepin e dritares
Na dukej vetja si mbi urë.

Lundronin shpirtrat mbi violinë
Në sytë e tu lulzonte jeta.
Vet bari përjetoi çudinë
Si un' tek ty dashurin' gjeta.

Buzët në gas i lak tekila
Me gotat plot e mëndjen tym.
Aty ne ngritëm e shëmbëm vila
Aty dhe ndoshta bëm gabim.

Në bar u njojtëm, në bar u ndamë
Kaq sa jetuam na u duk gjatë.
Aty u puthëm, aty u shamë
Kjo dashuri si një dhuratë.......!

[riza2008]

O Zot sa punë kam pa mbaruar........?!


O Zot sa punë kam pa mbaruar
Dhe s'di a do ti çoj në fund.
Një pyll të tërë për t'a rralluar
Një lum që është e po sjell llumb.

Një rrugë të hap për brezin tjetër
Ta orjentoj nga të lëvizë.
Ky brez që është u bë i vjetër
Popullin e ti e quan mizë.

Një buzëqeshje, fukarait
T'ia jap me shpirt, a i mjafton?!
Një shpullë të majme maskarait
Që si tiran rron e sundon.

O Zot sa punë kam pa mbaruar
Ti numuroj s'do kesh durim.
M'i la peshqesh koha e shkuar
Si për inat të shpirtin tim.

Më duhet punë,më duhen vite
S'e di a do ti çoj në fund.
Në se nuk mundesh,botën zhurite
Dhe maskarenjtë kthei në cung.....!

[riza2008]

Lindje - Perëndim....!


Kam lind atje ku perëndon dielli
Dhe vetëm lindjen kam përballë
E dalloj qartë si do jetë qielli
Si ecin retë shkallë-shkallë.

Nga lindja sytë i mbaj përherë
Dhe rrezet i kuptoj pa dalë.
E di se kur do t' jetë pranverë
E di kur era do t'më marrë.

Ky qe një fat,m'a dhuroi Zoti
Dhe me gjith' shpirt e mirkuptoj.
Në perëndim është një jetë koti
Në lindje jetë që dashuroj..

Ndaj sytë i mbaj nga fillon dita
Dhe ditën time nuk e fal.
Në perëndim ku fiket drita
E quaj fundin një skandal....!

[riza2008]

Mos më shani......!


Mos më shani.U them s'kam gabuar.
Më dëgjoni, veç kini durim.
Një vajzë tjetër letër më ka shkruar
Dhe më thot: Ti je shpirti im.

Emër s'kishte,por unë e kuptova
Dhe çdogjë prita në qetsi.
Unë njëherë në jet' dashurova
Dhe njëherësh s'dashuroj dot' dy.

Një përgjigje vajza po e priste
Heshtja fliste vet' për refuzim.
Prap' më shkrojti se gati po vdiste
Nga kjo rrugë më nuk kishte kthim.

Prap' i heshtur letrën e përcolla,
Jo në jet' s'dashuroj dy herë.
Atë yll në qiell e zgjodha
Edhe sot ka të njëjtën vlerë.

Mos më shani.U them s'kam gabuar.
Jam i kthjellët si një dit' pranvere.
Atë zemër që kam dashuruar
Prap' e dashuroj si atëhere......

[riza2008]

Në tokë të djegur, jam zhuritur....!


Si mund të qesh e të gëzohem ?
Kur s'kam të drejtë të shikoj dritë.
Me hijen time rrebelohem
Si ditë dhe natë në shtrat dremitë.

Zhytur në ëndrra,po bezdisem
Si ditë dhe natë duken njëlloj.
Në veten time rrukullisem
Nuk di ç'të bëj,ku të qëndroj.

Në tokë të djegur,jam zhuritur
Si i pa faj ndjej fatkeqsi.
Kjo tokë veç djallin paska rritur
Dhe djalli pjell një djall të ri.

Do ta bëj gjyqin e mendimit
Dhe do ta kthej vetgjyqësi.
Djallit rriskun e mallkimit
Të zhuritet pa kufi....