Presidenti i Kazakistanit urdhëron vartësit: Më gjeni ilaçin e përjetësisë

[Xhuxhumaku]

Presidenti i Kazakistanit urdhëron vartësit: Më gjeni ilaçin e përjetësisë

Gazeta Standard 13/12/2010 10:41:00


Nursulltan Nazarbajev kërkon nga shkencëtarët që të zbulojnë mënyrën për të shmangur vdekjen

Kleopatra mund të bënte dush me qumësht për të ruajtur rininë e saj, por Nursulltan Nazarbajev, Presidenti autokrat i Kazakistanit, dëshiron asgjë më pak sesa ilaçin e përjetësisë, që do ta mbante atë në punë përjetë.

I pakënaqur me 19 vjet drejtimi të shtetit aziatik-qendror, mjaft të pasur me gaz, Nazarbajev urdhëroi shkencëtarët e tij që të zbulojnë sekretin e pavdekshmërisë.

Udhëheqësi 70-vjeçar theksoi në një fjalim se një institut i ri kërkimor-shkencor do të ndërtohet në kryeqytetin Astana për të studiuar “ripërtëritjen e organizmit” si edhe “gjenetikën njerëzore, prodhimin e organeve të ripërtëritura të individit”.

Në një bashkëbisedim me studentët, Nazarbajev shtoi: “Për sa i përket mjekësisë të së ardhmes, njerëzit e moshës sime realisht shpresojnë se diçka e tillë (ilaçi i pavdekshmërisë) do të ndodhë sa më shpejt të jetë e mundur”.

Dy muaj më parë, një delegat korean në Kuvendin Popullor të Kazakistanit propozoi që Nazarbajevi të qëndrojë në pushtet deri në vitin 2020. Presidenti iu përgjigj: “Ndoshta, atëherë ju do të më ofroni një eliksir të rinisë dhe energjisë, ndoshta keni produkte të tilla në Kore… Unë jam i vullnetshëm të vazhdoj deri në 2020, thjesht më gjeni një eliksir të përjetësisë”.

Kjo ishte hera e tretë brenda vetëm një viti që Nazarbajev urdhëroi shkencëtarët që të gjejnë një mënyrë për të mposhtur vdekjen.

“Mjekësia kundër plakjes, rinimi natyror, pavdekshmëria, - tha ai në një komitet shkencor qeveritar në shtator të vitit të kaluar. - Këto janë gjërat për të cilat njerëzit jetojnë në kohët tona”. Ai shtoi se “ata që bëjnë diçka të tillë janë shtetet më të suksesshme në botë, ato që nuk e bëjnë do të mbeten shumë pas”.
Në rast se ndokush nuk e kishte kuptuar qëllimin e tij, Nazarbajev e përsëriti sfidën vetëm një muaj më vonë. “Një çështje e rëndësishme është mjekësia kundër plakjes, ose studimi i zgjatjes së jetës, - tha ai në një fjalim përpara universitetit kombëtar kazak në Almati. - Sado të vështira të jenë këto kërkime, këto çështje duhet të zgjidhen herët a vonë. Përse shkencëtarët nuk duhet të merren me këtë gjë? Nuk do të frymëzonte kjo rininë tonë kazake që është duke jetuar në momentet madhështore të pasionit?”

standard

[EuroStar1]

Jam i sigurte qe do vije ajo dite kur njerzit ta ken arritur kete qellim dhe njerzit nuk do shpresojn me ne perrallat e jetes tjeter te sajuara nga profetet e pashkolluar

[shefqeti]

Po e di ilaqin e përjetësis,por duhet njeher të vdiset pastaj fillon përjetësia.

[Gordon Freeman]

qenka bazuar ne mitologjine e gilgameshit.
ose ka luajtur nga trute

[apollo12]

Edhe kryetar shteti edhe i qmendur. Ai te ka tu pa andrra ne p... te qyqes. I shkreti paska frik prej vdekjes

[A.V.A.T.A.R]

I shkreti ky , duhet ti kete nervat copë . dashka ilaq te perjetesise ,
po pse se kerkon ky nje bukuroshe 20 vjecare e te ndizet paksa ne vitet e pleqerise (hahahah)

[kleadoni]

hahaha, i paska mendt akoma ne vend ky e te mendosh qe behet fjale per Kazakistanin! Hallall

[smokkie]

Presidenti beri shaka.
Gazeta Standard beri nje lajm.
Ne bejme komente