Pse akuzohet "Vetëvendosje" tash nga kjo qeveri?

[beni33]

Xhemajli akuzon Kurtin për lidhje me shërbimin sekret serb



Publikuar: Sot, më 25 dhjetor 2010
Xhemajli akuzon Kurtin për lidhje me shërbimin sekret serb



Pishtinë, 25 dhjetor - Thellohen akuzat në raportin ndërmjet Organizatës së Veteranëve të Luftës së UÇK-së dhe lëvizjes “Vetëvendosje!”. Muharrem Xhemajli, kreu i organizatave ka çuar më tutje përplasjen duke e shpjeguar se pse mendon që Lëvizja Vetëvendosje! ka elemente pro-sllave. “Albin Kurti pas luftës dhe pas lirimit nga burgu ka mbajtur kontakte të vazhdueshme deri në vitin 2004 me inspektorë të shërbimit sekret serb dhe me njerëz të armatës serbe. Ai është takuar me vëllezërit Daçiq nga Klina, njëri inspektor i shërbimit sekret e tjetri pjesëtar i armatës serbe”, ka thënë Xhemajli në emisionin Interaktiv të së premtes në KTV.
Sipas tij, në dijeni për lidhjet e Kurtit me serbët janë edhe institucionet e Kosovës. Xhemajli ka bërë të ditur se do të padisë Lëvizjen Vetëvendosje për shpifje, pasi që thotë se nuk ka hyrë asnjëherë në vendvotime në Krajkovë të Drenasit, për të mbushur fletëvotime të PDK-së, siç thotë Vetëvendosje!

I AKUZUARI TE AKUZON

[ARIANI_TB]

Serbia po dënon çlirimtarët tanë - Politikanët po shkojnë në negociata me të
.by Lëvizja VETËVENDOSJE! on Saturday, January 22, 2011 at 10:39am.Gjykata e Lartë e Serbisë në Beograd dënoi me 101 vjet burg 9 shqiptarë nga Lugina e Preshevës, 8 prej të cilëve në mungesë. Ata ishin pjesëtarë të Ushtrisë Çlirimtare të Kosovës gjatë viteve 1998-1999. Të 9 ushtarët e UÇK-së kishin ardhë nga Lugina e Preshevës për t’i mbrojtur tokat e atdheut të tyre gjatë luftës çlirimtare në Kosovë. Lëvizja VETËVENDOSJE! e dënon ashpër politikën e terrorit antishqiptar serb, si dhe shpreh shqetësimin e saj të thellë lidhur me politikën indiferente zyrtare të Kosovës karshi këtyre ngjarjeve.



Pas luftës në Kosovë, në vend që të ishim ne që ishim të sulmuar, të masakruar, të dëbuar e të rrëmbyer, ata që imponojmë drejtësi e zhdëmtim nga Serbia, kjo e fundit ishte ajo që Kosovën e copëtoi, e sulmoi, ia dogji kufijtë dhe po e mban peng me strukturat e veta paralele. Këtë strategji të Serbisë e mirëkuptoi dhe e lehtësoi me tolerancën e vet sidomos politika zyrtare e Kosovës në bashkëpunim të ngushtë me UNMIK-un. Kjo politikë e mbrapshtë i ktheu shqiptarët në kriminelë, kurse Serbinë në viktimë.



Çlirimtarët u burgosën, ata u barazuan me kriminelët serbë. UÇK-ja u çarmatos, në vend që të çarmatosej ushtria e Milosheviqit. Shumë luftëtarë mbetën pa punë dhe me ndihma sociale. Krimet e luftës të shkaktuara nga serbët u mbyllën nga UNMIK-u, kurse shqiptarët vazhduan të dënohen nga gjykatat serbe. Serbia na i vrau gratë e fëmijët, shkatërroi shtëpitë, na e rrënoi ekonominë, na vodhi e na dëboi, kurse pas luftës na shet mallra dhe na e gjykon pavarësinë nëpër gjykata ndërkombëtare. Serbia na e ndau Kosovën, e pastroi etnikisht veriun, dhe në çdo veprim të saj ajo është mirëkuptuar nga politikanët e pushtetit. Asnjë qeveri e deritashme e Kosovës nuk ka ndryshuar në raport me Serbinë.



Çlirimtarët tanë po dënohen me qindra vite burg nga Serbia, kurse Qeveria në largim e Kosovës në vend që ta kushtëzojë bashkëpunimin me Serbinë, po përgjërohet për negociata të reja me të. Në vend që Kosova ta kushtëzojë Serbinë me kthimin e mbi 1,800 trupave të rrëmbyer, Serbia po e kushtëzon Kosovën me raportin e Dick Martyt për trafikime imagjinare organesh. Në vend që Kosova ta kushtëzojë Serbinë me ndaljen e terrorit në Luginën e Preshevës, Serbia po e kushtëzon Kosovën me veriun e vendit tonë. Sot kur pjesëtarët e UÇK-së po dënohen nëpër gjykatat e Serbisë, nuk dëgjojmë asnjë reagim nga Hashim Thaçi. A nuk po sulmohet UÇK-ja tash? Apo, thjesht, Hashim Thaçi reagon vetëm kur përmendet ai personalisht?!



Lëvizja VETËVENDOSJE! kërkon që hyrja e Serbisë në BE të kushtëzohet me njohjen e pavarësisë dhe sovranitetit të Kosovës, me reparacionet e luftës, me shpërbërjen e strukturave paralele, me dorëzimin e kriminelëve serbë të luftës, si dhe me të drejtën e shqiptarëve të Luginës për identitet, simbole, shkollim e punësim.



Kërkojmë lirimin e çlirimtarëve dhe dënimin e kriminelëve.



Lëvizja VETËVENDOSJE!

Prishtinë, 22 janar 2011

.

[beni33]

Ende ka pune per ti pare keta te vetvendosjes, shihemi rreth parlamentit.

na trego qka simbolizon aj misboli juaj qe keni si ikon aty
un kam nje hart me trojet shqiptare kurse na trego ti qka dote thon ajo qe keni ju

[shalja1]

ska lidhje aple me kombetare , eshte simbol i nje programi te njohur. ndoshta perkon me kosoven e e ka ngrene maca pake teritor.

[shalja1]

Ishallah bre bahete bashkimi i trojeve Shqiptare....Po me ''vetevendojen! '' JO valla,per deri sa ky te vete i kritikon e i quan hajna,kshtu se ka.

pse jo me te gjithe

[ardiana luzha]

pse jo me te gjithe

Meq edhe ata nuk pranojne me shumicen mu kane bashke per ate thash JO me Vetevendosjen.

[shalja1]

Nese dikush mendon me koken e vete, ka nje vizion ndryshe dhe nje ruge ndryshe nuk munde te perjashtohet nga kulaqi i perbashket, edhe Giordono Bruno I GJORE U DOGJ NE ZJARRE SE NUK ISHTE ME INKUIZITORET.

[Loti-99]

Imami Krasniqi

Imami Krasniqi: Të votosh Vetëvendosjen, mëkat

03-02-2011 10:13 CET

Imami kontrovers i Xhamisë së Madhe në Prishtinë, Shefqet Krasniqi, në cilësinë e ligjëruesit islam, duke përzier fenë me politikën, ka folur ashpër kundër Lëvizjes “Vetëvendosje” të Albin Kurtit, duke e quajtur atë enveriste dhe duke thënë se myslimanët që votuan për të, bënë një mëkat të madh.

“Vetëvendosja është një lëvizje enveriste dhe myslimanët duhet me qenë larg saj. Është mëkat me ia dhanë votën Vetëvendosjes, por ne nuk kemi punuar për ta sqaruar mendimin e Islamit për “Vetëvendosjen”, sepse nuk ka pasur kohë. “Vetëvendosjes” është haram, është mëkat me ja dhanë votën. Kaq”, ka thënë Krasniqi në emisionin “Info Magazine” të Klan Kosova.

Krasniqi nuk sheh jetë të gjatë për Lëvizjen e Kurtit duke thënë se votat këtë herë kanë qenë euforike, dhe se në zgjedhjet e ardhshme nuk do të mund të fitojë shumë.

Ai ka shprehur keqardhjen që koalicioni i AKR-së së Behgjet Pacollit, të cilit i ka dhënë përkrahje publike, nuk ka fituar më shumë vota.

Gjithashtu, imami Krasniqi ka paralajmëruar PDK-në të mos mendojë se mund të qëndrojë në pushtet gjithmonë, sepse mund t’i ndodhë një situatë si e Egjiptit.

[Loti-99]

Edhe “Vetëvendosje” në Qeveri
03-02-2011 10:16 CET

Dy deputetë të Lëvizjes “Vetëvendosje” që fituan mandatin në krah të kësaj të fundit, ende pa hyrë në Parlament, kanë vendosur t’ia kthejnë shpinën Albin Kurtit.


Në fakt, janë dy kandidatët nga Lëvizja për Bashkim që garoi në koalicion parazgjedhor me “Vetëvendosjen”. Për më tepër, Agim Kuleta dhe Aurora Bakalli mund të jenë edhe në qeverinë e ardhshme Thaçi.

Largimin nga Lëvizja “Vetëvendosje” e ka konfirmuar për “Epokën e Re” kryetari i Lëvizjes për Bashkim, Avni Klinaku. “Po, është e vërtetë që dy kandidatët e Lëvizjes për Bashkim, nuk do të jenë përfaqësues të Vetëvendosjes në Kuvend”, ka thënë Klinaku, duke shtuar se marrëveshja me Vetëvendosjen ka qenë vetëm parazgjedhore. Ai po ashtu ka konfirmuar bisedimet me PDK-në për qeverinë e ardhshme, raporton Indeksonline.

Ndërkohë, në një intervistë për “Bota Sot” më 25 nëntor 2010 - disa javë para zgjedhjeve nacionale, kreu i Lëvizjes për Bashkim, Avni Klinaku kishte thënë se do të bënte koalicion vetëm me ata që janë për bashkim kombëtar.

“Nuk është e saktë se ne e preferojmë opozitën. Ne duam ta marrim tërë pushtetin dhe ta formojmë një qeveri të bashkimit kombëtar dhe koalicion do të bënim me të gjitha ato parti politike që do të ishin pajtuar me programin e Bashkimit Kombëtar. Mirëpo pesë partitë politike që e kanë pasur këtë rast, mirëpo nuk kanë treguar interesim, shenja përmirësimi nuk duken, pra me ata nuk mund të bëjmë koalicion, ne do të bëjmë koalicion vetëm nëse ka interesim për bashkim kombëtar”, kishte thënë Klinaku.

[iliria e para]

Armiqet e shqiptarve jane greku, sllavi dhe komunizmi.
Kur ja ke frigen dikuj dhe nuk din se cks te bejsh, atehere quaje, komunist, proserb, progrek.
Te populli ala shiten keto.