Debatet ne parlamentin shqiptar

[Edvin83]

Sali Berisha flet për vdekje të Kokëdhimës dhe funeral të Ramës
SHEKULLI ONLINE | 24/12/2010
TIRANË- Pas kritikave të ashpra të Raportit të KE-së, mazhoranca dhe opozita i ofruan dje njëra-tjetrës propozimet për përmirësimin e situatën në vend. Në projektrezolutën e socialistëve e cila u prezantua nga deputeti Pandeli Majko theks i veçantë i kushtohej transparencës së zgjedhjeve dhe reformimin e sistemit gjyqësor me qëllim pastrimin e korrupsionit. Pikë e rëndësishme ishte edhe heqja e imunitetit të deputetëve që sipas selisë rozë do të pengojë krimin e organizuar. Ndërkohë në projektrezolutën e PD-së fajësohet opozita për çdo dështim të qeverisjes. Sipas PD-së, bojkoti dhe braktisja e debateve, mbledhjeve dhe votimeve në Kuvend ka penalizuar realizimin e objektivave dhe ka zvarritur proceset institucionale të vendit.


Por në vend që të diskutohej mbi dy projektrezolutat dhe kritikat e KE-së, veçanërisht për kryeparlamentaren Topalli, debati i djeshëm u kanalizua në sharje, ofendime dhe debate personale. Nëntë orë me vonesë, kryeministri Berisha u shfaq në sallën e Parlamentit në kulmin e debateve dhe monopolizoi situatën. Fillimisht ai mbajti një fjalim rreth 70 minuta të gjatë për 'gjithçka' përveç projektrezolutës së KE-së dhe rolit të Topallit. Berisha e nisi fjalimin e tij me arritjet e qeverisë, me pensionet, pagat, me uljen e pensioneve të ushtarakëve e deri tek Daut Kadriovski dhe tek kostumet e Edi Ramës. Kryeministri ka arritur që të debatojë me deputetët e opozitës për më shumë se dy orë duke mos lënë asnjë person tjetër nga mazhoranca për të folur. Nga ana e saj edhe opozita ka rënë në këtë "grackë" duke folur vetëm për çështjet personale të Sali Berishës dhe duke lënë në harresë temën që kishte seanca, rezolutën e KE dhe rolin e Topallit.


Edhe pse më vonë opozita tentoi që të rikthente debatin tek tema e ditës, kryeministri Berisha arriti që ti shmanget në çdo rast duke kanalizuar serish çështjen tek debatet personale.


Testamenti i Ramës dhe Koços
Rama ka obsesionin e vdekjes. Jo se e ka familja e tij. Opsesionin e vdekjes ai e ka të përbashkët me Koçon. Shkoni tek noterja dhe lexoni testamentin e Koços se e ka identik. Shkoni takoni noteren M.S. Ata që e dëgjojnë, iu duket e pabesueshme por janë absolutisht të vërteta këto që po ju them...
Ja tani se çfarë thotë testamenti: Ky testament është i vëllezërve Koço Kokëdhima dhe Edvin Kristaq Rama. Ky testament mbahet në prani të noteres Mimoza Sadushi. Doni më shumë? Më poshtë nuk mund të lexoj sepse atë noteren pastaj e heqin nga puna...


"Në janar 2007 një diplomat i shquar në Tiranë më vjen në zyrë për çështjen e certifikatave. Sapo u fut në zyrë i ra telefoni, ishte Edi Rama. Më tha: Mund të flas? Jo i thashë, mos fol këtu, fol në dhomën tjetër se zoti Rama nuk të lëshon pa 35 minuta, se po të kapi në telefon ai mos e pyet. Por pas 30 minutash sekretarja më thërret të kërkon ai dhe shkova, diplomati hap altoparlantin e telefonit, ku dëgjohej Rama që thoshte "jam shtrirë këtu përdhe, kam hyrë në grevë urie, unë do vdes tani. Unë i thashë: vdis i thuaj. Po, po, vdis dhe do të vij të të hedh një batanije"...
"Në maj isha në Zagreb, kur më bie telefoni nga PE urgjent. Një mik i imi nga Parlamenti Evropian më thotë: Sali kemi një problem i madh. Më thanë se Edi Rama hyn në grevë urie dhe ka vendosur të vdesë. Unë i thashë, Edi Rama po të dojë ka një dhomë në katin e parë, ku jam unë, të bëjë grevë urie aty, por për të vdekur ai nuk vdes se ai nuk hyn në grevë dhe nuk vdes. Po të vdesë do t'i bëj funeralin shtetëror më madhështor që ka njohur Shqipëria dhe fjalimin më të bukur nekrologjik"

[Brari]

ku eshte more CD-ja e erion ed brace Rucit..
ate na tregoni..

[drenicaku]

ku eshte more CD-ja e erion ed brace Rucit..
ate na tregoni..

Eshte duke e ber edhe klipin me edin nudo

[Duaje Siveten]

jo vetem CD, por edhe ato testamentat ... ato dosjet ... ato ... pse nuk i hapni ...

do tiu munde zullumi juaj ... do t'iu zeri poshte ... me sira ... njeri-jatrit do ti hani kriet ...

[BaBa]

ku eshte more CD-ja e erion ed brace Rucit..
ate na tregoni..

I ka Gjykata ne dore.

[Edvin83]

Berisha: Opozita, shumicë vetëm në votim për hetimin e zgjedhjeve
24/12/2010Erjon Ajazi

Gazeta Shqip

Kryeministri: Ramës do t’i rezervoja një funeral shtetëror

Rreth 8 orë pasi Parlamenti kishte nisur punimet, Kryeministri Sali Berisha ka mbërritur në sallë duke hedhur akuza të reja ndaj socialistëve dhe kryetarit të tyre, Edi Rama. Në seancën e fundit të Parlamentit, për më shumë se dy orë, Kryeministri Berisha e përqendroi fjalën e tij jo vetëm tek akuzat ndaj Ramës, por tregoi edhe ndryshimin e kursit politik nga deklaratat e tij të mëparshme. Dje nga salla e Kuvendit, Kryeministri Berisha theksoi se “opozita do të ketë shumicën në votim në komisionin hetimor. “Unë ju kam dhënë fjalën dhe nuk e lëviz, ju do keni shumicën në çdo votim. Ligji do respektohet. Dy anëtarë të mi nuk do duken që nga dita e zgjedhjes”. Ndërkohë që më 10 maj gjatë grevës së urisë së PS-së, Berisha ishte shprehur se “opozita do të ketë shumicën në komisionin hetimor?”. Gjatë fjalës së tij, numri një i qeverisë ka zgjedhur një fjalor të ashpër ndaj kryesocialistit Rama. “Në maj 2010 i thashë një diplomati, vdis Edi Rama, se do i bëj funeralin më të madh shtetëror madhështor që ka parë historia ndonjëherë”. Edhe këtë herë kreu i qeverisë ka veçuar dy histori nga e kaluara e marrëdhënieve të tij me Edi Ramën për të treguar në sallën e Kuvendit.

Fotografia
Fotot e publikuara në media, në krahë të djalit të diktatorit, Enver Hoxha, Kryeministri Berisha i hodhi poshtë si montazh nga salla e Kuvendit. “Ato fotot e shkëlqyera të kishin qenë origjinale, 30 vjet më parë, absolutisht sikur të ishte tre vjet më parë Berisha. Edhe vetë u çudita, por do marr origjinalet unë. Unë jam fleksibël aty ku duhet me qenë fleksibël”, tha Berisha.

Testamenti
Protagonizmi i Kryeministrit në seancën e fundit të Parlamentit për 2010-n nuk kishte të sosur edhe pse mbërriti në sallën e Kuvendit 8 orë me vonesë për shkak të një shqetësimi shëndetësor që pati gjatë paradites së djeshme. Duket se temperatura e lartë e drekës, ka bërë që Kryeministri Berisha të flasë përtej axhendës së ditës së Parlamentit, duke tentuar të tregojë edhe testamentin e rivalit të tij politik. “Këtë opsesionin e vdekjes ai me Koçon e ka identik. Shkoni te noterja dhe merrni testamentin e Koços se e kanë të përbashkët. Ju lexoj një pjesë nga testamenti, se ju e morët si shaka. Shkoni takoni noteren M.S dhe ua jap unë kopjen”, tha Berisha.

Akuzat
Duke iu drejtuar socialistëve, Kryeministri theksoi se “Ju pushtetin e Sali Berishës e forconi përditë edhe më shumë.

Në kokën e një njeriu u ngulit thellë ideja se po mori vizat pas NATO-s ky u çimentua në pushtet dhe ndaj për hir të tij duhet të bëjmë gjithçka që të bllokojmë këtë proces”. Po kështu, kreu i qeverisë përmendi edhe rolin e opozitës së sotme kur ishte në pushtet. “Shtatë vjet më parë, killera vrisnin dhe me kokën e të vrarit luanin futboll në mes të qytetit dhe më pas autori kalonte natën në shtretër me deputetë. Nuk ishte e lehtë heqja e vizave për shqiptarët, sepse jo larg, por vetëm pesë gjashtë vjet më parë një post drejtori në polici shkonte në 300 mijë euro. Nuk ishte e lehtë heqja e vizave”, tha Berisha.