Postuar më parë nga
L-7
Konjufca: Disa krerë të UÇK-së, krerë të krimit në Kosovë
23 dhjetor 2010•
Prishtinë, 23 dhjetor – Një gjë i bashkon Dick Martyn dhe lëvizjen “Vetëvendosje” – akuza për drejtim të krimit të organizuar në Kosovë nga disa krerë të UÇK-së.
Por, ata i ndan koha së cilës i referohen për të tillë përfshirje, e po kështu edhe përgjegjësia ku duhet adresuar.
Hashim Thaçi, drejtor politik i UÇK-së, është akuzuar si kreu i një grupi mafioz, që merret me trafikun e armëve, drogës dhe organeve njerëzore në Evropën Lindore, në një draftraport të senatorit zviceran Marty, i mandatuar nga Këshilli i Evropës për të hetuar dyshimet për përfshirjen e UÇK-së në trafikim organesh të pengjeve serbe. Aty theksohet se në dekadën e fundit, Thaçi, me një grup të njerëzve udhëheqës të UÇK-së, ushtroi një kontroll të fortë në tregun e heroinës. Po kështu, edhe se Thaçi ishte “bosi” i një rrjeti që nisi aktivitetin në vitin 1999 e që pati një ndikim të fuqishëm në qeverinë e vendit, prej kësaj kohe.
Raporti ka nxitur shumë reagime ndërkombëtare dhe të tjera në nivel vendi. Thaçi ka paralajmëruar padi ndaj senatorit zviceran, kryesisht për akuzat që i referohen tregtisë me organe njerëzore, që pretendohet të jenë bërë në veri të Shqipërisë, në një godinë që mban epitetin e “Shtëpisë së verdhë”.
“Vetëvendosja”, lëvizje e krijuar pas lufte në Kosovë që për lider ka Albin Kurtin, është gati i vetmi subjekt politik që në reagimin e saj nuk ka përjashtuar mundësinë e përfshirjes së Thaçit në krim. Në këtë lëvizje konsiderojnë se në raportin e Dick Martyt ka edhe shumë akuza të tjera për korrupsion e kontrabandë kundër “Thaçit dhe shpurës së tij që, duket se e kanë brengosur Thaçin, andaj edhe erdhi ky reagim i panikosur i tij”. Disa prej këtyre akuzave u referohen informatave të shërbimit sekret shtetëror gjerman, BND-së.
Glauk Konjufca, një aktivist i “Vetëvendosjes”, i ka thënë të mërkurën “Kohës Ditore” se nuk mendojnë njëjtë me Martyn. Por, ka ripërsëritur akuzat ndaj disa drejtuesve të UÇK-së.
“Ne mendojmë që çfarëdo që të kenë qenë grupe të ndryshme në UÇK, kjo nuk e ka ndikuar luftën e UÇK-së dhe nuk mund të themi që e njollos UÇK-në. Ne nuk besojmë në ato gjëra që kanë dashur të vendosen në kontekstin e UÇK-së, sepse ne mendojmë që nuk ka qenë ky qëllimi i UÇK-së”, ka thënë Konjufca. “Qëllimi i saj ka qenë fisnik, për ta çliruar popullin e Kosovës”.
Pastaj ka folur për përfshirje në krim të disa drejtuesve të UÇK-së.
“Do njerëz, masandej, e kanë keqpërdorë UÇK-në. E kam fjalën pas vitit 2000. Këta njerëz rrahën gjoks në emër të UÇK-së derisa erdhën në pushtet, e kur erdhën në pushtet e keqpërdorën atë për kontrabandë. Mendojmë që disa krerë prej tyre janë krerë të krimit në Kosovë. Kjo është e vërtetë”, ka thënë Glauk Konjufca. “Ama, nuk përzihet kjo punë me luftën e UÇK-së”.
Problemi i “Vetëvendosjes” me Dick Martyn, sipas Konjufcës, është se ky raport fokusimin e tij kryesor e ka në problematizimin e luftës çlirimtare, duke u përpjekur që ta inkriminojë këtë luftë. Ai ka shprehur bindjen se akuzat e përfshira në raport, janë për ta shantazhuar Thaçin në prag të bisedimeve Kosovë-Serbi.
“Në vend që të merret Evropa sot, Bashkimi Evropian, apo Këshilli i Evropës, cilado instancë evropiane, me shkeljet e mëdha në Kosovë, korrupsionin e madh, zhvatjen e parasë publike, korrupsionin që është bërë praktikë institucionale e pushtetit në Kosovë, kontrabanda në veri me të cilën është i lidhur Hashim Thaçi dhe politika jonë, Dick Marty mundohet që ato me ia zhvendosë UÇK-së”, ka thënë Konjufca. “Në anën tjetër, ne po e shohim që pikërisht pse Dick Marty ka bërë kështu, Hashim Thaçi po fshihet pas UÇK-së, edhe për veprimet e tij pas vitit 2000, për të cilat ne kemi vërejtje”.
Drejtues të organizatave të dala nga lufta kanë deklaruar se raporti i Dick Martyt është përgatitur nga Beogradi dhe nga Moska kundër Kosovës. Kryetari i Organizatës së Veteranëve të Luftës, Muharrem Xhemajli, e ka akuzuar lëvizjen “Vetëvendosje” duke e quajtur “prosllave”, për shkak të reagimit që kjo lëvizje ka bërë ndaj raportit të Martyt.
“Ata në deklaratat e tyre thonë se ‘të bëmat e Hashim Thaçit nuk e njollosin Ushtrinë Çlirimtare të Kosovës’, por Hashim Thaçi ka qenë udhëheqës politik i UÇK-së dhe në njëfarë forme ata e kanë akuzuar Hashim Thaçin për veprime, të cilat nuk kanë ndodhur dhe nuk i ka bërë”, ka thënë Xhema
Krijoni Kontakt