Trafikanti Kadriovski: Shantazh bashkepuntoreve te tij Rama dhe Brace

[Brari]

erion brace Edvini me kte cd e me kte vizit misterioze tek presidenti.. po me forcon bindjen se..
selia roz po lun me dy porta me aleaten e vet ne prishtin.. PDK-ne e thaqit..

pra nga perpara i thot..po qysh jeni or shoqa ton te vjeter.. e nga prapa.. .. po m'doket (noshta gaboj por marinari mundet na kallxon dicka si ma i mrennshem) po don me ja shti gishtin ne beth..

ose ndoj grupazh i PDK-s i fsheht ne unison me krere te selis roz.. po don me ju hakmarr Thaqit..per "gabimin politik" qe pse Hashimi peruroj me Berishen rrugen e Kombit.. e u mor vesh per shengjin e tjera mirkuptme mes qeveris Berisha e Thaqi ne kto vite..

jan te njohura ne politike goditjet direkte e indirekte..

psh kjo me Dik mart.. mos ishte nji loje selim rozeje..?

ne prag te likujdimit te kadri hazbiut.. kolosit te sigurimit shqiptar.. nje "sigurim tjeter" me finok.. pergatiti te ashtu quajturen band e xhevdet Mustafes..

epilogu i ksaj "bande diversante" ishte.. pushkatimi i shpejte i kokave te sigurimit shqiptar..Kadri e Llamb e tjere legjenda..

pra u soll ose u importua nga jasht nje sebeb..me ja fut.. cave brenda..

..

ka pra nji lemsh qe spo e marr vesh..

edhe sjelljet e LDK .. rasti Sejdiu.. tash Isa e grupi rugova e tjera cudira.. tregojn se shum "rrotlla" po luhen..




..

??

.

[ganimet]

Ky Erion Braqe esht nji shka i vogel -Po ky shqiptari mund te mos jet fare derguesi i cedes por vllau i Braqes pra Tadiq lopa.
Vllaun duhet me vra kure behet mik me armikun ..pra ne ket rast Braqe per mua esht veq nji shgkavell i vogel me sherr te madh ,por mos te ket merak se i vogel esht derri ,,si duket esht ber merak tani edhe per naj shapull .

[ganimet]

mktrg wj rwjr wj2

[_MALSORI_]

lumit ne cfare xhevahiresh do degjojme ne jeten tone..eh sa berllog qe eshte i fshehur pas pushtetit..mjere ne kush na drejton...

korja e pites ka kohe qe ka filluar te griset..pak apo shume shume pak lakra kan dale ne shesh..lakra te tjera do te dalin ne te ardhmen besoj...dhe ne kemi me u cudit e me u gerdite...

sado thelle ta fusesh te verteten ajo e gjen nje te care te dale ne siperfaqe..

[drenicaku]

Braqe ose qakalli i edi rames leshoi cd e par me hitet e ps,por me sa duket ka telashe me tregun,ky album i ketij qakalli do perfundoi ashtu siq perfundoi edhe rasti i vet eksplodimit te makines se tij para ca kohesh.
Ajo qe me beri pershtypje ishte se ne album kishte edhe duete,me hashimin e me jakupin e kosoves dhe kush thot se nuk jemi vllezer qofshin ata braqe apo dreq i mallkuar

[Llapi]

Kush është Kadriovski, autori i CD-së kërcënuese për të majtët

Shekulli Online | 23/12/2010 |

25 ditë më parë Berisha paralajmëroi kërcënimin / "Ujku i drogës" Daut Kadriovski dërgon një CD ku kërcënon krerë dhe deputetë të opozitës. Rama dhe Braçe akuzohen për trafik dhe vrasje. Kërcënime edhe për politikanët në Kosovë dhe Maqedoni

Daut Kadriovski, një emër i vjetër i trafiqeve të drogës dhe i njohur si anëtar i bandës së "Ujqërve Gri" në Romë ka postuar në adresa politikanësh një video-intervistë, ku akuzon thuajse të gjithë ata që kanë qenë në pushtet në vitet 2001-2002 në Shqipëri, Maqedoni e Kosovë. Shqiptaro-maqedonasi Kadriovski i drejtohet nënkryetarit të grupit parlamentar socialist, Erjon Braçe, dhe kreut të PS-së Edi Rama duke i kërkuar që të ndërpresin fushatën e tyre politike kundër qeverisë Berisha për aferat e korrupsionit. Në intervistën e tij përmenden gjithfarë emrash të tjerë socialistë të periudhës 2001-2002 si Fatos Nano, Makbule Çeço etj. Ndërkohë në Maqedoni dhe Kosovë i drejtohet Hashim Thaçit e Jakup Krasniqit të PDK-së dhe Menduh Thaçit, kryetarit të PDSH-së.
CD-ja e çuditshme ka mbërritur në Tiranë ditën e hënë më 20 dhjetor. Edhe më i habitshëm rezulton fakti që Sali Berisha në një nga momentet e tij të nervozizmit në Kuvend, paralajmëroi 25 ditë më parë me fjalë krejtësisht të ngjashme CD-në e Kadriovskit . Në pjesën shqiptare, Braçe dhe Rama kërcënohen se do bëhet publike një ngjarje ku ata sipas dërguesit të CD-së akuzohen për vrasje dhe trafik droge.
Ishte nënkryetari i grupit parlamentar socialist, Erjon Braçe që bëri publik dje kërcënimin. Kadriovski që njihet me disa emra është një prej eksponentëve kryesorë të mafies në Europë. Më poshtë, denoncimi i Erjon Braçes..

***
"...Siç ju e dini një grup i madh deputetësh të grupit parlamentar të PS, por një numër akoma më i madh ekspertësh të pavarur janë angazhuar në një proces serioz, konkret dhe pa diskutim efikas të transparencës ndaj akteve të qarta të korrupsionit qeveritar, të përfaqësuara denjësisht dhe të udhëhequra nga Sali Berisha.
Ky proces po tregon Shqipërinë dhe shqiptarët që vidhen 24 orë të çdo dite të vitit.
Sali Berisha në cilësinë e Kryeministrit të Republikës është angazhuar drejtpërdrejtë në relativizimin e kësaj fushate historike transparence, natyrisht është angazhuar drejtpërdrejtë dhe në ndërprerjen e saj, duke sulmuar, atakuar, shpifur dhe kërcënuar drejtpërdrejt.
Sali Berisha po e bën këtë gjë, duke mos kursyer në asnjë minutë të veprimtarisë së tij politike dhe shtetërore edhe bashkëpunimin direkt me krimin e organizuar, madje së fundi duke njehsuar struktura të posaçme të qeverisë, struktura okulte të Ministrisë së Brendshme dhe policisë së shtetit pikërisht në këtë bashkëpunim kriminal me krimin e organizuar, kundër përfaqësuesve të opozitës.
Ditën e hënë, pas një mbledhje pune këtu në selinë e PSSH, personeli më ka vënë në dispozicion këtë zarf, shërbyer në selinë socialiste të Shqipërisë nga Posta e Tiranës. Brenda tij është një kartolinë dhe brenda kësaj kartoline është një CD. Nga ana e pasme të së cilës është materializuar ky tekst: "Ke 24 orë kohë ndryshe kanalet televizive do ta publikojnë". Në fund fare është lënë një numër celulari, që nga prefiksi duket që është numër i Maqedonisë, në fund fare ka emrin Daut Kadriovski.
Në përmbajtje të kësaj CD shtetasi Daut Kadriovski, i njohur për CV e tij kriminale, i kërkuar në më shumë se 13 shtete, i përfshirë në aferat më të ndyra të krimit të organizuar dhe korrupsionit, "dëshmon" se kryetari i PSSH Edi Rama dhe unë personalisht në cilësinë e deputetit, jemi përfshirë në përdorim dhe në trafik droge dhe në fund fare në dy vrasje. Njëri këtu në Tiranë dhe tjetri duke e hedhur nga kati i tretë apo i katërt në Shkup të Maqedonisë.
Njëherazi në përmbajtje të kësaj CD-je përmendet gjithë klasa politike shqiptare në rajon, duke përfshirë Hashim Thaçin, për të vijuar me Jakup Krasniqin, Ramush Haradinaj dhe familjen e tij. Për të zbritur deri tek klasa politike shqiptare në Maqedoni, duke përfshirë Mendu Thaçin dhe partinë e tij, apo më tutje edhe Imer Selmanin e partinë e tij. Pra është një CD komplekse ku një prej përfaqësuesve më të regjur të krimit të organizuar, mesa duket së fundmi i lirë, shfaqet i përdorur politikisht nga Sali Berisha dhe strukturat e tij okulte, për të përfolur, për të shpifur, për të atakuar, për të sulmuar, për të njollosur pothuajse përfaqësuesit kryesor të politikës shqiptare, jo vetëm në Tiranë por edhe në rajon.
Natyrisht gjithsecili mund të pyes sot se përse po e atashon këtë çështje me Sali Berishën. Në momentin e parë që jam njohur me përmbajtjen e kësaj CD-je kam çuar në mendje seancën parlamentarë të diskutimit të buxhetit për vitin 2011. Seanca është e datës 25 nëntor 2010 dhe menjëherë mbas fjalës sime, në emër të grupit parlamentar të PS, në sallën e kuvendit Sali Berisha më është shprehur saktësisht kështu:
"..Pse nuk e thua? Jo more zotëri, ti je i keqpërdorur. Një njeri nuk keqpërdor një njeri që ka një histori shumë të dhimbshme personale, një histori të dhimbshme sociale dhe politike. Ti i di shumë mirë lidhjet e tij me Kadriovskin, se janë edhe të tuat. Po, po janë edhe të tuat se janë me dëshmi. Ti di shumë mirë historinë e të ndjerës Din, se është historia jote dhe e Edi Ramës. Ti i di shumë mirë historitë e Ginës, ti je zëvendësi i tij këtu sot prandaj edhe ti nuk vuan as përpara shpirtrave të katër foshnjave..."
Ky është procesverbali i seancës plenare. Këto që sapo citova janë fjalët e Sali Berishës, të thëna në datën 25 nëntor të këtij viti, ndërkohë që kjo CD me "dëshmi të Daut Kadriovskit" ka patur në sfond një pemë krishtlindjesh. Që do të thotë që kjo ka ardhur në kohë pas një urdhri verbal të Sali Berishës në krye të strukturave oklute, që bashkëpunojnë sot me krimin e organizuar për ti mbyllur gojën PS, kryetarit të saj, deputetëve të angazhuar në luftën kundër trafikut dhe korrupsionit të qeverisë së Sali Berishës.
Pikërisht të njohur me këto fakte gjykuam qartësisht gjatë këtyre dy ditëve se po kalojmë nga një fazë e shpifjeve politike për konsum publik të Sali Berishës bërë anë e kënd Shqipërisë nga salla e Kuvendit, në një fazë të re. Sali Berisha po bashkëpunon me krimin e organizuar, po zëvendëson krimin e organizuar, po përdor krimin e organizuar tashmë jo për akuza dhe shpifje banale politike, por për akuza të rreme penale. Që tregon më së miri se Sali Berisha po prek fundin, por edhe se Sali Berisha po bëhet shoqërisht i rrezikshëm për çdo shqiptar që refuzon ti nënshtrohet.
Duke gjykuar këtë moment të rëndësishëm dje kryetari i PS Edi Rama dhe unë në cilësinë e deputetit i Republikës së Shqipërisë kemi marrë kontakt me Presidentin e Republikës, e kemi informuar për gjithçka po ndodh, i kemi vënë në dispozicion këto dokumente dhe këto fakte. Natyrisht që kemi paralajmëruar se ne jemi në dijeni të qartë dhe të plotë të një angazhimi serioz të Sali Berishës për të vijuar këtë veprimtari kriminale përkundrejt opozitës politike në Shqipëri dhe me të tjera raste përmes një strukture okulte brenda radhëve të policisë së shtetit, që po shëtit qeli më qeli të këtij vendi, madje dhe jashtë tij për të gjetur njerëz të inkriminuar dhe për të mbledhur "dëshmi" të rreme, qartësisht të rreme përkundrejt përfaqësuesve të opozitës për ti mbyllur gojën.
Menjëherë pas kontaktit me Presidentin e Republikës, në vijim të angazhimeve tona institucionale sot në mëngjes kam marrë dhe kam vënë në dijeni prokurorin e Prokurorisë së Rrethit Gjyqësor të Tiranës. Për sa kohë që vepra penale e shpifjeve dhe shantazhit të drejtpërdrejtë kundër deputetit të Kuvendit dhe kryetarit të partisë për shkak të detyrës është kryer në territorin e Tiranës. Menjëherë pas këtyre kontakteve do të depozitojmë sot pa u vonuar asnjë minutë kallëzimin penal.
Për ta mbyllur do doja të vija në dijeni të gjithë opinion publik se i gjithë qëllimi i kësaj historie është që opozita të ndërpresë fushatën e saj të mirëpritur, të shumëkërkuar në këtë vend kundër korrupsionit.
Sot po ju them që Sali Berisha është në dijeni të plotë të publikimeve shumë të rënda dhe serioze që do të kulmojnë ditët në vijim dhe të cilat nuk e mbajnë më dot në këmbë qeverinë e Sali Berishës. Po ju them nuk e mbajnë dot më në këmbë qeverinë e Sali Berishës.
Do doja ta mbyllja gjithë këtë denoncim duke dërguar një mesazh të qartë, jo vetëm timin personal por secilit prej deputetëve të PS: Shprehim neverinë e qartë përkundrejt këtyre akteve të drejtuara nga Sali Berisha dhe krimi i organizuar. Refuzojmë kategorikisht ti nënshtrohemi këtyre praktikave kriminale tipike mafioze të një qeverie të korruptuar dhe në ikje. Garantojmë çdo shqiptar se fushata jonë e transparencës përkundrejt akteve korruptive, përkundrejt zyrtarëve të korruptuar, përkundrejt produktit kriminal të korrupsionit nuk do të ndalet. Ne nuk jepemi, ne do ta çojmë deri në fund këtë fushatë kundër korrupsionit për të çliruar njëherë e mirë Shqipërinë nga njerëzit e korruptuar, nga pushtetarët e korruptuar dhe për ti dhënë lirinë shqiptarëve të jetojnë në këtë vend jetën e tyre, të ardhmen e tyre të ndershme dhe me djersën e ballit..."

Kryeministri Berisha e dinte përmbajtjen e intervistës që më datë 25 nëntor, rreth tre javë përpara se të zhvillohej

Berisha e përmendi Kadriovskin 25 ditë më parë

Më datë 25 nëntor 2010, 25 ditë para se CD-ja të dorëzohej në Tiranë, Sali Berisha ka folur në Kuvend për këtë çështje duke kërcënuar Erjon Braçen dhe duke i përmendur atij Kadriovskin. Menjëherë pas fjalës së Braçes për Buxhetin dhe korrupsionin, Berisha është përgjigjur me këto fjalë:
"Pse nuk e thua? Jo more zotëri, ti je i keqpërdorur. Një njeri nuk keqpërdor, një njeri që ka një histori shumë të dhimbshme personale, një histori të dhimbshme sociale dhe politike. Ti i di shumë mirë lidhjet e tij me Kadriovskin, se janë edhe të tuat. Po, po janë edhe të tuat se janë me dëshmi. Ti di shumë mirë historinë e të ndjerës Din (Dile Mirashi, femra që bashkëjetonte me Kadriovskin), se është historia jote dhe e Edi Ramës. Ti i di shumë mirë historitë e Ginës, ti je zëvendësi i tij këtu sot..".
Në videon e dorëzuar të hënën, Daut Kadriovski ka një bredh (nga ato të Vitit të Ri) të zbukuruar pas vetes. Ky detaj tregon se intervista është bërë ditët e fundit në atmosferën e festave të fundvitit. Fjala e Berishës është më datë 25 nëntor, pra shumë ditë përpara se të nisë atmofera e festave. Llogjikisht Berisha i ka thënë ato fjalë përpara kohës kur është dhënë kjo intervistë.
Pyetja që ngrehet me bazë logjikën e thjeshtë është: Si e dinte kryeministri i Shqipërisë përmbajtjen e intervistës përpara se ajo të bëhej?!
Vetë S.Berisha nuk ka bërë dje ndonjë koment për këtë ndërsa Braçe është shprehur: "Do të thotë që xhirimi i kësaj interviste ka ardhur në kohë pas një urdhri verbal të Sali Berishës në krye të strukturave okulte, që bashkëpunojnë sot me krimin e organizuar për ti mbyllur gojën PS-së".

Bosi i drogës u arrestua në Golem në 5 shtator 2001. Biznesi i tij lulëzoi pas vitit 1992

Kadriovski: Politikanët shqiptarë i njoha nga kriminelët

Daut Kadriovski ka qenë i arrestuar në Gjermani në vitin 1985. Në vitin 1993, ai arriti të dalë nga burgu. U arrestua sërish në Shqipëri në Golem, më 5 shtator 2001. 52-vjeccari shkupjan ishte ndaluar ndërsa kërkohej nga Interpoli në 184 shtete, me akuza nga Italia, Gjermania e deri nga Australia. Cilësohej si "peshkaqeni" i narkotrafikut. Mbi vete kishte një skedë të mbushur kriminale.
Policia e Tiranës e arrestoi për llogari të Interpol Romës, pasi ishte dënuar me 12 vjet burg. Do të ekstradohej në janar 2002. I njohur me emrin e rremë, Mehmet Ajdini ai kërkohej edhe nga Gjermania e Hungaria për një numër të madh akuzash, ku kryesorja është ajo e drogës, e më pas vrasje e arratisje nga vendi i dënimit.
Në gjykatë tha: "Në gati dhjetë vjet të aktivitetit tim në Shqipëri jam njohur e kam pasur marrëdhënie me njerëz të të gjitha kategorive, përfshi edhe ministra e politikanë. Kam ardhur në Tiranë duke filluar nga viti 1992. Në atdheun tim, në Maqedoni, nuk mund të shkoja lirshëm pasi kisha bërë burg për shkak se u rraha me një polic, prandaj preferova Tiranën".
I veshur si bamirës, dhe me emrin Daut Kadriu, ai gjeti shumë shpejt pikat e dobëta për të krijuar rrjetin. Sponsorizon në vitet 1992 dhe 1994 udhëtimet e grupit folklorik në Australi, ku kish kaluar një pjesë të jetës. Merr në pronësi ambiente bingosh në Berat, Fier dhe shumë rrethe të tjera. Vijoi i qetë nën emër të rremë aktivitetin e tij në Shqipëri, ku e kishte gjetur edhe gruaja australiane dhe fëmijët në vitin 1998.
_______________________________________
"RD" botoi letrat anti-Rama të Kadriovskit

Kadriovski dhe dëshmitë e tij nuk janë të panjohura për Berishën, ndaj lidhja mes Berishës e Kadriovskit në këto rregistrime ka gjasa të jetë e vërtetë. Që në gusht 2008 organi i PD-së, "RD" nis një cikël shkrimesh me "rrëfimin e Daut Kadriovskit". Sipas saj, baroni i drogës flet për lidhjet e tij me funksionarë të lartë socialistë. Gazeta botonte edhe letrën e tij, ku përshkruan veprimtarinë e vet, miqtë, armiqtë, trafikun, njerëzit e pushtetshëm që u njohën dhe u lidhën me të, si e nxirrnin në Greqi kokainën dhe heroinën me makina me targa RSH. Sipas RD-së, i ashtuquajturi "Ujku gri", e dërgonte letrën nga një burg Italian, ku vuante dënimin me 12 vjet heqje lirie për trafik ndërkombëtar droge dhe të gjitha akuzat lidheshin me "politikën e re" që po bënte Edi Rama në krye të PS-së.
_____________________________
Arrestimi i qetë i bosit të mafias

Daut Kadriovski ka qenë një person i kërkuar pothuajse në çdo shtet të botës por edhe një mit për policinë. E vetmja fotografi e tij e tregonte një djalë të ri ndërsa ai ishte 52-vjeç. Të vetmit persona që e njihnin ishin dy agjentë të shërbimeve sekrete maqedonase, edhe këta shqiptaro-maqedonas. Këta dy njerëz zbarkuan në Shqipëri verën e vitit 2001 në kërkim të Kadriovskit. Në bashkëpunim edhe me Shërbimet Sekrete shqiptare ata e mbajtën nën vëzhgim për një kohë të gjatë në plazhin e Golemit ku bënte një jetë "pensionisti" së bashku me Dile Mirashin. Pasi mblodhën të gjitha të dhënat, agjentët maqedonas dhe ata shqiptarë i kërkuan policisë arrestimin e tij. Një grup special u nis nga Tirana pa ditur se kë arrestonte, por të armatosur rëndë sepse dihej që ishte i rrezikshëm. Në të vërtetë në momentin e arrestimit Kadriovski ishte shumë i qetë. Rreth orës 20.00 të pesë shtatorit 2001 ai po pinte një gotë birrë në plazh kur pa veten të rrethuar nga policia. Shumë qetë ai ka zgjatur duart për ti vënë prangat.
________________________________________
Vrasja e kirurgut që i bëri operacion plastik

Pas arratisjes nga burgu gjerman Daut Kadriovskit i duhej të fshihej sërish. Urdhër-arrestet në emër të tij ishin shtuar dhe shumë vende të botës e kishin vënë në krye të listës së tyre. Zgjidhja që gjeti bosi i mafias ishte një operacion plastik. Kirurgu që bëri operacionin e tij u vra pak kohë më pas. Policia gjermane akuzoi Daut Kadriovskin si autorin apo urdhëruesin e vrasjes, por kjo nuk u provua asnjë herë.
________________________________________________
20 identitete të rreme

Daut Kadriovski lëvizte në Europë duke përdorur 20 emra të ndryshëm. Dy nga identitetet e tij më të përdorura ishin Daut Kadriovski dhe Mehmet Ajdini. Në banesën ku jetonte u gjetën tre pasaporta, shqiptare, turke dhe jugosllave me emrat Daut Kadriu, Daut Kadriovski dhe Daut Kadrijevski. Në gjykatë ai paraqiti edhe një pasaportë të nxjerrë në Bulqizë me emrin Ismet Caka.
_____________________________________
Dënimi me 12 vjet burg në Itali

Origjina e aktivitetit të Kadriovskit ishte Turqia, ku 52 vjeçari kishte lidhje të fuqishme, që e bënë të famshëm në fushën e drogës. Ndërsa Italia ka dhënë për të vendimin e formës së prerë me 12 vjet burg, si një nga anëtarët e bandës "ujqërit gri", të njohur në lagjen "Maniglia" të Romës. Një bandë prej 20 personash, veprimtaria e të cilëve u shkatërrua në vitet 1994-1995.
_________________________
Lidhja me Dile Mirashin

Bosi i heroinës, Kadriovski, kishte zgjedhur Shqipërinë si një vend "pushimesh të qeta". Në vitin 1998 një mik në ish-lokalin "Kumanova" e prezanton me kamarieren Dile Mirashi, gjellët e së cilës i pëlqenin shumë. Nuk kalon shumë kohë dhe Kadriovski vendoset në shtëpinë e saj (jetonte e vetme në një banesë në lagjen "Niko Avrami"). Që nga ai moment ata fillojnë të bashkëjetojnë. Së bashku kanë qenë edhe në plazhin e Golemit në momentin e arrestimit. Në sallonin e shtëpisë policia gjeti 25 gramë heroinë të pastër për të cilën shqiptaro-maqedonasi tha: e përdor kur kam dhimbje të këmbës. Dile Mirashi ka lindur në fshatin Fushë-Kuqe të Laçit.

Vdekja misterioze e Dile Mirashit

Dile Mirashi provoi për 30 ditë të ftohtin e qelive shqiptare dhe më pas rifitoi lirinë me vendim të gjykatës së lartë. Por njeriu që jetoi për disa vite me bosin e heroinës nuk mundi ta gëzonte lirinë për shumë kohë. Pak kohë më pas ajo vdiq. Zyrtarisht shkaku i vdekjes ishte hemorragjia cerebrale, por mbi pak njerëz e besuan këtë version zyrtar. Dile Mirashi dinte shumë gjëra për Kadriovskin dhe miqtë e tij.

Shekulli

[Albo]

AKUZA PER DROGE: Rama-Braçe, zbardhet kaseta e Kadriovskit

E ENJTE, 23 DHJETOR 2010 11:47

BRAÇE: SHANTAZHI I BERISHES/ Deputeti i PS, Erjon Braçe ka marrë një CD me akuza nga i dënuari për trafik ndërkombëtar droge, Daut Kadriovski. CD-ja i ka shkuar Braçes me postë bashkë me një kartolinë me nënshkrimin: “Ke 24 orë kohë ose
do ta publikojmë në televizione”. Në CD shfaqej Kadriovski i intervistuar nga një femër, i cili akuzon Edi Ramën dhe Erjon Braçen si përdorues dhe trafikantë droge. Akuza, edhe për dy vrasje në Tiranë dhe Shkup. Në rrëfim përmenden edhe Hashim Thaçi e Mendu Thaçi. Kush është Daut Kadriovski, i superkërkuari për trafik droge dhe i përfolur për lidhje mafioze me politikanët

Përmes një kartoline dhe një CD e cila mbante një shënim, përfaqësuesit e PS akuzohen se janë trafikantë të lëndëve narkotike, por dhe të përfshirë në vrasje. Zarfi, i cili kishte brenda kartolinën dhe CD, iu dorëzua deputetit Erion Braçe nga punonjësja e shërbimit të PS, të hënën në mesditë, ndërsa më parë zarfin e kishte sjellë punonjësi i Postës Shqiptare. Në mbështjellësen e CD, Kadriovski kishte lënë një shënim, ku thuhej: “Ke kohë 24 orë”, ndërsa ishte lënë dhe një numër telefoni që sipas Braçes ishte maqedonas. Zarfi, i cili u dorëzua në selinë e Partisë Socialiste mbante adresën e një qytetari nga Tirana, të dhëna të cilat pas verifikimit dëshmuan si të pavërteta, ndërsa shkrimi me të cilin ishte shkruar adresa dhe shënimi mbi mbështjellën e CD janë të ndryshëm. Nga burimet tona konfidenciale, mësohet se Kadriovski është filmuar para një peme të zbukuruar të Vitit të Ri dhe intervistohet nga një vajzë e re. Në tregimin e tij, Kadriovski, i cili duket i liruar nga burgu, akuzon Edi Ramën dhe Erion Braçen se janë përfshirë në përdorim dhe në trafik droge, por jo vetëm kaq, por kanë marrë pjesë dhe në dy vrasje. Sipas tij, një grua që mban emrin Vera është vrarë nga këta dy persona në Tiranë, ndërsa viktima e dytë e dyshes Rama-Braçe sipas Kadriovskit është një mashkull, i cili është hedhur nga ballkoni i katit të gjashtë të një ndërtese në kryeqytetin maqedon, Shkup. Por i dënuari për trafiqe dhe krime nga Drejtësia Italiane, Daut Kadriovski, nuk ndalet së akuzuari vetëm Ramën dhe Braçen. Në tregimin e tij para kamerës, ai akuzon pothuaj përfaqësuesit kryesorë politikë në Kosovë dhe Maqedoni. Kadriovski shprehet në videon e tij se kryeministrin aktual të Kosovës, Hashim Thaçin e ka mbajtur në shtëpinë e tij në Tiranë. Sipas tij, Thaçin e kishte punësuar në Tiranë, në një dyqan për të shitur kaseta këngësh popullore. Ndërsa për ish kreun e Kuvendit dhe aktualisht Presidenti në detyrë në Kosovë, Jakup Krasniqin, Kadriovski shprehet se kanë qenë të lidhur me të dhe kanë bashkëpunuar për të njëjtat akuza për të cilat ai vetë është dënuar. Duke folur për Mendu Thaçin, Kadriovski tregon se ka marrë për të dëshmi nga dy të burgosur në Itali, të cilët i kanë treguar aktivitetin e vërtetë të tij.

Erion Braçe
Deputeti i Partisë Socialiste Erion Braçe, pas mbledhjes së grupit të Partisë Socialiste, bëri publike për mediat përmbajtjen e një CD-je kërcënuese në drejtim të tij dhe kryetarit të Partisë Socialiste Edi Rama. Duke hedhur poshtë përmbajtjen e kësaj cd-je kërcënuese Braçe, shigjeton kryeministrin Berisha dhe deklaron se ai ka qenë në dijeni të përmbajtjes së zarfit dhe këtë e bën sipas tij, për të penguar transparencën e kërkuar nga PS. “Sali Berisha në cilësinë e kryeministrit të Republikës është angazhuar personalisht në ndërprerjen e fushatës së transparencës, duke kërcënuar drejtpërdrejt njerëzit që po i tregojnë shqiptarëve vjedhjet e Sali Berishës. Sali Berisha po bashkëpunon me krimin e organizuar”, tha Braçe. Për përmbajtjen e CD-së theksoi Braçe është vënë në dijeni edhe Presidenti i Republikës, ndërsa shton se “kam marrë kontakte edhe me Prokurorinë e Tiranës”

“Berisha më akuzoi për lidhje me Kadriovskin”
Deputeti socialist duke shigjetuar kryeministrin Berisha, se qëndron prapa akuzave të artikuluara nga Kadriovski, solli në vëmendje një debat të tij me kryeministrin gjatë një seance parlamentare. “Seanca është e datës 25 nëntor 2010 dhe menjëherë mbas fjalës sime, në emër të grupit parlamentar të PS, në sallën e kuvendit, Sali Berisha, më është shprehur ekzaktësisht kështu:
‘Pse nuk e thua? Jo more zotëri, ti je i keqpërdorur. Një njeri nuk keqpërdor një njeri që ka një histori shumë të dhimbshme personale, një histori të dhimbshme sociale dhe politike. Ti i di shumë mirë lidhjet e tij me Kadriovskin, se janë edhe të tuat. Po, po janë edhe të tuat se janë me dëshmi. Ti di shumë mirë historinë e të ndjerës Din, se është historia jote dhe e Edi Ramës. Ti i di shumë mirë historitë e Ginës, ti je zëvendësi i tij këtu sot prandaj edhe ti nuk vuan as përpara shpirtrave të katër foshnjave’”, u shpreh Braçe.

Rama e Braçe te Topi, për kërcënimet e baronit të drogës
Pas denoncimit të cd-së që i kishte ardhur nga Daut Kadriovski, deputeti i Partisë Socialiste, Erion Braçe ka zbuluar dje edhe arsyet përse ka takuar dy ditë më parë Presidentin Bamir Topi. Në konferencën për shtyp, ai tha se “Duke gjykuar këtë moment të rëndësishëm, dje kryetari i PS Edi Rama dhe unë në cilësinë e deputetit i Republikës së Shqipërisë, kemi marrë kontakt me Presidentin e Republikës, e kemi informuar për gjithçka po ndodh, i kemi vënë në dispozicion këto dokumenta dhe këto fakte”, sipas Braçes “natyrisht që kemi paralajmëruar se ne jemi në dijeni të qartë dhe të plotë të një angazhimi serioz të Sali Berishës, për të vijuar këtë veprimtari kriminale përkundrejt opozitës politike në Shqipëri dhe me të tjera raste përmes një strukture okulte brenda radhëve të Policisë së Shtetit, që po shëtit qeli më qeli të këtij vendi, madje dhe jashtë tij për të gjetur njerëz të inkriminuar dhe për të mbledhur dëshmi në thonjëza të rreme, qartësisht të rreme përkundrejt përfaqësuesve të opozitës për ti mbyllur gojën”. Në të njëjtën kohë, deputeti i opozitës bëri të ditur, se i është drejtuar edhe Prokurorisë. “Menjëherë pas kontaktit me Presidentin e Republikës, në vijim të angazhimeve tona institucionale sot në mëngjes kam marrë dhe kam vënë në dijeni prokurorin e Prokurorisë së Rrethit Gjyqësor të Tiranës. Për sa kohë, që vepra penale e shpifjeve dhe shantazhit të drejtpërdrejtë kundër deputetit të Kuvendit dhe kryetarit të partisë, për shkak të detyrës është kryer në territorin e Tiranës”.

Paloka: CD-ja, luftë mes klaneve të drogës
Partia Demokratike reagoi dje menjëherë pas akuzave të deputetit socialist, Erion Braçe. Nënkryetari i grupit parlamentar demokrat, Edi Paloka, tha në një deklaratë për mediat se “gjatë gjithë këtyre viteve, në të gjitha grupet e mëdha të drogës, të Kadriovskit, Ginës, të Aldo Bares, emri i kryetarit të Bashkisë së Tiranës është lakuar gjerësisht në raporte dhe media”. Duke u ndalur në përmbajtjen e regjistrimit, një pjesë të të cilës e zbuloi deputeti i PS-së, Erion Braçe, Paloka thotë se ajo është një luftë mes klaneve të drogës. “Dalja e sotme e çakallit të Edvin Ramës dëshmon thjeshtë luftën midis klaneve të drogës, e fakton në mënyrë të qartë lidhjet e Edvin Ramës, të cilat janë bërë të njohura dhe publike në mënyrë të përsëritur”, shprehet përfaqësuesi i maxhorancës.

Panorama

[Albo]

Kadriovski, profili i njeriut super të kërkuar në 3 shtete

Daut Kadriovski, njeriu që sot është personi më i kërkuar në tre shtete: Serbi, Maqedoni dhe Kroaci, i cilësuar si “ujku gri”, anëtar i bandës që ushtronte aktivitet në Romë në mesin e viteve ’90, është cilësuar si bosi më i madh i 15 familjeve mafioze. Të paktën 13 vende në botë, pas vitit 1985 e kanë konsideruar Daut Kadriovskin si një prej trafikantëve më të mëdhenj në Europë. Lidhja e tij me Shqipërinë, të paktën ajo që është dokumentuar, ka qenë më 3 tetor të vitit 2001, kur u arrestua në Durrës, për llogari të drejtësisë italiane. Ai u ekstradua në janar të vitit 2002, por gjatë gjykimit fitoi statusin e të penduarit. I akuzuar dhe për vepra të tjera, shqiptaro-maqedonasi në fillim të shkurtit 2002, nga brenda qelisë i ka dërguar një letër shtypit shqiptar.
LETRA PER MEDIAN
Në letrën që i dërgoi në vitin 2002 mediave shqiptare, Kadriovski flet për veprimtaritë e tij, miqtë, armiqtë, trafikun, njerëzit e pushtetshëm që u njohën dhe u lidhën me të, si dhe trafikun e kokainës dhe heroinës. Madje, rrëfehet edhe se kush ia kërkonte mallin e ndaluar, që fillimisht e nxirrnin në Greqi me makina me targa RSH, si dhe njerëz të pajisur me pasaporta diplomatike. Të gjitha këto ai i shkruante në një letër drejtuar shtypit shqiptar. “Për veprat që akuzohem, bëhet fjalë në vitet ’90, ’91, ‘92, në kohën kur kam qenë në Australi, munden të dëshmojnë mbi 100 artistë. Si shembull e kisha rastin në Amerikë, kur pa dashje isha në vilën e një ish-funksionari të rëndësishëm, nuk e di a është akoma, L.H. Aty u bënte paketimi i kokainës, në krye me mikun tim, e pastaj u bë dhe mik i A.B. A mendoni se ish-funksionari nuk ka dijeni për ngarkesat dhe paketimet që bëhen në vilën e tij në Amerikë dhe i pret në Rinas me makinë “RSH”, si punë delegacioni? Sikur të ishit të guximshëm dhe gazetarë të vërtetë, do të zbulonit arinjtë në vend të lepujve. Unë me dëshirë do ju udhëzoja, mirëpo në situatën që gjendem duhet shumë guxim, se personi që ma montoi procesin e Romës ka lidhje me disa njerëz të rëndësishëm...”, thuhet në një pjesë të letrës së tij.

VEPRIMTARIA KRIMINALE
Në mars të vitit 1984 doli për herë të parë në skenë emri i Daut Kadriovskit, i njohur edhe me emrin Mehmet Hajdini. Në atë kohë u arrestuan në Gjermani disa shqiptarë nga Kosova, të cilët u kapën me heroinë dhe dëshmuan se punonin për “bosin” Daut Kadriovski. Një vit më vonë ai u arrestua vetë në Stamboll të Turqisë, më 6 shkurt të vitit 1985. Autoritet i konfiskuan në atë kohë disa vila, jahte dhe makina luksoze, që ishin në pronësi të bosit të trafikut. Ai mundi të arratiset nga burgu dhe arriti të strehohej në SHBA, ku dyshohet se vazhdoi aktivitetin e tij kriminal në Nju Jork dhe Filadelfia, si një i njohur i familjeve të “Cosa Nostras”. I konsideruar si një prej trafikantëve më të njohur të heroinës afgane në Amerikën e Veriut, emri i Daut Kadriovskit numërohej në krye të listave të personave më të kërkuar në botë, në 13 shtete. Veprimtaria e organizatës që ai drejtonte vazhdoi për disa vjet me radhë, duke trafikuar kokainë e heroinë, që nga viti 1985 e deri në vitin 1990. Ai u arrestua për herë të dytë në Turqi në vitin 1991, ku qëndroi për 5 vjet dhe që prej asaj kohë ndenji i lirë, derisa u arrestua në vitin 2001 në Durrës. Aktualisht, Kadriovski nuk është më i kërkuar në 13 shtete, por vetëm në 3 prej tyre, Maqedoni, Serbi dhe Kroaci.

LETRA E KADRIOVSKIT

“Unë nuk them se jam engjëll. Kam bërë vepra aq të rënda; nisur nga armët, vrasjet, droga e të tjera punë, por i kam bërë kundra Jugosllavisë, e jo kundra Shqipërisë e as Italisë dhe në këtë rast jam i pafajshëm. Ne kemi qenë mbi 100 veta në grup që punonim dhe e mbushnim Beogradin me drogë pa asnjë lloj fitimi, se agallarët e Beogradit nuk kujdeseshin për fëmijët e tyre, por si t’i zhduknin kokat dhe popullin e Kosovës dhe neve me atë që mundeshim e bënim. Unë nuk fsheh realitetin, sikur edhe unë të bëhem engjëll është e kotë, se dihet procesi i Prishtinës e çfarë ka folur ish-shefi i policisë serbe, tani ministër Rendi (viti 2002), i cili ka qenë i plagosur rëndë nga ana ime. Më kujtohet shumë mirë kur doli në televizion e gazetarët thanë: - A mendoni se keni korrur sukses pa u kapur “Ujku”? Kurse te prokurori është pasaporta ime me mbiemrin Kadrija dhe në flet- arrestin që më dhanë në drejtori shkruhej “Kadriu”. Gjurmoni pak sa e kam pasur....”

ETLEVA DELIA

Panorama

[beni33]

Ndoshta Edhe Hashim Thaqi Esht Ne Ket Afer Kriminele Ka Mundedsi Shum

[Albo]

Padi Kadriovskit Edi Rama takon Kryeprokuroren

TIRANE-Kreu i Partisë Socialiste Edi Rama ka zhvilluar sot një takim në Prokurorinë e Përgjithshme me kryeprokuroren e përgjithshme Ina Rama për padinë e ngritur nga PS, ndaj të dënuarit për trafik ndërkombëtar droge, Daut Kadriovski.

Në takim kryesocialisti Rama ka shprehur shqetësim rreth kërcënimeve që kishin ardhur në adresë të tij dhe deputetit të qarkut të Beratit Erion Braçe në një CD që mbante adresë Maqedonie, ku në përmbyjtje thuhej “Keni 24 orë kohë, ndyrshe publikohet”.

Një ditë më parë Deputeti i PS, Erjon Braçe dorëzoi në Prokurori një padi ndaj Daut Kadriovskit, ku e akuzon per shpifje e shantazh për shkak të detyrës. Sipas Braces, Kadriovski e kishte kërcënuar atë, kryetarin e PS-së Edi Rama dhe shumë deputetë të PS.

Ndërkohë po dje, rreth mesditës, deputeti Braçe theksoi në një konferencë për shtyp se në adresë të tij dhe të Ramës kishte ardhur një CD ku Kadriovski akuzonte Edi Ramën dhe Erjon Braçen si përdorues dhe trafikantë droge.
Brace e cilësoi Kadriovskin si një person të shumëkërkuar në 13 shtete të botës, ndërsa akuzoi kryeministrin Sali Berisha se ka dijeni rreth këtyre shantazheve.

(d.b/BalkanWeb)