Frankfurt, 20 dhjetor – Në një shkrim me titull, “Ëndrrat panshqiptare”, “Frankfurter Allgemeine Zeitung” gjermane shqyrton sesa seriozisht duhet marrë idenë mbi bashkimin e territoreve, në të cilat jetojnë shqiptarët, pas suksesit të lëvizjes “Vetëvendosje” në zgjedhjet e fundit në Kosovë, e cila angazhohet për krijimin e “Shqipërisë së Madhe”, siç e quan kjo gazetë. Gazeta me këtë rast rikujton deklaratën e kryeministrit shqiptar, Sali Berishës, i cili me rastin e shpalljes së pavarësisë së Kosovës pat dhënë se ky opsion, që jeton me dekada, “nuk ka potencial” dhe se qëllimi kryesor është bashkimi në Bashkimin Evropian. Qëndrim i ngjashëm ka mundur të dëgjohet edhe nga personalitetet e tjera shqiptare, transmetojnë shkrimin mediet gjermane.
Gazeta gjermane tani vlerëson se pas zgjedhjeve parlamentare kohë më parë në Kosovën e pavarur, situata është pak më ndryshe, meqë Partia “Vetëvendosje”, e politikanit opozitar kosovar, Albin Kurti, për të cilin bashkimi me shqiptarë ishte një nga kërkesat kryesore gjatë fushatës, ka marrë 12.2 % të votave dhe është bërë fuqia e tretë politike në vend dhe se edhe në radhët e partive të tjera të mëdha kjo ide ka ithtarë.
Gazeta transmeton “reagimin me nervozitet” të deputetit të gjelbërtve në Bundestagun gjerman, Mairuluize Bek, e cila ka theksuar se bashkësia ndërkombëtare duhet t’ia bëjë qartazi me dije Kurtit se “nuk do të ketë kurrfarë ndryshimi kufijsh në Ballkanin Perëndimor. Një kërkesë e tillë (e Vetëvendosjes) paraqet rrezik real për territorin me plot konflikte”.
Të tjerët përpiqen ta qetësojnë situatën duke theksuar se kjo kërkesë ishte vetëm truk zgjedhor për të fituar votat e shqiptarëve në zonat kufitare. Gazeta vlerëson se nuk mund të bëhet fjalë vetëm për truk parazgjedhor, duke pasur parasysh se në programin parazgjedhor 100 pikësh kjo parti flet në hollësi për bashkimin. Aktualisht është pak e besueshme se në Kosovë e Shqipëri do të deklaroheshin shumica për çfarëdo bashkimi vlerëson gazeta, duke shtuar se shqiptarët e Kosovës nuk do të hiqnin dorë në favor të Tiranës nga pavarësia e sapofituar.
Shumë më e rëndësishme është fakti se shqiptarët do të mund të zgjidhnin vetëm ndërmjet anëtarësimit në BE dhe shtetit të përbashkët. “Shqipëria e Madhe mund të bëhet rëndësi reale vetëm nëse Shqipërisë e Kosovës u mbyllet udha për në BE”, përfundon gazeta.
Gazeta gjermane thekson se në kuadër të programit të Vetëvendosjes kërkohet heqja e nenit të kushtetutës, në të cilin theksohet se Republika e Kosovës nuk ka pretendimet territoriale ndaj asnjë shtetit tjetër ose pjese të ndonjë shteti tjetër, e as të synojë bashkimin me shtet tjetër, ose ndonjë rajoni tjetër të saj. Gazeta vlerëson se ky program mund të përjetojë disfatën e parë në referendumin për të cilin angazhohet Kurti.
Përgjigju Duke Cituar
p.o.rdh e ftoft o kjo.
Postuar më parë nga Hard
Krijoni Kontakt