Morali i dijetarëve!

[LOGIC]

سبحان الله وبحمده سبحان الله العظيم
SUBHANALLAHI VE BIHAMDIHI SUBHANALLAHIL ADHIM
Ngjarje e vërtetë
Të cilën e rrëfen një person i cili thotë:
Isha në I’tikaf në Qabe gjatë dhjetë ditëve të fundit të Ramazanit, pas namazit të Sabahut, merrja pjesë në ligjëratat e hoxhës ibn Uthejmin –Allahu e mëshiroftë –
Gjatë ligjëratës hoxhën e pyeti një nxënës për një çështje se si e komenton ai atë, dhe si e ka komentuar hoxha ibn Bazi Allahu e mëshiroftë.
Hoxha jonë i nderuar iu përgjegj në pyetje duke folur fjalë të mira për hoxhën ibn Baz Allahu i mëshiroftë të gjithë hoxhallarët .
Derisa unë isha duke ndëgjuar ligjëratën afër meje qëndronte një djal i ri i cili kishte afër 30 vjet dhe qante me lot dhe me zë sa që të gjithë të pranishmit e ndëgjuan.
Pasi që hoxha e përfundoi ligjëratën dhe u larguan njerëzit, iu afrova edhe pak më afër duke e pyetur, pasi që e përshëndeta me selam:
Si je vëlla? Për çfarë po qan?
Mu përgjegj me një gjuhë të thyer.
Ska gjë, ska gjë ... por mu kujtua Ibn Bazi Allahu e mëshiroftë për atë qava.
Nga të folurit e tij e kuptova se ai ishte nga Pakistani apo Afganistani por i veshur me rroba saudiane.

Më tha se më ka ndodhur me hoxhën ibn Baz një ndodhi:
Para dhejtë viteve punoja në një firmë si rojtar në qytetin e Taifit, ndërkohë me erdhi një letër nga Pakistani ku më treguan se nëna ime ishte e sëmurë shumë dhe se nëse nuk operohej brenda 10 ditëve mund të vdiste. Operacioni kushtonte 7000 Real Saudike kurse unë kisha vetëm 1000 Real.
Kërkova nga pronari i firmës ku punoja një borxh, mirëpo ai refuzoi kërkesën time.
Fillova të qaj, nuk dija çfarë të bëja për nënën time që me kishte rritur dhe edukuar me shumë vuajtje.
Pranë firmës ku punoja ishte një shtëpi e madhe dhe e bukur, vendosa të hy në atë shtëpi natën dhe të vjedh ndonjë gjë për ta shitur.
Kërceva mbi murin e shtëpisë dhe hyra në oborr, por nuk kaluan disa minuta dhe me kapi policia, u habita nga kjo shpejtësi e policisë dhe thashë: ku pasna hyrë unë? duke pyetur veteveten i habitur.
Më dërguan në stacionin policor por nuk më mbajtën shumë, përsëri më kthyen në atë shtëpi që hyra, tash u habita edhe me shumë, çfarë po ndodhë. Nuk kaloi shumë kohë dhe dëgjova ezanin e sabahut, filluan njerëzit të zgjohen, e në mesin e tyre ishte edhe një plak të cilin e mbanin për dore sepse si duket ai nuk shihte. Më tha njëri nga të pranishmit: a keni abdes? Thash jo, aty eshtë vendi për abdes mund ta shfrytëzoni. Subhanallah unë po habitem me këto sjellje sikur të mos isha hajn por ndonjë anëtar i kësaj familje. Xhamia ishte afër, shkuam të gjithë së bashku në xhami dhe pas namazit ai plaku mbajti një ligjëratë para të pranishmëve, unë e pyeta njërin nga xhemati kush është ky hoxhë? Më tha nuk po e njeh, thash jo!!! Ibn Bazi është ky. Unë ula kokën nga turpi që kisha bërë thashë në vete kam hy në shtëpinë e hoxhës për të vjedhur o zot çfarë kam bërë unë.
Pas namazit u kthyem së bashku në shtëpinë e hoxhës dhe më afruan mëngjes për të ngrënë.
Pas pak erdhi hoxha dhe mu afrua duke më pyetur a ke ngrënë mëngjes? Thashë po .
Si të quajnë? Thashë Murteda
Pse ky po vjedh ?
Unë me shumë sinqeritet i tregova hoxhës duke i treguar për rastin e nënës.
Ai më tha mirë në rregull unë po ti jap 9000 Real, i thashë jo vetëm 7000 kërkohen. Më tha: të duhen për shpenzime tjera.
I mora paratë, e falenderova hoxhën dhe i kërkova falje. Pa humbur kohë udhëtova për në Pakistan ku arrita ti ndihmoj nënës dhe ajo u operua falë Zotit pati sukses dhe unë pas 5 muajve përsëri u ktheva në Saudi dhe drejt shkova te hoxha për ti treguar për nënën time dhe se ajo është lutur për hoxhën dhe familjen e tij dhe i kërkon falje për sjelljen jo të mirë të djalit të saj.
Po, dhe ia ktheva 1500 real. Më pyeti hoxha: çfarë janë këto? I thashë më kanë tepruar, më tha këto janë tuajat, të duhen, mbajë për vete o biri im.


Pasi që hoxha përfundoi bisedën iu drejtova me një kërkesë duke i thënë: o hoxha im i nderuar, kam një kërkesë nga ju dhe të lutem mos ma refuzo, me prano të jem shërbëtori yt, më tha mirë, në rregull.
Pas ca kohe, më tregoi një nxënës i hoxhës duke më treguar për ngjarjen time se kur i treguan hoxhës për mua se më kishte marrur policia hoxha ishte bërë shumë nervoz dhe kishte kërkuar që menjëherë të më kthejnë në shtëpinë e hoxhës dhe ashtu ndodhi.
E kështu pra kur e kujtova hoxhën nuk munda ta mbajë veten nga lotët.
Kështu është pra morali i dijetarëve.
Përktheu nga Arabishtja
Nazmi Shaqiri