Nje ngjarje shume Interesante per femrat !!

[Explorer]

Si ta perfitoj zemren e bashkeshortit !!!

Një grua shkoi tek një dijetar duke menduar se ai është magjistar dhe kërkoi nga ai që ta bëjë një magji, me të cilën pastaj burri i saj do ta dojë atë më shumë se çdokush në botë që e do gruan e tij. Por, ai duke qenë dijetar dhe edukator, i tha asaj:
- Ti po kërkon një gjë që nuk është e lehtë, po kërkon një gjë që është shumë e madhe. A do të jesh e gatshme të bartësh çdo gjë me të cilën do të ngarkoj?
Gruaja: Po.
Dijetari: Dëshira jote nuk mund të plotësohet, përveç nëse më sjell një qime nga qafa e luanit.
Gruaja: Luanit?!
Dijetari: Po.
Gruaja: Si mund ta bëjë këtë pasi që luani është egërsirë dhëmbë shkyese dhe mund të më mbytë, a nuk ka ndonjë zgjidhje më të lehtë dhe më të sigurt?
Dijetari: Nuk mund të plotësohet dëshira jote, që të të dojë burri aq shumë, përveç nëse e bën këtë. Por, ti mendo mirë se mund të gjesh zgjidhje të përshtatshme që t'ia arrish këtij qëllimi.
U kthye gruaja, dhe filloi të mendojë si ta arrijë këtë, por vështirë t'i gjente vetës zgjidhje. Atëherë u takua me disa gra, të cilave u besonte dhe nga të cilat dilte dituri dhe urtësi. Njëra prej tyre i tha, se luani mund të të kafshojë vetëm kur është i uritur, andaj ti ushqeje mirë dhe ngope me mish, që pastaj të jesh e sigurt prej dëmit të tij.E mori gruaja këtë këshillë, mbushi qeset me mish, dhe u nis rrugës për të realizuar dëshirën. Filloi nga larg t'ia hedh mishin luanit, derisa dita ditës duke iu afruar pak nga pak, arriti që të qëndroj përballë luanit, duke mos pasur dëm nga ai, pasi që ai nuk dyshonte në dashurinë dhe mirësinë e saj, derisa filloi t'ia përkëdhelë kokën, dhe arriti që të marrë një qime prej qafës se tij.Pasi e mori atë, filloi me të shpejtë dhe përplot gëzim, të kthehet të dijetari për të cilin mendonte që është magjistar, që t'ia jep qimen dhe ta realizon ëndrrën e saj, e ta përfitojë zemrën e burrit të saj njëherë e përgjithmonë.Kur e pa dijetari qimen qe ia kishte sjelle ajo,
e pyeti:
- Çka bëre... si arrite deri te kjo qime?
- Gruaja u pergjigj: Sëpari kam përdorë metodë të logjikshme dhe shumë te përshtatshme, derisa ia zbuta zemrën luanit, e pastaj gradualisht, me durim të shumtë, dhe me mund maksimal.
Kur i dëgjoi dijetari fjalët e saj, dijetari i tha:- Oj robëreshë e All-llahut, burri yt nuk është asnjëherë me i ashpër dhe më i egër se luani, andaj përdore ndaj burrit tënd metodën që ke përdorur ndaj luanit, zbutja dhe përfitoja zemrën atij, ashtu siç ia fitove luanit, e pastaj jep mund dhe duro, do të fitosh atë që ke kërkuar.