Në shkrimin e tij apologjetik dhe obsesiv për të Majtën (dhe jo për herë të parë) me titull ‘’Opozita dhe Udhëheqësi i fundit komunist’, analisti sallak Mentor Nazarko justifikon me çdo mjet dështimin e rradhës të së majtës për të miratuar komisionin hetimor duke u bazuar në dyshime, duke i a hedhur çdo faj e çdo problem të parealizuar maxhorancës qeverisëse.
Është e vërtetë se në një qeverisje si kjo pa një opozitë konstruktive dhe për më tepër pa një opozitë e cila përpiqet të destabilizojë vendin edhe kështu në vështirsi ekonomike (vështirësi të cilat ndjehen në tërë BE e sidomos tek partnerët tanë tregëtarë), kokëfortësia e opozitës për të hapur njëherë kutitë, njëherë tjetër për të krijuar komision hetimor, herën e fundit për të bërë demonstrata në të rë vendin për herë të dytë e deri në mosbindje civile, i ngjan gomaricës së Bilamit, historinë e së cilës e njeh kushdo që ka lexuar Testamentin e vjetër. Me pak fjalë kjo histori i ngjan shumë realitetit të sotëm ku analistë të ndryshëm i ngjajnë gomaricës së Bilamit e ky i fundit në këtë rast është vetë PS që s’po kupton realitetin e sotëm por përpiqet tua hedhë fajin të tjerëve, faj të cilin e ka vetë ajo për fat të keq.Kur mbreit moavas Balaku i kërkon ndihmë një magjistari me emrin Bilam për të fituar mbi izraelitët me çdo kusht. Bilami i lutet Zotit por Zoti i thotë nuk duhet të mallkosh një popull të cilin unë e kam bekuar. Balaku insistoi por Bilami tha që edhe sikur Balaku të më japë gjithë arin e botës unë nuk e ndihmoj dot sepse Zoti është në anën e izraelitëve (kundërshtarëve të mbretit Balak). Natën e tretë Zoti nuk e lejoi magjistarin Bilam që të shkojë tek mbreti Balak por Bilam-magjistari të bënte ashtu si do ta urdhëronte Zoti. Megjithatë Bilam-magjistari u nis për të shkuar tek mbreti Balak me gomaricën e tij. Në një moment engjëlli i Zotit i zuri rrugën Bilamit të hypur mbi gomaricë, Bilami nuk e pa, por e pa gomarica e cila ndërroi udhë dhe u fut në ara. Bilami e goditi gomaricën për ta drejtuar në rrugë. Gomarica duke parë engjëllin e Zotit që rrinte në mes të rrugës (por të cilin nuk e shihte Bilam-magjistari), u tregua kokefortë dhe nuk ecte, u rras në një mur dhe Bilami vrau këmbën. Nga inati Bilami rrahu gomaricën me egërsi. Atëhere engjëlli i Zotit e zuri komplet udhën, Gomarica kur pa se nuk kishte nga shkonte u ul në gjunjë. Bilami rrahu përsëri egërsisht gomaricën që ajo të çohej e të ectë. Atëhere Zoti i dha Gomaricës aftësinë e të folurit dhe gomarica i flet Bilamit:
’Më ke goditur tre herë me pa të drejtë, cfarë të kam bërë?’
–‘ti po tallesh me mua i a ktheu Bilami i habitur-po të kisha shpatë do të vrisja’.
Gomarica i përgjigjet:
’ ti më njeh mirë sepse ke kohë që më nget. Kur ke qënë ndonjëherë i pakënaqur nga unë?’
- ‘Asnjëherë’ u përgjigj Bilami.
Atëhere Zoti i a hapi sytë Bilamit, dhe Bilami pa ëngjëllin që qëndronte në mes të rrugës dhe ra përmbys për ta adhuruar.
‘përse e rrahe Gomaricën’.i tha ëngjëlli;
‘veprova gabim dhe bëra keq, nuk e dinja se ti më zure rrugën’, u përgjegj Bilami;
‘Mirë -i tha ëngjëlli- shko tek mbreti Balak, por vepro vetëm ashtu si të kam këshilluar’.
Kur vajti tek Mbreti Balak, ai itha se përse u vonua. ‘Ja ku erdha’. Mbreti Balak pasi therri bagëti dha para, u përpoq ta bindte Bilamin të bekonte ushtrinë e tij, por Bilami nuk u korruptua dhe zbatoi porosinë e Zotit dhe bekoi Izraelin mu aty, në mbretërinë e Balakut. Ai tha: ‘S’mund të them asgjë tjetër përveçse asaj që Zoti më vuri në gojë të them’.
Fabula merret vesh po të vendosësh në vënd të gomaricës-analistët e majtë, Balaku është drejtuesi i PS, Bilami është drejtuesi i PD.
Nuk mund të mos vësh re me habi dhe keqardhje fraza të thëna e të stërthëna të cilat analisti ynë sallaks kërkon të fajësojë medomeso e në çdo veprim maxhorancën duke harruar se është e majta ajo që është pa program, e përçarë sa më s’ka, plot ish-nomeklaturistë të PPSH dhe militantë apo servilë të tyre, dalja e të cilëve në parlament apo gjetkë vetëm na kujton të kaluarën. Nuk mund të pajtohesh me fraza të tilla të thëna nga ju si analist p.sh,:
‘’Duhet të ketë qenë vërtet diçka e madhe ajo që e pengoi zotin Berisha të na e hiqte nga dora këtë fitore historike dhe strategjike, që duke koinciduar me raportin e Dik Martit, do të shkëlqente më shumë si fitore. Aq e rëndësishme ka qenë arsyeja sa e pengoi zotin Berisha të mos dëgjonte as rekomandimet amerikane për zgjidhjen e krizës së zgjedhjeve, të cilat morën forcë të madhe në gojën e zëvendëssekretarit amerikan të Shtetit, Kantrimen. Praktikisht, Berisha nuk dëgjoi as Europën, as Amerikën të marrë së bashku, dhe ajo çka e ka shtytur duhet të jetë diçka unike, për të cilën ai nuk lëshoi pe para askujt’’.
E përse ky diz-informim z. Nazarko? çlidhje ka Berisha dhe Maxhoranca me raportin e Dick Martin? Nëse ka patur një njeri të bindur dhe zbatues të strategjisë amerikane në Ballkan dhe në Europë ë më tutje në botë-ai është vetë Berisha, është pikërisht Maxhoranca e cila futi Shqipërinë në NATO, hoqi vizat, bëri kërkesën zyrtare për kandidat në BE, dhe refuzimi i përkohëshëm nuk dot thotë përgjigje negative por një shtyrje pikërisht sepse e majta me politikën e saj anti-integrim dhe anti-BE keq-informon publikun dhe elektoratin saj të majtë duke mos bërë kompromise strategjike për ngjarje kombëtare, dhe përkundrazi duke i hedhur benzinë zjarrit për ti thënë BE se: ’ e sheh? Gjërat këtu nuk shkojnë mirë’.
Duke mos u mjaftuar me kaq, por përkrahja e të majtës njerëzve anarkistëv (apo më mirë Trockistë) si z. Spartak Ngjela i cili kërkon mos-bindje civile e revolucion, ka distancuar mjaft njerëz përfshi dhe nga elektorati i majtë i cili është mos lesues ndaj politikave aktuale të PS.
Është e vërtetë gjithashtu që PD dhe maxhoranca që ajo drejton ka bërë gabime, ka patur ngjarje me të vërtetë fatkeqe, por kjo nuk e përjashton të majtën nga përgjegjësia, sepse ngjarjet që kanë ndodhur, mund t’i ndodhnin dhe PS nëse ajo do të ishte në pushtet, për arsye se realiteti dhe keq-qeverisjet e mëparshme, mungesa e eksperiencës, kanë grumbullar një mori problemesh të cilat duhen zgjidhur së bashku e jo duke i a hedhur fajet vetëm njërës palë.
E kjo nuk ju nderon i respektuar zotëri. Ju nuk mund të shpreheni se z. Berisha është anti –amerikan. Këtë frazë mund ta thotë vetëm një amator.
Ju gjithashtu nuk mund të shpreheni se:
‘Opozita e drejtuar nga Edi Rama, e reduktoi kërkesën e saj themelore nga hapja e kutive, në hetimin e materialeve zgjedhore, duke i marrë ato drejtpërdrejt nga KQZ-ja, e jo duke pritur afatet e Arkivave. Kjo do të thotë se ajo e hoqi prej vetes një pjesë të fajit në moszgjidhjen e krizës. Në fillim të kësaj krize, një kërkesë e tillë dukej plotësisht e realizueshme, ndaj nëse qeveria ka ringrënë vazhdimisht të gjithë premtimet, atëherë fajtorja është ajo’.
Këto fraza fëminore mund të gënjejnë vetëm ndonjë të huaj, i nderuar z. Nazarko. Ne e dimë se Ju paguheni për të mbrojtur të majtën por deri këtu nuk mendoj se ju nderon.
Herë tjetër kur të shkruani apo kur të debatoni në televizionet e majta tek të cilat shohim vetëm disa fytyra analistësh apo militantësh që përdredhin fjalët e frazat edhe kur s’kanë çtë thonë, -flisni si analist i mirwfilltë e të paktën tregohuni realist.
Ashtu si ka thënë me fjalë ndryshe nga ato të Biblës I.Kadare: ’kur gjysma ha gjysmën e tëra s’është më’, ju përkundrazi duhet të debatoni p.sh, se si këto dy grupime të mëdha politike të mund të gjejnë gjuhën e përbashkët dhe jo të mbroni njërën palë.
E çfarë dallimi do të kishit me sharës dhe ofendues të zakonshëm të rrugës apo të kafeneve? Ndoshta jeni dhe ju i tillë por hë për hë nuk e besoj.
Jepini popullit mundësinë e gjetjes së kompromisit dhe mos u bëni ju z. Nazarko një nxitës i mërzitshëm i pasioneve politike të së majtës.
Përgjigju Duke Cituar
Krijoni Kontakt