Klubi i Prishtinës zbulon planin “B”, të ndërtojë seli në Kukës

[DYDRINAS]

Prishtina zbulon planin “B”, të ndërtojë seli në Kukës

Nga Bashkim Shala

Klubi i Prishtinës mendon se UEFA dhe FIFA do ta lejojnë të marrë pjesë në kampionatin shqiptar nëse shpërngulet me seli në Kukës

Klubi më i suksesshëm i futbollit në Kosovë, Prishtina, nuk heq dorë lehtë nga plani për të marrë pjesë në superligën shqiptare. Pas përgjigjes negative që dha zyrtarisht FIFA në adresë të FSHF-së, për pjesëmarrjen e dy klubeve të Kosoves në superligën e Shqipërisë, zyrtarë të Prishtinës kanë zbuluar edhe planin “B”.

Presidenti i klubit “bardhekaltër” të kryeqytetit të Kosoves, Remzi Ejupi, thotë se gjatë javës së ardhshme do të mundohet të kryejë të gjitha proceduarat ligjore për ta bërë klubin “Prishtina” me seli edhe në qytetin e Kukësit. Dhe, nëse e realizon këtë, ai mendon se nuk do të ketë asnjë pengesë juridike, qoftë edhe nga UEFA e FIFA, që Prishtina nga sezoni i ardhshëm të luajë në Shqipëri. Ai pohon se gjatë kësaj jave do të udhëtojë në Shqipëri ku do të kërkojë mbështetje nga zyrtarët e klubeve dhe nga Federata Shqiptare e Futbollit për idenë e re.

Klubi i Prishtinës në mes të dhjetorit kishte kërkuar nga FSHF-ja që t’i lejohej të merrte pjesë në kategorinë superiore të Shqipërisë. Komiteti Ekzekutiv i Federatës Shqiptare të Futbollit ka shqyrtuar më 12 janar kërkesën e Prishtinës dhe e ka mbështetur parimisht, por nuk ka marrë një vendim të prerë, në pritje të shprehjes së një opionioni nga FIFA dhe UEFA.



Kundërshtimi i FKF-së

Federata Kosovare e Futbollit po më 12 janar i ka nisur një letër FSHF-së. Sekretari i përgjithshëm i FKF-së ka bërë të ditur se kërkesa e Prishtinës është paraqitur në një kohë aspak të përshtatshmë, pasi federata e Kosovës por tenton që të pranohet në FIFA e UEFA. “Në letër fillimisht kemi falenderuar presidentin e FSHF-së, Armand Duka, për kontributin që ka dhënë për futbollin e Kosovës. Kemi njoftuar se kjo është hera e dytë që Prishtina vepron pa e njoftuar paraprakisht FKF-në.

Kemi shkruar se ideja është interesante, por e paraqitur në një kohë shumë të ndjeshme”, – ka thënë Salihu. Ai ka shtuar gjithashtu se federata e Kosovës i ka bërë kërkesë UEFA-s që të lejohet të luajë ndeshje miqësore me shtetet që e kanë pranuar Pavarësinë e Kosovës.

“Më 24 ose 25 janar Komiteti Ekzekutiv i UEFA-s do të mblidhet për herë të parë për 2012-ën dhe me shumë mundësi do të diskutojë mbi kërkesën tonë për zhvillimin e ndeshjeve miqësore me shtetet që e njohin Kosovën. Për këtë arsye kërkesa e Prishtinës nuk është në kohën e duhur,” – ka sqaruar Salihu.

http://www.qendra.info/sport/45912-prishtina-zbulon-planin-%E2%80%9Cb%E2%80%9D-t%C3%AB-nd%C3%ABrtoj%C3%AB-seli-n%C3%AB-kuk%C3%ABs.html

[Qyfyre]

sikur e ka FFK federata e kosoves


po ide e mire e Prishtines qe ka bere seli ne shqiperi

[Niko_]

Nuk mendoj se do ta lejojnë që të futet menjëherë në superligë. Do ti duhet t'ja fillojë nga kategoria e 2-të, megjithatë ësht një mendim i mirë.

[beni33]

te gjitha rruget na shpijn ne shqiperi o vllezer si duket edhe ato genjeshtra qe i benin disa udheqes te klubeve te kosoves se dote pranohemi ne UEFA DHE FIFA ran ne uj dhe kta matrapaz kundershtonin me gjdo kusht bashkimin e klubeve te kosoves me at o te shqipris

[Pa_doreza2]

Nuk mendoj se do ta lejojnë që të futet menjëherë në superligë. Do ti duhet t'ja fillojë nga kategoria e 2-të, megjithatë ësht një mendim i mirë.

Pse prishtina eshte per superlige !!!

[Niko_]

Pse prishtina eshte per superlige !!!

Sepse kështu janë rregullat. Të gjitha skuadrat duhet të nisin nga poshtë për të arritur lart. Skuadrat e kategorisë të parë që luftojnë për t'u ngjitur në superligë do protestonin nëse një skuadër e re do hynte direkt në superligë.

[Qyfyre]

Veshtire eshte per tu futur direkt ne Superlige. Duhet te dali nje skuader patriote dhe ti lere vendin e vet. Mbase mund te filloje nga Kategoria e Pare, nese vihen disa rregulla minimale per stadiume etj, qe mbase di mbushin te gjitha skuadrat dhe Prishtina mund te futet per te mbushur numrin e skuadrave.

[goldian]

e pse u doka prishtina nga e para ?
as spotklub vloren nuk e futi njeri direkt ne te paren
as aden e velipojes
as kuksin e keshtu me rradh
te gjithe e fillun nga fundi

[bianco_neri]

Kam degjuar se ne kukes do te ndertohet Tribuna e Stadiumit me 10.000 vende. Thuhet qe do te jete i parametrave Europiane dhe Kombtarja Shqiptare do te zhvilloje ndeshje atje. Ndoshta po ndertohet edhe per te pritur Prishtinen. Do ishte bukur nje Derbu Fk Kukesi - Prishtina.

[BlueBaron]

Prishtines i takon te jete ne Superligen e FSHF !!!

Pse ??? Kur Prishtina kishte klub futbolli dhe merrte pjese ne kampionatet mbarekombetare, ekipe te Superliges akoma nuk ishin krijuar.

Per mendimin tim skuadrat e Kosoves ne Superlige duhet te jene dy ...