AKR: Behgjet Pacolli, president i Kosoves

**Prishtina.C** · 02-12-2010, 15:15

Aleanca Kosova e Re (AKR) E Nominon Behgjet Pacollin per President te KOSOVES
http://www.botasot.info/def.php?category=86&id=90806

**landi45** · 02-12-2010, 15:17

hahahhhha srevili i rusises e kopili serbise mire e keni,,,pse jo

**Prishtina.C** · 02-12-2010, 15:22

Kush esht Behgjet Pacolli Presidenti i ardheshem i Republikes se Kosoves nje Biografi te shkurter nga Agim M. Doçi

Figura e zotit Pacolli është shumë joshëse për një shkrimtar dhe gazetar. Është joshëse në radhë të parë, sepse ky njeri i lindurn në fshatin Marec të Kosovës, ka përshkruar një rrugë dhe një karierë prej briznesmeni, që mund të themi se është një Magelan përsa i përket vijës së suksesit dhe gjatësisë së saj. Ky njeri me pamjen e një shkëmbi që kur fillon të flasë e ka të gjithë gurgullimën e malit dhe të luginës. Behgjet Pacolli merr frymë me mushkëri ndërkombëtare. Sepse nga fëmija këmbëzbathur i fshatit të lindjes, nga bujku, kopështari, malësori, deri tek oda e burrave është një histori më vehte. Pastaj fillon një tjetër histori, nga i riu kosovar nën çizmen e Serbisë, ai merr rrugën më tëtrishtueshme në botë, ai merr rrugët e mërgimit dhe mërgimi ka këngët dhe poezinë më të trishtë të botës. Ai ka marrë rrugët e Europës dhe ka lënë pas fëmijërinë, adoleshencën, babanë dhe nënën, motrat dhe vëllezrit, madje ka humbur një dashuri dhe ikën e ikën krejt i vetmuar, në kërkim të një fati, të një përkrahje. Këtu starton gjenija dhe talenti i Behgjet Pacollit. Le të bëjmë këtu një shkëputje. Ja pra, kemi në udhët e Europës një të ri nga Kosova, që ka vetëm një gjë në dorë: të marri frymë. Ndërsa sot makinat e firmës së tij Mabetex lëvizin në 16 vende europiane, në të gjithë Azinë dhe tutje nëpër oqeane qarkullojnë mallrat e firmës së tij MABETEX. Biznesi i tij fillon në Europë dhe mbaron në Ati e Oqeani. Ai ka avion personal dhe të gjithë kullat e aeroporteve botërore mirëpresin zbritjen e tij nga bordi. Pra a mund të krahasohet ngritja edhe ecja e këtij të riu kosovar në një kohë kaq të shkurtër njerzore dhe në një kohë kaq intrigante shekspiriane?
Këtu shtrihet një epopé e vërtetë dhe fare mirë figura letrare dhe fantazia e shkrimtarit të realizon përfytyrimin e Mujit e të Halilit nga eposi shqiptarë i kreshnikëve, por në formën e një gjigandi ekonomik. Pra kjo është ekstremisht thithëse dhe joshëse për çdo shkrimtar dhe gazetar. Orët dhe ditët e Behgjet Pacollit, nga i riu kosovar në mërgim në personalitet botëror të biznesit nuk janë si orët dhe ditët e miliona shqipëtarve, të cilët kanë vegjetuar apo e kanë shtyrë jetën si u ka ardhur e si të mundin.
Ky njeri është produkt i energjisë, shpirtit shpërthyes, i ekspansionit të vlerave të kombit të vet, që di të futet në nyjet plot rreziqe, plot fantazi të luftës në biznes botëror. Në rastin e Behgjet Pacollit nuk ka rëndësi asnjë fakt, asnjë thënije, asnjë akuzë, ka rëndësi vetëm ajo çka shihet. Ai është një shqiptar nën drejtimin e të cilit punojnë me një mirëkuptim të plotë dhe bashkëpunim të shkëlqyer nëpunës e puntorë gjermanë, italianë, rusë, arabë, zviceranë, polakë, sllovenë, anglezë, turq, francezë, brazilianë. Dhe natyrisht të gjithë e duan, të gjithë e adhurojnë. Sigurisht, Behgjet Pacolli ka primar puntorët shqiptarë. Njerzit e vuajtur të Kosovës, kanë gjetur tek Behgjeti xhaminë dhe kishen bashkë, kanë gjetur besimin dhe frymëzimin, se jeta është e vështirë, por duhet fituar. Asnjë figurë shqiptare nuk mund të jetë kaq impresionuese, sa ky njeri i cili gjeninë e vet e ka të pashfaqur, të palexueshme, e ka siç kërkohet rezultati në aritmetikë. Është njeri shumë i veçantë, që kërkon eksplorim psikologjik, faktik, historik, psiqik, social, politik dhe përsëri ai mbetet si një Faraon jo thjeshtë pronash dhe pasurie, por si një administrues shpirtërash njerzorë, të cilët ka ditur ti shndrrojë në vlera autoriteti, në vlera monetare. Bota e brendëshme e këtij njeriu që ka kaluar në urë vdekjet më të rrezikshme, në nyjet intriguese më fatale, ka mbetur e çiltër, e pastër dhe ashtu si për të gjithë njerzit e shquar ai njëkohësisht është shumë i ndjeshëm, shumë fëminor. është interesant fakti se ky njeri është i kthyer nga vdekja . Ai ka kaluar një vdekje klinike dhe ajo ka qenë aq tragjike dhe është aq e paimagjinueshme kthimi në jetë, sa qe fare mirë po ti lësh fre fantaazisë ky njeri duket realisht i mahnitshëm. Për të gjitha këto mund të mendosh kur je vetëm, kur ke dëgjuar për të, por më shumë se kaq një ajsberg të vërtetë mendimi ti krijon kur e takon atë.
Në Lugano të Zvicrës në një ndërtesë 6 katëshe luksoze, njeriu i biznesit Behgjet Pacolli ndjehet i lirë, i qetë në orën e tij të punës me fuqinë që ka peshku në lundrim të ujrave të kaltra. Ky njeri për shumkend përbëhet nga enigma. Një stuhi e paparë akuzash u ngritën kundër tij dhe të gjithë ata që i thurin akuza, që i orientuan hetimet, që trilluan skenarin me përmasa botërore në shtyp, harruan se ishin duke i bërë këtij njeriu pikërisht të kundërtëm e asaj që dëshironin. Ata i bënë monument. Cili njeri i shquar nuk ka enigmat e tija? A nuk ka enigma biznesi i Sorosit, nuk ka enigma biznesi i Onasisit, nuk ka enigma biznesi i Benzit, ku s’ka enigma!? Nuk ka enigma jeta e shquar e politikanëve? Padyshim që po! Po kush dhe pse filluan sulemte kundër Behgjet Pacollit duke e akuzuar për korrupsion me presidentin e Rusisë, ku “përfshihej” dhe nënpresidenti i Amerikës dhe presidenti i Bankës Botërore etj. Tamam ato që duken si akuza shumë të sofistikuara kanë nganjëherë shpiegimin më të thjeshtë, sidomos në kohë.
E para, akuzat u zbehën, u tërhoqën, u mbyllën apo u mposhtën sapo Boris Eltsin e la pushtetin. Pra Eltsin ishte objekti dhe jo Behgjeti! Përmes Behgjetit ishte rruga për të rrëzuar Eltsin nga pushteti. Sepse ishte Behgjeti njeriu i vetëm që ristrukturoi Kremlinin, ku strehohen djajtë dhe engjëjt. Ristrukturoi me para, me mundë, me djersë, me punë. Por ata që e sulmuan nuk dinin një shtesë që i futi në gabim. Behgjeti nuk e njihte as shpifjen, as kompromisin ndaj dikujt edhe pse me të thjeshtë kishte marrëdhënie kontraktuale, marrëdhënije pune. Por sido që të jetë kjo histori rëndësi ka që njeriu që fitoi është shqiptar! Në Kosovë dhe në Shqipëri e dinëtë gjithë se nga një shqiptar i pasur kanë mirë të gjithë, kurse nga një i varfër s’ka as vetë i zoti mirë. Sigurisht që sulmi i sofistikuar në pamjen e parë, u shfrytëzua nga shumë gazeta, që përgjithësisht mbanin politika prosërbe. Sepse ngjarjet në procesin e pa argumentuar ndaj Pacollit, donin të rrëzonin këtë të fundit në sytë e opinionit botëror, qoftë edhe për të dhënë mendimin që shiko se ç’janë shqiptarët. Ata mund të përmenden vetëm për keq! Nga ana tjetër ndihma dhe kontributi i Pacollit për vëllezrit e tij kosovarë, për botën shqiptare të Kosovës ishin me përmasa të atilla, që friksuan të gjithë ataa, të cilët ishin kundër pavarësisë të Kosovës dhe sulmin mbi Beogradin. Atëherë kur skuratovët donin të nxirrnin gështenjat nga zjarri me duart e të tjerëve dhe prandaj kërkonin bashkëpunim me Carla Del Ponten, Pacolli gjakëftohsisht përballonte invazionin e paligjshëm të kontroll – verifikimeve, bastisjen dhe i habiti e i mahniti akuzuesit me stilin dhe njohjen aq të thellë për të bërë vetë avokatinë e tij, mbrojtjen e tij.
Tani që e gjitha kjo mund të quhet fundi I një intrige, Pacolli ka fituar të gjitha gjyqet me akuzuesit, ai mes tëtjerash ka bërë një deklaratë që e tregon shumë fisnik atë. Ai thotë për Carla Del Ponten: Do t’ja bëj hallall të gjitha, me një kusht: të kapë edhe të dënojë kriminelët e luftës, që masakruan popullin tim në Kosovë! Kjo do ti mjaftonte më shumë se çdo gjë Behgjet Pacollit. Kjo është nga ajo deklarata të cilat zbërthejnë të gjithë moralin, botën shpirtrore, të njeriut Pacolli të shqiptarit Pacolli.
Aktualisht Pacolli është streha e mijra shqiptarëve dhe kërkush nuk mund të dalë prej tyre. Qoftë dhe një i vetëm, qoftë edhe po ta frymzojë shejtani apo djalli që të flasin apo të thotë një fjalë të keqe! Idhulli i Behgjetit është puna, ligji i frymëzimit, morali, qoftë dhe këshilla themelore e jetës së tij është puna, prandaj ka të ngjarë që ashtu si ndërtimet që ai bën, ashtu dhe rikonstruksionet gjigande që ai bën, të cilat do të jetojnë mijëra vjet dhe ai bashkë me krijesën e tij MABETEX do të mbetet gjithmonë i pranishëm dhe pa kufizim kohe.
Kur ndahesh prej tij mendon të njetën gjë. Pacolli është shqiptar, është kosovar, është pjesa e truallit që e çeli shekullin e 21-të me liri dhe triumf nga një pushtim kanibalesk sllav. Ku ta dish, njerëz si Behgjeti janë paralajmërues të ngjarjeve të mëdha. Sa larg, sa lart, ka ecur ky njeri. Kur ndahesh prej tij vetëm një shprehje mund të thuash: Sa mirë që është shqiptar ky njeri!

AUTORI
Agim M. Doçi

**Prishtina.C** · 02-12-2010, 15:26