Prokuroria: Akuzat e Nard Ndokës, politike e keqinformuese

[shigjeta]

Prokuroria i ka cilësuar deklaratat e bëra sot ndaj saj nga kreu i socialdemokratëve, Nard Ndoka, si politike dhe keqinformuese.

Konkretisht, Ndoka ka akuzuar prokurorinë e Shkodrës se ka manipuluar provat në hetimin e rezultatit të zgjedhjeve në këtë qark, në KZAZ-të nr. 40 dhe 42 dhe se është dorëzuar pas presioneve të politikës.

“Partia Demokristiane në shtator 2009 ka bërë denoncim në Prokurorinë e Rrethit Shkodër për falsifikim të rezultatit zgjedhor në qarkun e Shkodrës në KZAZ-të nr. 40 dhe 42, duke kërkuar hapjen e pesë kutive të votimit.

Nga ana e prokurorisë është vendosur sekuestro ndaj kutive të votimit dhe në 17 shtator 2010 janë tërhequr nga KQZ kutitë me materialet zgjedhore, ndërsa më 20 tetor 2010 janë tërhequr nga KQZ kutitë me fletët e votimit.

Procesi i numërimit të votave dhe shqyrtimi i tyre është bërë gjatë muajit tetor duke respektuar të gjitha normat ligjore dhe dispozitat proceduriale dhe në ushtrim të kompetencave hetimore të prokurorisë.

Procesi i shqyrtimit, duke nisur nga prerja e kodeve, hapja e kutive dhe deri numërimi i votave në to, është kryer sipas ligjit dhe e gjithë procedura është regjistruar në video, të cilën në rast se shihet e nevojshme, mund ta vëmë në dispozicion të medias”, ka sqaruar Prokuroria e Përgjithshme.

Duke shtuar se pas numërimit të votave në kutitë të cilat ishin objekt i hetimit, Prokuroria e Shkodrës, pasi nuk gjeti prova të manipulimit të rezultatit zgjedhor në këto qendra votimi, në vendimin e datës 17 Nëntor 2010, vendos pushimin e çështjes penale.

Me këtë vendim, subjekti PDK është lajmëruar nëpërmjet shërbimit postar që më datë 23 nëntor 2010, me cilësinë e kallëzuesit.

Ndërkohë, ditën e djeshme, më datë 15 dhjetor 2010, i janë kthyer KQZ-së kutitë që ishin objekt i hetimit së bashku me vendimin e Prokurorisë së Rrethit Gjyqësor Shkodër për pushimin e çështjes së veprës penale të falsifikimit të rezultateve zgjedhore në qarkun e Shkodrës, në KZAZ-të nr. 40 dhe 42.

“Me këtë rast vlerësojmë të nevojshme të rideklarojmë se institucioni i Prokurorisë duke mbetur larg lojërave të interesave politike, garanton se në punën e tij do të jetë i udhëhequr nga respektimi i Kushtetutës dhe i ligjit”, përfundon deklarata e Prokurorisë së Përgjithshme.

ABC

[Brari]

nard ndoka mori nji shuplake te merituar.

me fakte opinioni u bind se ed ruci e tak ndoka genjejne nat e dit tash sa vjet se gjoja u eshte vjedhur vota.

..

[Duaje Siveten]

po pse u prish salija me nard ndoken ... mire me takun dolen tartabiqet ...

u mbush shpija plot me tradhtara (ne njeren ane) dhe plot ithtara (ne gjirin e llomerise) ...

po dojshin me diskutue kolltukun e krye-llomit ... po vjen 2011 ... tik-tak, tik-tak, tik-tak ...

[Station]

Sa e shpejtë kur ka ndonjë gjë pro qeverisë, tamam si shigjetë.
Po mirë nuk u erdhi pak në mëndje se Ndoka kur bëri kallzim penal u bazua në disketat që i kishte dhënë Komisioni Qëndror i Zgjedhjeve?
Ato edhe janë transmetuar, janë bërë objekt diskutimi kaq gjatë, janë parë, janë riparë dhe tani si për çudi nuk ekzistojnë më.
Thua ta hedhi kaq lehtë Xhuzufina trëndelina e shpejtë si "shigjetë"??

[Noellag]

Po mir ore Nard , Berisha manipulon , KSZ manipulon, prokuroria manipulon , gjykata manipulon sa here qe humb ti dhe Edi Rama te gjithe manipulojne ?

[Brari]

edvin kutiza u dh.je mire perseri.

--


Berisha: Rama u tërhoq nga hapja e kutive, pasi prokuroria nuk gjeti asnjë votë ndryshe në Shkodrër
Kryeministri Berisha, para largimit nga Brukseli, ku mori pjesë në samitin e Partisë Popullore Europiane, në Kështjellën Bouchout, në Meise, iu përgjigj interesimit të medias shqiptare që ndoqi këtë aktivitet, mbi çështje të ndryshme, të lidhura me punimet e samitit, por edhe të zhvillimeve të fundit në Shqipëri. Në lidhje me pyetjen nëse EPP do të ketë mbështetje edhe statusin e kandidatit, kryeministri theksoi se nuk ka biseduar për këtë çështje, por që vendi ynë ka dhe do të ketë mbështetje. “Motoja jonë është se ky duhet të jetë një proces bazuar në meritën dhe performancën, pasi ky është interesi më jetik i qytetarëve shqiptarë. Dhe kjo funksionon. Dita e parë e heqjes së vizave ishte një ditë mrekullie në shumë aspekte. Sigurisht që shqiptarët fituan një të drejtë që e meritonin, por edhe ata që ndruajtën, duke votuar për këtë të drejtë të tyre, panë qartë se ndruajta e tyre nuk kishte ndonjë motiv të tanishëm, por motivi i druajtjes së tyre ishte i vjetër”, u shpreh Berisha.
Ngërçi politik
Duke u ndaluar tek situata politike në vend, kryeministri theksoi se Prokuroria e Shkodrës botoi hetimin dhe nuk gjeti as edhe një votë të vetme ndryshe, sa ishte shkruar në procesverbale. Këtë fakt, kreu i qeverisë e vlerësoi tepër të rëndësishme. Sipas tij, kjo është arsyeja që Rama, pasi mbajti një vit rresht partinë e tij me kërkesën për numërim të votave, u tërhoq, se do të dilte si në Shkodër. “Ne jemi të hapur për çdo formë hetimi, në përputhje me ligjet e Kushtetutën e vendit. Në mënyrë absolute, ne nuk paragjykojmë asnjë formë hetimi. Sikundër jemi të vendosur të qëndrojmë plotësisht në zbatim të ligjeve dhe Kushtetutës së vendit. Zoti Rama ka paraqitur një kërkesë që në 9 nenet e saj, 8 bëjnë fjalë për dyshim. Por harron se në çdo vend demokratik ligjet përcaktojnë se cili dyshim hetohet dhe hetohet dyshimi i bazuar në fakte ose të dhëna. Në aspektin tjetër, ai të ngjet me një pamflet oreuellian. Në rast se zoti Rama pranon gjuhën e ligjit, pranon që këto dyshime të mbështeten mbi bazën e fakteve, grup fakteve dhe provave, që nesër, që të gjitha pa asnjë hezitim”, u shpreh Berisha. Po ashtu ai theksoi se nëse Rama e fton të shkelmoj një kompromis për të bërë një kompromis tjetër, kjo është qesharake. “Ne kemi bërë një kompromis me zotin Rama, kemi votuar konsensualisht një ligj, kemi një Gjykatë Kushtetuese, vendimet e së cilës janë të detyrueshme të zbatohen, kemi një Kushtetutë që imponon. Zoti Rama kërkoi për 12 muaj numërimin e votave, pse nuk e kërkon tani. Ky qëndron parimësia e tij? Nuk kam thënë që të mos kërkojë numërimin e votave. Jam gati të numëroj çdo votë, jam gati të ndryshoj çdo rezultat, por me kusht që të ndiqet procedura ligjore. Edhe tani jam gati për çdo hetim, por jo ligjet sipas meje, as sipas zotit Rama, por ligjet ashtu siç janë votuar në parlament dhe kjo përbën bazën më të shëndoshë, më solide. Zoti Rama mund përpiqet të bëjë biznes me votën e shqiptarëve, por unë e garantoj se nuk do të arrijë kurrë. Mund të mashtrojë tek tuk, por ka ikur koha, kur mund të bëhej biznes me votën e shqiptarëve”, nënvizoi ai.


gazeta sot