Greqi, fati tragjik i familjes shqiptare

[Beqari002]

Nga aksidenti automobilistik i së dielës, ku u rrëzua autobusi i linjës Selanik-Athinë dhe humbën jetën 14 vetë

Greqi, fati tragjik i familjes shqiptare

Afrodita ndodhet në spital, pa e ditur se ka humbur të dy fëmijët e saj. Trupi i Thanasit 3-vjeçar, ende s’është gjetur

Nga Altin Metaj/ Athinë
Dy fëmijë shqiptarë humbën jetën si pasojë e një aksidenti të rëndë automobilistik, të ndodhur natën e të shtunës. Një autobus i linjës Selanik- Athinë me 23 pasagjerë ra nga ura mbi lumin Alikamona, pas një gabimi të rëndë të bërë nga shoferi i autobusit. Si pasojë e këtij aksidenti të rëndë automobilistik, humbën jetë 14 persona, ndërkohë që kërkohet trupi i një 3 -vjeçari nga Shqipëria. Ndërmjet të traumatizuarve, të cilët kurohen në spitalin “Ipokratus” të Selanikut ndodhen dy shqiptarë. Afrodita Senai, nëna e dy fëmijëve: e një vajze 7 -vjeçare, e cila humbi jetën dhe Thanasit 3 -vjeçar, për gjetjen e trupit të të cilit vazhdojnë akoma kërkimet. Sipas vendimit të marrë nga mjekët e spitalit, ajo ende nuk është informuar për fatin e dy fëmijëve të saj. Një gjë e tillë do të bëhet në ditët që pasojnë nga psikologë të spitalit. Përveç një cope nga rrobat e tij, deri dje pasdite ende nuk është arritur të gjendet trupi i vogëlushit. Shqiptari i dytë, me inicialet F.Ç gjithashtu ndodhet në spital dhe gjendja shëndetësore e tij deri të dielën pasdite ishte e rëndë, si pasojë e dëmtimeve që ka patur në shtyllën kurrizore. Nga të afërmit e të dy shqiptarëve është kërkuar dje dhënia e vizave për ardhjen në Greqi të familjarëve të të dy të aksidentuarve.
Aksidenti
“Thanasi...Thanasi..”,- thërriste nëna e tij natën e të shtunës, e mbuluar nga gjaku, duke kërkuar trupin e të birit mes ujërave të ftohta të lumit Alikamona. Drama e saj nuk kishte të përshkruar. Është drama e një nëne, e cila dëgjoi me veshët e saj thirrjet për ndihmë të dy fëmijëve, teksa autobusi zhytej në ujërat e ftohta të lumit. Autobusi i linjës Selanik –Athinë u nis nga stacioni “Maqedonia” i Selanikut rreth orës 23.05 sipas orës lokale greke. Tek ura mbi lumin Alikamona shoferi i autobusit bën gabimin fatal. Kërkon të parakalojë një maune me rimorkio, duke kaluar si pasojë edhe kufirin normal të shpejtësisë nga 90 km/orë në rreth 110 km/orë. Si pasojë e shpejtësisë së tepërt dhe gjendjes jo të mirë të rrugës, për shkak të shirave që kanë ditë që nuk pushojnë, shoferi humbet kontrollin e automjetit, duke dalë nga ura dhe bie nga 15 metra lartësi mbi ujërat e ftohta të lumit Alikamona. Kjo është tabloja e parë e aksidentit, pasi policia ende nuk ka pyetur udhëtarët e mbetur gjallë, për shkak se ata vazhdojnë të kurohen, dhe shumica akoma është në gjendje jo të mirë psikike. Afrodita, në gjendje shoku dhe e gjakosur vazhdonte, me gjithë thirrjet e trupave të ardhura për ndihmë, të thërriste dhe të kërkonte mes ujërave të ftohta dhe të turbullta të lumit dy fëmijët e saj. Pas aksidentit të mbijetuarit u dërguan në spitalin “Ipokratus” të Selanikut. Pothuajse të gjithë të mbijetuarit janë në gjendje të mirë me përjashtim të 35-vjeçarit nga Shqipëria dhe një gruaje, e cila mbahet në jetë nga doktorët e spitalit. Ndërkohë edhe gjendja shëndetësore e Afrodita Senias është e mirë, por vazhdon të jetë e shokuar dhe të kërkojë vazhdimisht që t’i sjellin dy fëmijët e saj. Sipas vendimit të mjekëve të spitalit dhe të shoqit Anestit, është vendosur që ajo të mos informohet momentalisht për humbjen e dy fëmijëve. Një gjë e tillë do të bëhet nga psikologët e spitalit, kur ta shikojnë ata të arsyeshme.
Ndërkohë që nga mëngjesi i të dielës vazhdon operacioni për gjetjen e trupit të vogëlushit trevjeçar nga Shqipëria. Kërkimet u ndërprenë vetëm ditën ditën e dielë në darkë, për të rifilluar të hënën në mëngjes. 150 vetë janë mobilizuar në këtë operacion, mes të cilëve, përveç trupave zjarrfikëse, edhe polumbarë, mjete të specializuara dhe helikopterë të policisë. Atje, sipër urës ku autobusi, Anesti, babai i dy fëmijëve ndjek me zemër të ngrirë njerëzit, që kërkojnë pëllëmbë për pëllëmbë lumin që i mori jetën familjes së tij. “Të paktën të mos ma marrë lumi”,- thotë ai duke mbajtur lotët, dhe rikthen shikimin prapë mbi lumë me shpresën e ndonjë mrekullie.
--------------------------
---------------------------------
Oj sharki e lehte si era , a ka ardhur ne Shqiperi pranvera?

[Floriani]

oooooouuuuuuuuuuu sa gjynah mu rrengjedh mishi!! shume shume keq me vjen shume gjyhnah.

[rolua]

trupi i bebes te vogel u gjende mbas 9 ditesh ne nje pellge anes lumit i mbuluar me njady trunguj pemesh.

mamaje e kalamajve eshte akoma ne spital e plagosur por edhe me probleme psikolligjike mbasi mesoj vdekjen e femive te saj..


kjo istori preku te gjith njerzit ne zemer.
shprehim merzitjen tone tek ata njerez.

""""""""""""""""""""""roeli"""""""""""""""""""""'"""