Mimoza Ferraj dhe Eduard Selami kthehen nga Amerika në PD

[ajzberg]

Me eshte krijuar bindja[qofsha i gabuar]qe te meresh me politike apo te jesh politikan lider ne politiken shqiptare,duhet pa tjeter nje katapulte butonin i se ciles nuk dihet se kush e shtyp.Mos harroni se ne keto 20 vjet kemi prodhuar politikane qe ne librezen e punes e kane te shkruajtur ;arsimi-shkolla e larte,profesioni-kryeminister...

[Xhuxhumaku]

Me eshte krijuar bindja[qofsha i gabuar]qe te meresh me politike apo te jesh politikan lider ne politiken shqiptare,duhet pa tjeter nje katapulte butonin i se ciles nuk dihet se kush e shtyp.Mos harroni se ne keto 20 vjet kemi prodhuar politikane qe ne librezen e punes e kane te shkruajtur ;arsimi-shkolla e larte,profesioni-kryeminister...

ne fakt, jo vetem ne politike, por edhe ne shume fusha te tjera nevojitet katapultimi,

gjithsesi as selami as kjo femra ska per te bere ndonji ndryshim ne pilitiken shqiptare,...

politika shqiptare eshte shprehja me e mire e mentalitetit qe jeton ne shqiperi ne kete kohe,

te bejme PARA me te gjitha menyrat e mundshme dhe pa na vrare ndergjegja per demet qe bejme per te bere keto para.

[shigjeta]

Nuk pritet qe Selami apo Ferraj te bejne mrekulli e te ndryshojne politiken shqiptare brenda dites. Sic thote Kat eshte ceshtje mentaliteti, keshtu qe te gjithe nga pak dhe disa pak me shume, sjellin ndryshime. Ana monetare me duket e fundit ne liste per kthimin e tyre. Roli qe do kene ne politiken shqiptare, mbetet per t'u pare. Gjithesesi, kthimi me duket dicka pozitive.

[INFINITY©]

I paska rene biznesi i makinave Selamit qe po shkon ne Shqiperi te bej ca leke pa u lodhur shume. Mire e ka ne fakt, kur po hane lloj-lloj zorraxhinjsh, jo me keta te paret.

[Ozzy]

Kam pershtypjen sikur sala dhe disa si imami i tankseve te vlores e te tjere po perdorin te gjithe mediat ( fevziun ) qe kane ne kontroll per te stampuar veten ne historine demokratike te shqiperise. Ashtu sic e beri dulla me veprat e veta po e bejne keta te tjeret me vepra digitale. Mjere ai popull.
selamsat te kene guzimi te thone pse hiken ne amerike kush i kercenonte ata ne shqiperi?

[Xhuxhumaku]

Unë e Selami nuk kthehemi në SHBA, do hyjmë në PD”

.E enjte, 09 Dhjetor 2010 13:09 . Mimoza Ferraj dhe eduart selami dje ne tirane (majtas) dy protagonistet gjate levizjes se dhjetorit
.

Ferraj, e cila është një nga nismëtaret e krijimit të PD-së dhe që prej 18 vjetësh jeton në SHBA, thotë se ish-kreu i PD-së, Eduard Selami, nuk do të kthehet më në Amerikë, por do të përfshihet në jetën politike. Themeluesja e PD-së kërkon që së bashku me Selamin të rikthehen në PD, por nuk përjashton asnjë mundësi tjetër për të bërë politikë. “Erdhëm bashkë nga Amerika për të njëjtin qëllim. Nuk kemi përcaktuar detaje. Duam t’i japim shpejtësi më të madhe demokracisë, të bashkëbisedojmë me doktor Berishën dhe të flasim hapur me të. Të bisedojmë si të përshpejtojmë demokracinë”, thotë Ferraj. Në këtë intervistë, protagonistja e Lëvizjes së Dhjetorit tregon për zhvillimet në datën 8 dhjetor, 20 vjet më parë. Ajo flet për takimin me ish-kryeministrin e kohës, Adil Çarçani, por edhe për zhvillimet e atij dhjetori në krijimin e Partisë Demokratike. Duke besuar në hapjen e PD-së ndaj saj dhe Selamit, por edhe shumë prej dhjetoristëve të tjerë që sot nuk janë në Partinë Demokratike, Ferraj shprehet se: “Së bashku me të tjerët që kemi ardhur, si Eduard Selami por edhe shumë të tjerë, nëse doktori na mbështet, do të pastrojmë qelbëzimin në PD”.
Zonja Ferraj, si sot 20 vjet më parë nisi lëvizja e Dhjetorit. Ju keni qenë një nga aktivistet e kësaj lëvizje. Mund të na kujtoni diçka për 8 dhjetorin?
8 dhjetori ishte pasojë e një takimi që patëm me një përfaqësues të Ministrisë së Transportit, në nëntor të atij viti. Ne ishim në degën e Inxhinierisë e Transportit dhe na lajmëroi për takimin Janulla Majko, nëna e Pandeli Majkos, të cilën e kishim sekretare. Kam një respekt të jashtëzakonshëm për të. Na tha se në orën 10.00 duhej të ishim në sallën e rektoratit, sepse do flisnim për të ardhmen tonë, meqenëse ishim në vit të fundit. Pra, do të na fliste për hapësirat tona, që do të kishim. U mblodhëm në këtë sallë dhe përfaqësuesi i ministrisë bëri një parashtrim, se cilat do të ishin hapësirat tona si brez. Filloi të fliste se qeveria shqiptare ka lejuar që të shfrytëzohet toka, ajri dhe deti. Na shpjegoi se Partia e Punës ka bërë gabim që i ka mbyllur, sepse ne nuk e kemi shfrytëzuar anën ekonomike, por qeveria ka ndryshuar mendje dhe do të hapë transportin me botën e jashtme, pra atë rrugor, detar dhe ajror. “D.m.th., që ne kemi qenë budallenj, që nuk kemi marrë taksat më përpara dhe tani do t’i marrim këto taksa dhe do të zhvillojmë ekonominë. Ju do të jeni brezi i parë që do ta ndjeni këtë ndryshim dhe këtë lloj fryti ekonomik”, kështu na tha. Asnjë student nuk reagoi dhe unë isha e vetmja që fola. I thashë: - Si mund t’i jepni ju mjetet e transportit, mjetet që nuk i kemi si mjete tokësore, ajrore e detare, kur ne nuk kemi lirinë e fjalës, lirinë politike dhe fetë? Kjo ishte kontradiktore. I thashë të na sqaronte nëse ne do e kalojmë kufirin. Ai na tha se kishte ardhur aty vetëm për transportin, ndërsa për pjesën politike duhet t’i drejtoheshim ministrave përkatës. La sallën më pas dhe studentët gumëzhinë. Dolëm dhe ne jashtë. Shokët e shoqet më thanë: “Ty Moza, do të të arrestojnë”. U thashë që nuk do të mund të më arrestojnë dot. U thashë, hajt të bëjmë kërkesën për të takuar ministrat dhe t’u kërkojmë që pse do u japin liri vetëm mjeteve dhe jo neve. U mblodhëm në grup dhe bëmë kërkesë për të bërë takim me kryeministrin Adil Çarçani. I këkruam direkt ministrit për të mos na anashkaluar, sepse çdo ministër do të na anashkalonte. Dhe çuditërisht kërkesa u pranua. Takimi do të bëhej me Adil Çarçanin.
Ku u takuat me Adil Çarçanin?
Kryeministri Adil Çarçani erdhi me një grup ministrash, madje me komplet kabinetin. Erdhi në godinën 11-12, në sallën e televizionit, në të njëjtën godinë ku jetoja unë. Isha me profesor Bashkim Baollin, në lidhje me një projekt. Më lajmërojnë se ata kishin ardhur. Marr biçikletën e profesorit, sepse ne si studentë kishim vetëm tollonin e mensën. Nuk kishim asgjë. Marr biçikletën e tij të vjetër, me hekur në mes dhe i ngjitem Qytetit Studenti. Salla ishte plot dhe Adil Çarçani ishte ulur në krah me Skënder Gjinushin. Në fund të sallës ishin “vëllezërit”, kalecat ose spiunët e Sigurimit. Shkoj atje dhe studentët filluan të më thërrasin. Qëndrova në këmbë në fund të sallës. Dëgjova shokët dhe shoqet që ankoheshin për anën ekonomike, që s’kishim për të ngenë, drita, ujë për dush e xhama të thyer nëpër godina. Ndërhyra në fund dhe kërkova të flisja. Çarçani me dha lejen për të folur dhe më kërkoi emrin. I thashë që të jap emrin me mbiemër dhe vajzë e kujt jam. Ia thashë këtë që të mos manipulonin, duke më thënë vajzë ballisti. Jam Mimoza Ferraj, e bija Remzi Ferrës, komandant i Brigadës së Pestë dhe jam në të njëjtën pozicion në klasë politike. Gjinushi m’u drejtua duke më thënë që të matem mirë para se të flas. Iu drejtova zotit Adil dhe ministrave, duke u thënë se “problemi ynë kryesor nuk është ekonomik, por është politik”. I thashë se “ne jemi të zhgënjyer nga politika e PPSH-së dhe se kjo parti nuk do të mbante përgjegjësi vetëm për brezin tonë, por dhe për brezin që do të lindnim ne, sepse me jetën që bënin femrat shqiptare nuk do të ishin në gjendje të prodhonin brez tjetër. Unë personalisht nuk do të bëja fëmijë që t’i shërbente këtij pushteti, i cili ishte qelbur si peshku nga koka”. Skënder Gjinushi u mundua të më trembte me gjeste e veprime, e më pas edhe me fjalë. Iu drejtova atij dhe i thashë që “babai im ka qenë partizan në Brigadën e Pestë Sulmuese, bashkë me nënën e tij, por ndryshimi im dhe i tij ishte i madh, gruaja jote e ka takën elegante 7 pond. Sistemi politik në funksion, nuk është në gjendje të sigurojë asnjë kërkesë ekonomike, se problem jeni ju”. Skënder Gjinushi më tha direkt se “e di çfarë të bëj apo jo”? Unë isha në radhët e fundit, ngaqë erdha me pak vonesë dhe mbrapa kisha një kalec (polic), që më afroi gjoksin e tij dhe ndjeva diçka të fortë. Iu drejtova Adil Çarçanit dhe i them ta largojë nga salla kalecin me automatik poshtë pardesysë, se nuk më tremb. Salla buçiti pa ndaluar emrin tim. Mbledhja mbaroi me premtimin se çdo gjë do të realizohej për 15 ditë, sa i përket anës ekonomike. Salla gumëzhiti dhe ata ikën. Kjo ishte dreka në datën e 8 dhjetorit, ndërsa në orën 7 pasdite erdhi në godinë dhe më takoi Azem Hajdari.
Aty e njohët Azemin?
Po, aty e njoha, kur erdhi të më takonte dhe më tha se “çfarë të bëjmë, Labja ime?”. I thashë që ata nuk bëjnë asgjë dhe duhet të ngrihemi në demonstratë. Ata më vonë qëllimisht i fikën dritat në Qytet Studenti. Dhe ne u ngritëm në demonstratë pastaj tek Sheshi i Demokracisë.
Jeni shprehur se ka pasur edhe dhunë, madje që edhe vetë keni qenë viktimë e dhunës së policëve.
Po, sigurisht. Kanë dashur të na eliminojnë fizikisht. Në takimin me Ramiz Alinë, jam e vetmja që flas për dhunën. Ramiz Alia na thotë se ka të dhëna, se policia nuk ka qëlluar. Unë i thashë që ujku jam unë, çfarë gjurmësh kërkon. I thashë që kam rënë pa ndjenja nga dhuna. Mashtroi duke thënë se s’ka pasur dhunë e të vrarë, por ne na janë vrarë dy shokë. Në këtë takim, unë i kërkova një Parti Studentore.
Tek krijimi i PD-së, në shtëpinë e Gramor Pashkos, filluat programin. A mund të na thoni diçka më shumë për këtë ditë?
Ne i thoshim shtëpisë së tij, “lokal pa para”.
Kush ka qenë pjesëmarrës aty? Ndonjë personazh tjetër që nuk e njohim? Po Edi Ramën, e keni njohur në lëvizje?
Jo, Edi Rama nuk ka qenë. Duhet të dimë se Ramiz Alia caktoi edhe njerëzit e vet brenda lëvizjes. Kishte grupin e tij. Për shembull, një ndër ta ishte edhe Pandeli Majko. Ai u bë pjesë në 30-shen tek takimi me Ramizin, sepse m’u lut e ëma e tij, për të cilën kisha shumë respekt. Atë nuk e pranonin studentët, sepse e nuhasnin se i kujt ishte. Kur u bë përzgjedhja e studentëve për te Ramizi, Majkon nuk e donin, por për respekt të nënës së tij, sepse na trajtonte shumë mirë si studentë, e pranuan. Ishte një nënë madhështore. Ajo m’u lut dhe i thashë Azemit dhe Arben Imamit që Majko të vinte. Ata më thanë se mund të vijë, por të mos flasë tek takimi me Ramizin. Dhe ai në fakt nuk foli në takim.
Po ky grup i 30 studentëve tek takimi me Ramizin, si u krijua, krejt rastësisht, apo u bisedua me studentët?
U bë në mënyrë demokratike. Secili propozonte, por bërthama ishte në atë takim. Të tjerët ishin si mbushje. Disa ishin të grupit të Ramiz Alisë. Aty ishin tri grupe. Një grup rrinte kot, ndërsa një grup ishte i dhënë me zëmër për demokracinë dhe një grup i Ramizit. Dua të them që kur shkuam tek Ramizi, ai kujtoi se ne do krijonim një shoqatë, por u detyrua të pranonte pluralizmin politik. Nuk donte t’i lejonte partitë. Nuk kishte ndërmend të bënte parti të dytë, por u detyrua nga ne.
Ka pasur ndonjëherë takim tjetër me Ramiz Alinë?
Ka pasur, por jo me ne. Ka pasur grupi i tij. Nga intelektualët ai ka pasur edhe Edi Ramën dhe doktor Berishën. Por ndryshimi i të dyve është se doktor Berisha u bë me ne. Ai bëri të kundërtën dhe nuk zbatoi ato që i tha Ramizi. Berisha na ndihmoi që nga plagët, e deri për nxjerrjen e 30 studentëve që ishin arrestuar. Ai u bashkua me anën tonë politike. Kur ne ishim të plagosur, Edi Rama kërcente Rok e Roll atë natë. Jam e bindur për këtë.
Kthehemi edhe njëherë tek programi dhe shkrimi i tij. Kush ishte aty?
Aty ishte Aleksandër Meksi, Armen Imami, Gramoz Pashko, Azem Hajdari e shumë të tjerë. Mbaj mend që erdhi edhe Eduard Selami. Ai më kapi për krahu tek korpusi, duke më thënë se: “kam kartën e Helsinkit dhe dua t’ju ndihmoj tek programi”. I thashë menjëherë po, pasi u kërkoja pedagogëve të tjerë të vinin, por ata refuzonin, kishin frikë. Eduard Selami kërkoi vetë të vinte atje. U nisëm dhe shkuam tek shtëpia e Pashkos. Aty erdhi doktor Berisha.
Tashmë keni ardhur në Shqipëri së bashku me Eduard Selamin. Keni lënë disa takime. 18 vjet pasi keni ikur në SHBA, keni menduar të ktheheni përfundimisht në Shqipëri?
Po, përfundimisht.
Do përfshiheni në jetën politike?
Po, do përfshihem.
Në Partinë Demokratike?
Po. Në fakt ka dy alternativa. Qëllimi im është që këto elementë, të cilët janë arritur që nga demokracia nga viti 1900, të përshpejtohet më tej. Ka arritje, sepse asfalti ka shkuar nga Vermoshi në Konispol. Nëse i arrijmë pa qenë në politikë, jemi të nderuar. Nuk e kam qejf politikën, por në qoftë se duhet pjesëmarrja ime në politike për të shtyrë demokratizimin këtu ku ka ngecur, do ta bëj. Në politikë nuk futem për të mbushur xhepat e mi, siç kanë bërë të tjerët që kanë mbushur bankat, sepse vetë personalisht kam një status ekonomik.
Mendoni se do t’iu mirëpresë PD-ja sot?
PD-ja që është sot, është PD-ja që nuk duhet të jetë. Duhet t’ia lëmë kohës. Dëshira ime është të kthehem në PD, sepse ajo ka qenë PD-ja ime ku kam kujtimet e Azemit, Arbenit, Doktorit etj., dhe nëse është rrezuar pak dhe i ka hyrë qelbëzimi, dëshiroj që me ndihmën e Doktorit, ta çojmë atje ku ishte. Nuk jam nga ata që bredhin majtas e djathtas. Nëse së bashku me të tjerët që kemi ardhur, si Eduard Selami, por edhe shumë të tjerë, nëse doktori na mbështet të pastrojmë qelbëzimin në PD.
Pamë tek promovimi i librit të Aleksandër Meksit shumë prej themeluesve. Në rast se PD-ja nuk hapet ndaj jush, Eduard Selamit etj., shikoni si alternativë krijimin e një partie tjetër?
Qëllimi im është të vazhdojmë rrugën e demokracisë. Unë do t’ia arrij qëllimit, do ta shohë koha. Nuk i dimë ende rrugët, por do t’ia arrijmë. Unë kam dy kombe dhe dy shtetësi, Shqipërinë dhe Amerikën. Ashtu si zemra që ka dy barkushe. Të dyja i kam në vend të parë. Nëse një njeri mund të jetojnë pa një barkushe, unë nuk jetojnë dot pa të dyja. Demokracinë që gjeta në Amerikë, dua ta shoh edhe në Shqipëri dhe u them të gjithëve të kthehen në Shqipëri, për të rikthyer demokracinë.
A ka ndonjë projekt Eduard Selami në këtë kthim?
Erdhëm bashkë nga Amerika për të njëjtin qëllim. Nuk kemi përcaktuar detaje. Duam t’i japim shpejtësi më të madhe demokracisë, të bashkëbisedojmë me doktor Berishën dhe të flasim hapur me të. Të bisedojmë si të përshpejtojmë demokracinë.
Është kthyer përfundimisht edhe Selami në Shqipëri?
Po, dhe ai është rikthyer.

PANORAMA

ketu te nenvizuar e intervistes se kesaj mozes, me intriguan,...lol

dhe mu kujtua nji skec estrade,

po ajo eshte perralle mi Mmoza, eshte perralle...