Rama: Te rishqyrtohet programi bonifikues ne buxhetin e vitit 2011

[Duaje Siveten]

Druaj se kjo eshte pjese e dialogut me lote krokodili midis edverit dhe sal-llomit ... sa per te kaluar radhen ... te shohim ...

GAZETA SHQYP

Lideri socialist propozon një sforco financiare të qeverisë

Tranzicioni drejt demokracisë dhe prirja për “rinovim” radikal dorëzohet para logjikës së teknikës.

Përmbytjet e Shkodrës, lumenjtë e ujit të vërshuar në fusha, shtëpi dhe brenda vetë qytetit të Veriut përveç dëmeve dhe traumës së krijuar kanë sjellë në plan të parë diskutimin e masave parandaluese në të ardhmen. Pa retorikën e përhershme dhe pa krijimin e llogoreve, kësaj radhe duket se politika i është bindur të paktën teorikisht arsyetimit të ekspertëve teksa ka kërkuar një rishqyrtim të infrastrukturës bonifikuese dhe disiplinuese të ujërave e planifikuar dhe e gjurmëzuar para viteve ’90.

Në lidhje me këtë, kreu socialist, Edi Rama, ka deklaruar dje nga Shkodra dhe Torovica ku ka shkuar për vizitë se Partia Socialiste është e gatshme të pranojë një rishikim të buxhetit në funksion të orientimit të fondeve drejt prioritetit absolut që përfaqëson sot veriu i Shqipërisë. “Mendoj se gjendja më e arsyeshme do të ishte që ne ta rikthenim buxhetin dhe gjithë investimet në infrastrukturë t’ia dedikonim mbrojtjes dhe risistemimit të gjithë infrastrukturës së bonifikimit të vendit...me një sistem mbrojtës të standardeve ndërkombëtare që është e mundur të bëhet, por që është lënë mbas dore vit pas viti. Por që vit mbas viti janë shkatërruar pyje, janë shkatërruar shtretërit lumenj, janë shkatërruar sistemet e kullimit, janë shkatërruar sistemet kanalizimet, janë shkatërruar tokat me ndërtime kuturu dhe për fat të keq e kundërta nuk ka ndodhur, pra që të investohet për t’i mbrojtur”, tha Rama.

Prishje e argjinaturave, mbyllje kolektorësh, ndërtime në zona depresioni, si dhe 20 – vjet paralizim dhe mungesë investimesh në punime të reja, po japin sot një përgjigje të dhimbshme për të gjithë zonën e Ultësirës Perëndimore. Nevoja për bonifikim dhe rishqyrtim të trajtimit teknik të problemeve që lidhen sa me mjedisin aq edhe me respektimin e normave bazë për shmangien e katastrofave aktualizohen pas dy dhjetëvjeçarësh jo më në formën e ironisë për të shkuarën, por në kontekstin e rivlerësimit të një përvoje. “Të gjitha fondet e infrastrukturës duhen përdorur për të ndalur moçalizimin e Shqipërisë”, është shprehur Edi Rama, duke sjellë në vëmendje një term të menduar se kishte dalë nga qarkullimi që në Shqipërinë e viteve ‘60-‘70.

Në një vështrim më aktual, sugjerimi i ri i opozitës i hap rrugë ripërkufizimit të buxhetit të vitit 2011, duke u prirur të diktojë një konsensus të detyruar mes palëve. Fjala është për adresimin e fondeve për projekte infrastrukturore, të cilat do të duhet të shmangin krijimin e situatave të tilla katastrofike. Ajo që pritet është tanimë reagimi i qeverisë shqiptare, e cila padyshim që ka nevojë për fonde shtesë në përballimin e situatës, por ka nevojë edhe për solidaritetin e përgjithshëm të shoqërisë e cila në përgjithësi vuan pasojat e frakturimit politik që ka mbërritur deri në caqet e veta më absurde. Për rrjedhojë, ky është një rast i vlefshëm për të mundësuar bashkëpunimin e munguar, i cili megjithatë e hap një parantezë për diversion.

Vetë Rama ka theksuar dje se “kjo qeveri e dështuar duhet të dëgjojë dhe të veprojë sa nuk është vonë përpara se një katastrofë më e madhe të përmbysë Shkodrën dhe gjithë Shqipërinë”, ç’ka së bashku me sugjerimin për Operacion Radikal mund të jenë një mundësi për të faktuar se ajo çfarë po ndodh mund të shmangej dhe se është përgjegjësi e plotë e qeverisë aktuale.

Edhe pse ende nuk ka një përgjigje nga qeveria e Sali Berishës duhet thënë se opozita ka hedhur atë hap që pritej prej saj, duke iu shmangur në këtë rast sa një heshtjeje fajësuese, aq edhe një protagonizmi që mund të kthehet në të kundërt.

[Zoti Basha]

[

Lideri socialist propozon një sforco financiare të qeverisë

Formulim i gabuar. Saktesisht do ishte: lideri socialist propozon vjedhjen me dhune te prones se qytetarve per te bere kete ose ate gje qe me vullenitn e tyre te lire nuk e shohin te arsyehsme per te bere.