Si te shprehemi

[-BATO-]

Këtu fjala meshollë duhet të shkruhet e ndarë mes hollë.

Ku e mbështet këtë që thua? E hape fjalorin ta shohësh si shkruhet?

[symphony]

Ku e mbështet këtë që thua? E hape fjalorin ta shohësh si shkruhet?

E mbështes në logjikën time, se edhe ata që e kanë shkruar fjalorin janë njerëz si ti dhe unë. Edhe ata kanë shkruar në bazë të logjikës së tyre. :P
si do të dukej sikur ta shkruanim shtathedhur?
Do pajtohesha sikur të ndaheshin me vizë në mes, por që të shkruhen bashkërisht asesi. Më vjen keq.

[Qyfyre]

Ka edhe te tjera fjale(meqe ngecem ketu) psh: shtat'hedhur, bar'ruajtes...... . Mendoj se duhet(gjithmone nese nuk ekziston) nje ndihmese e cila do te plotesonte kete konfuz ne lexim dhe qe fare mire kete do ta bente nje apostrof midis dy shkronjave qe japin nje te perbere.

Mit'hat Frasheri une e di qe shkruhet me apostrof, po ky eshte emer i pervecem keshtu qe nuk mund te merret parasysh.

Sa per shembujt e tjere, ata shkruhen te gjithe pa apostrof, por ke te drejte qe veshtiresohet leximi.

Se di ne ka ndonje rast kur merr kuptim tjeter fjala, kur e lexon gabim.

[-BATO-]

E mbështes në logjikën time, se edhe ata që e kanë shkruar fjalorin janë njerëz si ti dhe unë. Edhe ata kanë shkruar në bazë të logjikës së tyre. :P
si do të dukej sikur ta shkruanim shtathedhur?
Do pajtohesha sikur të ndaheshin me vizë në mes, por që të shkruhen bashkërisht asesi. Më vjen keq.

Aha, unë mendova se u mbështete tek librat, jo te logjika jote. Atëherë duhet të thoshe që do të më pëlqente të shkruhej kështu, jo duhet shkruar kështu.

Kur lexoj fjalën shtathedhur, unë nuk ngatërrohem aspak. Ata që nuk e zbërthejnë dot këtë fjalë, le të hapin fjalorin dhe të lexojnë kuptimin e saj.

Nuk më vjen mirë që ty të vjen keq!

[Helikranon]

Si duhet shkruar fjala e poshteshkruar

dis-harmoni apo disharmoni ?

[Dar_di]

SHKRIMI I DATAVE

Shkruan: Prof. dr. Bahtjar Kryeziu

Kur në datat e plota muaji shkruhet me shifra (arabe ose romake), pas shënimit të datës dhe muajit vihet një pikë:
7.III.2011, ose 7.3.2011 (dhe jo 7-III-2011 ose 7/3/2011).

Kur në datat e plota muaji shkruhet me shkronja, nuk vihet asnjë shenjë midis ditës, muajit dhe vitit:
21 mars 2011 (dhe jo 21.mars.2011, as 21 mars 2011. etj.).

Në shkrimin e datave, pas emrit të vendit vihet presje dhe para shifrës që shënon datën, në shkresat zyrtare, vihet parafjala më:
Tiranë, më 18.XI.2010, Prishtinë, më 1 tetor 2010.

Parafjala më shkruhet kurdoherë para datave, kur ato përdoren si plotës kohe brenda një fjalie:
provimi mbahet të mërkurën, më 5 qershor 2010 etj.

[ajzberg]

Sot po sjell shprehje te tjera ne shqip te cilat me bejne pershtypje.
Si spjegohet shprehja ne shqip KAM RENE NE DASHURI?.Qe dashurohemi dhe dashurojme eshte me se e zkoneshme ,por per se duhet te perdoret folja RENE?

Shprehje te tjera PO I BIE KETEJ ME SHKURT,BJERI ANDEJ SE ARRIN ME SHPEJT etj.Tani perse eshte ngulitur folja BIE kur ajo ka kuptim tjeter?apo kjo ka te beje me terenin lart-poshte?

Nje shprehje e femijeve tane MORA DHJETE NE SHKOLLE SOT,SOT ZYSHa ME VURI KATER.perse kur mer note pozitive e quan te mare dhe negative te dhene?


Shprehje NESER DO TE LYEJ SHTEPINE,SOT DO TE RREGULLOJ OREN ,NESER DO TE RREGULLOJ LAP TOPIN,te gjitha keto i thote i njejti person ,por a mundet qe ai te lyej vete shtepine ,te rregulloje vete oren apo te rregulloje vete lap topin?

[Prudence]

"kam dale"(kur ndodhesh jashte;eshte kryer tashme)
"jam duke dale"(ne veprim e siper,kur jemi duke mbyllur deren e shtepise; ne ashensor apo duke dale nga hyrja pallatit)

[Qyfyre]

Nje shprehje e femijeve tane MORA DHJETE NE SHKOLLE SOT,SOT ZYSHa ME VURI KATER.perse kur mer note pozitive e quan te mare dhe negative te dhene?

Nuk eshte se per note pozitive thuhet qe e kam marre, kurse per negative ma kane dhene. Thjesht ashtu e ke thene ti ketu.

Mund te thuhet dhe e kunderta. Mora kater ne matematike sot. Me vuri 10 zysha se kisha ber nje hartim te mrekullueshem.

Mund te thuhen te dyja.