Komploti i mafies ruso-serbe kunder Kosoves

[thiu]

Komploti i Mafise Ruso-Serbe kunder Kosoves (I)

Isa Mulaj


Alarmante: Zbulohet dhe zyrtarizohet koalicioni KGB (SVR) dhe UDB në Kosovë

Punim hulumtues për diskutimin e politikave, rreth komplotit special të SVR-së, UDB-së dhe Specnaz GRU kundër Kosovës.

"Kombi i deleve do të sjell qeverinë e ujqve” -- Edward R. Morrow (1908 – 1965)

Më pak se një muaj para zgjedhjeve të jashtëzakonshme në Kosovë që do të mbahen më 12 dhjetor 2010, partitë politike dhe kandidatët e tyre duket se më në fund kanë zënë vend. Edhe disa koalicione u formalizuan dhe u bënë publike. Kjo ndodhi më tepër shkaku i afatit për certifikim në Komisionin Qendror të Zgjedhjeve (KQZ), se nga dëshira e subjekteve dhe kandidatëve për ta ndalur riformatimin në formë të koalicioneve dhe bredhjet e kandidatëve nga një parti në tjetrën.

Paragjykimet më të këqija në Kosovë ndaj kandidatëve dhe partive politike ndodhin kur shumë njerëz flasin për jetën e tyre private, ose merren shumë me thashetheme e propagandë që kanë për qëllim t’i nënvlerësojnë apo mbivlerësojnë ata, qoftë në pikëpamje pozitive apo negative. Qëllimi i këtij hulumtimi është që me dëshmi zyrtare t’i bëhet e njohur opinionit publik vendorë e ndërkombëtarë, si dhe atyre që kanë vendosur të votojmë, ashtu edhe atyre që do t’i bojkotojnë zgjedhjet, rreth një komploti pak a shumë publik kundër Kosovës. Përveç kësaj, ky hulumtim i adresohet EULEX-it meqenëse ai ka ngritur shqetësimet për disa politikanë pse ata figurojnë në listat zgjedhore të partive përkatëse kur dyshohen se kanë bërë vepra penale. Dyshimet janë diçka tjetër të cilave u referohet EULEX-i në krahasim me të bëmat faktike të disa politikanëve, të cilët figurojnë si emra të ri në dy parti politike. Për me tepër, është mjaft shqetësues fakti se këta emra të ri, shumica ish-funksionarë komunistë dhe spiunë të UDB-së kanë përgatitur planin kundër Kosovës me ndihmën e mafisë ruse dhe serbe. Për çudi, mediat e Kosovës, qofshin elektronike apo të shkruara, po heshtin rreth planit publik të këtyre njerëzve të shpërndarë në dy parti politike. Ende nuk dihet arsyeja e heshtjes që mund të jetë, ose e qëllimshme, nuk janë të informuara, nuk guxojnë, ose janë nën kontrollin e kësaj mafie. Nuk është aspak çudi pse raporti i Reporterëve pa Kufij tregon se liria e mediave në Kosovë ka shënuar rënien më drastike prej vitit 2009 kur ishte në vendin e 58-të, në vendin e 92-të në vitin 2010. Padyshim se në këtë renditje ka ndikuar dukshëm edhe heshtja ose censura e mediave ndaj komplotit special të mafisë ruse dhe serbe në dy parti politike të Kosovës për zgjedhjet e ardhshme, të cilat u caktuan më 12 dhjetor 2010.

Të gjithë ju që mendoni, apo dikush u thotë, se ky apo ai shkrim bëhet gjatë fushatës së zgjedhjeve, duhet ta keni parasysh seriozisht një fakt: A e dini se sa janë duke na helmuar partitë politike me propaganda këtyre ditëve? Sigurisht se e dini, dhe kjo nuk është hera e parë që përballeni me propaganda të tilla (të cilat ju i quani thjeshtë “rrena”). Atëherë dorën në zemër dhe bëni vetes këtë pyetje: A është në rregull që partitë politike të na bombardojnë përditë dhe gjithkah me këso rrena, ndërsa ne të jem aq indiferent deri në absurd për të mos pyetur dhe demaskuar këto rrena sadopak? Më e tmerrshmja ndër të gjitha duket kur partitë politike dalin dhe e gënjejnë opinionin duke e shantazhuar se këto që i shkruan ti, unë, filani, e fisteku qenkan inkurajuar nga dikush me këtë apo atë qëllim. O lexues i nderuar, a ia vlen që ne t’i kapërdijmë rrenat e kulluara dhe komplotet e partive dhe t’i mbyllim sytë dhe gojën përballë realitetit? Ti me siguri thua: Kurrsesi jo, qofshin ato gënjeshtra që vijnë nga babai, nëna, vëllau, motra, djali, vajza, apo kushdo qoftë i afërm i imi. E sikur gënjeshtrat të vijnë nga grupet kriminale vendore dhe të huaja, cila do të ishte arsyeja nëse ti del në krah të tyre dhe mundohesh t’i mbrosh?

Ja se nga çka është nxitur kjo analizë: Nga bombardimi masiv me propagandë dhe rrena i disa partive politike, dhe komploti i tyre mercenar. Duke e hulumtuar vlefshmërinë e këtyre propagandave, për shkak se jemi të bombarduar nga to, vendosa të kërkoj evidencë nga realiteti dhe më doli diçka tjetër, ose veprimet e tyre konkrete në realitet më dolën krejtësisht në kundërshtim me ato që propagandojnë disa parti politike. Prandaj po i bëjmë publike ato që vërtetohen si vepra, se premtimet në formë të rrenave çka do të bëjnë në të ardhmen tanimë nuk i bëjnë kujt përshtypje, ndonëse duhet marrë me shqetësim të madh kur prapaskena konkrete është krejt ndryshe. Prandaj lexues i nderuar, sa herë disa kriminelë dhe mercenarë politik u thonë: “Kjo është nxitur nga ky shkak, është për këtë qëllim, është propagandë”, etj., ti veç i merr faktet dhe ia përplasë turinjve atij që të thotë kështu, dhe ti i thua atij: “çka i thua ti kësaj”? Ti lexues i nderuar nuk ke nevojë të besosh se çka them unë, ti, ai, ajo, ne, ju, ata/ato. Duhet të bazohesh në vërtetimin e gjërave me evidencën që ekziston, dhe atë ua përplas turinjve atyre që po të gënjejnë me premtime politike, dhe u thua rrencave politik: Le t’i çka thotë filani e fisteku, por më trego çka i thua ti këtyre fakteve?

1. Çka është mafia ruso-serbe dhe si përfaqësohet dhe funksionon ajo në Kosovë?

Termi Mafia Ruse ose "Russkaja Mafija" (në rusisht Русская мафия) i referohet një grupi të fuqishëm mafiozësh me bazë në Rusi dhe ndikim të konsiderueshëm nëpër shumë vende të botës në veprimtari të ndryshme, në mes tjerash, tregti ilegale, kontrabandë të armëve, trafikim droge e qeniesh njerëzore, dhe shpëlarje të parave. Origjina e kësaj mafie rrjedh nga shumë oficerë të ish KGB-së (Komitet Gosudarstvenoj Bezopasnosti – Komiteti i Sigurimit Shtetëror), duke përfshirë (sipas Aleksandër Litvinenkos, spiunin dezertor të ish-KGB-së) edhe kryeministrin aktual të Rusisë Vladimir Putin, i cili në një kohë ishte përfshirë në krim të organizuar dhe fshehjen ose kamuflimin e trafikimit të drogës nga Afganistani. Gjatë kohës së komunizmit ose ndërmjet vitit 1985-1990 Putin ishte i vendosur si agjent i KGB-së në Dresden të Gjermanisë Lindore. Një pjesë e KGB-së pas rënies së Bashkimit Sovjetik u trashëgua në Rusi si SVR (Sluzhba Vneshnej Razvedki – Shërbimi Informativ i Jashtëm) për spiunim jashtë Rusisë, dhe pjesa tjetër si FSB FSB (Federalnaja Sluzhba Bezopasnosti – Shërbimi Federal i Sigurisë) që merret me sigurinë e brendshme të Rusisë.

UDB (Uprava Državne Bezbednosti – Drejtoria për Siguri të Shtetit) ishte shërbimi jugosllav i inteligjencës dhe organizatë e policisë sekrete jugosllave, përgjegjëse për më së paku 200 atentate dhe kidnapime. Në këtë organizatë ka qenë të inkuadruar edhe shumë shqiptarë. Pas shpërbërjes së Jugosllavisë, UDB pjesërisht shpërbëhet dhe agjentët e disa republikave si Slloveni, Kroaci ende janë aktiv në kuadër të shërbimit inteligjent të shteteve të tyre, por në pjesën tjetër më të madhe ose shtetet tjera të ish-Jugosllavisë si Serbia, Mali i Zi, Bosnia, Maqedonia, dhe Kosova, UDB ende vepron me njerëzit e njëjtë për qëllimin e përbashkët – interesat serbomëdha. Trashëgimtare e saj është BIA (Bezbednosno Informativno Agencija – Agjencia Informative e Sigurisë) e Serbisë, e cila shfrytëzon infrastrukturën dhe personat e UDB-së në shtetet e ish-Jugosllavisë që i përmendem, ku përfshihet një numër i madh i shqipfolësve nga Kosova. BIA ka pësuar një transformim në emër sikurse KGB në SVR, pra infrastruktura dhe shumë njerëz të KGB-së kanë mbetur të shpërndarë në vende në ndryshme duke i shërbyer Moskës, sikurse UDB-ashët shqipfolës që ende i shërbejnë Beogradit. Një prej parimeve bazë të UDB-së ka qenë ndjekja dhe eliminimi i atdhetarëve shqiptarë dhe inteligjent siç ishin, në mes të shumtëve, vrasja e Enver Hadrit, vëllezërve Gërvalla, e shumë të tjerëve. Kjo strategji e përndjekjes së shqiptarëve që UDB-ja i cilëson si inteligjent, vazhdon edhe sot e kësaj dite nëpërmjet përfaqësuesve të tyre zyrtarë shqipfolës në Kosovë, ose UDB-ashëve të atëhershëm dhe të tashëm. Do t’u sjellim dëshmi për këtë.

Një prej bashkëpunimeve strategjike ndërmjet BIA-s me SVR-në rreth ose kundër Kosovës, ishte gjatë luftës dhe bombardimeve të NATOS në Kosovë në muajt prill dhe maj 1999. Në atë kohë, kryetari i Finlandës Marti Ahtisaari i lindur në qytezën Viborg të Rusisë, zhvillonte bisedime me Sllobodan Millosheviqin dhe Viktor Çernomirdinin (ish-kryeministër i Rusisë i cili vdiq më 3 nëntor 2010, më pak se gjashtë javë para zgjedhjeve të jashtëzakonshme në Kosovë!). Çernomirdin në mes tjerash ishte themelues dhe kryetari i parë i gjigantit më të madh në botë të gazit natyror Gazprom. Bisedimet në Beograd kishin për qëllim ta bindin Millosheviqin të pranoj një armëpushim dhe vendosjen e misionit të OKB-së në Kosovë. Në disa prej këtyre takimeve ka qenë prezent dhe është pështjellur shumë edhe biznesmeni kosovar Behgjet Pacolli, i cili kishte lidhje të forta me Rusinë, e kjo lidhje të forta dhe aleate tradicionale e vëllait ose motrës së vet Serbinë e cila udhëhiqej nga Millosheviqi. Nuk dihet aq shumë roli i dhe qëllimi i z. Pacolli në ato bisedime të rusëve me serbët dhe finlandezit Ahtisaari të lindur në Rusi. Në një pjesë të opinionit kosovarë spekulohet se qëllimi i z. Pacolli ishte që si pjesë e ndonjë marrëveshje, ky të bëhej një lloj udhëheqësi i Kosovës në kohën kur nga Kosova ishin dëbuar nga regjimi i Millosheviqit afër gjysma e popullsisë shqiptare (afër 900,000 refugjatë). Sidoqoftë, meqenëse nuk jemi të njoftuar sa duhet me përmbajtjen detaje dhe qëllimin e atyre bisedimeve ku infiltrohej z. Pacolli, konstatimet se z. Pacolli kishte ndërmend të bëhej udhëheqës i Kosovës nga bisedimet e rusëve dhe serbëve, po i lëmë njëherë si spekulime.

Millosheviqi e pranon planin e tërheqjes së forcave serbe nga Kosova më 3 qershor, 1999 dhe kërkon afat deri më 12 qershor për tërheqje. Ndërkohë, në të njëjtën ditë (12 qershor), konvoji i 250 ushtarëve rusë (si pararojë e afër 3,000 tjerëve që do të vinin më vonë) nga Bosnja futen në Kosovë dhe okupojnë Aeroportin e Prishtinës, para se të hyjnë ushtarët e NATOs. Rreth 1/3 e atij kontingjenti të parë rusë ishin nga njësitë elite Specnaz (Vojska Specialnogo Naznaçenja – Ushtria për Qëllime Speciale) të divizioni Vimpel. Gjenerali amerikan Uesli Klark e urdhëron gjeneralin britanik Majkëll Xhekson (pak a shumë pro-serb!) të nxitoj dhe të mos i lë rusët ta zënë Aeroportin. Mbeti e pa qartë se ku ishte hartuar plani i futjes së ushtarëve rusë në Kosovë menjëherë pasi Millosheviqi ishte pajtuar të tërheq makinerinë vrastare dhe kriminelët e tij (jo të gjithë) nga Kosova, por nuk ka dyshim se shumëçka ishte përgatitur në Beograd nga palët në ato bisedime rreth Kosovës, ku ishin të përfshirë rusët, finlandezi nga Rusia, serbët, dhe një shqiptar me lidhje të forta me politikën ruse dhe serbe.

Se cili ka qenë plani i hollësishëm dhe strategjia e pjesëmarrësve në ato bisedime në Beograd, kjo duhet të hulumtohet dhe zbardhet në tërësi, dhe rolin e secilit pjesëmarrës në to. Sa për Millosheviqin, rusët, dhe Ahtisaarin nga Rusia, e kemi ditur se ata nuk bëjnë plane për të na bërë çirak; përkundrazi. Mbetet i paqartë roli i z. Pacolli i cili është shqiptar. Gjersa ato janë ngjarje të shkuara por që gjithsesi duhet të zbardhen, sepse nuk kanë të bëjnë me mua apo me ty lexues i nderuar por më tërë Kosovën, tani jemi në pozitë të kuptojmë rolin e një politike të re. Si? Nga ajo se çka them unë, ti, filani e fisteku? Jo, jo. Do të bazohemi në ato se çka tregojnë dëshmitë zyrtare, dhe atë jo si janë krijuar, por si i paraqet vetë subjekti për të cilin flitet, në këtë rast z. Pacolli. Prandaj lexues i nderuar, kur dikush të flet mirë apo keq për z. Pacolli, ti veç i merr dëshmitë zyrtare dhe ua përplas turinjve të gjithë atyre që mundohen t’iu hipnotizojnë ose gënjejnë. A jemi të pajtimit rreth kësaj, apo rreth asaj çka ma ka ënda mua, ty, filanit, e fistekut të themi me hamendje? Sigurisht se ti, dhe natyrisht çdokush i arsyeshëm, do të duhej të ishte i interesuar se çka thotë evidenca zyrtare me të cilën pajtohet z. Pacolli kur është në pyetje fati i Kosovës. Kur bëhet fjalë për politikën dhe fatin e Kosovës, njerëzve normalë nuk u intereson t’i thuash se Isa i ka sytë e zi apo të kaltër, filani të zi, e z. Pacolli të gjelbër, është kështu e ashtu. Me planet për fatin e një kombi të tërë, nuk ka hajgare, lexues i nderuar. Zhduke njëherë e përgjithmonë paragjykimin për mbrojtjen apo sulmimin e dikujt rreth jetës private dhe personale, kushdo qoftë ai/ajo. Por kur është në pyetje puna e tyre rreth fatit të popullit, mos lësho pe në asnjërin rast, për të mirë apo për të keq, le të jetë ai babai apo nëna juaj.


1.1. Çka thotë evidenca zyrtare e medieve serbe për z. Pacolli, ose çfarë planesh u prezanton z. Pacolli atyre?

Vetëm diçka më shumë se një muaj para se të themelohet Aleanca Kosova e Re – AKR (e themeluar nga z. Pacolli më 17 mars 2006), gazeta e Serbisë “Nedeljni Telegraf” (Telegrafi Javor) e datës 4 janar 2006 i kushton një publicitet të hatashëm, mjaft hulumtues, ilustrues, me intervistë mjaft të gjatë z. Pacolli, plot 8 faqe (dhe ndoshta nuk u ka mjaftuar!). I tërë materiali mban mbititullin: Sudbina regiona je u rukama Beograda: KOSOVO NE MOŽE BEZ SRBIJE (Fati i rajonit është në duar të Beogradit: KOSOVA NUK MUNDET PA SERBINË). Kështu thotë Pacolli, e jo serbët ose shqiptarët. Shiko faqen 9 të gazetës javore:




http://www.lajmet.com/cutenews/data/upimages/1.jpg.





Në njoftimin hyrës ose përmbledhës, gazetarët intervistues serbë (duke përfshirë kryeredaktorin) ua tërheqin vërejtjen lexuesve se “shtypi serb dhe kosovarë e dejonizon [z. Pacollin], ky ndërton qytete nëpër botë dhe ëndërron paqen dhe jetën e lumtur për të gjithë popujt e Ballkanit”. Pyetje për ty lexues i dashur, serbët, shqiptarët, dhe z. Pacolli: Çfarë paqe dhe jetë të lumtur mund të kenë të gjithë popujt Ballkanit nëse fati i rajonit të Ballkanit qenka në duart e Beogradit dhe Kosova nuk mundet apo nuk bënë pa Serbinë?

Faqja e parë ekskluzive fillon me njoftimet rreth pasurisë së z. Pacolli, me theks të posaçëm në kohën e lirë që ky e kalon në hotelin e tij luksoz me pesë yje Diamond Swiss Olivela. Gazeta vazhdon, për t’i rënë në kokë secilit serb, për të mirë natyrisht, “Dhe drejtoreshë është gjithmonë e hapura me buzëqeshje Milica nga Kragujevci”. Po, po. Milica nga Kragujevci, të cilën gazetarët e bëjnë gjithmonë të hapur dhe me buzëqeshje, për t’iu treguar mediave dhe serbëve se nëse në Kosovë e domonizojnë z. Pacolli, kanë të drejtë, por kujdes ju serbët që mund t’ia mësyni kur të doni tek drejtoresha e jonë atje që u pret juve gjithnjë e hapur duke u buzëqeshur. Këtë po ua themi në bazë të përvojës sonë si gazetarë serbë, se po të ishim gazetarë shqiptarë nuk mund të themi kurrë kështu. E kuptoni tani pse është plotësisht normale që shumë gazetarë shqiptarë e demonizojnë këtë njëri, dhe pse ata që i thonë vetes serb të denjë nuk duhet ta demonizojnë, është porosia ndërmjet rreshtave e Nedeljni Telegraf.

Për më tepër rreth prezencës së “marrëdhënieve” të serbëve dhe shqiptarëve në Zvicër, shiko dosjen Kobra. Mund ta shikosh më vonë, por mos harro se UDB ka qenë për dekada shumë aktive në Zvicër, siç është edhe tani.

Faqja e radhës ose e dhjeta e gazetës menjëherë të bie kokës nga përmbajtja bombastike dhe fenomenale. Mbitutitulli EKSKLUZIVNO PACOLI. “Tek unë punojnë edhe njerëzit nga Serbia. Montazha (kompani) nga Beogradi m’i kryen instalimet elektrike në të gjitha objektet. Dy pilot në aeroplanin tim janë serb”, thotë z. Pacolli. Për më shumë:




http://www.lajmet.com/cutenews/data/upimages/2.jpg.




Këtu z. Pacolli thekson se nuk ka ambicie politike, por mendon se është koha që Ibrahim Rugova të tërhiqet (nga politika dhe kryetari i Kosovës) dhe të gjejë një trashëgimtar nga rrethi i vet. Shënim interesant: z. Rugova vdes më 21 janar 2006, ose vetëm 3 javë pas intervistës së z. Pacolli. Dyshimi im se ai mund të jetë helmuar njësoj sikur spiuni dezertor rus Aleksandër Litvinenko në Londër nga Specnaz GRU (Glavnoje Razvedyvatelnoje Upravlenje – Drejtorati i Ushtrisë për Inteligencë të Jashtme) dhe SVR, nuk doli ta hulumtoj kush seriozisht dhe autopsia mbi shkaqet e vdekjes së I. Rugovës edhe sot po refuzohet. Ka edhe njerëz që dëshmojnë se vdekjen e I. Rugovës së pari e kanë dëgjuar nga mediat e Serbisë si Beta, Vreme, ndërsa pas dy ditëve janë informuar nga RTK-ja dhe mediat e Kosovës. Po në të njëjtën faqe të gazetës, z. Pacolli thekson se Aleanca Kosova e Re (AKR) është formuar si organizatë jopolitike dhe vetëm si ekip i ekspertëve, dhe i garanton serbët (gazeta e ka futur këtë në kornizë speciale) se kjo do të jetë për mirëqenien e Evropës juglindore ani pse ky mision po më kushton shumë para, thotë z. Pacolli, por mos harro lexues i nderuar se këtë garancion z. Pacolli e bazon, siç thotë ai në fillim të intervistës me titull fort të madh, se fati i kësaj pjese të Evropës është në duart e Beogradit. Vetë Beogradi nuk mendon kështu, por merr garancione nga z. Pacolli (dhe nga Specnaz GRU, dhe SVR) se duhet të jetë në pozitë të tillë, dhe ia bënë me dije Serbisë se ky është duke shpenzuar shumë para për arritjen e këtij qëllimi – që fati i këtij rajoni të vendoset vetëm nga Beogradi. Mjaftuan vetëm më pak se dy muaj nga vdekja e Ibrahim Rugovës dhe AKR-ja e themeluar pa kurrfarë ambicie politike të deklaruar, të shndërrohet në parti politike, me ç’rast deklarimi i z. Pacolli se z. Rugova duhet të zgjedh pasardhësin e tij (d.m.th. kryetarin e Kosovës dhe të LDK-së) nga rrethi i tij, të bien poshtë komplet.

Faqja 10 e gazetës përmban 8 fotografi dhe në mes të tyre titullin NUK KAM AMBICIE POLITIKE. Në fotografinë e parë shfaqet Osmani, gjyshi i z. Pacolli, në të dytën me radhë babai Isa Pacolli në uniformën e APJ-së (Armatës Popullore të Jugosllavisë) me gradën, në bazë të dy shiritave, “desetar” (dhjetësh). Grada me dy shirita duket se përmban edhe diçka, që mund të jetë një apo dy yje (nuk vërehet mirë), e që do të duhej të ishte “zastavnik” (flamurtar) ose “flamurtar i klasës së parë. Fotografia është bërë në vitin 1950, vetëm pesë vite pas përfundimit të Luftës së Dytë Botërore dhe fillimin e një lufte tjetër dhe terrorit në Kosovë. Fotografia e radhës ngjitur me atë të dytën, është e të birit të Isa Pacolli, Behgjet Pacolli në uniformën e APJ-së, e bërë në vitin 1975, dhe lexuesit i tregohet domethënia e fotografisë kështu: Pacolli radio kao Titovo obezbedenje, që në shqip më duket se do të thotë: Pacolli ka punuar si sigurims i Titos (fjalën “obezbedenje” nuk po e kuptoj mirë). Në një fotografi tjetër duket me dikë që quhet Jonuz, dhe në tjetrën me Nuredinin. Nuk kemi ide se kush janë këta Jonuzi dhe Nuredini por pyesni KGB-në dhe UDB-në, me siguri do ta dinë, sepse fotografitë janë të asaj kohe kur Lufta e Ftohtë ishte në kulminacion. Fotografitë flasin sa një mijë fjalë, por ju vazhdoni të lexoni edhe tekstin në faqe 10 të gazetës se ka gjëra tjera dhe të ndryshme nga fotografitë.

Faqja 11 e gazetës sjell materiale edhe më të nxehta dhe interesante për t’iu rënë kokës dhe për t’i lënë kopërdak të gjithë ata serbë të denjë për atdheun e tyre – Serbinë – që guxojnë ta demonizojnë z. Pacolli në bazë të thashethemeve dhe me t’nime. Ja se çfarë titulli përmban, të cilin e ka thënë z. Pacolli: SERBIJA ËSHTË ROTOR I ZHVILLIMIT TË EVROPËS JUGLINDORE DHE POLITIKA E MENÇUR DO T’U SILLTE EKSPANSION TË PABESUESHËM.





Shiko: http://www.lajmet.com/cutenews/data/upimages/3.jpg





O Zot, o Zot!!! Fanatikët dhe fashistët e ndryshëm serbë kanë paraparë ekspansionin e besueshëm për krijimin e Serbisë së Madhe, por nuk e kanë ëndërruar ekspansionin e pabesueshëm pos me ndonjë grafit nëpër mure nga emocionet. Këtë për Serbinë më konkretisht e parasheh vetëm z. Pacolli i cili është në gjendje të sakrifikoj çdo gjë për ekspansionin e pabesueshëm të Serbisë. Kështu z. Pacolli ua mërdhinë të gjithë fanatikëve dhe fashistëve serbë, se po që se ata nuk janë të gatshëm për ekspansion të besueshëm për Serbinë e Madhe, atëherë duhet të kenë besim në strategjinë e tij për ekspansion të pabesueshëm dhe krijimin e Perandorisë ose Superfuqisë Serbe, sepse z. Pacolli llogaritë në fuqinë e Rusisë.

Fjala “rotor i zhvillimit” thuajse nuk përdoret kurrë në terminologjinë standarde ekonomike, me përjashtim të rasteve tepër ambicioze ose emocionale. Në rast së flitet për ndonjë bum ekonomik, atëherë në anglisht përdoret termi “economic engine” (motor ekonomik), si për shembull me rastin e rritjes ekonomike të Kinës mesatarisht 10% për 30 vite n’gjim. Por rotori është diçka më i rëndësishëm se motori, sepse i pari është pjesa lëvizëse e të dytit, ose që funksionalizon dhe paralizon çdo gjë. Këtu bie poshtë konstatimi i z. Pacolli se Serbia është “rotor i zhvillimit të Evropës juglindore”. Sa për informimin e opinionit, në bazë të përllogaritjeve tona të bazuara në burime të besueshme te të dhënave nga institucionet më të rëndësishme ndërkombëtare si Fondi Monetar Ndërkombëtar (FMN), Banka Botërore, Banka Evropiane për Rindërtim dhe Zhvillim, dhe CIA World Factbook, ekonomia e Serbisë është vetëm sa një pjesë e ekonomisë së disa shteteve veç e veç. Për shembull, në bazë te të dhënave për vitin 2009 nga burimet e FMN-së, madhësia e ekonomisë së Serbisë (ose rotorit të tërë Evropës juglindore sipas z. Pacolli), është kështu:

Bruto Produkti Vendor (GDP) i Serbisë është vetëm sa 13% e GDP-së së Greqisë ose 7,7 herë më i vogël; sa 26,6% i Rumanisë ose 3,8 herë më i vogël, sa 63,5% e GDP-së së Kroacisë (edhe pse Kroacia ka më pak se 4,5 e Serbia mbi 7,3 milionë banorë), sa 88,4% e Sllovenisë (Sllovenia ka vetëm 2 milionë banorë), dhe sa 91,2% e Bullgarisë (po të jetë 100%, atëherë nënkupton se GDP e Serbisë është sa ajo e Bullgarisë). Vendet tjera të Evropës juglindore që e kanë GDP-në më të vogël se të Serbisë, janë vetëm ato që e kanë numrin e popullsisë dukshëm më të vogël se të Serbisë (Mali i Zi, Kosova, Maqedonia, Shqipëria, dhe Bosnja e Hercegovina). Po të merret Serbia në krahasim me të gjitha vendet e Evropës juglindore, atëherë del se madhësia e ekonomisë së saj është sa 6% e totalit. Ja pra lexues i nderuar, 6% z. Pacolli e quan rotor i zhvillimit ekonomik të Evropës juglindore! Sikur të jetë 50%:50%, ende është pikëpyetje a mund ta quash motor, e lërë më rotor. Mirëpo, mos të harrojmë se këtu z. Pacolli e llogaritë edhe ekonominë e Rusisë dhe Kazakistanit, të cilat janë shtete tjera që nuk i përkasin fare Evropës juglindore.

Pacolli me UDB-ashin më të famshëm dhe famëkeq të Kosovës Selim Broshaj në Restorantin Dora


Fanatikët serbomëdhenj fillimisht mendojnë se z. Pacolli po tallet, por gazeta u sjellë dëshmi faktike të forta dhe i lë kopërdak të gjithë ata që mendojnë se z. Pacolli nuk ka ambicie për ta bërë Serbinë Superfuqi. Vendin qendror në atë faqe e zë fotografia e vitit 1981 me z. Pacolli me UDB-ashin më të famshëm dhe famëkeq të Kosovës Selim Broshaj (duke i buzëqeshur fotografistit), duke festuar në restorantin Dora pas shtypjes së përgjakshme të demonstratave të studentëve shqiptarë nga ushtria dhe milicia serbe e jugosllave dhe shumë shqipfolës. Në foto duket edhe një njeri tjetër, ose i pari nga e majta (z. Pacolli është në mes ndërsa Selim Broshaj i pari nga e djathta – nëse është ky, sepse nuk e kam njohur), por gazetarët e kanë theksuar Selim Broshajn për t’ua mbyllur gojën të gjithë atyre serbëve që kanë dyshim në z. Pacolli nëse e ka seriozisht sakrificën e tij për krijimin e Superfuqisë Serbe, me fjalë tjera, gazeta u thotë serbëve: O njerëz, a e shihni se ne në Kosovë i kemi ujqit tanë shqipfolës kundër deleve të quajtur “šiptari”?

Ti lexues i nderuar duhet të bësh pyetjen se nga e mori gazeta serbe atë fotografi të vitit 1981, kush ia dërgoj, z. Pacolli (sepse ata që intervistohen duhet t’i sigurojnë edhe fotografitë, ose së paku të japin lejen për botimin e tyre), nga UDB-ja, apo nga kush? Për çfarë qëllimi gazeta e vë në qendër kryesore Selim Broshajn dhe Behgjet Pacollin?

Në një fotografi më lartë, djathas janë intervistuesit Momçillo Gjorgoviç (krye-redaktori), Stanislava Pak (gazetare), dhe i intervistuari (Behgjet Pacolli). Fotografia tjetër përfundi saj paraqet z. Pacolli me nënën e tij. Ndonëse lexues i nderuar kjo është foto familjare dhe duhet të ndahet shapi prej sheqerit kur hulumtohen veprimtarinë kombëtare ose anti-kombëtare, arsyeja pse armiku boton edhe fotografi të anëtarëve tjerë të familjes që s’kanë lidhje apo nuk mund të kontribuojnë në “kauzë”, është që t’i bëhet me dije ushtrisë dhe milicisë se në rast lufte, duhet ta dini se kë nga shqiptarët nuk guxoni ta prekni, madje duhet ta mbroni, dhe kë duhet ta vritni (në rastet kur botohen fotografi me anëtarë të familjes të atij që UDB mendon se nuk i shërben interesave serbomëdha).

Vazhdoni të lexoni edhe tekstin, sepse fotografitë ndonëse vlejnë mijëra fjalë, ë tekst ka gjëra interesante, si për shembull ato kur z. Pacolli thotë se Kosovës nuk i duhet ushtria pasi që nuk do të ketë kufij, domosdoshmërinë e tij për t’u kyçur në procesin e privatizimit në Serbi (duke përfshirë edhe Kosovën!) se “Tajkunët (njerëzit shumë të pasur) nuk janë në gjendje të ndërtojnë gjë, ata vetëm me shpejtësi e vjedhin shtetin e popullin dhe përfitojnë në fatkeqësinë e tij. Mua më shumë më intereson të ndërtoj, dhe nëse ndërtoj qytete të mëdha nëpër botë, pse të mos ndërtoj edhe në Beograd për ardhmërinë e rinisë sonë?!”, etj.

Gazeta nuk e ka të qartë se çka kishte ndërmend z. Pacolli kur thoshte “ardhmërinë e rinisë sonë” në Beograd, prandaj i ka vënë kësaj fjalie të z. Pacolli një pikëpyetje dhe një pikëçuditëse. Ndërsa për ato se Kosova s’ka nevojë për ushtri, se nuk do të ketë kufij, dhe tash lobon për njohjen e pavarësisë së Kosovës (por jo në ato shtete të cilave u shërben dhe ka lidhje të forta me to) do të njihemi më vonë se kush dhe si e ka planifikuar dhe po e zbaton këtë strategji konspirative.

Në faqe 12 gazeta fillon me fotografinë ku duket z. Pacolli me Mahmut Bakallin (ish-udhëheqësin komunist të Kosovës) në vitin 1998 ose në vigjilje të luftës në Kosovë. Fotografia tjetër më poshtë tregon një mbledhje në Lugano me Afrimin (kush është ky?) dhe më poshtë me Bujar Bukoshin. Ne vitin 1999 është takuar në Lugano me përfaqësuesit e qeverisë së përkohshme të Kosovës, ndërsa fotografia e skajshme paraqet në të djathtë tregon vizitën që i ka bërë varrit të Adem Jasharit në fshatin Prekaz i Ulët i Skënderajt në vitin 2000. Burimi i kësaj fotografie do të ishte interesant të tregohet. Këtë ose duket se ia ka ofruar z. Pacolli gazetës, ose gazeta ka qenë prezente aty. Vazhdoni të lexoni edhe tekstin me gjëra tjera interesante, ku në mes tjerash z. Pacolli tregon se familja e tij rrjedh nga Mirdita e Shqipërisë. Shiko dhe lexo më gjerësisht:




http://www.lajmet.com/cutenews/data/upimages/4.jpg




Në faqen 13 fillojnë fotografitë me Jelcinin, Klintonin dhe Borodinin në Kremlin më 1996, më poshtë në fotografi me senatorin amerikan Bob Doll dhe ish-gruan Ana Oksa. Faqja mban titullin me shkronja të mëdha. NUK JAM NJERI I LUFTËS. NJË MILIARDË E DYQIND MILIONË TË MIA PO I FUS NË PAQE.” Kjo ka rëndësi të mbahet mend sepse tash ato nuk mund t’i fus në shtetet ku ka sundim të mirëfilltë të ligjit për shkak të aferave në shpëlarjen e parave me mafinë ruse, por manipulon këtu në Kosovë ku nuk ka sundim të ligjit. Më vonë u sjellim dëshmi.

Titulli tjetër në të një faqe që të bie në sy, është “Oferta ime për Koshtunicën”, ish-kryetarin e RFJ-së (2000-2003) dhe ish-kryemistrin e Serbisë (2004-2007 dhe 2007-2008), ku z. Pacolli tregon për ofertën që ia ka bërë Koshtunicës. Dhe çfarë oferte se! I ka dërguar Koshtunicës letër dhe e ka njoftuar se është i interesuar “të ndërtoj në Beograd një kompleks banesoro-afarist aty ka qenë më herët MUP-i (Ministria e Punëve të Brendshme), përgjatë autostradës. Projekti parasheh ndërtimin e dy kullave, ndërsa në bazë do të jenë qendrat tregtare. Këto do të jenë objektet më të larta në Ballkan, dhe iu siguroj se do të ngazëllehen të gjithë ata që kalojnë nëpër autostradë. Mund të ndërtojmë rrjetin e autostradave, ashtu që njerëzit mund të vijnë të papenguar shpejt nga e tërë bota. Realizimi i këtij projekti do të hapte shumë vende të reja pune gjatë ndërtimit dhe përfundimit të tij”, thuhet në letrën e z. Pacolli drejtuar shovinistit dhe anti-shqiptarit Vojisllav Koshtunica, që gjendet në origjinal këtu: http://www.lajmet.com/cutenews/data/upimages/5.jpg

Faqja 14 që mund të shkarkohet nga kjo adresë: http://www.lajmet.com/cutenews/data/upimages/7.jpg, përmban fotografi dhe tituj bombastik e skandaloz. Kryetitulli në maje t’majës EKSKLUZIVNO PACOLLI, tituj tjerë të mëdhenj: ËNDRRA IME E MADHE: NDËRTIMI I XHAMISË, KISHËS KATOLIKE DHE ORTODOKSE NË PRISHTINË NJËRA PAS TJETRËS, dhe një tjetër titull skandaloz: S’KA BISEDIME PËR BASHKIMIN E KOSOVËS ME SHQIPËRINË. Lexoni tekstin në detaje.

Faqja 15 dhe e fundit nga gazeta nga kjo adresë: http://www.lajmet.com/cutenews/data/upimages/8.jpg, mban titullin: “Takimi i fundit me Millosheviqin: HOLBRUK KA SHKAKTUAR HUMBJEN E VENDEVE TË PUNËS NË BALLKAN.” Një titull i pazakonshëm, apo jo? Mirëpo, brendia tregon diçka edhe më interesante. Aty z. Pacolli dëshmon për takimet që i ka pasur me Millosheviqin në “Beli Dvor” (Pallatin e Bardhë), pikërisht ku ka punuar më herët si roje e Titos. Takimin e parë me Millosheviqin e kam pasur në vitin 1996 kur ka qenë kryetar i Serbisë, thotë Pacolli, dhe vazhdon: “Herën e parë kemi biseduar gjatë, dhe herën e dytë (në mars 1998) jemi takuar në Beli Dvor të cilin e kam njohur në çdo cep.” Për takimin e dytë thotë se ka biseduar me Millosheviqin rreth zgjidhjes së çështjes së Kosovës dhe se dialogu ka qenë konstruktiv, por përsëri thotë se nuk ka ambicie politike. “Pak më vonë, Holbruku ka tentuar ta bëjë atë që tanimë unë kisha provuar, por nuk ka pasur sukses”, ej. Lexoni faqen e plotë nga adresa e mësipërme.

Përpos këtij bashkëpunimi fanatik të Pacollit me politikanët shovinistë dhe anti-shqiptarë të Serbisë duke u premtuar atyre mrekullira, duke përfshirë edhe takimet me krye kasapin e Ballkanit Sllobodan Millosheviq, krimi i organizuar i z. Pacolli me mafinë ruso-serbe është i dëshmuar edhe nga hulumtimet e Institutit Evropian për Parandalimin dhe Kontrollin e Krimeve në Helsinki, i lidhur me Kombet e Bashkuara. Raportin e plotë mund ta shkarkoni dhe lexoni nga kjo adresë:


http://www.heuni.fi/uploads/v2t9skuki.pdf. Lexim të këndshëm!



Mafia ruso-serbe tash së voni është zbuluar në Mal të Zi duke vënë baste me fëmijët, si rrjet kriminal që organizon luftëra fizike ilegale mes fëmijëve të moshave prej 7 deri në 12 vjet. Mali i Zi është shtet fqinj me Kosovën. N Kosovë mafia ruse qarkullon edhe pa viza, dhe për këtë mafi të përbashkët ruso-serbe. punojnë disa grupacione politike dhe politikanë shqipfolës. Ju i njihni fort mirë këta përfaqësues të mafisë ruso-serbe, rrini me ta dhe mund t’u duken burra të mirë dhe femra shqipfolëse të bukura, e madje disa prej jush na rekomandoni t’i votojmë!

vijon..

Ne pjesen e dyte do te lexoni:
- 1.2 AKR dhe “mungesa e ambicieve politike” të mafisë ruso-serbe
- 1.3. Specnaz + Mimoza Kusari vs. Ramush Haradinaj 1:1
- 2. Ana tjetër e komplotit: LDK dhe koalicioni i saj me AKR-në
- Bizneset e Isa Mustafës: Atëherë dhe tani
- Krimi i organizuar pa kufi i mustafizmit











nga:
http://www.albaniapress.com/lajme/13...Kosoves-I.html

[Prishtina.C]

Ne pjesen e dyte do te lexoni:
- 1.2 AKR dhe “mungesa e ambicieve politike” të mafisë ruso-serbe
- 1.3. Specnaz + Mimoza Kusari vs. Ramush Haradinaj 1:1
- 2. Ana tjetër e komplotit: LDK dhe koalicioni i saj me AKR-në
- Bizneset e Isa Mustafës: Atëherë dhe tani
- Krimi i organizuar pa kufi i mustafizmit

Nuke esht mire qe njerz te semur mentalisht njeherish militante dhe ekstremist te partive ta keqperdorin ket forume per propagande te tyre elektorale duke i denigruar dhe perbaltur njerzit me te mdhenje dhe me te pastert qe ka kosova .


Moderator te nderuar esht mire qe sa me pare te mbyllet kjo tem e cila nuk permban as minimumin e sensit te seriozitetit njeherish kam shpres se nuk do te lejoni qe ky forume te keqperdoret nga disa militante te partive per interesa te tyre partiake

[thiu]

Nuke esht mire qe njerz te semur mentalisht njeherish militante dhe ekstremist te partive ta keqperdorin ket forume per propagande te tyre elektorale duke i denigruar dhe perbaltur njerzit me te mdhenje dhe me te pastert qe ka kosova .


Moderator te nderuar esht mire qe sa me pare te mbyllet kjo tem e cila nuk permban as minimumin e sensit te seriozitetit njeherish kam shpres se nuk do te lejoni qe ky forume te keqperdoret nga disa militante te partive per interesa te tyre partiake

masi paske reague idht
mos ke edhe ti pjes e keti marifetlleku?