Konteston premtimin

[ARIANI_TB]

Konteston premtimin
Raportuesja e Parlamentit Europian për Kosovën, Ulrike Lunacek, ka kontestuar premtimin për liberalizim të vizave, të cilin Kryeministri Hashim Thaçi është duke e përdorur për të kërkuar votën e qytetarëve. Eurodeputetja Lunacek thotë se është e befasuar me këto deklarata, derisa ka kërkuar punë nga autoritetet e Prishtinës që të dëshmojnë se janë plotësuar kushtet për heqjen e vizave.

Nga Valmir Klaiqi më 30 nëntor 2010 në ora 08:57
Premtimi për liberalizim të vizave, të cilin Kryeministri në dorëheqje Hashim Thaçi po e përmend në secilën paraqitje elektorale, është goditur nga eurodeputetja Ulrike Lunacek të hënën.

Sipas saj, premtimi i Thaçit është befasues që vështirë se mund të realizohet për 15 muaj.

Thaçi ditëve të fundit ka potencuar vazhdimisht se kosovarët do të mund të udhëtojnë pa viza në shtetet e Schengenit, derisa ka kërkuar votën nëpër vende të ndryshme të Kosovës.

Por, raportuesja e Parlamentit Europian për Kosovën, Lunacek, ka lënë të kuptohet se ajo çfarë është duke prezantuar Thaçi nuk është realiste, duke porositur autoritetet në Prishtinë se duhet të punojnë shumë dhe të dëshmojnë se i kanë plotësuar kushtet.

Pas një takimi që Lunacek zhvilloi me Ministrin e Punëve të Brendshme në dorëheqje Bajram Rexhepi, deklaroi se është befasuar me deklarimin e Thaçit.

Ajo ka pohuar se nuk ka ndonjë datë të caktuar për liberalizim të vizave.

“Me duhet të pranoj se isha e befasuar kur dëgjova këtë, sepse nuk është ndihmuese tani që të jepen data. Do t’i kërkoja qeverisë, e cila është ende në fuqi, të presë misionin që do të vijë këtu javën e ardhshme dhe të shikojë se çfarë është zbatuar. Nuk do të jepja data, sepse nganjëherë gjërat nuk shkojnë si janë planifikuar”, është shprehur Lunacek.

Për premtimet jorealiste të politikanëve, së voni ka tërhequr vërejtjen edhe Përfaqësuesi Special i BE’së në Kosovës, Pieter Feith, duke thënë se është kundër “premtimeve të parealizueshme”

Megjithatë, Ministri i Brendshëm, Rexhepi, është shprehur optimist dhe tha se deri në fund të vitit 2011 pritet që Kosova t’i përmbushë të gjitha kushtet për liberalizim të vizave.

Rexhepi më shumë u beson deklaratave të Kryeministrit Thaçi sesa “pesimizmit” të Parlamentit Europian, ku bëhet fjalë për liberalizimin e vizave.

“Është reale që të pritet që në vitin 2012 edhe ne të jemi në procesin e liberalizimit të vizave. Unë nuk e di dokumentin e saktë, sigurisht kryeministri është më i informuar, por kjo nuk është fushatë, por është synim tentativ dhe është reale të pritet që të jemi në liberalizim deri në këtë kohë”, ka thënë Rexhepi.

Rexhepi gjatë takimit me eurodeputeten Lunacek ka diskutuar edhe për zgjedhjet e 12 dhjetorit.

Ai njoftoi pas takimit se Parlamenti Europian do të dërgojë 7 përfaqësues, të cilët do t’i monitorojnë zgjedhjet.

Premtimet vazhdojnë
Të hënën Thaçi ka vazhduar premtimet duke vënë edhe nënshkrimin e tij në një marrëveshje mirëkuptimi me sindikalistët e kombinatit “Trepça”, e cila parasheh rritje të pensioneve për 20 euro nga 1 janari i vitit që vjen për rreth 3700 minatorë.

Sipas Kryeministrit në dorëheqje, institucionet e Kosovës i kanë borxh minatorëve që të kujdesen për një jetë më të mirë dhe krijimin e vendeve të reja të punës për fëmijët e të gjithë, siç i quajti ai, “luanëve të nëntokës”.

“Pensionistët që deri tani kanë marrë nga 80 euro, nga janari 2011 do të gëzojnë pensionet nga 100 euro, pensionistët prej 50 euro nga janari 2011 pensioni i tyre do të jetë 70 euro. Do të bëhet rritja e stipendive nga 30 në 50 euro dhe implementimi i kësaj marrëveshje do të bëhet nga autoritetet shtetërore të Republikës së Kosovës”, ka thënë Thaçi.

Kreu i PDK’së ka takuar të hënën edhe Myftiun Naim Tërnava si dhe ka paralajmëruar takime edhe me krerët e bashkësive tjera fetare.

Thaçi premtoi se pozita e bashkësive fetare në mandatin e ri katërvjeçar do të trajtohet me ligj, sikur në vendet evropiane.

“Jemi dakorduar që definitivisht të rregullohet me ligj pozita juridike e bashkësive fetare, të ketë mbështetje financiare për bashkësitë fetare, duke u bazuar në standardet bashkëkohore që rregullojnë këtë çështje dhe respektimi i të drejtave dhe lirive fetare të njeriut që do të bëhet sipas parimit të diskriminimit dhe standardeve evropiane”, ka thënë Thaçi.

[Llapi]

Thaçi: Konfirmohet se do të përfshihemi në liberalizimin e vizave brenda 15 muajve

Kryeministri në dorëheqje, Hashim Thaçi, tha se ka konfirmime nga Brukseli se Kosova do të përfshihet në liberalizimin e vizave brenda afatit prej 15 muajsh....
Postuar: 12:32:41 / 30.11.2010
Ai i bëri këto komente pas deklaratave të raportueses për Kosovën në Parlamentin Evropian, Ulrike Lunaçek, e cila ka thënë se ende nuk ka ndonjë afat për liberalizimin e vizave për Kosovën.

[ARIANI_TB]

Dikush ketu na genjen me te madhe ose deputjetja europiane Ulrike Lunaçek, ose kryeministri ne dorehecje George Hashim Thaci. Nuk di se kend duhet besuar ne kete rast deputetes Europiane apo Kryeministrit ne doreheqje.

Sa e di ky kryeminister ne doreheqje George Hashim Thaci pate premtuar se menjehere pas pavarsimit - Kosoven do e njohin mbi 100 shtete brenda 3 muajve te pare dhe besoj qe te gjithe e dijne se sa shtete e kane njohur Kosoven gjer me tani.

Pra sipas kesaj analize une Thacit nuk i besoj fare me.

[Llapi]

Thaçi kundërshton Lunaçek për vizat
Publikuar: E marte 30 Nëntore 2010, 5:25 0

Kryeministri në dorëheqje i Kosovës, Hashim Thaçi, tha se ka konfirmime nga Brukseli se Kosova do të përfshihet në liberalizimin e vizave brenda afatit prej 15 muajsh. Ai tha se Kosova po i plotëson kriteret e parapara për këtë proces.

Thaçi i bëri këto komente pas deklaratave të raportueses për Kosovën në Parlamentin Evropian, Ulrike Lunacek, e cila ka thënë se Kosova nuk ka ndonjë afat nga Brukseli për liberalizimin e vizave. “Unë jam i zotuar që të implementoj të gjitha kriteret demokratike, bile edhe për më pak se 15 muaj që Kosova t’i kryej obligimet e veta për liberalizimin e vizave, ndërsa kam besim të plotë për konfirmim të plotë edhe nga Brukseli se Brukseli nuk do të vonohet më tepër se 15 muaj dhe unë do të vazhdojë të kem linja direkte me autoritetet vendimmarrëse në Bruksel”, ka thënë Thaç

Kosova Sot

[Edvin83]

Thaçi kundërshton Lunaçek për vizat
Publikuar: E marte 30 Nëntore 2010, 5:25 0

Kryeministri në dorëheqje i Kosovës, Hashim Thaçi, tha se ka konfirmime nga Brukseli se Kosova do të përfshihet në liberalizimin e vizave brenda afatit prej 15 muajsh. Ai tha se Kosova po i plotëson kriteret e parapara për këtë proces.

Thaçi i bëri këto komente pas deklaratave të raportueses për Kosovën në Parlamentin Evropian, Ulrike Lunacek, e cila ka thënë se Kosova nuk ka ndonjë afat nga Brukseli për liberalizimin e vizave. “Unë jam i zotuar që të implementoj të gjitha kriteret demokratike, bile edhe për më pak se 15 muaj që Kosova t’i kryej obligimet e veta për liberalizimin e vizave, ndërsa kam besim të plotë për konfirmim të plotë edhe nga Brukseli se Brukseli nuk do të vonohet më tepër se 15 muaj dhe unë do të vazhdojë të kem linja direkte me autoritetet vendimmarrëse në Bruksel”, ka thënë Thaç

Kosova Sot

Shume mire! U bo kjo! E di Thaci se kur hiqen vizat, jo Parlamenti Evropian. C'pune kane ata me vizat, qeveria Thaci heq vizat.

[celyy]

Mos ka nis me thon Thaci 15 vjet, e ka ngatrua me 15 muaj ?

Per 15 vjet i besoj edhe un qe do te liberalizohen, ama per 15 muaj po te dalin edhe 10 Thaca tjer sdo e bejn.