Konfirmohet aktakuza kundër Sabit Gecit e Riza Alijajt

[L-7]

Konfirmohet aktakuza kundër Sabit Gecit e Riza Alijajt
Publikuar: Sot, më 27 nëntor 2010

Artikuj të ngjashëm

Krasniqi e Thaçi urojnë homologët e tyre shqiptarë
Rigjykimi i Ramush Haradinajt pritet të përfundojë në shtator 2011

Gjykatësi i rastit Vokshi: Kryeministrat paragjykuan

Qeveritë e reja në BE bëjnë problem për heqjen e vizave

Prishtinë, 27 nëntor - Gjykata e Qarkut në Mitrovicë ua ka konfirmuar aktakuzën Sabit Gecit dhe Riza Alijajt për krime lufte të kryera gjatë konfliktit në vitin 1999.
Zëdhënësi i EULEX-it, Blerim Krasniqi i ka thënë Kohës Ditore se konfirmimi i aktakuzës është bërë të enjten nga një gjyqtar i procedurës paraprake në Gjykatën e Qarkut në Mitrovicë.
“Sabit Geci ngarkohet me disa akuza për krime lufte, për krimet e kryera në dy objekte të UÇK-së që ndodheshin në Kukës dhe në Cahan të Shqipërisë, ku civilë shqiptarë nga Kosova janë mbajtur të burgosur në kushte çnjerëzore dhe janë torturuar e rrahur. Si pasojë e keqtrajtimeve, një i burgosur kishte vdekur”, ka thënë Krasniqi.
Ai ka shtuar se Riza Alija ngarkohet me disa akuza për krime lufte, për krimet e ngjashme të kryera në kampin e Cahanit.
“Të dy të pandehurit aktualisht ndodhen në paraburgim, kurse i pandehuri i tretë është ende në arrati. Seanca kryesore e gjykimit nuk është caktuar ende”, ka njoftuar ai.
Aktakuzën kundër Gecit dhe Alijajt e ka ngritur prokurori special i Kosovës, Maurizio Salustro, më 6 gusht 2010.
Njëri prej ish-komandantëve të UÇK-së, Sabit Geci, është arrestuar në muajin maj në shtëpinë e tij në lagjen “Pejton” në Prishtinë nën akuzën për krime lufte. Ndërkohë disa javë më vonë policia e EULEX -it, nën mbikëqyrjen e Prokurorisë Speciale, ka arrestuar Riza Alijajn po nën akuzën për krime lufte në Ponoshec të Gjakovës.

[L-7]

e kan veshtir ta mashtrojn prokurorin Maurizio Salustra mos harroni sepse ky eshte njfs i mir i krimit te organizuar ne Kosove

[drenicaku]

Ku e kemi llapin more qe nuk po nihet hiq,me i mbrojt "qlirimtaret"

[L-7]

per drenicakun


llapi nuk te lajmerohet se frigohet prej Maurizio Salustros i cili ka mbeshtetjen e fuqishme nga Brukseli dhe Haga mos pe kap edhe llapin .

ky prokuror eshte duke i udhheq lendet me te renda per vrasje ne Kosove.