Nga Tema
Plehrat e Shqipërisë mbërrijnë në Kroaci
Ndërkohë që dje komisionet e Kuvendit kanë nisur diskutimet për nismën më të re të qeverisë për importimin e plehrave, ekspertët e Komisionit Europian kanë diskutuar për këtë çështje. Në qendër të diskutimit ka qenë Italia e Shqipëria. Italia për shkak se atje ka probleme me plehrat në rajonin e Napolit, kurse Shqipëria se po bëhet problem me plehrat e saj, jo vetëm për veten, por edhe për vendet e rajonit. Në Kroaci ka shpërthyer alarmi për shkak se brigjet e këtij vendi janë ndotur me produkte që mendohet se kanë mbërritur nga Shqipëria.
Kufoma kafshësh, shishe e materiale të shumta plastike janë parë në brigjet e Kroacisë, ndërsa qytetarët janë ankuar për këtë problem. Në këtë vend ka nisur diskutimi se kush duhet të merret me pastrimin e këtyre mbeturinave që kanë mbërritur nga Shqipëria. Mediat kroate, por edhe të vendeve perëndimore, lajmërojnë për një rrezik që vjen nga Shqipëria. “Mesdheu po ndotet nga Shqipëria”, shkruajnë mediat zvicerane. Ekspertët e KE kanë thënë se mbeturinat kanë pasur etiketa shqiptare dhe rrymat i kanë sjellë në drejtim të Kroacisë.
Ekspertët e KE kanë folur edhe për rrezikun e plehrave në Napoli të Italisë. Edhe pse kryeministri italian e kishte kartë të fortë kur erdhi në pushtet pastrimin e kësaj zone nga plehrat, ai ka dështuar. Përpjekjet e tij kanë qenë për të larguar plehrat në një vend tjetër.
Para pak ditësh qeveria ndërmori një nisëm që heq tarifat doganore për llumrat e ujërave të zeza dhe për mbeturinat klinike. Ambientalistët janë ngritur në protestë kundër nismës së qeverisë për të sjellë mbeturina të huaja në Shqipëri.
Ja kjo eshte parajsa e kokeplareve. Po ndotim dhe fqinjet me plehrat tona.
Ska bere vaki as ne kohe te dulles qe plehrat tona te shkonin ne shtetet fqinje.
Sot po shkojne se qeveria e kokpalareve ka korrur fitorje te reja.
Krijoni Kontakt