Blendi Fevziu, djalli vete.. vazhdon luan me 2 porta.

[Brari]

shikoni si hipokriti Blend luan me 3 porta.

kopil i madh ky djale.

shikoni si i ben hetuesi Fahri Balliut..



http://tvklan.tv/emisioni.php?id=2373#

[baaroar]

Baba Likja ha darkë me Dervish Fevzon dhe Dervish Fahron dhe lexon mesazhet e “Opinionit”
Gazeta Sot
E premte, 19 nëntor 2010
Nga Sandër Y. KOVAÇI

-Po hajdeni o florinj ç’ u bëtë, - ju tha Baba Likja Dervish Fevziut dhe Dervish Fahriut,- kur ata hynë në restorantin ku po i priste Baba Likja,- yll bote keni qenë sot me këtë emisionin, u kënaqa si atëherë kur pashë për herë të parë filmin “Beteja e Sutjeskës”.

-Sa shumë sms që kam pasur në atë numrin që vura në ekran,- tha Dervish Fevziu,- por ato më të fortat nuk i lexova.
-Po si the o flori,- i tha Baba Likja,- tre veta në PD ishin në listë për t’ u vrarë nga qeveria e majtë, Sali Berisha, Azem Hajdari dhe dervish Fahriun!
-Dervishi Fahri ka botuar atëherë dhe atë shkrimin e famshëm, “28 nëntori 2000 afati i fundit për vrasjen e Sali Berishës”,- tha Dervishi Fevzi.
-Atëherë isha unë kryeministër,- tha Baba Likja, - po nuk më thua o dervish Fahriu, skenari për vrasjen tënde kur ishte, sipas atyre zbulimeve që kishe bërë ti, apo në ditët kur shkoje në doganë me emrin tim dhe fusje kontrabandë maunet e atyre miqve të tu? Me çfarë do të vrisja unë ty o flori, apo me shuka gjel deti. Meqë ra fjala, hajde porosisni çfarë të doni. Për ty dervish Fahriu e kam porositur tavën me gjel deti dhe me pilaf, se t’ i di shijet, më pas të vjen dhe përsheshi me mish keci. Ti Fevzi merr çfarë të duash. Por na lexo disa nga ato sms-të që more për emisionin, ato më të fortat.
-Meqë do ti shef,- tha Dervish Fevziu, -megjithëse e di se do të mërzitet dervish Fahriu.
-Janë të listuar ata që i dërgojnë,- tha Dervishi Fahri,- e di unë kush janë ata.
-Hajde Fahri mos u mërzit tani, se ti e di që unë nuk e kam me të keq, të zbavitemi pak,- tha Baba Likja.
-Ja njëra nga më të fortat,- tha Dervishi Fevzi duke lexuar në celular: Zoti Fevziu, në vitin 1994 dervish Fahriu vuri njerëz të të rrahin para Bar “Westit”, nejse po e kaloj këtë…
-Prit ore, si do ta kalosh, -tha Baba Likja,- sille celularin këtu, se u thashë bodyguardëve të mi të ta marrin. Nga këto mesazhe dua të dëgjoj unë,-shtoi Baba Likja duke marrë në dorë celularin e dervish Fevziut dhe lexoi mesazhin:
“Zoti Fevziu, në vitin 1994 Fahriu vuri njerëz të të rrahin para Bar ‘Westit’ se kur Fahriu u emërua konsull në Maqedoni, ju botuat në Gazetën “Aleanca” ku ishit drejtor shkrimin e një intelektuali me pseudonim, me titull “Dje balalajkë, sot diplomat”, ku bëhej copë dervish Fahriu. Shkrimi bëri bujë dhe dervish Fahriu për këtë të dha një dru para Bar ‘Ëestit’, tek trotuari i Parkut Rinia me anë të disa njerëzve të paguar prej tij. Si ndodhi që jeni pajtuar sot?” Ha, ha, ha, ama mesazh i fortë ë, përfundoi Baba Likja dhe shtoi: Vazhdoka edhe më tutje: “Atëherë dervish Fahriu i kërkoi Ilir Metës disa djem nga FRESSH që të të rrihnin…” Nejse, po e lemë këtë, -përfundoi Baba Likja.
-Çfarë nejse mor burrë,- tha Dervishi Fevzi, i cili nuk e kishte lexuar as vetë deri në fund mesazhin,- Edhe unë që kujtoja se më kishte rrahur SHIK-u i Gazidedes!- Tha Dervishi Fevzi.
-Tani o flori, edhe ashtu mund ta thuash, se edhe ne në atë tavë kemi qenë,- tha Dervishi Fahri,- meqë ra fjala, ç’ u bë kjo tava, kur do të vijë se po vjen mëngjesi, mbaroi vonë emisioni dhe kemi uri.
-Pse po vonohet tava e Dervishit Fahri,- tha Baba Likja,- ju kemi respektual lokalin, por po na zhgënjeni.
-Janë të listuar edhe këta këtu,- tha Dervishi Fahri,- i njoh unë.
-Pse dervish Fahriu, edhe pronari i këtij lokalit ku jemi, kështu është, -tha Dervishi Fevzi,- më jep një opinion për të?
-Ai ka qenë spiun, ka borxhe dhe është pederast,- tha Dervishi Fahri.
-Po si the o flori,-tha Baba Likja,- që nuk ke përfituar asnjë tender, nuk ke prekur asgjë nga fondet publike. A more ndonjë sms për këtë çështje?- Iu drejtua Dervishit Fevzi.
-Mora një sms shumë interesante,- tha Dervishi Fevzi,- më thotë se sikur të ishin bombarduar rrugët e Jugut të Shqipërisë nga gjithë aeroplanët që bombarduan Irakun, nuk do të ishte bërë më shumë dëm se ai që bëri Dervishi Fahri, me ato kompanitë fantazmë që solli nga Bosnja me serbë, për të futur në xhep miliona euro. Pastaj një tjetër sms thotë se Dervishi Fahri vrau prefektin e Vlorës që ishte i PD, se ajo kompania që solli nga Bosnja i shpërndau gjithandej grumbujt e zhavorrit, nëpër rrugë kur ndërtonte mbikalimin në hyrje të Tiranës, pa vënë sinjalistikë ndriçuese dhe makina e të shkretit prefekt u përplas me një grumbull zhavorri.
-Ore ti çfarë bën kështu, një emision tjetër po na bën këtu,- tha Dervishi Fahri,- nuk të ka mjaftuar ai druri që hëngre atëherë, apo do edhe një tjetër.
-Vazhdo ti dervish Fevza, mos dëgjo Fahriun,- i tha Baba Likja. se kështu i merr edhe hakun për atë drurin që të dha atëherë para Bar “West”.
-Edhe për një çështje tjetër kishte shumë sms,-tha Dervishi Fevzi,- pse nuk e shau Dervishi Fahri Sulo Gradecin, kur nuk la njeri pa sharë, nga regjimi komunist.
-Vërtet o flori,- i tha Baba Likja Dervishit Fahri,- nuk le njeri pa sharë në emision, po Sulo Gradecin si nuk e shave?
-Tani unë nuk shaj figura të nderuara historike,- tha Dervishi Fahri,- pse çfarë u bëra unë rrugaç? Më mirë të shaj babain tim se Sulon.
-Po si the o flori,- tha Baba Likja, - që ti na e paske kritikuar Berishën që kur ishte president! Dëgjo dervish Fahriu, dëgjo, më vjen një sms nga Monika, Ilir thuaji atij horrit, e ka fjalën për ty, ti e di që kështu të quan ajo, pra Monika thotë: mirë që shan Nexhmijen, por me dibranët çka që i shan.
-Tani ajo është kritikë e drejtë,- tha Dervishi Fahri, - dibranët e SHIK-ut e morën në qafë Berishën kur ishte president.
-Ty dervish Fahriu nuk të del e keqja që të ka marrë me shpulla Gazidedja në zyrë kur u ktheve nga Maqedonia, ku kishe bërë gjithë ato pisllëqe si konsull. Apo kur të dha Gazidedja, atë shkelmin në momentin që erdhi ora e faljes së drekës dhe ti deshe të falesh bashkë me të,-tha Baba Likja.
-Po ti shef nga e di këtë?- Pyeti Dervishi Fahri.
-Unë isha në dhomën ngjitur o flori, bashkë me Mero Bazen, shikoja nga pa vrima e çelësit,- tha Baba Likja.
-Dëgjoni, dëgjoni,- tha Dervishi Fahri, -posa mora një sms nga doktori,- ja çfarë thotë: Fahri, ke shkëlqye sot, padyshim që ke qenë në ditën tënde më te mirë!
-T’ i telefonoj doktorit në këtë moment,- tha Baba Likja, - po ta kesh marrë këtë sms, të fal një tender për shitjen e energjisë elektrike këtë vit. Po të mos e kesh marrë do të hash tre tava me tullumba dhe do të pish shurupin.
-Pse kaq i ulët është besimi yt tek unë shef?- tha Dervishi Fahri,- ne kemi bërë kaq shumë punë bashkë, saqë duhet t’ besojmë njëri-tjetrit.
-Po si the o flori, - i tha Baba Likja Dervishit Fahri,- me shtëpinë tënde botuese po boton shumë libra me vlerë. Vazhdo flori vazhdo, i boton me financimin e Ministrisë së Kulturës, u ve çmime të kripura dhe t’ i ble Ministria e Arsimit.
-Kultura e vërtetë kushton,- tha Dervishi Fahri,- shteti duhet t’ i çmojë vlerat.
-Po si the o flori, po të përkthehet libri “Zonja e Zezë” në të gjitha gjuhët e botës,- tha Baba Likja,- ai libër po i kushton qeverisë “Berisha” sa buxheti i dy ministrive, se ti po paguan me paratë e tenderëve përkthimin, botimin, artikujt. Doktori më tha një ditë se as librat e Kadaresë nuk i kanë kushtuar regjimit të Enver Hoxhës sa ç’ po i kushton qeveris sonë ky libri yt.
-Epo lufta kundër komunizmit ka koston e vet, -tha Dervishi Fahri.
-Po si the o flori,- vazhdonte në të vetën Baba Likja duke qeshur,- të larguan nga “Zëri i Popullit” që në vitin 1990, por ti ke qenë në “Zëri i Popullit” deri në dhjetor 1991, se ke shkrime në gazetë deri në atë muaj. M’ i tregonte Erion Braçja dikur. Pastaj shkove me ngritje se të mori Ilir Boçka në Ministrinë e Jashtme.
-Sa sms që pata kur tha dervish Fahriu se u bë 14 orë mbledhje në organizatën-bazë të partisë të “Zërit të Popullit” kur do të shqyrtohej kërkesa e Fahriut për t’ u pranuar në parti, -tha Dervishi Fevzi.- më thoshin se ti Fahri insistoje që me leje të posaçme të vazhdoje të punoje edhe për Sigurimin e Shtetit, si bashkëpunëtor, por sekretari i organizatës nuk pranonte që ta bënte kërkesën se sipas tij nuk e lejonte platforma e Byrosë Politike për Sigurimin e Shtetit.
-E di unë se kush i dërgon këto sms,- thë Dervishi Fahri,- ai bajraktari i “Zërit të Popullit”që punonte tek firma “Djemtë e Enverit Krenaria e Atdheut”, por do ta shikojmë dhe punën e tij.
-Shumë sms pata edhe për atë që tha Fahriu se nuk e ka njohur Hekuran Isain, kur ishte ministër i Sigurimit të Shtetit,- tha Dervishi Fevzi, - më thonë se Dervishi Fahri ishte fjalimshkruesi i Lalë Hekrit.
-Kjo tregon vlerat e mia,- tha Dervishi Fahri,- ma besuan këtë detyrë se kisha talent. More do të vijë apo jo ai përsheshi me mish keci?- Vazhdoi Dervishi Fahri duke hedhur sytë rrotull nëpër lokal.
-Përsheshin e Dervishit Fahri, shpejt,- tha Baba Likja,- dhe bëni gati tavën me tullumba të mbytura në shurup pas tyre. Sa të ka shkuar diabeti Fahri?
-Mos ma kujto shef, - tha Dervishi Fahri,- dy armiq kam unë, diabetin dhe Edi Ramën.
-Më erdhi dhe një sms ku thuhej se e përbashkëta e Enver Hoxhës dhe e Fahri Balliut, është se janë dy diabetikë të kuruar nga i njëjti mjek, Isuf Kalo.-Tha Dervishi fevzi.
-Qenkan mobilizuar komunistët për këtë emision,- tha Dervishi Fahri,- kanë ardhur nga shtëpia e Nexhmijes këto sms, ku sot ka qenë një shtab i mobilizuar për emisionin. U binde tani për këtë se nuk e besoje gjatë emisionit dhe më kundërshtoje.
-Më erdhi dhe një sms ku thuhej se Dervishi Fahri kishte miqësi me Kadarenë se e kishte ngarkuar Sigurimi i Shtetit që t’ i rrinte pranë Kadaresë dhe t’ i bënte disa shërbime të vogla por që e bezdisnin Kadarenë dhe familjen e tij, siç qe pagimi i faturave të energjisë elektrike, ujit, porositja e druve të zjarrit, dhe ngjitja e tyre lart kur vinin në shtëpi. Madje më thonë se ti Fahri shkoje e ngarkoje vetë makinën te fusha e druve, kur do t’ i vinin drutë Kadaresë.- tha Dervishi Fevzi.
-Unë jam krenar për këto që kam bërë, -tha Dervishi Fahri, -se i shërbeva një gjeniu.
-Ismaili ka filluar të mërzitet me ty,- i tha Dervishi Fevzi,- di si më tha mua, është edhe një lloj mesazhi për ty ky. Më tha: more Blendi, po ç’ bën kështu ky Fahriu, na e nxorri “Zonjën e Zezë” librin më të shquar shqiptar në botë.
-Tani vlerat do të shkojnë në vendin e tyre,- tha Dervishi Fahri.
-Ismaili më tha që këtë shqetësim t’ ia them dhe Doktorit,- tha Dervishi Fevzi.
-Flori,- i tha Baba Likja Dervishit Fahri,- ki parasysh se po u bëre shkak që Ismaili të prishet me Doktorin dhe të fillojë ta sulmojë atë dhe qeverinë, Doktori do të bëjë që ta hash librin “Zonja e Zezë” të lyer me kripë dhe piper në çdo fletë.
-More po kur do të na vijë ajo tava me tullumba,- tha Dervishi Fahri.
-Shikoni një sms tjetër interesante,-tha Fevziu që mbeti me celular në dorë: “Kur Fahriu thotë se atë si gazetar i ‘Zërit të Popullit’ e nderonin me grusht oficerët e Sigurimit të Shtetit, a nuk pohon me këtë se ishte nomenklaturë e Sigurimit special sekret, për të cilin flet në librin e vet, duke cituar Liljana Hoxhën për ekzistencën e këtij sektori special të Sigurimit”.
-Ma jep pak numrin e këtij floririt,-tha Dervishi Fahri.
Dërguesi ka vënë edhe identitetin e vet: Zëdhënësi i Sigurimit të Shtetit, V.M.-tha Dervishi Fevzi.
-E di unë kush është ai, -tha Dervishi Fahri,- është ai talebani, armiku i Kadaresë.
-Ka edhe një sms tjetër interesante,- tha Dervishi Fevzi dhe lexoi: kur Fahriu thotë se në kohën kur ishte PS në pushtet një drejtor i antiterrorit i dekonspiroi një raport sekret ku bëhej fjalë për vrasjen e tre njerëzve të PD, Berishës, Hajdarit dhe dervish Fahriut, e ka fjalën për mikun e vet, ish-zëvendësministrin e brendshëm të kohës së komunizmit, I.M. A mos i sajonte Fahriu me këtë I.M. këto raporte që të fitonte pikë tek Berisha?
-Tani u dekonspirua dhe ky dërguesi,- tha Fahriu,- e mora vesh kush është. Është njëri që e rreh gruaja. Ma kishte ngjitur mua si spiun SHIK-u i Klosit.
-Ka edhe një sms tjetër interesante,- tha Dervishi Fevzi,-pse trembet dervish Fahriu se mos e vrasë Nexhmija dhe bën kërcënime, kur me atë që ka thënë dervish Fahriu në libër se, Enver Hoxha ishte diktatura dhe Nexhmija ishte diktatura, e ka kënaqur Nexhmijen, e cila e do aq shumë Enver Hoxhën, sa për të pastruar figurën e tij, është gati të marrë përsipër të këqijat e tij më të mëdha.
-E di unë,- murmuriti Dervishi Fahri, me gojën e mbushur me përshesh me mish keci,- ai maskarai e ka dërguar këtë.
-Tani posa më erdhi një sms nga Edi Rama, -tha dervish Fevzua,- thuaji dervish Fahriut të pushojë së ngrëni atje ku është me ty dhe baba Liken se nuk do ta marrë në dorëzim as Isuf Kaloja dhe as Pol Miliez, po të ngrihet nga varri, kur t’ i shkojë diabeti 700 dhe tensioni 25. – Mos të mërzitet Edi Rama, se do ta shikojë shumë shpejt se kush është dervish Fahriu, kur ti marrim edhe bashkinë e Tiranës me Lulin e voçër,- tha Dervish Fahriu.
- Për kokën e Sulos që mjerë ai po ra në dorën time dhe të baba Likes,- tha dervishi Fahri, duke kthyer kafshuar mishin dhe duke fshirë buzët me mëngët e xhaketës Armani që ja kishte sjellë ndërtuesi Gëzim.
Ndërkohë që baba Likja qeshte me ulërima dhe i thoshte: “ Si, si do ja bësh atij të gjatit ha ha ha ha”?
-E kam thënë, unë ti je i papërgjegjshëm,- qeshte baba Likja duke i shkelur syrin dervishit Fevzo, i cili nuk po dinte ç’të bënte të qeshte, a të rrinte serioz.

[marinc]

Fahri Balliun e njof qe nga qendrimi i ti ne Maqedoni. SHpirtin e ka te bardhe ,luften kunder krimit komunist e ben me shpirt , jo pse ja ka endja te afirmon vehten mbi kurizin e viktimave te komunizmit ,por shpirti i tij i gjalle ndjehet solidar me shpirterat e viktimave te vdekura nga dora e zeze e krimineleve te kuq ,qofshin te gjall apo te vdekur.

[marinc]

Blendi Fevziu eshte engjull i vertet e jo djall, e din pse? Natyra e djallit eshte mbulimi i te vertetes dhe varimi i krimit ,prandaj gjith ata shpirtera qe e din te verteten e krimeve te natyrave te ndryshme sidomos te krimit te kuq te komunizmit ,dhe bejne perpjekje qe ta mbulojne , jan thjeshte djaj kan shpirt te djallit.Natyra e engjullit dhe detyra e shejte e engjullit eshte ,evidentimi ,shperputhja dhe zbardhja e te vertetes mbi krimet e natyrave te ndryshme qe ben njerzimi me shpirt te djallit . Blendi Fevziu si gazetar i njohur ka deshmua se ben punen e engjullit duke u mundua ne te gjitha format dhe mundesite e nje gazetari qe te shperputh dhe te nxjer ne pah te verteten mbi krimet e ndryshme dhe kriminelet e vertete.

[DARDANI.ZH]

Blendi Fevziu eshte Gazetari Analisti publicisti opinjonisti me i poshter qe ka shqiperia dhe me anti shqiptari i shqiptarve te kosoves ky Fevziu esht personi i cili me teper se gjdokush tjeter ne shqiperi e ka kompromentuar dhe e kompromenton kosoven dhe shqiptaret ne kosove

Ky Blendi Fevziu esht aqe dinake aqe kurve ne kompromentimin e kosoves sa esht shume veshtir per ta kuptuar ter filozofine e tije idiotike viza vi kosoves po kur te arrijsh ta kuptosh ather do bindesh se esht nje lepurush dhelperak dinak kompromentus manipulus nati shqiptare i shqiptarve te kosoves .

[mario_kingu]

e pash videon po me genjeshtar edhe me komunist se ky ballu ska gjall ne bot

sa per blendi se nuk e njof mire ai thjesht jep lajme ajo eshte pun e ti

por cdo gje qe thohet aty jan budalleqe

[Duaje Siveten]

çfare thote driteroi, mes tjerash ...

...

Fshatarët nuk besojnë shumë që do të rregullohet. Dhe një fakt është, por është si një fakt shumë domethënës. Një shkodran, që e kam dëgjuar dhe që e njoh unë nga Andro Jovani, por fshati ishte Vraka, vrakaçorët që i thoshim ne. Ai e kishte blerë që vjet, kur u bë përmbytja, varkën. Po i thanë ata pse e bërë mo tani. Po iku ajo punë. Jo mo, ta kem këtë unë se prapë do të përmbytem, po do ta shihni, do të më lusni ju mua për këtë varkën, pa bëni të gjithë nga një varkë.

Kështu që, edhe kjo na kujton atë të Biblës, të varkës së Noes, ai e bëri varkën, në mal. Noe kishte tre djem, Fetin, Semin dhe Hamin. Hami ishte më tersi. Ky Noeja kishte qejf që të hidhte ndonjë gotë raki dhe punonte atje, ishte dhe vapë e madhe në atë kohë. Edhe ky shtrihej pasi pinte. Këto gratë e këtyre djemve e shihnin edhe kështu që, me brekë të shkurtra siç ishin në atë kohë, i dilnin këto gjërat e turpshme. Dhe iu ankua burrave, e shoqja e Hamit, i tha që yt atë del këtu dhe shtrihet edhe ne kemi turp të dalim andej. Edhe i thotë të atit: Ti je i tillë, se ti del atje punon me atë varkë kot, shtrihesh dhe s'e sheh që kemi gra. Mos pi, i tha. Ik o se nuk di ti gjë, i thotë i ati, shiko atje ato gratë e tua, ato gjërat që të mos trazojnë mua, se unë di çfarë bëj, do ta shikosh si do të bëhet këtu. Pastaj filloi përmbytja e madhe, i thonë përmbytja e botës, ai në varkë kishte marrë nga të gjithë speciet që ishin, sipas legjendës. Hynë të gjithë aty. Edhe ky Hami, e mo tha, po të mos e kisha bërë unë këtë varkë dhe të mos pija ndonjë gotë, të mos kisha ndonjë huq të tillë, ku do të ishe ti, do të ishe mbytur si qeni, po do të hedh nga varka. Aman o baba se bëra gabim, i thotë. Hyni këtu, tha, e mos bëni shamatë, se një njeri e ka një huq, do ta bëjë këtë punë.

Por, mirë ne huqin e kemi të keq, huqin e kemi të dembelizmit. Por, po ta kishin ashtu dhe të bënim si Noeja, le të pinim edhe nga një gotë, por të merrnim masa që të mos përmbyteshim, ta bënim si varkë këto tokat. Edhe politikanët e kanë një huq, që thërrasin, që zihen në parlament, që ngrenë zërin, mirë por kanë vetëm një huq, nuk kanë punën. Kështu që, këta zihen, por jo për të ndërtuar një "varkë", por zihen ti je bllokmen dhe ju jeni pinjollët e bllokmenëve.

Tani, të dyja partitë kanë ish-bllokmenë, s'ka nevojë t'i numëroj se pastaj do të thonë, do të zemërohen, se kanë ish-bllokmenë. Edhe vajza ka ish-bllokmenë edhe djem ish-bllokmenë. Partia Demokratike ka katër ish-bllokmenë, ndërsa Partia Socialiste ka tre. Aty-aty janë, prandaj mos u zini. Duhet të zihen për bllokmenët e fushave, për fushën bllokmenë, që ta bëjmë bllok fushën që të mos hyjë njeri.

(nga SHEKULLI)