FC Bayern Munich

[Xhuxhumaku]

kampjon bote

[Xhuxhumaku]

Të gjithë luajnë, Pep mjeshtër i rotacionit


Burimi: http://www.panorama-sport.com/bundes...#ixzz2uZkwNZRJ


Sezoni është në pikun e tij dhe në klubet e mëdha në të gjithë Europën ka ardhur koha që të nisë rotacioni për të përballuar luftën në disa fronte njëkohësisht. Nuk mund të bëjë përjashtim as Bajerni i Guardiolës. Madje, statistikat tregojnë se makina e rotacionit të teknikut spanjoll nuk ka nisur tani, por që në javën e parë të Bundesligës. Kundër Hanoverit të dielën, kampionët luajtën ndeshjen e tyre të 22-të në Bundesligë këtë sezon. Rastësi apo një ligj i aplikuar me saktësinë e një matematicieni, në atë ndeshje Pep aktivizoi lojtarin e 22-të, pikërisht portierin Tom Shtarke. “Pep e ka vënë re që prej vitit të shkuar se Tom është një lojtar shumë i rëndësishëm i Bajernit në stol dhe në stërvitje. Ai mendoi t’ia shpërblente duke i dhënë dorezat e titullarit për të ruajtur ritmin e tij në rast se do të jetë e nevojshme për të zëvendësuar Manuelin”, – tha drejtori sportiv Matias Zamer pas fitores së fundit në kampionat. Në një analizë të detajuar të sajtit bavarez “Tz”, statistikat tregojnë se në “Zebener Shtrase” nuk ka asnjë të pakënaqur, pasi ish-gjeniu i Barcelonës ka menduar që t’i aktivizojë të gjithë. Te Bajerni nuk ka ndarje në yll apo jo. Të gjithë lojtarët duhet të përvetësojnë dhe pranojnë sistemin e lojës së trajnerit dhe atëherë secili do ketë shansin të zbresë në fushë. Të gjithë duhet të jenë në të njëjtin nivel kur t’u kërkohet të zbresin në tapetin e blertë. Prandaj, lojtarë si Rafinja, të cilët përpara ardhjes së Guardiolës imagjinoheshin me valixhe në duar pasi nuk mendohej se do kishin shans për të zbritur në fushë, kanë rezultuar si pjesë e rëndësishme e ingranazhit të skuadrës. Mbrojtësi brazilian ka luajtur 1574 minuta nga 1980 minuta të mundshme, duke u renditur mes 5 lojtarëve më të aktivizuar të skuadrës. Kjo për shkak të spostimit të Filip Lahmit nga krahu i djathtë i mbrojtjes në rolin e numrit “6″. Është pikërisht kapiteni i Bajernit lojtari me më shumë minuta pas portierit Nojer me 1712. 19 pikë i shkëputur nga Leverkuseni i vendit të 2-të, me një këmbë në çerekfinalet e Champions-it dhe i kualifikuar në gjysmëfinalet e Kupës së Gjermanisë, rotacioni i Guardiolës po funksionon në mënyrë perfekte në rrugën drejt mbrojtjes së tripletës historike.
PËRGATITI: ANDROKLI DRALO

Burimi: http://www.panorama-sport.com/bundes...#ixzz2uZklCS9t

[Xhuxhumaku]

http://www.panorama.com.al/2014/03/1...nd-te-denohet/

[Xhuxhumaku]

Hënes dënohet me 3.5 vjet burg



Henes duke qareUli Hënes është shpallur fajtor nga drejtësia gjermane, duke konfirmuar faktin se ka kryer evazion fiskal. Për psojë, presidenti i Bajernit të Mynihut ka marrë dënimin me burg, 3 vjet e 6 muaj. Gjykata e Lartë e Gjermanisë e ka dhënë këtë vendin të enjten. 62-vjeçari kishte pranuar 18.5 milionë euro në taksa përmes një llogarie bankare të pazbuluar, dukje evituar kësisoji pagimin e taksave ndaj shtetit gjerman. Hënes ishte akuzuar për shmangie të tatimit, ndërsa kjo është konfirmuar përfundimisht edhe nga gjykata, e cila ka dhënë edhe dënimin e sipërcituar.
Prokurori kërkoi që Hënes të dënohet me pesë vjet e gjysmë heqje lirie për mosdeklarim të të ardhurave prej 33 milionë eurove në mes të viteve 2003 dhe 2009. Në fund të fundit, gjyqtari vendosi që ish-lojtari i Gjermanisë Perëndimore të shkojë për tre vjet e gjysmë pas hekurave. Sipas ligjit gjerman, Hënes mund t’i kishte shpëtuar ndjekjes penale duke parashtruar që në fillim të hetimeve një deklarim vullnetar, por kur e bëri këtë vitin e kaluar, iu refuzua si dokument referues në gjyq, duke u vlerësuar i pasaktë ose i paplotë. Uli Hënes ka fituar si futbollist katër tituj kampioni në Bundesligë dhe tri Kupa Europe gjatë viteve të tij, duke luajtur me Bajernin e Mynihut, dhe ka qenë i përfshirë në role drejtuese administrative te klubi bavarez, që nga “pensionimi” si futbollist aktiv. Ai ka shërbyer fillimisht si menaxher i përgjithshëm dhe më pas si president i bavarezëve.

Burimi: http://www.panorama-sport.com/lajme-...#ixzz2vqxkLH5D

[Xhuxhumaku]

[Xhuxhumaku]

Bajern rekordesh, Guardiola kampion!


BajerniMiasan Meister”!

Muaji mars nuk ka mbaruar ende dhe Bajerni i Mynihut është zyrtarisht kampion i Gjermanisë. Pas Superkupës së Europës në gusht dhe Botërorit të Klubeve në dhjetor, Pep Guardiola feston trofeun e tij të 3-të në komandën e ushtrisë bavareze. E, kur të gjithë mendonin se sa i vështirë do të ishte përsëritja e sezonit të shkuar me profesorin Hejnkes, që thyente me dhjetëra rekorde brenda një sezoni të vetëm, titulli i 24-ët në histori vjen 7 javë përpara fundit të kampionatit. Asnjë skuadër e Bundesligës nuk është shpallur kampione kaq shpejt. Fitorja e 19-të radhazi do të thotë që fituesit e tripletës e zgjerojnë serinë e rezultateve pozitive në kampionat në 52 ndeshje pa humbje. Herta e Berlinit kishte fatin e keq të kapitullonte në stadiumin olimpik pa qenë nevoja që armata e Pep të shpenzonte shumë energji. Hap serinë e golave pas vetëm 6 minutash Toni Kros, i vetmi që nuk është i sigurt nëse do të jetë në “Alianc-Arena” prej sezonit të ardhshëm. Pastaj shënon shtatshkurtri Gëce me kokë i shërbyer nga Shvajni. S’kanë përfunduar ende 15 minuta dhe duket se kampionët duan të shpallen dhunshëm kampionë, por ky ishte thjesht një iluzion. Sepse në kryeqytet kampionët nuk kanë ardhur për ta turpëruar skuadrën e Luhukait, por të marrin vetëm atë për të cilën kishin ardhur, “Meisterschale”- n. Heq këmbën nga gazi për të menaxhuar rezultatin, ndërkohë që nga “Signal Iduna Park” marrin lajmin se Dortmundi nuk është në ditën e tij në derbin me Shalken. Një penallti e dyshimtë i lejon Hertës të futet në lojë me Adrian Ramosin. Por atëherë kur gjermanët mendojnë se fitorja e tyre mund të “kërcënohet”, vjen një gol kampionësh, ashtu si për t’u treguar të gjithëve që e kanë harruar, se kjo skuadër nuk ka humbur asgjë nga shkëlqimi i saj: Gëce driblon dy lojtarë dhe fton Riberinë, i cili me delikatesën e një kirurgu shënon një gol spektakolar që mbyll një herë e mirë llogaritë. 25 fitore nga 27 të mundshme, 77 pikë në total dhe 25 pikë përpara Dortmundit të vendit të dytë. Kanë mbetur edhe 21 pikë të tjera në garë. Skuadra mund ta mbyllë sezonin e pamposhtur për herë të parë në histori, por të arrijë edhe rekordin e pikëve. Pak i interesojnë këto arkitektit katalanas. Nuk kërkon festë të madhe, përveç përshëndetjes së tifozëve, dhe duket i përhumbur në fushë. Ndoshta me mendje ishte në Lisbonë, atje ku më 24 maj ngrihet trofeu me veshë.

Statistika dhe kuriozitete për 24 herë kampionët e Gjermanisë
- Pep Guardiola bëhet trajneri i 6-të që fiton Bundesligën që në sezonin e tij të parë. Veç spanjollit e kanë bërë Van Gali, po me Bajernin në 2010-ën, Bekenbauer në 1994-ën; Branko Zebek në 1969-ën, Georg Knëpfle me Këlnin në 1964-ën dhe Ernst Hapel me Hamburgun në sezonin 1981-1982. – Bajerni i Hejnkesit e fitoi titullin në javën e 28-të më 6 prill 2013 pas fitores 1-0 në Frankfurt. Ky rekord u thye dje, sepse Bajerni i Guardiolës e fiton që në javën e 27-të.
- Që kur kampionatet europiane funksionojnë me sistemin e 3 pikëve për fitore, asnjë kampione në 5 ligat kryesore nuk është shpallur kampione 5 javë përpara fundit të kampionatit. Në Itali rekordin e mban Interi i 2007-ës me 5 javë. Në Angli, Mançester Junajtid i 2001-shit me 5 javë. Në Francë, Lioni i 2007-ës me po 5 javë dhe në Spanjë, Barcelona e 1998-ës me 4 javë përpara fundit.
- Bajerni fitoi titullin e 8-të radhazi në transfertë. – Barcelona duhet ta dëgjojë këtë! Bajerni realizoi kundër Hertës 950 pasime të sakta nga 1078, duke vendosur një rekord botëror. Një rend i ri i tiki-taka-s ka nisur të luhet në Mynih. Lahm bëri 133 pasime me një saktësi 100%.
- Zotërimi i topit ndaj Hertës vendosi një rekord të ri në Bundesligë 82.4%. I vjetri ishte 80.5%. – Roben luajti ndeshjen e tij të 100-të në Bundesligë.

Shvajni, lojtari me më shumë tituj
Bajerni i Mynihut ka fituar titullin e 23-të të Bundesligës dhe 24- in kampion në histori. Nga skuadra aktuale Bastian Shvajnshtaiger është bavarezi që ka fituar më shumë tituj kampion. Zv/kapiteni shijoi titullin e 7-të kampion në 12-të sezone. Por bavarezët, që kanë fituar më shumë në histori, janë dy legjendat Oliver Kahn dhe Mehmet Sholl me 8 tituj kampion secili.

Basler: Sa të jetë Pep, kampionë
Mario Basler, ish-kapiteni i Bajernit, është shumë i sigurt: “Për sa kohë në ‘Zebener Shtrase’ do të jetë trajner Pep Guardiola, atëherë Bajerni do të jetë kampion”. Në një intervistë për “Kicker”, ish-mesfushori tha se as Dortmundi nuk është në gjendje për ta ndalur kampionen e Gjermanisë: “Ndoshta Bajerni mund të humbasë një ndeshje, por është shumë e vështirë për ta ndalur këtë skuadër. Sa të jetë Pep Guardiola në stol, unë i shoh kampionë. Me këtë formë është e vështirë të munden. Janë kompaktë si në mbrojtje ashtu edhe në sulm. Dy vitet që titullin e fitoi Borusia mesa duket i kanë bërë mirë skuadrës. Sepse gjithë kjo uri për sukses dhe dominuar gjithçka që po shikojmë tani, është pikërisht fryt i zemërimit të atyre dështimeve”.

Niersbah: Bënë realitet… të pamundurën
Volfgang Niersbah, presidenti i Federatës Gjermane të Futbollit, as që e imagjinonte që në historinë 51- vjeçare të Bundesligës një skuadër mund të shpallej kampione pas vetëm 27 javësh dhe të dominonte në këtë mënyrë siç skuadra e Guardiolës bëri këtë sezon. “Një ecuri të jashtëzakonshme të një skuadre që fiton titullin kaq shpejt në historinë 51-vjeçare të Bundesligës askush nuk do të guxonte ta imagjinonte se mund të ndodhte. Kjo është një provë befasuese e paraqitjeve të shkëlqyera të klubit të Bajernit të Mynihut, punës kolektive të kësaj skuadre, trajnerit dhe të gjithë stafit. E uroj Bajernin në emër të federatës për titullin e kampiones së Gjermanisë”, – ishin fjalët e 63-vjeçarit.

Lëv dhe Bierhof: Rezultat kampionësh
Një titull kampion i skuadrës me më shumë lojtarë në kombëtare është kënaqësi për drejtuesit e Gjermanisë. Urimet për titullin kampion kanë ardhur edhe nga përfaqësuesit e “pancerave”, trajneri Joakim Lëv dhe menaxheri Oliver Bierhof. “Të shpallesh kampion kaq herët do të thotë që Bajerni ka arritur rezultate të jashtëzakonshme. Urime Bajernit, në veçanti Pep Guardiolës! Ai i vuri vulën e vet suksesit në klub!”, – uroi trajneri i kombëtares, Joakim Lëv, ndërsa ish-sulmuesi shtoi: “Ky është rezultat kampionësh dhe rekordmenësh. Është suksesi i një pune të disiplinuar jo vetëm i lojtarëve apo pankinës, por i gjithë klubit. Urime! Uroj që Bajerni të ecë më tej edhe në Champions, pse jo të përsërisë edhe suksesin e vitit të kaluar”.
Përgatiti: ANDROKLI DRALO

LIBRI I ARTË
BUNDESLIGA
1902/03 Laipcig
1904/05 Union Berlin
1905/06 Laipcig
1906/07 Freiburg
1907/08 Viktoria Berlin
1908/09 Karlsruhe
1909/10 Karlsruhe
1910/11 Viktoria Berlin
1911/12 Holshtain Kiel
1912/13 Laipcig
1913/14 SpVgg Fyrth
1919/20 Nuremberg
1921/22 Nuremberg
1922/23 Hamburg
1923/24 Nuremberg
1924/25 Nuremberg
1925/26 SpVgg Fyrth
1926/27 Nuremberg
1927/28 Hamburg
1928/29 SpVgg Fyrth
1929/30 Herta Berlin
1930/31 Herta
1931/32 Bajern Mynih
1963/64 Këln
1964/65 Verder Bremen
1965/66 Mynih 1860
1966/67 Braunshvaig
1967/68 Nurenberg
1968/69 Bajern Mynih
1969/70 Mynshengladbah
1970/71 Mynshengladbah
1971/72 Bajern Mynih
1972/73 Bajern Mynih
1973/74 Bajern Mynih
1974/75 Mynshengladbah
1975/76 Mynshengladbah
1976/77 Mynshengladbah
1977/78 Këln
1978/79 Hamburg
1979/80 Bajern Mynih
1980/81 Bajern Mynih
1981/82 Hamburg
1982/83 Hamburg
1983/84 Shtutgart
1984/85 Bajern Mynih
1985/86 Bajern Mynih
1986/87 Bajern Mynih
1987/88 Verder Bremen
1988/89 Bajern Mynih
1989/90 Bajern Mynih
1990/91 Kaizerslautern
1991/92 Shtutgart
1992/93 Verder Bremen
1993/94 Bajern Mynih
1994/95 Borusia Dortmund
1995/96 Borusia Dortmund
1996/97 Bajern Mynih
1997/98 Kaizerslautern
1998/99 Bajern Mynih
1999/00 Bajern Mynih
2000/01 Bajern Mynih
2001/02 Borusia Dortmund
2002/03 Bajern Mynih
2003/04 Verder Bremen
2004/05 Bajern Mynih
2005/06 Bajern Mynih
2006/07 Shtutgart
2007/08 Bajern Mynih
2008/09 Volfsburg
2009/10 Bajern Mynih
2010/11 Borusia Dortmund
2011/12 Borusia Dortmund
2012/13 Bajern Mynih
2013/14 BAJERN MYNIH

Burimi: http://www.panorama-sport.com/bundes...#ixzz2x7NOnjOW

[Xhuxhumaku]

Bajerni, kampioni më i shpejtë në Gjermani


Bajerni

Gjermania është njohur me kampionin më të shpejtë në historinë e futbollit. Lojtarët e Bajernit, së bashku me stafin drejtues, janë futur në histori falë fitores së titullit në javën e 27- të të Bundesligës, më 25 mars 2014. Ashtu si në vitin 2010, rekordmenët fituan titullin matematikisht në Berlin, por me 25 pikë më shumë nga vendi i dytë. Edhe pse festa e birrës është zhvendosur për më vonë, lojtarët e Bajernit e kanë kthyer stadiumin “Olimpia” në arenë karnavalesh, duke bërë ligjin në kryeqytet.
“Titulli për Ulin, ja receta ime e suksesit” Pep Guardiola ka fituar titullin në kohë rekord, vetëm për 27 ndeshje. Teksa Bajerni festoi triumfin pa birra dhe shalle, Pep për herë të parë shpalos “recetën” e tij të suksesit. “Një trajner ndihet gjithnjë mirë kur ka një klub dhe lojtarë të mëdhenj. Unë kam fituar shumë tituj sa te Barcelona dhe këtu te Bajerni, pasi kam pasur vetëm lojtarë të jashtëzakonshëm. Pa këto dy shtylla, harrojeni dushin me birra, harrojini titujt! Titullin ia dedikoj Uli Hënesit”, – tha Pep, duke shtuar për ndryshime me sezonin e kaluar: “Unë nuk kam bërë revolucion, rotacion po. Sigurisht që ka qenë e vështirë të mbash në të njëjtën formë një Bajern që fitoi gjithçka. Çdo javë kemi demonstruar që jemi më mirë se kundërshtarët si fizikisht dhe taktikisht. Unë kam ndryshuar si trajner. Kur ke fituar shumë eksperiencë, bëhesh edhe më i guximshëm. Ky Bajern është më i mirë se sezonin e kaluar, sepse lojtarët janë përmirësuar së tepërmi”.

Te lidhura me artikullin:

Burimi: http://www.panorama-sport.com/bundes...#ixzz2x7NkrxUu

[Xhuxhumaku]

Bajerni në kor: Pas titullit, me siguri vjen Champions-i!


Bajerni kampion

Gjermania është njohur me kampionin më të shpejtë në historinë e futbollit. Lojtarët e Bajernit, së bashku me stafin drejtues, janë futur në histori falë fitores së titullit në javën e 27- të të Bundesligës, më 25 mars 2014. Ashtu si në vitin 2010, rekordmenët fituan titullin matematikisht në Berlin, por me 25 pikë më shumë nga vendi i dytë. Edhe pse festa e birrës është zhvendosur për më vonë, lojtarët e Bajernit e kanë kthyer stadiumin “Olimpia” në arenë karnavalesh, duke bërë ligjin në kryeqytet. Dy kapitenët, së bashku me lojtarët e tjerë dhe drejtuesit, janë shprehur mjaft të kënaqur që mbrojtën titullin, por misioni i tyre nuk ka përfunduar këtu: Filip Lahm: “Së pari, dua t’i uroj kolegët e mi për punën dhe rezultatet e jashtëzakonshme. Objektivi ynë kryesor dhe parësor u arrit. Erdhi momenti që të festojmë frytet e punës sonë. Më vjen mirë që jam pjesë e kësaj historie. Megjithatë, festa jonë nuk ka përfunduar ende”.
Shvajnshtaiger: “Titulli i 7- të ka shumë vlerë për mua. Në fakt, është hera e parë që festoj në të ftohtin e marsit dhe ky ishte i vetmi problem. Për këtë rekord kanë punuar shumë njerëz dhe personalisht dua ta falënderoj Uli Hënesin dhe stafin drejtues. Së bashku kemi bërë një punë të jashtëzakonshme. Tani do e kemi më të thjeshtë të ecim më tej në kupë dhe Champions”, – tha Shvajnshtaiger, duke shtuar për organizimin e festës: “Sot (dje) nuk u mora unë me organizimin e festës, sepse e mori përsipër asistentja jonë. Unë i dhashë vetëm disa detaje. Vetëm me një trajner nuk më ka ecur mbarë (Klinsman). Pep është perfekt”.
Manuel Nojer: “Është paksa ftohtë në mars, por ne jemi të ngrohtë dhe të zjarrtë për ta thyer këtë acar. Jemi të lumtur dhe krenarë! Është diçka e veçantë të shpallesh kampion kaq herët. Ne jemi bekuar nga sezoni i kaluar. Falë përkushtimit dhe filozofisë së trajnerit Guardiola bëmë të pamundurën. Askush nuk e priste që të fitonim kaq herët. Me siguri do t organizojmë një festë të madhe. Duhet të presim dhe të tregohemi të duruar”.
Tomas Myler: “E kam shumë qejf të festoj me tifozët. Mezi po prisja të merrja megafonin dhe të komunikoja me ta. Ishte pak ftohtë dhe më duhej të lëvizja sa në një vend në tjetrin. Të mbrosh titullin është fantastike, por të mbrosh tripletën do të jetë historike! Fryma jonë nuk do të ndalet këtu. Ky Bajern ka ende shumë për të dhënë dhe, në krahasim me sezonin e kaluar, jemi përmirësuar së tepërmi. Kam një parandjenjë pozitive që Champions-i do t trokasë sërish në derën tonë”.
Matias Samer: “Pas sezonit më të suksesshëm në histori, ne punuam fort, me intensitet të lartë dhe festuam titullin më herët se vitin e kaluar. Jemi shumë të lumtur! Përqendrimi dhe shpirti i grupit u mishëruan në një duke formuar Bajernin më të egër dhe kampionin më të shpejtë të të gjitha kohërave. Pep i ri përshtat këtij klubi. E përgëzoj për punën e jashtëzakonshme”.
Përgatiti: ENIAR IBRO

Burimi: http://www.panorama-sport.com/bundes...#ixzz2x7O28urf

[goldian]

urime te gjithe bavarezve
MIA SAN MIA

[Xhuxhumaku]