[B]Fitoi tenderin nga Qeveria - ia bën fushatën PDK-së[/B]

[illyrian rex]

Fitoi tenderin nga Qeveria - ia bën fushatën PDK-së

Arbana Xharra | 27-11-2010 10:41 CET
Kompania, e cila rreth dy muaj më parë e ka fituar një tender në Qeverinë e Kosovë për të kryer punë për Ministrinë për Ekonomi dhe Financa (MEF), është duke i bërë edhe fushatën e Partisë Demokratike të Kosovës (PDK), duke hapur kështu dyshime për konflikt interesi.

Kjo fushatë ka nisur me “Letrën Publike” të kryetarit të PDK-së, Hashim Thaçi, e cila botohet përditë gati në të gjitha gazetat ditore me nga një faqe të plotë, shuma e përafërt ditore e së cilës është disa mijëra euro, shkruan në numrin e sotëm gazeta Zëri.

Kompania “D-Line Advertising Studio”, e cila është duke kryer punë për PDK-në sa ka qenë kjo kompani në pushtet, në muajin shtator, ka fituar tenderin për “Relacionet me publikun dhe të gjitha botimet për nevojat e MEF-it”.

Ministria e Ekonomisë dhe Financave (MEF), për më tepër që nga viti 2007 e këtej udhëhiqet nga PDK-ja, ndërsa ministër i saj është Ahmet Shala,

Zëdhënësi i Qeverisë në largim, Memli Krasniqi, i pyetur për mënyrën e pagesës së kësaj fushate në mënyrë arrogante ka thënë: “Ju e dini mirë se kë e ka kontraktuar PDK-ja për fushatë, edhe paratë nuk janë të Qeverisë por të PDK-së”.

“Nuk kam kohë të përgjigjem vetëm e çova telefonin për t’ju thënë se s’kam kohë”, ka thënë Kransiqi.

Kompania D-Line Advertising, ka qenë e angazhuar nga PDK, për reklama për shtypin edhe gjatë zgjedhjeve lokale të vitit të kaluar. Përmes kontos së kësaj kompanie gazetave u janë paguar hapësirat reklamuese të përdorura nga kjo parti.

Pronari i kompanisë Lirion Kadriu, ka thënë se tenderi të cilin e ka fituar në qeveri nuk ka të bëjë asgjë me fushatën që është duke i bërë PDK-së.

“Në tenderin që e kemi fituar në qeveri kemi qenë më të mirë dhe dukshëm më të lirët, por ai tender s’ka të bëjë asgjë me fushatën e PDK-së”, ka thënë për gazetën “Zëri”, Kadriu.

Kadriu, megjithatë, ka shtuar se nuk është e sigurt nëse ata do të jenë kryesorët në organizimin dhe udhëheqjen e tërë fushatës së PDK-së.

Shoqëria civile ka reaguar duke thënë se nuk është hera e parë që PDK-ja këto punë i kryen duke e përdor pushtetin që e ka.

http://www.zeri.info/artikulli/2/8/1...shaten-pdk-se/

[illyrian rex]

Nuk eshte ky keqperdorimi i vetem i PDK/qeverise me kompani te marketingut.
Akoma nuk jane arsyetuar parate qe kompania "B2" i fitoi pa tender, per zbukurimin e ambienteve per diten e pavaresise se Kosoves.
Jane ne pyetje rreth 600 mije euro. Para te taksapaguesve te Kosoves.
Pra 600 mije euro pa tender, pak dite para shpalljes se pavaresise!

[Drenica 97]

Kosova ka ligj qe parandalon konfliktin e interesit,ne kosove numri i kompanive te marketingut eshte i vogel,nuk mund te quhet konflikt interesi pse nje kompani qe fiton tender ne qeveri,komune e agjenci tjera shtetrore ben edhe marketingun e X partise politike,te partit politike problem eshte financimi i tyre dhe mungesa e transparences.

ilyrian rex per diten e pavarsise nuk ka mund te ket tender publik sepse data e shpalljes se pavarsise nuk ishte bere publike,tenderet njeburimore,kontratat direkte ne parim nuk jane te mira por nuk jane as te pa ligjeshme,ato ne raste te caktuara urgjente jane te domosdoshme,eshte dicka tjeter qe te ne ne tendere publike qofshin ato me nje oferte a me shume oferta ka shume keqperdorime,favorizime e korrupcion.

[illyrian rex]

Drenica 97;2933613]Kosova ka ligj qe parandalon konfliktin e interesit,ne kosove numri i kompanive te marketingut eshte i vogel,nuk mund te quhet konflikt interesi pse nje kompani qe fiton tender ne qeveri,komune e agjenci tjera shtetrore ben edhe marketingun e X partise politike,te partit politike problem eshte financimi i tyre dhe mungesa e transparences.

Drenica 97.
Kosova ka kompani te maretingut edhe per eksport. Jane si kepurdhat pas shiut.

ilyrian rex per diten e pavarsise nuk ka mund te ket tender publik sepse data e shpalljes se pavarsise nuk ishte bere publike,tenderet njeburimore,kontratat direkte ne parim nuk jane te mira por nuk jane as te pa ligjeshme,ato ne raste te caktuara urgjente jane te domosdoshme,eshte dicka tjeter qe te ne ne tendere publike qofshin ato me nje oferte a me shume oferta ka shume keqperdorime,favorizime e korrupcion.

Nese nuk ka pasur mundesi per tender, atehere kishte mundesi te merrte 6 kompani te marketingut dhe t'iu jepte nga 100 mije euro.
Keto 600 mije euro i perfitoi agjensioni 'B2'.

Kush eshte agjensioni "B2"?
Eshte kompania e marketingut prone e Fatos dhe Vjosa Berishes.
Kjo kompani i kishte realizu te gjitha kampanjat zgjedhore te PDK-se, duke e perfshi edhe kampanjen e fundit per zgjdhjet nacionale.