Eksperimenti i rradhes i Rames : Rruget e Tiranes pa drita

[Brari]

Mallkimi- Tirana nën drejtimin e Ramës po noton në ujë
22-11-2010 /

Gazeta 55


- Reagon ministri i Brendshëm, Basha: Edi Rama, përgjegjës për situatën kaotike, jemi dëshmitarë të keq-menaxhimit të qytetit



- Kryeqyteti është thuajse nën ujë ndërsa Edvini demonstroi sot aktin e papërgjegjësisë teksa fajësoi qytetarët dhe qeverinë për situatën kaotike të përmbytjeve dhe bllokimit të trafikut



- Politika e mbrapshtë e kryebashkiakut të Tiranës ka reflektuar ndjeshëm kriza të njëpasnjëshme te administrimi i problematikës kryesore të qytetit, duke nisur nga trafiku i paralizuar e deri te përmbytjet që arrijnë të tmerrojnë qytetarët me vetëm pak minuta shi



Bashkia e Tiranës i heq vetes në mënyrë hajdutërie çdo përgjegjësi që e lidh atë me block-outin disa orësh të funksionimit të arterieve kryesore të trafikut në qytet apo edhe për ujin që vërshoi rrugëve të kryeqytetit, duke sjellë edhe paralizën më të paprecedentë ndër vite. Për orë të tëra rrugët, rrugicat dhe kryeqëzimet u izoluan, duke mos dhënë asnjë shenjë jete se kjo pjesë e rëndësishme e vendit ka një drejtues apo qoftë edhe një formacion menaxherial, për të vënë në rrugën e normalitetit problematikën që lind dhe që mund të lindë në çdo moment. Situata e paprecedentë që u krijua sot, s’ka një përgjigje konkrete. Shiu? Duke anashkaluar çdo sulm jashtë normales dhe jashtë kuadrit të logjikës funksionale, nëna natyrë nuk është fajtore, por janë kolektorët e bllokuar, për të cilët Bashkia e Tiranës s’e ka vënë ujin në zjarr gjatë gjithë kohës normale, për të marrë çdo masë paraprake. Për situatën e krijuar sot, fajtor mund dhe është plani i pastudiuar i Bashkisë së Tiranës, për të përligjur ndërtime të pa-kritera në çdo hapësirë të kryeqytetit. Është kjo politikë e mbrapshtë e kryebashkiakut Edi Rama që solli edhe qorrsokakun e sotëm në të gjitha arteriet kryesore të Tiranës. Kryeqyteti u izolua plotësisht, situata është vërtetë dramatike dhe s’dihet se sa do të prevalojë mbraptësisht në këtë linjë. Qytetarët u bllokuan për orë të tëra në linjat e urbanëve apo edhe në automjetet e tyre private dhe askush s’mbajti përgjegjësi. Strukturat e njësisë vendore të Bashkisë së Tiranës jo vetëm që s’ju përgjigjën apelit të qytetarëve për ndihmë, por përkundrazi i injoruan ato duke faturuar përgjegjësitë që u takojnë atyre realisht sipas ligjit, tek ministri i Brendshëm dhe Kryeministri. I pafytyri i kryeqytetit shqiptar, Edi Rama, tha paturpësisht se situatën kaotike e shkaktoi Sali Berisha dhe Lulzim Basha. Është e kuptueshme se kryetari i bashkisë kërkon me çdo kusht të dalë i pastër nga e gjithë kjo katrahurë që ai dhe ndjekësit e tij të strukturës 20%-she kanë legjitimuar për disa vjet me radhë. Por ata që e pësojnë janë gjithmonë të urtët e Tiranës, qytetarët, të cilët paguajnë të gjitha detyrimet ndaj bashkisë, por si shërbim marrin bllokimin e trafikut dhe përmbytjet nëpër rrugët dhe rrugicat e qytetit.



Basha: Jemi dëshmitarë të keq-menaxhimit të qytetit dhe trafikut rrugor kaotik

Ministri i Brendshëm Lulzim Basha fajësoi drejtpërdrejt Bashkinë e Tiranës si përgjegjëse për kaosin e djeshëm të trafikut në rrugët e kryeqytetit si dhe përmbytjen e lagjeve të tëra. Duke shprehur indinjatë të thellë për tmerret dhe panikun që përjetuan qytetarët, Basha tha se institucioni vendor i kryeqytetit s’ka siguruar alternativën e trafikut, pas bllokimit disa mujor të qendrës së Tiranës si dhe nisja e punimeve aty pa një plan të mirëfilltë se si do menaxhohej lëvizja e automjeteve. Gjithashtu, Basha fajëson Ramën kur thotë se për vite me radhë ka mbajtur peng projektet për ndërtimin e infrastrukturës së nëndheshme. “Jemi të gjithë dëshmitarë të një kaosi që ka mbërthyer Tiranën, i cili vazhdon edhe në këtë moment që flasim, ndonëse si rezultat i punës së policisë shpresojmë që brenda një kohe jo fort të gjatë trafiku të normalizohet në të gjithë akset kryesore. Jemi dëshmitarë të gjithë këtu në këtë qytet se ky kaos i sotëm është një variant i rënduar i kaosit të përditshëm në Tiranë. Qytetarët e Tiranës kanë kohë që po vuajnë pasojat e keq-menaxhimit të qytetit dhe të trafikut rrugor në qytet. Ky është çmimi që qytetarët e Tiranës paguajnë prej arrogancës, papërgjegjshmërisë dhe paaftësisë së Edi Ramës. Shkaqet e kaosit janë të qarta për këdo. Hapja e punimeve pa siguruar alternativë trafiku, bllokimi i qendrës, mungesa e sinjalistikës, lënia pas dore për vite me radhë e infrastrukturës së nëndheshme, e shumë e shumë të tjera”- u shpreh Basha. Ministri i Brendshëm akuzoi gjithashtu bashkinë e Tiranës dhe kryetarin e saj Edi Rama për përmbytjen e zonave të tëra të qytetit, ndërsa i kërkoi atij të mos shmangë përgjegjësitë nga kjo katastrofë që i shkaktoi kryeqytetit. “Ka patur përmbytje në Tiranë, përmbytje banesash, të cilat mund të krahasohen apo tejkalojnë ato të fillim-vitit në Shkodër. Policia ka patur një mobilizim total. Përveç mobilizimit të 300 deri 350 efektivave të pesë komisariateve të Tiranës, janë mobilizuar 100 forca të ndërhyrjes së shpejtë, 200 forca të njësisë së policisë rrugore dhe 35 forca të njësisë së autostradave, pra afro 700 forca për të menaxhuar situatën. Përpjekja e Ramës për t’ia veshur policisë fajin është shenjë paniku e një të paafti që u ikën përgjegjësive të veta, duke kërkuar fajtorë për një përgjegjësi që është kryekëput e vetja dhe për një faj që është vetëm i tij. I bëj thirrje të rikthehet në detyrë, të mos tallet me qytetarët dhe të mbajë përgjegjësitë që ka me ligj”- deklaroi më tej, ministri i Brendshëm Lulzim Basha. S’ka mëdyshje se përgjegjësia kryesore për katandisjen e kryeqytetit në gjendje të mjerueshme është e vetë Edi Ramës dhe ndjekësve të tij, të cilët realisht s’e kanë mendjen për punë, por për fryrjen e interesave personale si dhe përligjien e shkeljes së ligjit nga mjaft firma ndërtimi, të cilat me ndërtimet e tyre jo vetëm kanë çoroditur sistemin e kanalizimeve por njëherazi rrezikojnë ta kthejnë qytetin e Tiranës në një kënetë. Për këto dhe shumë të tjera, Edi Rama duhet të mbajë përgjegjësi të veçanta sa më parë, ose në të kundërt duhet të gjejë rrugën e duhur, para ditës së gjykimit nga qytetarët.

--


keta nga tirana mir bejne te na tegojne se cbenet ne tirane..
si thoni mo.. ta bejme edvinin dhe kyeminister ?

[Qyfyre]

INFINITY© me vjen mire qe e ke kuptuar qe une dhe e drejta jemi nje lol

Pas shumefishimit vit pas viti, ku shkuan taksat e bashkise?! (mbase ke ndonje pergjigje )

Po a u be kjo si kunderpergjigje meqe tani bashki ka me pak lek? Te pakten keshtu thoshte artikulli qe u soll qe "është një mjet kërcënimi për qeverinë që sipas Ramës pas futjes së dorës në arkën e pushtetit lokal". Pra i bie qe te jene me pak fonde dhe normalisht nuk mund te arrihen te blihen te njejtat gjera si vitin e kaluar.

[shigjeta]

Po a u be kjo si kunderpergjigje meqe tani bashki ka me pak lek? Te pakten keshtu thoshte artikulli qe u soll qe "është një mjet kërcënimi për qeverinë që sipas Ramës pas futjes së dorës në arkën e pushtetit lokal". Pra i bie qe te jene me pak fonde dhe normalisht nuk mund te arrihen te blihen te njejtat gjera si vitin e kaluar.

Nuk ju jane shkurtuar taksat, por nje pjese e taksave te vendorit do shkoj per rimbursimin e kasave, qe eshte nje investim shume i rendesishem dhe afatgjate per vete vendorin ne rradhe te pare dhe qe ndodh vetem nje here. Bashkia ka marr dhe do vazhdoj te marr taksat qe ka vendosur, prandaj nuk ka arsye qe rruget e qytetit te mbeten pa drita, zbukurime apo te permbyten nga ujrat. Kete vit ishte 'vendimi i qeverise' per kasat, po vjet cfare ishte qe u la pa zbukuruar derisa nderhyri qeveria?!

[Brari]

Ja cfar shkruan ne MAPO burri i Belindes, sekretareshes se Edvin Rames.. ne bunker-bashki.. top chanellsi i sigurimit enverist.. sokol balla..



--


Sali Ramë Berisha


Një javë më parë, kolegu Minxhozi shkruante për ngjashmëritë mes dy modeleve Berisha dhe Berluskoni dhe nuk kam si t’i heq asnjë rresht atij artikulli, që me të drejtë përtej ngjashmërive, shikonte edhe koherencë në rënien e ciklit të të dyve. Falë Zotit, deri tani nuk ngjajnë në veset personale, megjithëse kam frikë se kjo e bën Berluskonin më të lezetshëm dhe Berishën më të rrezikshëm; duke i forcuar vese të tjera…
Mirëpo, në Shqipëri nuk mund të krahasohet modeli Berisha me atë Berluskoni, pasi këtu Berluskoni nuk votohet. Votohet Berisha dhe modeli i tij alternativ, Edi Rama. Ndaj ia vlen të analizosh këto dy modele. Jo sepse siç shkruajnë të frustruarit e Asamblesë Socialiste, se i duhet rënë opozitës që i la pa mandat deputeti dhe se qeverisë i bihet më vonë, por sepse, që sistemi demokratik të funksionojë, opozita duhet të ketë një model alternativ, që nuk përfaqësohet fizikisht nga lideri i opozitës dhe as vlerësohet nga simpatitë apo antipatitë e të frustruarve të opozitës ndaj tij.
Falë impenjimit të zyrave respektive të shtypit, mediat japin çdo ditë një koncert politik me dy arie, deklaratë dhe reagim, duke krijuar kështu idenë e rreme të një simfonie harmonioze, aq sa ndonjëherë – madje së fundmi, shpeshherë – ngatërron njerëzit, të cilët nuk arrijnë të dallojnë alternativat nga deklaratat. Prej mëse dy vjetësh, PD-ja arrin të bëjë presionin e duhur dhe të kompleksojë mediat, të cilat shpeshherë bien në grackën e paritetit të tredhur, pa frymë dhe pa fytyrë, gjë që i intereson më shumë qeverisë, e cila në mungesë të makijazhit të duhur për të mbuluar gropat në fytyrën e qeverisjes, i intereson që së paku të ndajë sasinë e baltës dhe të pisllëkut me kundërshtarët politikë.
E, këtu është handikapi i opozitës. Ndonjëherë e obsesuar nga pariteti në praninë në ekran, e fiksuar me presionet në shtim ndaj pronarëve të mediave, ajo kërkon legjitimimin e saj mediatik. Jo se nuk ka të drejtë, dhe as se nuk meriton praninë e barabartë në media, pasi ky është një detyrim moral dhe social i mediave ndaj shoqërisë dhe licencave që ato kanë marrë, por opozita duhet të kuptojë se arsyeja pse ajo nuk duhet të atashohet me makinën mediatike të qeverisë, është ajo e mësipërmja: që njerëzit të fillojnë të kuptojnë diferencën. Opozita duhet të heqë dorë nga letrat pa fund dhe deklaratat pa fytyrë. Ajo duhet të dalë në ekrane VETËM kur mblidhet kuvendi apo komisionet, dhe aty ku është në pushtet – kryesisht në pushtetin vendor – të dalë dhe ofrojë modelin ndërtues. Dhe, këtu, punën ja lehtëson Berisha.
Për shembull, Berisha doli të martën dhe tha sërish që do shembë piramidën. Po atë ditë doli Rama dhe deklaroi ndërtimin e një muzeu.
Të hënën, Rama doli dhe tha se Bashkia do t’i japë dritën jeshile ndërtimit të xhamisë së madhe, ku do të mund të falen dhjetëra mijëra besimtarë, ndërsa qeveria doli dhe tha, se do të bllokonte planin rregullues francez të Tiranës. Pra, do të bllokonte edhe ndërtimin e xhamisë, vetëm se këtë po e mundësonte Edi Rama. Kaq mjafton që të gjithë të kuptojnë, jo se kush po e përdor ndërtimin e xhamisë për qëllime politike, por kush po përdor ndalimin e ndërtimit të saj. Dhe mes këtyre dy përdorimeve, besimtarët myslimanë, preferojnë sigurisht të parin, jo të dytin. Ndaj dalja e mëvonshme e zëdhënësit të Bashkisë pas leximit të fatvës nga Olldashi, ishte e panevojshme. Të gjithë e kuptuan lojën dhe një dash bajrami shkonte në zyrën e kryebashkiakut në shenjë mirënjohjeje të mërkurën. Tani qeverisë, pasi dështoi me Mister Buzëqeshjen të kontrollonte zgjedhjet në Komunitetin Islamik, i duhet të numërojë katundaunin e pandalshëm drejt 15 janarit, kur KRT-ja e bllokuar nga Shoku i Çunit të Babit prej dy vjetësh do të shkrihet, dhe xhamia do të ndërtohet vetëm me firmën e Kryetarit të Bashkisë (Si dhe të ketë më shumë frikë nga raporti i vitit të ardhshëm të DSH për lirinë fetare dhe ndërhyrjet e politikës në punët e saj.).
Pra, edhe këtë javë pati shembuj të qartë se dy modelet, ndahen tek një pikë. Dikush kërkon të prishë, dikush të ndërtojë. Pavarësisht se të dyja palët i përdorin, prishjen dhe ndërtimin, qytetarëve kjo pak u intereson. Këtë duhet të kuptojë opozita dhe ta lërë Berishën të dalë njëzet herë në televizor dhe të shpikë koncerte e festa, nga heqja e vizave e deri tek heqja e kapsllëkut. Të flasë e të bërtasë për fanarin e ri që është ndezur buzë Adriatikut e të mos shfaqet si hije e tij nëpër media. Ta lërën Kapon të flasë e të bërtasë, të shkatërrojë, nga Piramida e deri tek shtëpitë e Dukatit, të bllokojë plane rregulluese e buxhete qytetesh. Përballë mekanizmit të frikës, një model alternativ duhet të ofrojë një model ndërtimi. Përballë kultit mediatik të Berishës, ajo duhet të ofrojë profilin e përulur të kreut te opozitës, që hap krahët për çdo ofertë alternative, që i shërben ndërtimit të një modeli konkurrues. Ai prish, ti ndërton. Dhe në fund ti fiton.
A bën dot?

[*Babygirl*]

Ti Brari je abonuar te gazeta 55 kshtu

Po mire qe Rama e len Tiranen pa drita 2-3 dite dhe eshte be per te notuar ne te.

Po ku eshte Saliu qe e ka len Shqiperin pa drita dhe duke notuar cdo vit e me shume ne te, tash 6 vite Pffffffffffff

[Helikranon]

Brari !

Meqenese ne Shqiperi keshillat jane akoma falas ,tani per tani po te jap vetem nje te

tille,megjithese jam i sigurt qe nuk ke nevoje,por njeriu ka dhe nevoje te hyje edhe ne

nje "kasolle" te varfer. Degjo:

-Qe te mendosh dhe kryesh nje pune te sakte,degjo Salin dhe bej te kunderten.

[SERAFIM DILO]

Brari !

Meqenese ne Shqiperi keshillat jane akoma falas ,tani per tani po te jap vetem nje te

tille,megjithese jam i sigurt qe nuk ke nevoje,por njeriu ka dhe nevoje te hyje edhe ne

nje "kasolle" te varfer. Degjo:

-Qe te mendosh dhe kryesh nje pune te sakte,degjo Salin dhe bej te kunderten.

Hahaaaaaaaaaaaa.
Pse aq e thjeshte eshte!Saliu ben vete te kunderten e asaj qe thote.

[Helikranon]

SERAFIM DILO

Po,edhe ju keni shume te drejte,patriot.

[SERAFIM DILO]

SERAFIM DILO

Po,edhe ju keni shume te drejte,patriot.

Nuk eshte ndonje mundim o zgjuarsi e madhe.....te keshe te drejte mbi ish sekretarin...
Po hajde thuaj!Te presim akoma dhe 20 vjet;qe te pakten ta krahasojme me xhaxhin Enver.

[Brari]

7 kompani të privilegjuara të kryebashkiakut kanë përfituar më shumë se 500 tendera në Bashkinë Tiranë


Monopolet e Edi Ramës


Zbardhen monopolet e Edi Ramës të ngritura në Bashkinë Tiranë, ku plot 7 kompani të favorizuara prej tij kanë marrë më shumë se 500 tendera nga projektet e këtij institucioni. Leje ndërtimi, tendera në projektet e punëve publike apo reklama me shuma marramendëse, janë monopolet me të cilat Rama ndan përfitimet me njerëzit e afërt të tij, të gjithë ndërtues, biznesmenë e deputetë të PS. Kompania e Koço Kokëdhimës, një prej biznesmenëve më të afërt të Ramës, është përfituesja kryesore e tenderave të reklamave si dhe projekteve të ndryshme të Bashkisë. Ndërkohë tek monopoli i tenderave të reklamave, përfitues janë edhe dy apo tre njerëz të tjerë të afërt të kryebashkiakut. Një tjetër monopol i ngritur në Bashkinë Tiranë është ai i punëve publike, përfitues të të cilit janë plot katër kompani që kanë ekskluzivitetin e vetëm për të përfituar tenderat duke përjashtuar automatikisht të drejtën e çdo kompanie tjetër që në rrugë ligjore të marrë pjesë në garë apo ta fitojë atë. Gjithashtu, një monopol, ndoshta edhe më i fuqishmi i Ramës është ai me lejet e ndërtimit ku përfitues janë deputetë të PS dhe ku sekser i të gjitha këtyre aferave është Dritan Avllaj, ortaku i ngushtë i Ramës, i cili për çdo kontratë të nënshkruar fut në xhepin e kryebashkiakut plot 100 mijë euro. Këto janë fakte që kryeministri Berisha zbardhi gjatë interpelancës me deputetin socialist Erion Braçe në seancën e djeshme plenare. Duke hedhur poshtë pretendimet e opozitës Berisha ka theksuar se janë plot 7 kompani që fitojnë çdo tender të kësaj Bashkie dhe të gjitha përfituesit janë njerëzit e kryetarit. "Siç e shihni monopolet në këtë shtet kanë mbetur vetëm në Tiranë, janë monopolet e lejeve të ndërtimit, të cilat dhe vetë Instituti i Konfliktit të Interesit i ka deklaruar të tilla. Janë monopolet e reklamave, të cilat kalojnë nga Koçoja tek Besoja i partisë dhe nga Besoja te Besoja i shtëpisë. Monopoli tjetër janë kompanitë e punëve publike të Bashkisë. I fitojnë që të gjitha kompanitë e kryetarit. Ato janë 4 kompani dhe i fitojnë me 99% të fondit limit. Sa kanë marrë në Bashkinë e Tiranës? Janë gjithsej 7 kompani që fitojnë çdo tender të kësaj Bashkie. Njëra është fusha, tjetra është kunati i Dashit, Koçoja reklamat, Shkreli lejet e ndërtimit. Ç'mbetet për sekserët? Lepuri i sekserit, pra i ka monopol", u shpreh Berisha. Në këtë konteks kreu i qeverisë vlerësoi denoncimet publike të biznesit të ndërtimit në lidhje me 20% e lepurit të Bashkisë. "Tartari e ka treguar veten një djalë trim, sepse ai jua nxori lepurin ju, ai jua futi në bark lepurin. E nxori lepurin nga strofka e jua futi në bark dhe nuk iu del më lepuri nga barku. Ja ku është monopoli, por shkojmë pak tjetërkund", u shpreh Berisha. Gjithashtu kryeministri solli edhe një tjetër agument mbi mënyrën abuzive të veprimit të Bashkisë Tiranë. Sipas tij monopoli është vetëm në Tiranë pasi miku i Ramës, Koçoja ka ekskluzivitetin e reklamave në kryeqytet. "Po mor zotëri ka monopol në Bashkinë e Tiranës, sepse të gjithë reklamat i ka marrë Koçoja, sepse taksat e reklamave qëkur i mori Koçoja në dorëzim nga 360 milionë lekë që ishte, zbriti në 6 milionë lekë. Me të tjerat paguhen veshjet e Brione-it robaqepësi që vjen dy herë në vit për të qepur kostumet e kryetarit tuaj të varfër, i cili do t'iu deklaronte mediave pas fjalës sime, se këpucët me lëkurë gjarpëri i ka sjellë vëllai nga Texas-i, rroftë vëllai", theksoi ai, ndërsa për t'i ardhur në ndihmë të varfërit kryebashkiakut Rama, kreu i qeverisë i bëri thirrje deputetit të PS-së t'i dhurojnë dy kostume nga butiku i tij. "I lutem shumë deputetit që ka 'Firencen' t'i falë dy kostume, ta veshim kryetarin se është i varfër shumë, paçka se lepuri i shet nga 100 milionë euro planet që bën kryetari, të vërtetuara", u shpreh Berisha. Ndërsa dënoi modelin e Bashkisë së Tiranës, kryeministri u ndal në modelin e qeverisë, i cili po vlerësohet edhe nga agjensitë më prestigjioze të ekonomisë ndërkombëtare. "Kjo ekonomi është sot në këmbë, sepse ne nxorëm Shqipërinë nga sistemi i kënetës korruptive ku e kishit zhytur ju. Sepse ne me zero tolerancë ndaj korrupsionit, sa asnjë qeveri tjetër në Europë ia kemi dalë të dyfishojmë të ardhurat nga taksat dhe doganat. Keni mbledhur në vitin 2004, 97 miliardë lekë, kemi mbledhur në vitin 2009, 188 miliardë lekë. Po luftojmë korrupsionin, sepse morëm çmimin e dytë në botë, sepse në atë garë që ti e quan monopol, morën pjesë 56 mijë operatorë. Kjo ekonomi mbahet se ne luftuam korrupsionin, se biznesi regjistrohej për 42 ditë me 4000 euro dhe 2 mijë ryshfet, regjistrohet sot për 30 minuta. Licencat që ju i shisnit, siç i shiste kryetari juaj sot lejet e ndërtimit, 2/3 u zhduken. Shko merrni pak të dhënat e eksporteve, cili vend ka rritje me 60% të eksporteve si ky vend, cili vend mer përsipër të investojë 820 milionë euro në infrastrukturë", u shpreh Berisha.






Në Bashkinë Tiranë kompanitë e Ramës marrin në 4 vite nga 4 tendera dhe vazhdojnë 6 vjet pa i përfunduar ato


8 maji i jep fund aferave të kartelit të ndërtimeve


Zgjedhjet vendore të 8 majit do t'i japin përgjigjen më të mirë dhe goditjen përfundimtare monopoleve që Edi Rama ka krijuar në Bashkinë e Tiranës. Pas debateve maratonë për buxhetin, në orët e para të mëngjesit të së premtes, Kryeministri Berisha iu përgjigj në një interpelancë pyetjeve të ngritura nga deputeti socialist Erion Braçe. Duke rrëzuar pretendimet e deputetit të PS-së mbi monopolizimin e ekonomisë në vend, Berisha ka theksuar se i vetmi monopol që ekziston në vend është ai që kreu i Bashkisë Tiranë ka ngritur në këtë institucion, duke favorizuar me leje ndërtimi vetëm njerëzit pranë tij, e duke diskriminuar për rrjedhojë ndërtuesit e tjerë. Në këtë kontekst, kreu i qeverisë e cilësoi 8 majin, ditën e zgjedhjeve vendore, si ditën e ndaljes së monopolit në Bashkinë e Tiranës. Kreu i qeverisë shprehu bindjen se kjo datë do të jetë dita e fitores. "Ku e kanë hallin këta, e kanë se po vjen 8 maji dita e fitores, 8 maji është dita e Europës. Në Europë fitojmë ne, nuk fitojnë ato, ato janë të shkretë në vokacion. Ka ndërsyer kompanitë e tij në dhjetra ndërtime pa leje që do të bllokohen që nesër, vetëm për t'i vjelë dhe për t'i mjelë. Drama është gracka kur shpirti i mbretit kapet si laraska, zotëria përfaqëson mafien e dështuar, e cila nuk mund të ketë të ardhme në këtë vend. E dëgjuat si u vërsul me tërbimin më të madh kundër një tregu që është sot dy herë më i lirë se sa katër vite më parë, e dëgjuat si u shpreh për përcaktime si fitues tenderash vetëm e vetëm pse i ka dhënë 5 grosh, për të mbajtur këtë fjalë që mbajti sot? E dëgjuat ju si ikën në bisht në shalë se e ka zënë turpi për atë që mbrojti dhe përfaqësoi? Nuk ka patur ndonjëherë në këtë Parlament ditë dhe natë si kjo, ku të vërtetat e mëdha bënë pluhur një përpjekje të organizuar gjithçka në shpifje, trillim dhe mashtrim", tha Kryeministri Berisha. Gjithashtu, kreu i qeverisë dënoi monopolin e lejeve të ndërtimit në Bashkinë e Tiranës, ndërsa theksoi se qeveria nuk do të pranojë që një kompani të marrë në 4 vite katër tendera dhe të vazhdojë 6 vite për t'i përfunduar ato. Duke iu përgjigjur replikave të deputetit Braçe për monopolet, shefi i qeverisë u shpreh se çdo kompani mund të marrë 10 tendera, po të jetë e zonja t'i përfundojnë në afatin e përcaktuar. Ndërsa shtoi se qeveria ka aplikuar rregulla të ndershme për të marrë pjesë në tendera. Kryeministri Berisha u shpreh se firmat që mund të blejnë mjete, shtojnë punëtorët, shtojnë mjetet, mund të fitojnë shumë tendera. Por, shefi i qeverisë u tregua strikt se nuk do të lejohet mbajtja peng e rrugëve, ujësjellësit dhe fondet publike. Kryeministri Berisha theksoi se, deputeti Braçe bëri avokatinë e leprit dhe të hajdutëve të telefonisë. Ndërkohë, ai u shpreh se deputeti Braçe zgjodhi orën 5 të mëngjesit për interpelancë, se e dinte se në dritën e diellit do të dukej më i zi se zifti. "Çfarë bëri këtu? U përpoq të gjykojë proceset më transparente të këtij vendi. Iku në bisht në shalë sepse në 3600 tendera kanë marrë pjesë 56 mijë kompani, iku në bisht në shalë, sepse i djeg rregulli i 70% të mashtruesit, keni vendosur rregullin e 70% të bojkotimit", tha shefi i qeverisë.



--

RD

-