Keshilla per mirqenien shpirterore,intelektualedhe shendetsore te miqve te forumit!

[Colomba]

Për tu bërë ballë sulmeve të dimrit, trupi juaj ka nevojë të mbrohet. në se ju ruani akoma kujtimin e hidhur të një zgjimi me temperaturë, mbërthyer pas shtratit, me termometrin në gojë. Atëhere ndiqni këto 10 porosi me qëllim që të jeni të gatshëm për të përballuar dimrin.



1/ Hani në mënyrë « intelligjente » Për të funksionuar trupi juaj ka nevojë për energji. Për tu kujdesur mbi të ushqyerit tuaj ndiqni këshillat e Matjës, 34 vjeç, i cili është një mjëk i ri. Ai thotë : « Qysh nga shtatzania e bashkeshortes sime, kam vendosur te reflektoj mbi menyrën e saj të të ushqyerit. Kam vendosur të nënvizoj çdo gjë që ajo hante dhe rezultati në fakt të frikson : pasta, pica, ëmbëlsira pra vetëm gatime me miell dhe niseshte ! » Sa për tu kujtuar : një ushqyerje e ndryshme duhet të përmbajë çdo ditë prodhime qumështi, fruta dhe perime, prodhime nga drithërat, mish ose peshk, sheqer në sasira mjaft të pakta, dhe sidomos ujë….Atëhere, merrni stilolapsat !



2/ Flini Kohëzgjatje mesatare e gjumit është midis 7 dhe 8 orë për natë. Nga njëri peson në tjetrin,nevoja për gjumë është e ndryshme, por kur bën një jetë aktive, privimi nga gjumi është i vështirë për tu duruar nga organizmi, çdo ditë dhe sidomos kur kjo gjë zgjat për një periudhë të gjatë. Instituti kombëtar i gjumit dhe vigjilencës (INVS) rekomandon të krijohen disa kushte për të përgatitur një gjumë cilësor: të përshtatësh orare gjumi të rregullt, të zgjohesh sipas ritmit vetjak, të shmangësh (ushqime) nxitëse pas orës 15 dhe darkën ta hash të lehtë, 2 orë para se të biesh për të fjetur. Lodhja mund të jetë gjithashtu një burim stresi, deprersioni ose defekti seksual (42 % e burrave janë të prekur sipas një ankete mjekësore) Atëhere, mos hezitoni për të fjetur !



3/ Merrni plotësues ushqimorë Shpesh, të ushqyerit nuk mjafton për të furrnizuar energjinë e nevojshme në trupin tonë.Vitamina D për shembull sintetizohet në sajë të ekspozimit të trupit në diell, dhe në muajin Nëntor, njeriu ekspozohet shumë pak në diell….Qoftë me pika pse me kokrra, këta plotësues ushqimorë shpesh mund tu bashkëngjiten ilaçeve tradicionale. Tek fëmijët, mjekët pediatër rekomandojnë përdorimin e ampulave të vitaminës D. Stefania, 26 vjeç, është një e re e martuar e ndryshuar prej vjehrrës së saj : « Probiotikët lejojnë rivendosjen normale të florës sonë të zorrëve dmth të mbrojtësve tanë imunitarë. Për çdo marrje antibiotiku flora jonë e zorrëve pakësohet, kështu që nevojitet të rizhvillohet përsëri në sajë të probiotikëve. Pas një kure të mirë në Vjeshtë shmanget marrja e saj gjatë dimrit ! » Kjo kurë gjendet në magazinat e quajtura natyrale ( duke u nisur nga çmimi 20 euro) ose në farmaci që gjenden në disa hipermarkete, nën emërtimin Ekstrakte fare grejnfruti (12,2 euro)



4/ Bëni vaksinat në kohën e duhur E marr me mend se, ashtu si shumica e të rriturve, libreza juaj e shëndetit nuk e ka parë doktorin e lagjes qysh prej shumë vitesh, në mos e paçi humbur fare….Atëhere, pasi të lexoni këtë shkrim, motivohumi dhe gjejeni atë dhe shkoni tek mjeku juaj i familjes me qëllim që ai të shkruajë diçka në të! Dhe në se është e mundur merrni krejt familjen me vete sepse me siguri që do të ketë ndonjë që duhet vaksinuar...



. 5/ Hidhini kartpecetat tuaja të dorës në kosha hermetikë Sa herë që u nevojitet për të shfryrë hundët këtë bëjeni më ndihmën e një facalete dore. Këtë bëjeni edhe kur keni vetëm një pikë në majë të hundës. Pastaj facaletën mund ta hidhni në një kosh plehrash me kapak hermetik. Në të kundërt imagjinoni që mikrobet e padukëshme do të fluturojnë nga facaleta dhe do të përhapen nëpër dhomë....



6/ Lani duart tuaja Pas një shkuarje në tualet, para se të shkoni në kuzhinë, do t’ju duhet të lani duart. Në këtë mënyrë i takon që ti lani duart të paktën 12 herë në ditë : duart do ti fërkoni mirë me sapun, me ujë të ngrohtë. Vetëm për larjen e duarve ekzistojnë rregullore të veçanta, ka gjithashtu video për fëmijët. Qysh prej Gripit H1N1 të dimrit të shkuar, solucionet hidro-alkoolike kanë lulëzuar në të gjitha pakot me facaleta.



7/ Ndërroni të brëndëshmet Lani duart, I fshini ato me një peshqir tualeti të pastër. Duhet pasur kujdes për një higjenë strikte përsa i përket të rrobave që mbahen në shtëpi, sidomos kur një pjestar i familjes është i sëmurë: një peshqir dhe një dorezë tualeti për person, të cilat duhen larë rregullisht. Po ashtu ndërroni çarçafët çdo javë : mikrobet atje ndihen mjaft mirë në të ngrohtë në se askush nuk i shqetëson, ato presin kohën e dimrit për të fillaur aktivitetin e tyre.



8/ Mbulohuni I ftohëti merret nga këmbët, duart, hunda, veshët si dhe çdo pjesë tjetër e trupit….Për tu mbuluar mbani gjithmonë një shall ose një kapuç në kokë. Ju mund të përdorni edhe ndonj gjë që është në modë, mjafton tu mbajë ngrohtë. Po ashtu shmangni zakonin e keq që keni për të kaluar duart e ngrira në ujin e ngrohtë kur jeni duke hyrë në shtëpi ; asgjë nuk është më i keq se ky veprim për të krijuar kokrra gjaku të ngrira, çarje duarsh apo plasje të vogla të venave të gjakut..



9/ Shmangni ngrohjen maksimale Në kundërshtim me atë që mund të mendohet, mbingrohja është një armik : Ajo than ajrin..(mendoni për atë kupën me ujë mbi radiator !) Ajo turbullohet sepse në të zhvillohen mikrobet. Për më tepër , një shmangie temperature me shumë gradë njëherësh, është e vështirë të durohet nga trupi…. Atëhere duhet bërë pak ngrohje : Nëpër dhoma temperatura më e përshtatëshme do të ishte 19 gradë ( mund të mbani një triko ose nje jelek) dhe aspak 26 gradë sikundër tentohet. 10/ Konsultohuni për çdo gjë pa u vonuar…



10/ Megjithë këto këshilla, të cilat i respektuat në letër, ju përsëri keni marrë një rrufë, u janë skuqur bajamet apo ju ka sulmuar një rinofaringit ? Mos i lini pas dore nën pretekstin se : « dimër është, të gjithë janë të sëmurë ». Sëmundja nuk do të largohet vetë, të paktën ju do të kaloni një javë të vështirë dhe ç’është më e keqja ju do të infektoni të gjithë mjedisin që ju rrethon….. Sapo shfaqen shënjat e para të sëmundjes, konsultohuni me mjekun tuaj që ju trajton, dhe ndiqni trajtimin me rreptësi ! Këto këshilla të shkruajtura në letër do t’ju ndihmojnë të kaloni dimrin.

[Colomba]

12 zgjidhje për të ruajtur formën

PËRMBLEDHJE


1) Të bësh një jetë më të shëndetëshme


2) Të respektosh gjendjen ciklike


3) Të kryesh përvoja fizike


4) Të kesh një ushqyerje të ekuilibruar


5) Të mos abuzosh me ilaçet që forcojnë funksionet në organizëm


6) Të organizosh jetën e të gjitha ditëve


7) Të ndërpresësh zakonet e këqia


8) Të shmangësh çrregullimin



9) Të shlodhesh nga koha në kohë


10) Të mirëmbash shkathtësinë e trurit


11) Të jesh i dhënë pas zhvillimit vetjak


12) Të hapesh në shoqëri

Të gjithë njerëzit shpresojnë për të ruajtur formën e cila është sinonim i një rinie të qënrueshme të trupit e të shpirtit. Të ruash formën do të thotë po ashtu të jesh në gjendje të mirë, të ndihesh mirë me veten, të kesh një ekuilibër fiziologjik dhe psikologjik. Për të arritur këtu, duhet të dëgjosh qënien tënde, ti japësh asaj atë që është e dobishme për zhvillimin e saj dhe të heqësh dorë nga ajo që mund ta dëmtojë atë.


Ruajtja e formës kalon përmes disa zgjidhjesh dhe zakonesh që duhen përshtatur në jetën e përditëshme ose në mënyrë të rregullt. Bëhet fjalë për të mësuar të shquash shënjat e alarmit që lëshon trupi dhe për rrjedhojë të veprosh.


Duke mësuar dhe duke respektuar ritmet biologjike të qënies sonë, ne do të kemi një garanci për një gjendje të mirë shëndetsore si dhe për një gjendje fizike të veçantë.


Faqet në vijim synojnë një kuptueshmëri shumë të mirë të metabolizmit tonë dhe na japin këshilla për të na ndihmuar ne që të ruajmë formën.



1) TË BËSH NJË JETË MË TË SHËNDETËSHME


Teprimet e ndryshme në të ushqyer, në marrjen e ilaçeve dhe në aktivitete na lodhin para kohe.


Një jetë e përditëshme dhe e shëndetëshme ndihmon në mënyrë të konsiderueshme për të ruajtur formën. Pra duhen parandaluar goditjet nga lodhja e tepërt duke krijuar çaste pushimi dhe shlodhjeje.


Stimulantët dhe hipnotikët (ilaçet për gjumë) duhen shmangur, sepse këta ilaçe rrezikojnë së fundi të helmojnë trupin tonë.


2) TE RESPEKTOSH GJENDJEN CIKLIKE


Ne duhet të respektojmë gjendjen ciklike të qënjes sonë. Për të ruajtur formën. Është pra e rëndësishme të konformohemi me ritmet e vendosura nga trupi ynë.


Shkencëtarët kanë treguar se vigjilenca e një njeriu luhatet brënda një dite dhe kjo ndërvaret kryekëput nga orët e zakonëshme të gjumit. Kështu del e nevojshme të flemë në mënyrë të mjaftueshme dhe të shmangim orët e vona të darkës.



Ré3) TË BËJMË USHTRIME FIZIKE


Praktika e ushtrimeve sportive kontribuon në mostkurrjen e muskujve dhe në ruajtjen një trupi me kyçe më të përkulshëm, shkurt në mirëmbajtjen e formës.


Shetitjet, noti, vallëzimi, ecja në këmbë ose me biçikletë nuk do të mungojnë të na forcojnë.



4) TË KEMI NJË USHQYERJE TË EKUILIBRUAR


Duhet shmangur ose pakësuar konsumimin e prodhimeve që rrezikojnë të jenë të dëmshëm për shëndetin tonë. Të ushqyerit duhet të jetë i larmishëm dhe i ekuilibruar duke i dhënë përparësi vaktit të mëngjezit.



Duhet bërë kujdes për të gjetur një përmbajtje të kënaqëshme në vitamina, në elementë mineralë, në acide të aminuar dhe sidomos në magnesium.


Për këtë është e nevojshmë të shtojmë racionin e frutave, perimeve dhe të pimë me përparësi ujë.





5) NUK DUHET TË ABUZOJMË ME ILAÇE PËRFORCUES



Ilaçet me famë që luftojnë kundër lodhjes dhe të cilët janë të lejuar për të forcuar funksionet e organeve të organizmit mund ta forcojnë përkohësisht organizmin por nuk duhet abuzuar me ta në se duam të kemi një jetë të shëndetëshme.



Për të ruajtur formën, duhen parashkruar prodhimet dopante, anabolizantët që shtojnë masën muskulore dhe amfetaminët që shërojnë përkohësisht një gjendje dobësie.



Një gjendje abuzive e këtyre ilaçeve pjell efekte shkatërrimtare në trupin e njeriut.



6) TË ORGANIZOSH JETËN PËR TË GJITHA DITËT


Duke përshtatur një organizim të mirë të jetës së përditëshme, duke bërë, për shembull, një listë me punët që duhet të kryesh gjatë ditës arrin të kapësh një ndjenjë pushimi, qetësie, dhe të rinisesh (për çdo veprim) nga një formë e shkëlqyer fizike



Ky administrim i kohës e ruan vlerën me bollëk për detyrat e dobishme dhe nuk lejon humbjen e kohës për aktivitete që janë të padobishme të cilat vetëm sa e shpenzojnë kohën tonë.



7) TË NDALOSH ZAKONET E KËQIA



Bëhet fjalë për tu çliruar nga zakonet dhe veset e këqia që janë të dëmëshme për shëndetin. Duhet gjithashtu të largohemi nga persona negativë të cilët nuk janë për asnjë mbështetje në jetë. Këta nuk janë të aftë të na mbështesin në përpjekjet tona për zhvillim personal dhe për ambicjet tona për të shkuar gjithmonë përpara me qëllim që të ruajmë formën tonë.


8) TË SHMANGËSH ÇRREGULLIMIN



Çrregullimi është një nga burimet e stresit dhe na pengon për të ruajtur formën. Duhet pra të vendosim rregull rrotull nesh, të çlirohemi nga objekltet e panevojshme që zenë shumë vend në mjedisin shtëpiak. Përveç kësaj, psikologët kanë vërejtur që personat të cilët kanë zakon të grumbullojnë gjëra pa vlerë mplaken më shpejt se të tjerët. Ata këmbëngulin të jetojnë simbolikisht me të shkuarën dhe nuk arrijnë të ndjekin ritmin e kohës së tanishme.


9) TË SHLODHESH NGA KOHA NË KOHË



Seancat e shlodhjes të largojnë tensionet nervore dhe të rigjallërojnë plotësisht. Më pas, morali është i rivitalizuar dhe trupi rifiton një dinamizëm të ri. Kushtimi i rregullt i kohës për këta çaste pushimi përmirëson mjaft gjendjen fizike.



10) TË MIRËMBASH SHKATHTËSINË E TRURIT



Për të ruajtur formën është e nevojshme të kujdesesh për të pasur një shpirt vazhdimit të gjallë. Kjo gjendje fitohet nëpërmjet leximit të publikimeve të ndryshme. Nuk duhet pushuar së mësuari sepse jeta na ofron çdo ditë favore të reja në këtë drejtim.


Duke provuar të gjejmë diçka të re, çdo ditë, ne mirëmbajmë trurin në formë mjaft të mirë dhe nisur nga kjo, krejt trupin.



11) TË JEPESH PAS ZHVILLIMIT PERSONAL



Nuk duhet hezituar për të rendur pa pushim drejt zgjerimit të kompetencave dhe për të ecur përpara në planin social dhe profesional. Këto formime na afrojnë me objektivat tanë dhe na lejojnë paraprakisht për ti realizuar ata. Një dozë e mirë motivimi dhe frymëzimi kontribuon në konkretizimin e projekteve të ndryshëm me qëllim që jeta jonë të bëhet mbreslënëse duke na dhuruar çdo ditë një formë fizike të habitëshme.




12) TË HAPESH NË SHOQËRI


Një ekzistencë që u hapet të tjerëve duke bërë pjesë në një klub, në një grup bamirësish, të shmang nga vetmia dhe të lejon të zgjerosh rrethin e miqëve.



Kjo sjell një jetë të mbushur me dashuri, me miqësi dhe me gëzim, me ndjenja të domosdoshme për të mirëmbajtur një formë të shkëlqyer fizike.

PËRFUNDIM


Të ruash formën kërkon një planifikim të organizimit të jetës së përditëshme dhe një mirëmbajtje të vazhdueshme të kushtit fizik si dhe të një ruajtjeje të shëndetit. Për rezultatin që fitohet ja vlen mundimi i bërë. Zakonet e mira fitohen gjatë ditëve në vazhdim. Duke u përshtatur me parashkrimet e rreshtuara në këto faqe mund të arrihet në rindërtimin e formës fizike dhe në ruajtjen e një rinie shumë të gjatë paçka se koha rrjedh pambarimisht.


Duke zbatuar këto këshilla ruhet garancia për të mbetur i shëndetshëm dhe i bukur për një kohë mjaft të gjatë në raport me bashkëmoshatarët tanë të të njëjtit brez. Asnjëherë nuk është shumë vonë për të filluar një kurë rinimi. Vini në jetë këto direktiva të vlefshëme të cilat lejojnë të mirëmbahet trupi dhe shpirti në një formë të tillë e cila do ti habisë të tjerët.

[Colomba]

Disa truke për të stërvitur inteligjencën tuaj !
Të rrisësh inteligjencën ? Jo vetëm që është e mundëshme por edhe e lehtë për tu arritur. Disa praktika mund të rrisin efikasitetin e neuroneve. Ne do të tregojmeë në vijim dhjetë truke për stërvitijen e trurit pa mundim.

Të lexosh çdo ditë



Leximi i rregullt është i shkëlqyer për inteligjencën ! Përse ? Së pari sepse : « Sa më tepër të lexosh aq më tepër stimulohen neuronet dhe aq më tepër krijohen njohje të reja neuronale » shpjegon Erik Pigani, psikoterapeut. Dhe në vazhdim, sepse të lexuarit lejon pasurimin e fjalorit gjë që mundëson mprehjen e aftësisë së të shprehurit ( kjo quhet inteligjenca verbo-linguistike). më qartë, për të shprehur shkëlqyeshëm njohuitë tuaja !



Për të stimuluar inteligjencën verbale : Lexohet çdo ditë sidomos rreth çështjeve që na interesojnë ( për të qenë më respektues) siç është piktura, mjedisi, historia…Në një çast të vogël sekondar dhe për të vënë në veprim njohuritë e arritura, mund të zbavitemi me ushtrime të vegjël nga fjalori : Mësohemi duke hedhur sistematikisht fjalën e parë që na vjen në mendje për të gjetur një tjetër ( xhade për rrugë, stof për pëlhurë, shumicë për turmë…)

Harrojeni GPS! *⁾



Duhet të kemi ndjesinë e orjentimit dhe të dimë të gjejmë pikënisjen pa ndihmën e hartës… Duke stërvitur këtë aftësi perceptimi të hapësirës, përmirësojmë inteligjencën tonë ! Më saktësisht, inteligjencën e quajtur « spaciale ».



Për të stimuluar inteligjencën tonë spaciale: Lemë në sirtar aparatin GPS ! Ai na i bën gati tërë punën dhe i privon neuronet tona për tu nxitur ! Në vijim, konkretisht, « para se të shkojmë nga njëra pikë në tjetrën, mund të konceptojmë një plan për të regjistruar në kujtesën tonë rrugët, pastaj ta sistemojmë dhe të shkojmë në të me guxim. Duhet të mësojmë për të gjetur pika referimi (skulptura…). « Të kapesh pas një elementi lejon të rigjesh gjithçka tjetër », shpjegon Dr. Beatrice Millètre, psikologe dhe specialiste e terapisë konjitive.

*⁾ aparat që mat koordinatat gjeo-satelitore në një pikë çfardo

Të nxitësh kujtesën për të punuar



Sa më shumë zhvillojmë kujtesën aq më tepër përmirësojmë aftësitë intelektuale ! Përse ? « Sepse kujtesa vë në lëvizje të gjithë funksionet kryesore mendore, dhe mirëmban mirëfunksionimin e trurit. Ushtrime të të mbajturit mend bëjnë përgjithësisht pjesë tek bateritë e testeve të inteligjencës » thekson Erik Pigani, psikoterapeut.



Për të stimuluar kujtesën tuaj : « Punoni sipas gjendjes në të cilën ndodheni në vend që të organizoni lojra që nxisin kujtesën », rekomandon Dr. Betarice Millètre, psikologe dhe specialiste e terapisë konjitive. « Më qartë, duhet rikaluar në kujtesë gjithçka që keni bërë gjatë ditës dhe këtë ta bëni për një interval kohor çdo çerek ore. E rëndësishme është ti kushtoni vëmendje gjithçkaje që na rrethon. Vëmendja pamore dhe dëgjimore është etapa e parë e regjistrimit në kujtesë » Të tjera ushtrime : të mbash përmenësh listën e garave sportive në vend që ta shënosh në një bllok, të kujtohesh për të gjithë emrat e personave që ke ndeshur gjatë një dite...

Të kultivojmë ndjenjën e kritikës



Të ruajmë ose të zhvillojmë frymën e kritikës, aftësinë tonë për të reflektuar dhe për tu tërhequr kur gabojmë, përmirëson inteligjencën », shpjegon Dr. Beatrice Millètre, psikologe dhe specialiste e terapisë konjitive. Kjo kërkon aftësi arësyetimi, pra qelizat gri!



Për të nxitur frymën kritike dhe aftësitë e arësyetimit : Është e thjeshtë, mjafton të mos kënaqemi më me : « Në se e ka thënë televizori atëhere është e vërtetë ». Duhet pyetur sidoqoftë : « Prej nga vjen ky informacion ? Këta fondacione a janë të besueshme ? » Më qartë, nuk duhet të përzgjedhim me lehtësi çdo gjë që na thuhet si e vërtetë ; duhet të kërkojmë shpjegime për të kuptuar përse-në dhe si-në ?

Të jemi gjithnjë kuriozë



Të qënit kurioz përbën një nga motorrët e inteligjencës ! Pikërisht duke vëzhguar, duke lexuar, duke bërë pyetje, ne nxisim trurin për të zhvilluar aftësinë tonë për të zgjidhur problemet, të përpunojmë strategji, të gjejmë zgjidhje dhe ti ballafaqojmë ato me të tjera ! « të jesh i interesuar dhe të kesh një mendje të hapur nxit mjaft aftësitë intelektuale se sa të kërkosh të jesh vazhdimisht i pranishëm në një fushë të vetme duke mësuar çdo gjë përmendësh », shpjegon Dr.Béatrice Millêtre, psykologe dhe specialiste e terapisë konjitive. Për të qenë kurioz dhe për të nxitur aftësitë intelektuale: Konkretisht në se interesohesh për histori, duhet lexuar libra, duhet vizituar kështjella, duhet dëgjuar emisione kulturore mbi këtë çështje... « Ky është një angazhim i thelluar i cili krijon zinxhirë neuronalë të qëndrueshëm », thekson Erik Pigani, psikoterapeut.

Të flesh 6-10 orë për çdo natë



Gjumi është një elemënt mjaft i rëndësishëm për të optimizuar efikasitetin e neuroneve tona ! Dhe kjo për dy arësye. Një, “Kur njeriu flë, përsëritet dita e shkuar, theksohet kështu gjurma mnesike e gjithçkaje që kemi bërë” shpjegon Dr Béatrice Millêtre, psikologe dhe specialiste e terapisë konjitive. Shkurt, ndërmjet të tjerave, punohet me kujtesën. Dy, “kur flihet mjaftueshëm kemi më tepër lehtësi për ta vënë trurin në punë". kërkues amerikanë kanë demonstruar përveç tjerash në shkurtin e kaluar rolin e gjumit të shkurtër në mesditë në përmirësimin e aftësive neuroconjitive.



Për të fjetur mirë : Duhet të respektojmë gjumin tonë, dmth nuk duhet ta shtyjmë orën e gjumit në se ndihemi të lodhur, të biem për të fjetur dhe të ngrihemi nga shtrati në orare të rregullt, të shmangim vaktet e ngrënies me bollëk dhe ushqimet nxitës (kafe, sodë...) në darkë, dhe të njohim nevojat për gjumë ( moshë e rritur : nga 6 në 10 orë).

Të zgjidhim fjalëkryqe dhe sudoku



Problemet e matematikës nuk kanë qenë asnjëherë pika jote e fortë ? Mos t’ju zerë paniku! Truri juaj nuk është më pak pjesmarrës! « Inteligjenca logjike punon. Në se nuk je i pajisur me këtë inteligjencë, nuk do të thotë se të mungon, por nuk e ke vënë në punë sa duhet » shpjegon Dr Béatrice Millêtre, psikologe dhe specialiste e terapisë konjitive. « Çdo gjë është thjesht çështje stërvitore »



Për të nxitur logjikën vetjake: "bëhen 1, 2, 10, 50 sudoku ose fjalë kryqe dhe ndërsa fillon ti përsëritësh, logjika fillon të depërtojë", këshillon specialisti. Po ashtu edhe lojrat me strategji janë gjithashtu teknika të mira për të stërvitur logjikën ! Përsa u përket llogaritjeve përmendësh " ky veprim mund të mirëmbajë inteligjencën logjike të një personi i cili e ka zhvilluar mirë atë. Për të tjerët ai nuk mjafton ".

Të kultivojmë mardhëniet shoqërore



Familje, miq.... "të mirëmbash lidhjet shoqërore do të thotë të stërvitësh inteligjencën", shpjegon Erik Pigani, psikoterapeut. "Kjo është e domosdoshme për një funksionim të mirë të trurit dhe zhvillimin e inteligjencës sociale." Zhvillohen kështu aftësitë e përshtatjes në funksion të individëve, por krijohet në këtë mënyrë një rrjet i cili siguron dhe lejon inteligjencën të zhvillohet. Mungesa e reperëve dhe e besimit është vdekjeprurëse për aktivitetin neuronal.



Për të stimuluar inteligjencën shoqërore : "Duhet vepruar me mend dhe jo me egoizëm. Duhet të jemi të vëmendshëm karshi të tjerëve, të përpiqemi të kuptojmë se përse ata veprojne në këtë apo atë mënyrë para se të paraqesin një mendim vetjak", këshillon Dr Béatrice Millêtre, psikologe dhe specialiste e terapisë konjitive.

Të dëgjojmë intuitën tonë



Të kemi besim tek vetja është esenciale për zhvillimin e inteligjencës. Përse ? Sepse kjo gjë merr pjesë në forcimin e aftësisë për të qenë në dëgjim të vazhdueshëm të emocioneve tona, të instinktit tonë, të njohurive tona intuitive. Kjo aftësi (mjaft e rrallë sepse është pak e stërvitur) korrespondon me inteligjencën e quajtur "intuitive", "ndërpersonale" ose akoma "emocionale". Ajo lejon të bëjmë zgjedhje të shpejta, të marrim vendime pa qenë të detyruar ti kalojmë një herë nëpërmjet refleksionit. Për të nxitur inteligjencën tonë intuitive: " Lojrat televizive janë një ushtrim mjaft i mirë për të mësuar se si besohet në aftësitë tona intelektuale. shpjegon Dr Béatrice Millêtre, psikologe dhe specialiste e terapisë konjitive.. Ato kërkojnë për më tepër përgjigje të shpejta...

Ti japim pushime të shpeshta trurit !



Për të përmirësuar aftësitë tona intelektuale, më mirë vlen të mos e ngarkojmë së tepërmi dhe në mënyrë të padobishme trurin tonë ! Për të qenë më të qartë rreth kësaj pike, është e rëndësishme të nëvizojmë çastet e mbingarkesave mendore me qëllim që të bëjmë menaxhimin e saj. " Zakonisht nuk jemi në gjendje të themi saktësisht se në çfarë pike truri ynë ka nevojë për të pushuar, në sa minuta pushim ai mund të rikthehet në gjendje burimore për ti rivendosur idetë në vendet e tyre, për të reflektuar në gjendje të lirë, për tu endur andej-ketej, shpjegon kështu Erik Pigani, psikoterapeut. Për të zbrazur trurin: Ka shumë teknika për të mësuar boshatisjen ! Mund të bëhet një përçapje 20 minutëshe duke u përqëndruar rreth frymëmarrjes sonë, të ngadalësojmë lëvizjet tona në maksimumin e mundshëm, të përqëndrohemi në vendin e qëndrimit dhe lëvizjet tona, të shkruajmë pa reflektuar gjithçka që na shkon ndër mendje ose akoma ...të meditojmë !

Ushqime që të bëjnë intelligjent



Për të qënë në krye të cilësive intelektuale, duhet të ushqejmë mirë trurin tonë. Konkretisht, për këtë qëllim zgjedhen ushqimet e mëposhtëme :



- Peshk (sidomos salmon, ton ose akoma sardele) të pasur në omega 3, në yndyrna të mira që mbrojnë qelizat trunore dhe lehtësojnë transmetimin e informacioneve ndërmjet neuroneve.



- Fruta dhe perime sepse ato përmbajnë antioksidantë të cilët kufizojnë mplakjen neuronale.



- Fruta me zhguall të fortë ( bajamet, lajthitë, arrët, kikirikët) të pasur në proteina dhe në vitamina E që favorizojnë funksionin e trurit.



- Prodhime niseshteje dhe bukë komplet, sepse janë burime të rëndësishme glukoze, karburanti esencial për trurin ( ai konsumon prej tij 120 gr. në ditë).



- Prodhime të papërpunuara, vezë dhe mëlçi të cilat shquhen për përmbajtjen e vitaminës B. Ato luajnë një rol në sintezën e neurotransmetorëve dhe transmetimin e influksit nervor.

Lojra video për stërvitjen e trurit : A janë efikase ?



Stërvitje speciale e trurit QI, kujtesë speciale... Shumë lojra video mburren se mund të stërvisin inteligjencën. A duhet tu besojmë ? "Është e vërtetë se ato mund të zhvillojnë një farë forme logjike, por kjo është më tepër përshtatje se sa inteligjencë", përgjigjet Dr Béatrice Millêtre, psikologe dhe specialiste e terapisë konjitive. Këshilla e saj: "Mund të jetë me interes ti përdorëshpor është akoma më interesante të stërvisim aftësitë tona intelektuale çdo ditë në mënyrë natyrale, në vend të mënyrave artificiale." Sipas studimit të Prof. Alen Ljëri, specialist në psikologjinë konjitive, metoda e famëshme e ripërtëritjes celebrale e prof. Kaëashima-s nuk do të kishte asnjë efekt pozitiv të shquar në drejtim të aftësive të arësyetimit ose të kujtesës (studim i realizuar me fëmijë dhe i botuar në dhjetor 2008).

Një QI e lartë a mund të jetë një provë inteligjence ?



"QI-ja nuk është as një masë cilësore inteligjence dhe as një raport « performance » e trurit tonë", shpjegon Erik Pigani, psikoterapeut. Pikërisht sepse "ajo nuk mund të përgjigjet për të gjitha inteligjencat tona, as për të gjitha aftësitë tona. Përveç të tjerave, inteligjenca është një çështje stërvitjeje, dhe në se ne bëjmë testin e QI dhjetë herë rresht, të nesërmen gdhihemi të shurdhër", shpjegon Dr Béatrice Millêtre, psikologe dhe specialiste e terapisë konjitive. Për tu shënuar: Testi i parë i QI u zhvillua më 1905 nga psikologu francez Alfref Binet.

Çfarë është inteligjenca ?



Edhe sot në 2010, inyteligjenca ngelet një nocion shumë i vështirë për tu përkufizuar. Filozofë, psikologë dhe neurobiologjistë janbë vërtitur rreth tij, qysh prej shumë vitesh, dhe nuk kanë arritur në një përkufizim përfundimtar universal. Për Çarl Spirmën (1860-1945), psikolog anglez, inteligjenca është e përgjithëshme. Seicili është i pajisur pak a shumë me të, sipas përmbajtjeve. Për Rejmond Katel (1905-1998), ajo është « e lëngëshme » ( aftësia për refleksion, për përshtatje, dhe për të mësuar) ose “ e ngurtë” (Njohuri, përvojë, aftësi për të regjistruar në kujtesë). Për Robert Stemberg ( lindur më 1949), psikolog amerikan, ajo është analitike ( e matur prej QI), krijuese ose praktike. Për Houard Gadnë ( lindur më 1943), inteligjenca merr 8 forma: verbale, logjiko-matematike, spaciale, kinestezike ( nga trupi), ndërvetjake, muzikale, natyraliste.

Burimet e literaturës së përdorur:
- Boostez votre intelligence, Erik Pigani, ed. Solar, 2008 - Un cerveau tonique pour la vie, Sélection du Reader's Digest, 2009 - Stimulez votre cerveau, James harrison et Mike Hobbs, Hachette Pratique, 2010 - Petit guide à l'usage des gens intelligents qui ne se trouvent pas très doués, Dr Béatrice Millêtre, Payot, 2007.

[USA NR1]

faleminderit Colomba

[fegi]

mbase 27 vjeteve dhurata ?

[Colomba]

DISA KESHILLA PER TE MUNDUR PERFUNDIMISHT STRESIN!

1) Të dish të vlerësosh veten;

2) Të kesh mendime pozitive dhe vetbesim;

3) Të mos vetëfajsohesh;

4) Ti kapërcesh pengesat e brëndëshme;

5) Të vetizolohesh herë pas here ;

6) Të dish të përqëndrohesh ;

7) Të largosh tensionin e brëndshëm ;

8) Të shkëputesh nga sensi i madh i detyrës ;

9) Të bësh sport ;

10) Të luftosh kundër çrregullimeve të gjumit ;

11) Të kesh një ushqyerje të shëndetëshme ;

12) Tu japësh hapësirë ndryshimeve të rëndësishme në mënyrën e të jetuarit ;

13) Të privilegjosh mjekësinë nëpërmjet bimëve;

14) Të marrësh kënaqësi nga jeta.

-----

Shoqëria modernizohet nga dita në ditë dhe teknologjia nuk ndalet së ecuri përpara.Kjo ecuri e shpejtë na sjell, sigurisht shumë përparësi nga të cilat ne përfitojmë çdo ditë, por na vë detyrë gjithashtu të shpejtojmë më shpesh dhe në mënyrë të paparashikueshme ritmin e jetës sonë.Ne iu jemi nënështruar shumë kërkesave dhe nevojave. Zhvillimi i mjeteve të udhëtimit na bën të ndërgjegjësohemi për ngjarje të ndryshme që trondisin bptën dhe shoqërinë.

E gjithë kjo bën që të shtohen makthet tona, ankthi ynë dhe nuk kemi aq kohë sa ta rregullojmë gjendjen tonë. Konstatimi është bërë që sistemi bashkëkohor na imponon një rënie që shkon në drejtim të kundërt të natyrës dhe kjo është pikërisht burimi i stresit.

kështu pra, ta zotërosh dhe ta administrosh këtë dobësi të brëndëshme kjo përbën një përpjekje fisnike të vërtetë

Ja pra këshillat që kemi synuar tu japim për të zoteruar stressin.



1) Të dish të vlerësosh veten;

ussir Éditions

Është fjala për të pasur një vizion të ri mbi veten dhe mbi mjedisin rrethues. Kjo i jep zemër punës së nisur dhe vlerëson atë që po ndërmerr. Duke pranuar atë që je në fakt, nuk ke përse harxhon në mënyrë të padobishme energji duke dashur të tregohesh ndryshe.

Kështu ndihesh krejt mirë dhe e kursen veten karshi stressit të përditshëm.



2) Të kesh mendime pozitive dhe vetbesim;

Mos u vono jashtë mase duke menduar mbi vështirësitë e ekzistencës. Një besim i plotë për një të ardhme më të mirë lejon të kalosh të gjitha pengesat, të përballesh me problemet në një mënyrë racionale dhe të ngjisësh të përpjetën e jetës. Duhet mposhtur ndjenja e frikës dhe të mos bluash mendime negative. Kjo metode jep mundësinë për të larguar stressin.



3) Të mos vetëfajsohesh;

Një ndjenjë e vetëfajsimit nuk mungon të pjellë stresse. Duke u nisur prej këtij momenti, duhet ndryshuar vështrimi që ke mbi veten tënde dhe të mos vetëdiskreditohesh më.

Kjo shpie në një vlerësim më të mirë të vetes, të bën të rifitosh besimin tek vetja, gjë që lejon, në vijim, të mendosh dhe të veprosh në një mënyrë më të përmbledhur dhe më konstruktive.



4) Ti kapërcesh pengesat e brëndëshme;

Shumica e pengesave janë tek ne vetë. Duhet bërë një autokritikë për ti përcaktuar ato me qëllim që ti çlirojmë nga vetja jonë. këto kundërshti që gjenden brënda nesh, kufizojnë në mënyrë të konsiderueshme veprimet që ne ndërmarrim dhe na pengojne shumë në arritjen e objektivave tanë. Në vijim ne do të kemi zbulime të paparshikueshme mbi kapacitetin vetjak dhe mbi forcën e brëndëshme të burimeve që ne kemi.

ssir Éditions

5) Të vetizolohesh herë pas here ;

Momentet e izolimit do të shërbejnë për të vendosur pikat mbi « i » pra për të vënë në vend gjërat dhe për të na ndarë ne nga bota e jashtëme. Këta çaste meditimi dhe përqëndrimi të thellë do të na mësojnë ne të drejtojmë emocionet tona pa qenë nevoja ti ndrydhim ato.

Kjo metodë është mjaft efikase për të larguar dhe drejtuar stressin. Pas seancave të tilla ne do të rigjendemi të shtendosur dhe do të provojmë një ndjesi të madhe mirqënieje.



6) Të dish të përqëndrohesh ;

Mungesa e përqëndrimit përbën gjithashtu një nga burimet e stressit për arësye se mospërqëndrimi ndrydh në mënyrë të kosiderueshme përpjekjet tona në një punë të marrë përsipër. Bëhet fjalë për të rigjetur një ekuilibër psikologjik për të arritur të rigrupojmë të gjitha energjitë tona dhe të inkurajojmë kështu vullnetin tonë të sipërmarrjes e të krijimtarisë.





7) Të largosh tensionin e brëndshëm ;

Duke frenuar impulset tona dhe duke mos guxuar të shprehim hapur atë që mendojmë ne do të ndjejmë një zemërim të përhershëm të shoqëruar me ndjenjën e padrejtësive që na bëhen. Është pra e rëndësishme të themi hapur se çfarë mendojmë me qëllim që ti japim fund tensioneve të brëndëshme që bëhen shkak përgjithësisht për burime stressi.



8) Të shkëputesh nga sensi i madh i detyrës ;



Një ndjenjë e detyrës e zmadhuar deri në ekstrem bëhet mjaft shtërnguese duke na ekspozuar ndaj presioneve të cilët shpesh janë të padurueshëm.



Duhet pra nga koha në kohë të çlirohemi nga disa detyrime mjaft shtypëse, të kërkojmë se çfarë na sjell kënaqësi dhe jo ti ankohemi gjithë botës.



9) Të bësh sport ;



Sporti është një mënyrë e shkëlqyer për të shkundur stressin. Të ushtrohesh rregullisht është një mjet shumë i rekomanduar sepse ai na bën më pak të ndjeshëm nga dridhjet e stressit të jetës së të gjitha ditëve. Megjithatë që metoda të jetë e efektëshme dhe që ajo të na japë të mirat e pritura, është e nevojshme ta praktikojmë shpesh atë.



10) Të luftosh kundër çrregullimeve të gjumit ;

Mungesa e gjumit përbën një nga faktorët që pjellin stressin dhe shqetësimet gjatë gjumit. Në fakt duhet ta respektojmë organizmin tonë dhe ti përshtatemi ritmit të tij natyror. Një mosbindje ndaj rregullave të natyrës shpie padyshim në mosfunksionimin e rregullt të kapaciteteve tona fizike dhe mendore.



11) Të kesh një ushqyerje të shëndetëshme ;

Mënyra e të ushqyerit luan një rol të madh në shëndetin tonë. Një ushqyerje e shëndetëshme dhe e ekuilibruar ndihmon për ta rimarrë veten shpejt pas një lodhje ose pas një fillim stressi dhe përmirëson ndjeshmërisht kushtin tonë fizik dhe të ndjerit mirë në mënyrë të përditëshme.

Kështu, për tu nisur me këmbë të mbarë, këshillohet ti jepet një rëndësi e veçantë vaktit të mëngjezit i cili duhet të jetë një vakt i vërtetë që na lejon të përballemi qetësisht me ditën që sapo ka filluar.



12) Tu japësh hapësirë ndryshimeve të rëndësishme në mënyrën e të jetuarit ;

Trupi ynë dhe truri ynë nuk mund ti përshtaten ndryshimeve shumë të shpejta të transformimit të jetës ose të ngjarjeve të rëndësishme. Për këtë shkak ata mund të shfaqin një grumbullim stressi. Është e nevojshme të vëzhgohet një moment pushimi ndërmjet rrethanave të ndryshme me qëllim që stressi të ketë kohë për tu përthithur.



13) Të privilegjosh mjekësinë nëpërmjet bimëve;



Disa bimë janë mjaft të njohura përvetitë shëruese të stressit. Në përgjithësi ato nuk shfaqin asnjë efekt anësor, sikundër ndodh me ilaçet e tjerë farmaceutikë.

Megjithatë është e arësyeshme të këshilloheni me një specialist me qëllim që të përdorni ato bimë të cilat i përshtaten metabolizmit tonë. Nga ana tjetër një banjë e mirë me vajra esencialë jep rezultate spektakolare në luftën kundër stressit.



14) Të marrësh kënaqësi nga jeta.

Nga koha në kohë duhet ti jepni çaste të këndëshme vetes suaj, të bëni atë që ju pëlqen. Çastet e shlodhjes nuk duhen shmangur sepse ata shërbejnë për të na rifreskuar energjite dhe për të na çelur burime të rinj energjie.



PËRFUNDIM

Çdokush mund të arrijë të ndryshojë jetën e vet duke respektuar mjetet që të çlirojnë nga stressi. Duke ndjekur metodikisht këshillat të radhitura në këto faqe, mundet të zotërohet plotësisht kjo sëmundje moderne dhe vështirësitë e kapërcyera nuk do të jenë veçse një valë kujtimesh nga e kaluara. Drejtimet e dhënë do t’ju sjellin jo vetëm një lehtësim të dukshëm, por me kalimin e kohës, personaliteti juaj do të gjendet në një formë krejt të lulëzuar.

Një zbatim metodik lejon të kontrollohet stressi për një afat të gjatë dhe të shpëtoni përfundimisht nga kjo e keqe e cila të gërryen përbrenda në këtë fillim të shekullit të 21-të.



Faleminderit për leximin tuaj.

[broken_smile]

DISA KESHILLA PER TE MUNDUR PERFUNDIMISHT STRESIN!

1) Të dish të vlerësosh veten;

2) Të kesh mendime pozitive dhe vetbesim;

3) Të mos vetëfajsohesh;

4) Ti kapërcesh pengesat e brëndëshme;

5) Të vetizolohesh herë pas here ;

6) Të dish të përqëndrohesh ;

7) Të largosh tensionin e brëndshëm ;

8) Të shkëputesh nga sensi i madh i detyrës ;

9) Të bësh sport ;

10) Të luftosh kundër çrregullimeve të gjumit ;

11) Të kesh një ushqyerje të shëndetëshme ;

12) Tu japësh hapësirë ndryshimeve të rëndësishme në mënyrën e të jetuarit ;

13) Të privilegjosh mjekësinë nëpërmjet bimëve;

14) Të marrësh kënaqësi nga jeta.

Tek kjo liste do vecoja piken 9 dhe 11: menyra e te ushqyerit dhe sporti jane kryesore.

Keshilla te vlefshme Colomba

[Colomba]

Tek kjo liste do vecoja piken 9 dhe 11: menyra e te ushqyerit dhe sporti jane kryesore.

Keshilla te vlefshme Colomba

Faleminderit Broken _smile; uroj te te bejne happy smile keshillat e mia,qe dua ta precizoj nuk jane te miat,une thjesht i kam perkethyer e pershtatur ne shqip.jane marre nga Réussir Éditions.http://www.reussir-editions.fr/

[broken_smile]

Faleminderit Broken _smile; uroj te te bejne happy smile keshillat e mia,qe dua ta precizoj nuk jane te miat,une thjesht i kam perkethyer e pershtatur ne shqip.jane marre nga Réussir Éditions.http://www.reussir-editions.fr/

Flm Colomba Ska problem qe nuk jane te tuat, jane gjera te thene e te sterthena por qe gjithmone ia vlen te rikujtohen.